خلقت للدنيا وانا مامعي شي ،
وبروح منها مامعي شي منها خلوني استانس بها دامني حي ، وان مت ؟ مدري جثتي من دفنها مدري منهي له ،، |
^
^ ^ ذي لمبارك بن فايز البخيت المحمدي السبيعي من سكان رنية :) ,, الحر يندى جبينه غصب بحروره واللاش لوتسلب اخته مايظفرها مصيبة الادمي لا بانت العورة والا البهيمة مخليةٍ معاورها لـ ممدوح المرزوقي البقمي |
^
^ معصي :( ذي اسمها قصيدة الكـــل ! : : : أول ماسمعناها ونشرت فالمختلف قبل خمس طعش سنه مذيله باسم ابن جدلان هاثم جاك الشرهان في الخيمه الشعبيه ونسبها لشاعر من هل الحوطه لم يذكر اسمه ويوم اخذنا وقــــت ويعرس مدغم ابوشيبه ويلتمون عنده الشعار وبينهم ابن جدلان ويقوم مقدم الحفل بعد ما القى الاكلبي كم قصيده ويوجه له سوال بخصوص القصيده ، وينفي ابن جدلان حالاً ، مع ذكر اسم راعيها اللي هو يقوله ( مفرّج بن مفرّح السبيعي ) وهو ماجودٍ في الحفل معنا ويكمل الباقي <- والكلام لبن جدلان ,,, ويجيك السبيعي ويهذبها وليا انها حول خمس ابيات : خلقت فالدنيا وانا مامعي شئ // وباروح منها مامعي شئ منها خلوني استانس بها حدني حي // لامت مدري جثتي من دفنها وإن عشت عمر الآدمي تسنه الفي // وكم خزنةٍ يلهد بها من خزنها شوي ندله .. واربه ايام وشوي // ندفع لسجتنا القليله ثمنها والرابح اللي لا انطوت صفحته طي // في طاعة الله رحمة الله ضمنها .. واذكر فيه موضوع هنا في صحافة المرقاب حول الموضوع هذا وينص على انها للسبيعي مفرج ، والعلمو عند الله ،،، سلام’ عليكم |
^
^ معصي هذي لمبارك بن فايز بن بخيت يارجال وهو رجال اسمر من اهل رنية اعرفه زين ومفرح المشعبي السبيعي من اهل بيشة ونسبت له وانكرها ونسبت لمحمد بن راشد ال مكتوم وهي لمبارك نافداك ودوك غالب انشده ولاعليك لامن بن جدلان والا غيره والله اني متأكد انها لمبارك مثل ماني متاكد انك عبدربه :) |
اقتباس:
اشهد بالله انك ماكذبت يالاجودي والرجال ساكن في بحره المجاهدين والقصيده اكثر من عشره ابيات اسمع الكلام ياعبدربه:) |
^
^ لبا والله هالخشم :) |
يابوصامل انت وابن شفلوت لبا نخره :)
أنا والله مدري من هي له بالضبط ، ولذلك قلت الكم قصيدة (( الكل )) يعني القصيده ضائعه الى حد الآآن ، ومبارك بسلامته والله ماسمعته الا منكم ’’ لكن سلموا علاه وخلوه يجيب اثبات ونبا نطالب له في وزارة الاعلام ونستخرج له شهاده اثبات ملكيه !!! <- اهب اهب اهب هالاهنتوا :) |
وين مبارك ٍ ذا
ما ظهر الا ذا الزمان ؟؟ عقب ماراحت القصيده وعرفوها خلق الله كلهم انها للسبيعي ما عليك من مبارك يا ناصر ولا انت يابن شفلوت هذا توه يظهر وجهه اتركوووه |
لاهنت يامبارك على الموضوع
تكفا .. تراها كلمـةٍ تقطـم الحيـل لا بالله الا تنسـف الحيـل نسـفـا تكفا .. ماهـي لمعقبيـن الفناجيـل تكفا لصلف وعـادة القـرم صلفـا تكفا .. ترى تكفا لها هـدرة السيـل في صدر حرًّ .. ينتف الطيـب نتفـا تكفا .. ترى تكفا لها تسرج الخيـل إن كان لك باالخيل سرج ٍ و عسفـا تكفـا .. تبيّـن كـلّ لاشٍ وحليـل تسمع لهـا بالصـدر هبـدٍ ورجفـا تكفـا .. وتكفـا ماتسـاق لمهابيـل تكفا .. تخلـي القـرم لاشٍ وهطفـا تكفا .. تجنّبني هـل القـال والقيـل مانيب من ينكـف علـى كـل ملفـا تكفا .. تراني من قـروم ٍ مشاكيـل حمّاية الساقـه .. بسيـفٍ وشلفـا تكفا .. ترى تكفـا تـذّل الرياجيـل ولولا صروف الوقت ماقلت .. تكفـا لـ محمد الدحيمي |
يامبارك وياعبدربه ماهوب معنى انكم ماتعرفون الرجال ان القصيدة ماهيب له وهو سبيعي من اهل رنية وعندما كثر القول حول هالقصيدة نزل السحيمي في النداوي مايلي : قصة هذه القصيدة كان الشاعر مبارك فايز البخيت السبيعي في منطقة بحرة محافظة جدة عام 1395هـ وكان بيته مفتوح لجماعته وجميع من يقصده ، وفي احد الايام سير عليه مسايير من جيرانه وقاموا ينصحونه عند الكرم وكان يسوي لهم القهوة على النار ودق البهار في النجر وهوجس من كلامهم وبدل ما يحط البهار في الدلة حطه في البراد فانتبه لي بعضهم فقال وشبلاك يالبخيت عسى ما شر هل انت هوجست قال نعم . http://www.alnadawi.com/vb/images/up...94e55a51b3.jpg وقد انزله قصايد ان الله راد :) |
هذي احدى قصايد مبارك البخيت يامبارك وياعبدربه
[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]كل ماجيت أزرع الطيب وسوي جميل=الجميله تالي الوقت قلو ناسها الجميله مابقى من عربها إلا القليل=مابقى إلا عالمٍ كاثرٍ وسواسها والجميله ماتناسب مع النذ ل البخيل=لوبغاها ماعرف ذيلها من راسها راح جيل المعرفه وابتدا جيل المديل=وابتلشت بعالمٍ ماعرفت اجناسها تختلف الاجيال ويصير جيلٍ بعد جيل=والاوادم يختلف فعلها واقواسها لوبغيت تعدل الناس شيٍ مستحيل=فرقها بافعالها مايجي بلباسها لاتحط ضعيف النفس بالطرقه زميل=دوّر اللي لاتكبر خطرها داسها والضعيف جنبه مامعه حيله وحيل=رافق اللي قد سبح في البحور وقاسها واشهد ان ضعيف النفس مايصلح عميل=والضعافه عند ناسٍ ضعيف احساسها ما إبغي النفس الضعيفه ولا الرجل الذليل=كل ماجينا نسوي جميله حاسها أفتخر في عاقلٍ مايعيل ولايميل=خطته لامن رسمها يعرف قياسها يحتمل طول المسافات والخط الطويل=لاتعكر جو نفسك يزيل عماسها الحكيم اللي على المعرفه رايه دليل=من رجالٍ بالمواقف قويٍ باسها أشهد ان الظلم والخوف والحال الهزيل=حاجةٍ تثر على النفس في مجلاسها واشهد ان الصبر زين وله وزنٍ ثقيل=مزبنٍ للنفس لامن كِثر هوجاسها ليت بعض الناس حرفٍ نزيله بالمزيل=من حروف تنمسح لا انمسح قرطاسها ماتصير الحنظله مثل شكل الزنجبيل=لو تغير شكلها ماتغير ساسها[/POEM] [POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]صارت الشعار والشعر شي بلاحدود=لو نبي نحصي عددها صعيبٍ عدها كل واحد قال شبري على شبرك يزود=يعتزي ويسل سكينته ويحدها والأوادم كلها بين نقص وبين زود =ذا يقصر في حباله وذاك يمدها والقصيد أنواع يقطف كما قطف الورود=يتعب اللي يعترضها ولاهو قدها أحدٍ لامن قصد قام يرقى في سنود=جاب جمله طيبه والخبيثه لدها وأحدٍ يجيب هرجٍ كما هرج الهنود=مايميز بين بنيانها من هدها والقصيد يميزه مثل ابن ظاهر سعود=إن بغى يبدي بها وإن طلبته ضدها وقفته تعرف ولاأحدٍ يبي فيها شهود= كم رجالٍ لانزل بالملعبه يحتدها خبرته تمتاز بالصادرات من الوروود=والبحور يميز بجزرها من مدها من رجالاً بالمعارك مثل وصف الاسود=من قديم الوقت محدٍ طمع في حدها نفتخر بفعالهم من قديمات الجدود=ربعنا اللي لازم تمدنا ونمدها قوم إبن هذال راس وحنا له عضود=لازم إنا نجتمع والحبال نشدها قلتها ما ابغى وراها جزى وِلاِردود=وأطلبك ياللي سمعت القصيده ودها نشتري ونبيع كاش ولانشري قصود=يوم بعض الناس تتجر بها وتكدها قالو انت (( عبد )) شاعر ولكنك حسود=مر تعطينا القصيده ومر تردها قلت والله ما أحسد الاعلى البنت العنود=أتلمس نهدها وأتوسد خدها والأوادم تنقسم بين بيض وبين سود=ساسها مخلوق من طين وأدم جدها أبتلشت بعالمٍ وصفها وصف القرود=تسرق أرزاق العرب رزقها ماسدها ما أحدٍ ينطح رصاص المدافع بالعمود=والمدافع كيف تقدر يديك تصدها[/POEM] وعانوه ذا دوكم صورته مير اذكروا الله ;) http://www.sobe3.com/temp/meeting/PICT0322.jpg للاستزادة عانوا ذا الرابط http://www.sobe3.com/vb/showthread.php?t=13249 هاذلحين الوجه من الوجه ابيض ياحبّاني :( انتصرنا والناصر الله :092: |
والله ماعاد ادري ،
اف لاكن الموضوع اللي كنت اقوله لكم عانوا ذا رابطه تفاهموا مع الجزيره والصحافه .. http://montada.mergab.com/showthread.php?t=14501 :) |
الله يبيّض وجه سود الليالي \ خلّتني اعرف صاحبي من عدوّي
والله انّي مدري منهوله بس عاجبني :) |
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]واعدتني يازين 3 مرات=وطاف الوعد ومقابلك ماحصلي
دقيقه الموعد ترى10 ساعات=والثانيه تحرق من الدم ملي[/POEM] لـ سعود بن خوصان الثبيتي رحمه الله |
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الله من قلبن همومه تطارد=تقول مفروضن عليه الشقا فرض
احيان تطلع به لكوكب عطارد=واحيان تنزل به ليا سبع الارض[/POEM] لــ فلاح محمد الثبيتي |
لاوالله الاّ زاد همّ التلفوون ** وزايد رصيده ياعرب عن رصيدي
نخيت منهم للمطاليب يوفوون ** حمّاية السااقه عيال المزيدي من لابةٍ وسط البحر مايهاابون ** ذبّاحة الهاموور هو والزبيدي الظاهر انها / لحميد الذيابي |
زعل نافع يوم انه صغير وخلى الغنم وراح العبله
وقال حمدان ... [POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]اظن نافع لقى الخبله=اللي من العام ناسيته جتنا تقصه من العبله=في صابر طويق لاقيته[/POEM] لــ حمدان بن حمد الجميلي رحمه الله |
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يافاطري ماعاد فالبال مقعاد = ماعاد لي في ديرة الحضر قامه
ياللي تبا من عندنا مال واجراد = الله يبلغك الستر والسلامه [/POEM] لـ / جابر بن هليل الثبيتي رحمه الله |
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هيض عليه خيالٍ مع صلاة الصبح منقاد = نوه تغشاك يالصالح ومنه الضلع سالي
وبله من السبك والشعف والملح والبارق ازناد = والسيل دمٍ حمر والمزن محني السلالي[/POEM] لـ / حمود البراق الثبيتي رحمه الله |
والشعر فـ النهايه قول ما هو فعايل=كان ما نقـّصك ، ما وصـّلك للكمال!
لهجة القلب ، ولسان الضلوع النحايل=بس ما يرفع الرجـّال فوق الرجال! كان حتى القصايد تعتبرها جمايل=إختصرها ترى ما عاد تسوى ريال!! لـ رشيد الدهام |
[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
المجلس اللي فيه.. نمه وغيبه=ماجملّه راعيه... لو بخره طيب [/poem] للشاعر .. عبد الله العصيمي .. ابو فايز تقديري ..أبو نايف |
[poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
مستوحش من الغياب وكلّ كلّ البشر=والله ما هو حزن عابر ، ولكن دفييييين![/poem] لـ فهد دوحان |
| جميع الأوقات بتوقيت GMT +3. الساعة الآن 01:04 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية