[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ليت العيون اللي تكسَّـر هدبهـا=ترتاح لامن دمعها هـلّ صافيـه
والنفس ليت الشعر يطفـي لهبهـا=وابدع جزيل القاف واسهر واغنيه
ومشاعري لامن تهيّـج شغبهـا=ليت القلم بعض المكاتيب يخفيـه [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="1,black"]
يقول ءلي أكتبي فيني قصيـده=وابيها فـي مكاتيبـك فريـده
وقلت أبشر على عيني وراسي=أصوغ القاف واكتب لك جديده
حبيبي ونور عيني ونبض قلبي=ولاغيرك ورب البيـت أريـده
نقشت اسمك وعلّقته بْصدري=يريف القلب ويـذوّب جليـده [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الليل يسري والهواجيس تسـري=والصبح قرّب مادخل عيني النـوم
وحتيش لو يطلع علي صبح فجري=ماني على بعض الهواجيس مليوم
يااامَكْثر آآهاتي وياطول صبـري=وياقوووم ياكثر الهواجيس ياقـوم
لوأني أكتب بالبحر جـف حبـري=شعرٍ عليه اسمي موقّع ومختـوم
لاشك أخاف مْن المقابيـل وادري=ماقل دلّ وكايف الشعر محشـوم [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الناس مثل الطيور ومثل فطرتهـا=وكلٍ سعادة حياته لا لقـى طيـره
ناسٍ فطينه ولاتخطـي بنظرتهـا=وناسٍ توهّق..عَوَضْها يالله الخيره [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
خير الهدايا..ابخاطري باقة الـورد=وعليه قطرااات النـدى مستميعـه
وعلى شذاه أسرد..خفى خافقي سرد=جووري ملوّن من جديـد الطبيعـه
[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البـر يعجبنـي إلـى زاان جــوّهـ=والارض خضرا والسما كلّـه اخْيـال
وريح المطر توّه على الأرض تـوّه=هتااان..بادي يشرح الصـدر والبـال
وقام السّنافي فـالضحى وشبّ ضوّهـ=وغنّى عَلَي مْن أعذب الشعـر مـوّال [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جاني..أمر ياسعود حضـر التجـوّل=ياقوة الله ! حيل مافي يـدي حيـل
على القوافي الحصر كنّه..امصـوّل=صوله جديده..وُخوفتي يطفح الكيـل
ماعاد هو بالكيـف واللعـب الاوّل=والعلم واضـح والليالـي مقابيـل
يمكن يزين الحال..ويمكـن يطـوّل=والبرق في بشايره يسبـق السيـل
والصبر زين وبعض الاشْيا تهـوّل=وش حكمتك ياقاضي العدل ب/الميل؟ [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يابْيات شعري لادعيت احتزمتـي=ونظَمت لي من ورد بستانك احزام
مْن الله خلقني مابعد قلت قمتـي=الاّ وْتسبقني علـى البـاب قـدام
صفي حْروفك واستعدي وْدمتـي=أبي النقط لُولُو والابيـات حكـام
قومي تهيّض خاطري لا عدمتـي=أبغى قصيده ما بعد جت بَلَحـلام
ساعه أحب أكتب قصيدي بصمتي=وساعه أبي فيها زغاريد وانغـام [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ماللسهر داعي ولامنْه مصلـوح=يازينها لاصرت بالحال راضـي
ياخافقي ريّح..ترى مَنْت مسموح=بشكيك لاعذّبتني عنـد قاضـي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من ديرتي لاديرته ست ساعـات=والعين تسقي العين ماجف ماهـا
ومصيبتي..قالوا ترى أبوك موات=ومشيت أعد..انجومها في ضحاها
وجيته وهو ماعاد يدري بمن جات=جلطه..على خير الأطبـا شفاهـا [/poem]

[poem= font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سحابٍ علينا من صلاة العصـر ودان=على ديرتي سبحان منْشِيـه سبحانـه
رذاذ المطر ريحه كما المسك والريحان=على تربةٍ قد هي من الوقت عطشانه [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ليل الشتاء بالذااات غير الليالي=الله يامحـلاه يامَطْوَلْ..اللـيـل
يعطي خفوقي لاتهيّض مجالـي=أكتب,أغنّي,أسهره...أعْشقه حيل [/poem]

http://www.up07.com/up8/uploads/d332778092.jpg


إليكم من جواالي

صووره وجو ممتع يثير البوح..

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنا أشهد إن شوف المطر يطرب الروح=علـى أول الوسمـي جديـد بكـوره
السيـل والغـدران والبـارق يلـوح=يكفي عن التعليق شكـلا وصـورهـ [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
شعوري كان تسأل فـي غيابـك=شعور الشوووق واللهفه شعوري
تَحَسْب القلـب دالـه مادرابـك=وربي في عشاي وفي فطـوري
إذا ما الشوق والهاجوس جابـك=أنا من بيت أبوي أجيـك ازوري [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنا اللي كلما جاب الهوى صوت البحر والموج=يلوف القلب همّ اللي مريض ويصعب عْلاجه
يذكّرني البحر ويثير همي والظروف العـوج=وعذابي ياعذابي يوم بيتـي قابـل امواجـه [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أمانه مايذكّرك الشفـا..والا الهدا..والسيـل=علـي الله يشهـد كلمـا اجيهـا تذكّـرنـي
حبيبي دام تَدري عن..شعوري مرهفه..بالحيل=حراام..اتْمرّبي..ذيك الاماكن وأنـت خابرنـي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياهيه لاتزعـل تـرى ماتحمّـل=من خلقتي ما احب كسر الخواطر
يانور عيني لو جفى الوقت صمّل=الصبر زين وصادق الود ناطـر
والحيـل لله والكريـم يْتجـمّـل=وانا نبيهه وأنت ياهيـه شاطـر
[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنا اللي ودي أبعد عنك..يا هالنت بـس سْبـوع=واعَزْل الشعر عني..واخفي أقلامي مع أورااقـي
وارووح أسكن مكان..الاتصال بْساحته مقطـوع=واجرّب كيف عـاش البدو..واتبـع كـل برااقـي
يجوز يْطيب لي وقتي..واعيش هْناك دون..ارْجوع=ويجوز أرجع على الديره..إذا ماخاطـري رااقـي
مزااجي صار مثل الطقس..له في كل ساعه نوع=يلوفه هاجسٍ يحرق..عْرووق الخافق..احرااقـي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قااالوا إن الطير مسكين..وابن آدم قوي=قلت لا في ذمتي !!! إن الانسااان الضعيف
يكفي إن الطير عايش..على مايهتوي=ماحسب هم المفارق..ولابعد الوليف
ويكفي إن الطير..يطوي مساافااته طوي=لابغى مشهاة نفسه..لجنحااانه رفيف
لاطراله حاجةٍ رااح..مادوّر خوي=ومايفكر بالمؤونه..ولاقرص الرغيف
مرّ يوصل للخضيرااا..ومراات ايهوي=قلبه امن الهم..ومْصاارع الدنيا نظيف
ليتني والطير يا ابومحمد..نستوي=ليتلي مثله جناحين..بالريش الرهيف
أدري ان بعض التمناي..يكويني كوي=وادري إن الوقت..في ساعتي هذي مخيف[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ألووم الجفن لامن قلّ نوومـه=وأعاتب خاااطري لامن تهيّض
لو أن الليل يعطيني عْلوومـه=عطيته من علوومي لين أفيّض
لاشك الليل مايشكي هْموومـه=وأنا طبعي عجل والليل ريّـض [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالله ياللي قدرتك..فوووق وتْفوق=جهد العباد اللي ضعيـفٍ جَهَدْهـا
تشفي مريضٍ حالته..تسْهر الموق=فيه الخبيث..اللي بكبـده لَهَدْهـا
أبوي حاله..كدّر الصفو والـروق=ينـووم ليل..وعشْـرةٍ مارقدهـا
حاله برى..لاعـاد لـذّه ولاذوق=وبنته جداها دْموعها..وش ابيَدْها [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنا كل ماجـازت لـي القافيـه غنيـت=قصيدٍ عن هْـروج المخاليـق مغنينـي
على صفحتي لامن تهيّض ضميري جيت=أبعثر على الكيبـورد شـيءٍ يسلينـي
لو أقرأ نهاري كايف الشعـر مامليـت=يداوي جْروحٍ في ضميـري ويشفينـي
وأخاف أتعلاّ فـوق واطيـح !!مادريـت=ونفسي على رووس العلالي تهقوينـي
أتابع جزيل القاف..وأشتـاق لاقريت=حروف القصيد العذب تروي شرايينـي [/poem]