المشاركة الأصلية كتبت بواسطة سعود الحارثي (المشاركة 853191)

[align=center]بدون مقدمات... للتواصل[/align]

[poem=font="Traditional Arabic,7,black,bold,normal" bkcolor="transparent" bkimage="" border="solid,1,black" type=3 line=0 align=center use=ex num="0,black"]
حمست بن القصيد / ونجر الافكار دن=يشعلني الطرق /واحطب له شعر /واشعله
مزاجي وذوق في كيفي وللناس بن=والشعر اعاف أهزله / والشعر أروم أجزله
شاعر ليا خفت القيفان قافي رَزِنْ=يستعجل الحرف لمساتي ولا استعجله
فصيح / وأن لت عرّاب القصيد وعجن=أنساب حرفي على صدر الشعر سلسله
يا ناسك الشعر إن الشعر ناسك/ وإن=الناسك يحج للشاعر ويستقبله
تتوه عن قبلة المعنى عباد الوثن=وأنا لخط القصيد القطب والبوصله
لاكن هذا زمان الهرطقه والفتن=ماعاد نسمع من التطبيل والبلبله
يارب الابداع مرمي في غياهب سجن=عيونه معصبه / ويدينه مكبله
نخطي على الشعر ليه؟ / و" للخطايا ثمن"= ندفع ثمنها قصايد بُرق ومهلهله
لكن حييت / يأبن دهام / والشعر فن=بينه وبينك ليا عَدّوا جدوده صِله
شعيتني بالقصيد وزدت قلبي شجن=وهيجنت طربان مدري شوق مدري وله
أهل الضعن /علمهم بيدين راع الرسن=وكل بدويٍ مع ربعه يسوق جمله
وأخت السنيقال / قينه من مكاسيب قن=ماهيب لي لو بغتني ربة الفُلفله
اضحك لها كل مالديت / من غير سن=ومن يعتقد صدق ضحكاتي /هذاك خبله
وأن كان تبغى جواب لـ كل / ماذا / ومنْ=اقول: علم الحديث يفسر المسأله
عن راوي الشعر / عن جده / عن ابوه / عن=الشاعر اللي يقيس الشعر ويحلله
ترى السنابل تشابه / بين بُر ودخُن=يا تي بعضها بحبْ / وبعض لا حب له
وأنته مزارع ولك خبره وراعي وطن=تقيس حب الجرين وتعرف معدله
لكن خل المعاني بين رمز ورطن=والبني فُعله / ومفعوله/ ومستفعِله
ولاخرة بين نار وبين جنة عدن=وكلٍ يحاسب نهار الحشر حسب عمله[/poem]
[align=center]سعود الحارثي[/align]

المشاركة الأصلية كتبت بواسطة متعب المينيح (المشاركة 853594)

عن راوي الشعر / عن جده / عن ابوه / عن
الشاعـر اللـي يقيـس الشعـر ويـحلله

الله الله
الله الله

عليك يابو عبد العزيز


شهادتي فيك مجروحة يا كحيلان


تقبل مروري وودي وتقديري

المشاركة الأصلية كتبت بواسطة سعود سالم (المشاركة 853636)

صح الله لسانك يالسمي

نص في غاية الجمال

سررت بمروري من هنا

ودمت بخير

المشاركة الأصلية كتبت بواسطة هادي اليامي (المشاركة 853856)

سعوود الحارثي


لله درّك

ابداااع وسبك وحبك ومتاااع


سلمت يالقرم

أخوك

المشاركة الأصلية كتبت بواسطة مضحي السميري (المشاركة 854185)

الله عليك


ياسعود


مايبي لها مقدمات ولا يبي لها مطوع


ابدعت


طال عمرك



صح لسانك

مدد

مدد

مدد


اخوك