منتديات المرقاب الأدبية - !! .. ( __________

اقتباس:

المشاركة الأصلية كتبت بواسطة فالح الهاجري (المشاركة 853427)

الغالي

ابو فوّاز
_________________

الشهادة مجروحة / ودمها يقطر ـ ولكن كان لابد من التعليق ..
نصٌ مثل هذا ( قليل ) في حقّه ( المرور العابر ) ـ بكل هذه ( الشموليّة ) يستحقّ أن نقف أمامه
ونتلمسّه ونحن فاغرون أفواهنا من هول .. ( الدهشة ) .

أنت هنا لتثبت أن الشعر ( الحقيقي ) هو الأجدر بالبقاء وأن الشاعر / الإنسان هو الذي ( يعجن )
نصوصه بعاطفته دون أن يغيّب عقله ليكون ( الشعر ) بكل أركانه حاضراً في ( نصوصه ) .

( شرّق ) و ( غرّب ) فأنت هنا سيطرت على الإتجاهات كلّها بشاعريتك الفذّة وملأت الأفق بعبقريّتك
وجئت بهذا ( النص العملاق ) ـ يعطّر الأنفاس حيناً ويخنقها حيناً آخر ـ نصٌ كهذا لم يترك شاردةً ولا واردةً في كل ( همّ ) إلاّ و تطرّق لها ليعكس ( حياةً ) لا نريد أن نراها كما هي ببشاعتها ـ نصٌ كهذا أيقظنا من حلمنا ( الوردي ) الذي ارتضيناه لأنفسنا ( جهلاً أو هواناً ) و قذف بنا إلى جحيم
الواقع لنشعر بما لا نريد أن نرى .. وهذا هو والله (( عـيـن الـشعـر )) .

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
معك للنهايه والوعد بيننا قدام=تبين الرجال اللي بتدسم شواربها

أمانيك وهم وماتبي توصلَه أحلام=يمينك طويله بس منتب مخضّبها

ولاقول فيك قصور وافي وماتنلام=قريحتك هذا جهدها لاتعاقبها

لاصار الذيابه ماتعشّى مع الضرغام=فلاخير في نيبانها وفي مخالبها

الدعوى ماهيب حضور وصْوَر في الاعلام=ولا هي بيوتٍ لاتهيّضت تكتبها

ولا هيب بالموّال والشكل والهندام=الشعر ومعايير الشعر ماتقاس بها

الشاعر شعورٍ صادق وموهبه والمام=يغذّي ذوايق سامعينَه ويطربها

يقدّم أدب بس بأدب ويْعَسف الأقلام=يموت العليل بعلّته مايعذربها

ذرى ربعه ودولَتْه والشرع والاسلام =وحصنٍ حصين بوجه من هو يحاربها

على الهون ياللي تطلب العون شرق وشام=أنا في مشارقها وانا في مغاربها

وصاحي على هموم العرب مغْفي ولا أنام=ظنون الملا في وقفتي ماأخيّبها

أسخّر لها فكري وواجه وأشد حزام=ونفسي الى من قصّرت قمت أحاسبها

أعيش العمر كن المنايا علي حيام=تراقبني عيون المهَيمن وأراقبها

ياحجّاج ومصلّي ويامزكّي و صوّام=ترفّق على حال البشر لاتعذّبها

تلاحَق خطاك وعمرك العام يلحق عام=لحود القبور الضيّقه بتّعزّبها

تسمّع كلامي وأرخْ أذانيك لي مادام=الأمهار عاد عنانها فيد راكبها

ورود وزهر في بيوتنا تقهر وتنضام=وتذبل على كفوف المصالح مطالبها

بدل مانعاملها بلطف وأدب واكرام=على جمرة الحرمان رحنا نقلّبها

وبدل مايكون الْنا في بسمة ثغرها اسهام=على حقوقها وماهي تمنّا نناشبها

ولاعيّنت من الأخ والخال والأعمام=حد يحن ويخفف عليها مصايبها

بضاعه رخيصه تخضع لسومة السوّام=وتمضي السنين وشورها فيد شايبها

حكمها التعسّف والجهل والسلوم اعدام =وعاشت وحيده لين شابت ذوايبها

لو ان البن آدم فكّر .. آخرْه قطعة خام=حشاشة حشاه ضعيّفه لايغلّبها

لايربط سعادتها مع قريّب و غرّام=ياكثر الرجال اللي تشرّف مناسبها

عربنا المشاكل كوم .. ماتنحصى بالأرقام=لاجبنا بعضها سامحونا بغايبها

قضيّة وطنّا الأم كبيره على الأقزام=اللي منّها شبْعَت وكبْرَت غواربها

فصايل تغذّا من سياسات الاستسلام=ولا فكّرت تعتاض مكثر تجاربها

سنيني مخوّن فتح ومعادي القسّام=وحماس تعدل هذي وذي تخرّبها

على كرسي السلطه هلك شعبنا المقدام=أشوف بعيوني نار فتنه وأكذّبها

جثث وانقسام وخوف وجوع وظما واجرام=ومابين خاسرها ومابين كاسبها

الروس الكبار اللي لهم في النّضال وسام=خلط عنصر الفوضه رداها بطيّبها

وش آقول وآخلّي .. ملَت واقعي الأوهام=شموس الظروف الجايره ذقت لاهبها

لو انّي عن هموم البرايا رفعت الجام=وأدغدغ مشاعر كل عاشق وألاعبها

كان تنام عيني مستريحه مع النيّام=ولا تسهر من الهم .. والنوم غالبها[/poem]

لله درّك ــــــــ

تشرّفت بمعانقة هذا ( العملاق ) هنا ـ وكنت ربما من الأوائل لكنّني لم أكن ( أول ) من عانقه
رغم ( قصر ) المسافة بيننا :) ـــ

______________ خالص التقدير والإحترام والإعجاب

___

خالص الشكر لمرورك الكريم

كلامك مفخره وشهاده من الشهادات العليا ..