منتديات المرقاب الأدبية - للمرقـــــاب فقــــط ...

لـك يابحـر ذنـب ومواجـع وتجريـح "
" وبك يابحـر غرقـت قلـوب ٍ جريحـه
كم من خطاوي وقفـت قدمـك إتصيـح "
" وكم شي في صـدري ولا اقـدر ابيحـه
سولف ولكـن خايـف ارتـاح وآطيـح "
" وانـا فــؤادي ماتحـمـل مطيـحـه
خذ يابحـر صمـت المشاعـر تباريـح "
" واشعل ضما ملحـك بنفـس ٍ شحيحـه
يوم الحقيقه ويل / جرحي غـدى ريـح "
" وبعـض الوجيـه اللـي تمـرك قبيحـه
صديـت عـن ذيـك الليـال المشافيـح "
" اللي غدت بأنفـاس صـدري وشيحـه
وموج الخليج اللي غسل ( زمرة ) الشيح "
" كـم ليلـة ٍ مـنـي تمـكـن فحيـحـه
وبعض الغلا اللي يستره هـرج تلميـح "
" ذنبـه علـى جنبـه اليـا فـاح ريحـه
والخطوه اللـي مالهـا خـف ٍ إمريـح "
" عّـن الركايـب واستمـع للنصيـحـه
لو المحبه ( قـرش ) عشنـا طحاطيـح "
" ولـو الشعـر مايـل عـزاه القريحـه
نعيش بالواقـع ولكـن علـى مييييـح "
" ضاعـت مفاهيـم الكـلام وصحيـحـه
في هالزمن ( اشناب ) صارت تماسيـح "
" والوجه يصلـخ مثـل صلـخ الذبيحـه
ويا بحر قلي /ويش ابـا آقـول وآبيـح "
" لا علقـت كـل النـفـوس الطريـحـه
وانا عزاي اني عـن الكـون مآشيـح ""
" وجهي ولـو ضاقـت عليـه الفسيحـه
هذا الكـلام ولا يبـي( فصـل ) تنقيـح "
" أن قلـت وان ماقلـت بانـت صريحـه
ان كان في صـدري مـزون ومراويـح "
" قلـب ٍ وطيتـه ربـه الـلـي يبيـحـه

المبدع سلطان الاسيمر

ابياتك وطروقك تعجبني

وهذي قصيده فوق الكلام

وصح لسانك مليون

** ترا عناوين قصايدك المتشابه تضيع بعضها علينا :(