بدر المورقي
صح لسانك يالقرم ولاهنت ابيات جزلة ،، والشعر والشاعرية والتوفيق كذلك لايتوقف على مسابقة سعد علوش او غيره وانا خوك وفقك الله تحياتي لك |
السلام عليكم
محتـاج لـك والحاجـه ام الاختـراع ولا لـك سبيـل الا وجيتـك اتبـعـه والغلطه انـي جيـت يمّـك باندفـاع منهـا عرفـت ان التأنـي منفـعـه غرك تملكت العمـر وامـرك مطـاع ولـك الغـلا نهـرٍ تفجـر منبـعـه وغرك ظمنت انـي عشقتـك للنخـاع والقلـب يمـك ريـح شوقـه تدفعـه وان جيتني هايم واحاسيسـك جيـاع قدملـك الخافـق شـعـور تشبـعـه ولك استطاع القلـب مـا لا يستطـاع ومنْك الرضا غايـة منـاه ومطمعـه واصبح وفاك اوهام وغـرورك متـاع وبدروبنـا بـذر التكـبـر تـزرعـه عندي خبر وش تعني الدعج الوسـاع بحرٍ ومـن حـاول ركوبـه يصرعـه وتدري أخوض امعاكس امواج الصراع واطوي نهاياته ولا احتـاج اشرعـه ماني ضعيف ويمشي ابلـوي الـذراع وليـا قسـى وقتـه تحـدر مدمـعـه واختلفـت ايامـه وخـاواه التـيـاع ويتـوه مثـل الأمعـه فـالمعمـعـه قلبي شديد اشد مـن قلـب الشجـاع حالب سبـاع ومـن لبنهـا مرضعـه وكرامتـه عـدت حـدود الارتـفـاع وعزمه كسر ظهر السنيـن الموجعـه وبه حكمة تهـدي شياطيـن الضيـاع وبه طيبـة تمـلا الجهـات الاربعـه وان شب بين اغرورك وعزي نـزاع هبـت صواريـم الكرامـه تـردعـه ماهو على مثلـي يهـون الانخضـاع وقعه صعب واسهلـي السـم اجرعـه والامر لو يوصـل حـدود الانصيـاع امسك غرامك من جـذوره وانزعـه حتى ضروسي مااسلمت من هالطبـاع هذا الدوى لا اوجعني الضرس اشلعـه روّح ولا بـه خـط رجعـه والـوداع واحصد ثمر كبـرٍ زرعتـه واشبعـه بدر المورقي ما شاء الله عليك كل بيت عن قصيده أنا ماقريت قصيدة الشاعره الي فازت لاكن قصيدتك أكيد وصلت مركز مرموق بالمسابقه صح لسانك وتقبل تحياتي |
الله الله
يابدر بيض الله وجهك وصح لسانك سجل متابعتي واعجابي لاهنت |
ابن العم الغالي محمد بن قطن
مرورك بحد ذاته اطراء فما بالك باطرائك شرفتني يالذيب وصحيت كلك وسلملي على الربع تحياتي |
تقول برجع لك إذا بسـت كوعـك
تظـن بـذر المستحيلـه غرستـه من كثر انا ماغليك وارجي رجوعك كسرت انا كوعي عشانـك وبستـه التوقيع يوم نزلت عنده نسيت القصيده :) صح الله لسانك مبدع مبدع يا ابو ناصر |
بدر ناصر المورقي
صح لسانك قصيده رائعه ويسلم راسك |
الغالي فالح المصعوك
مرحبابك والله وهلابك تحياتي |
الغالي مشعان البراق
صحيت كلك يالقرم وشرفتني طال عمرك تحياتي |
صح لسااااانك يا بدر والوافيه ما تجي الا من الوافي
قصيده تستحق الفوز في رائيي والعوض في المقبلات تحيتي لك |
الله عليك يا بدر كفو عز الله انك ابدعت
لله درررك |
حتى ضروسي مااسلمت من هالطبـاع
هذا الدوى لا اوجعني الضرس اشلعـه روّح ولا بـه خـط رجعـه والـوداع واحصد ثمر كبـرٍ زرعتـه واشبعـه ابدعت وتمكنت يا بدر صح لسانك ولا هنت تحياتي .. |
الغالي علي الكذيبه
الله يوفق الجميع وصحيت كلك وشكرا على المتابعه تحياتي |
الغالي عبداللطيف الغامدي
الله يجزاك خير ويرحم والديك صحيت كلك تحياتي |
بدر المورقي
صح السانك وأنت مبدع سواء فزت فالمسابقة أو خالفك الحظ تقبل مروري |
الله الله
يا ســلآمي عليك صح لســآنك وأعتلا شانك أبيات رائعــه بروعة حضورك لاخـــلآ ولا عــــــــدم / تحيـــــتي..! |
الفجر البعيد
صح بدنك شرفني مرورك تحياتي |
الغالي ضيف الله الروقي
الله يجزاك خير وبيض الله وجهك على المرور الكريم صح بدنك تحياتي |
صح السانك يـ المورقي تقبل تحيتي ومودتي
|
يا سلااااااااااام عليك يا بدررر
صح لساااااانك وسلم نبضك تقديري الجم |
ماني ضعيف و يمشي بلوي الذراع / وإليا قسى وقته تحدر مدمعه كفو يابدر قول و فعل ومن أجمل الابيات تلك التي قلتها تصف بها قلبك ابدعت و امتعت وصح لسانك مدد بلاعدد |
بدر
جزله يابدر من راس مطنوخ صح السانك ياناصع البياض احترامي الكبير |
والامر لو يوصـل حـدود الانصيـاع
امسك غرامك من جـذوره وانزعـه ياسلام صح لسانك يابدر شاعر جزل لآهنت |
| جميع الأوقات بتوقيت GMT +3. الساعة الآن 05:13 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية