منتديات المرقاب الأدبية

اقتباس:

المشاركة الأصلية كتبت بواسطة بدر ناصر المورقي (المشاركة 1068701)

السلام عليكم اعضاء وزوار منتدانا المرقاب الشامخ بأعضائه وزواره ارجوا ان ترتقي لذائقتكم

[poem=font=",5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
جيتك غرامٍ به الاشواق منتشره=واستبشرت من قدومك شيبة اشواقي
ومن السعاده خفوقي غص بالعبره= ولعيونك اقبل يزف الود براقي
حتى القلم مستثير ومنتخي حبره= وناوي قصيده تعيد الروح لاوراقي
وتجبر مشاعر من الهجران منكسره= وتنعش تلاقي يخيب هقوة الهاقي
كنت احسبنك وله واشواق منتثره=وكنت احسبني بلملمها بخفاقي
وكنت احسبن الغلا بك فايضٍ نهره= ظنيت نبع الوله بالجوف دفاقي
واثر الغلا في خفوقك منكسر ظهره=عطبت نصه وناوي له على الباقي
ودم الوفا في ضميرك معلنٍ هدره=واثرك فـــ بحر القطاعه ناوي اغراقي
وكسرت خاطر حبيبٍ منكسر صبره=حبيب كان لجفاف ايامك الساقي
سقت العنا وجيتني بالجيه الغبره=جبت التجافي مع الخذلان منساقي
مالان باسي ولو خانتني الدبره=وان كل متني يفز بعزتي ساقي
وحلفت لاقتل غرامك واورده قبره= دامك نسفت العهد والغيت ميثاقي
ومن القهر قلت ابشعل داخلي جمره= تحرق غرامٍ تغلغل داخل اعماقي
ويا للاسف ماهقيت وخابت الفكره=منها انحرقت وغرامك للاسف باقي
وصوم الثلاثه عليها النفس منجبره=دامي حلفت ورهنت ابحلفي افراقي[/poem]

بدر ناصر المورقي

الله الله الله

هكذا الشعر والا فلا

المبدع
بدر ناصر المورقي

اتحفتنا بهذه الدره الثمينه

شعر و شعور و إبداع إلى آخر قطره

ألف صح لسانك
وسلم بنانك

في إنتظار المزيد من هكذا جمال

تحياتي و إعجابي