عقاب العضياني ..

شكرا لك .
مرورك اسعدني !!!

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الغياب المرّ / مرّ / وحالة المغرم كسافه =كان طال البعد وعيونه ترقب كل ليله
وش بقى في خاطري ؟ ماعاد باقي شي اخافه =آه يا جرح الغياب .. وآه ياحرّ المليله
مابدعت القاف من باب التصنع والطرافه = لا وربي بس قلبي ذاب واللهفه حصيله
اتوجد .. واترقّـــّب .. والوطن زاد بجفافه =الله انه يسعد المشتاق في رجعت خليله
[/poem]

[poem= font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

وفيت في وقت ٍ يضيع ابه الوفا = وضحيت في وقت ٍ به التاجر بخيل
تركت لجل العهـْـد ميسون .. و .. وفا =وعدلت بالساقي لجل طلع النخيل
واللي عطيته كاش هوّن ما وفا =حتى لو ان البرق في صدر المخيل [/poem]

http://imagecache.te3p.com/imgcache/...1e3b8b3183.jpg

[poem= font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يادكتور تكفى هوّن الوضع يادكتور =سألتك بربك خل الاحوال مستوره
تبصّر بحالي لا تسلــّـط على المستور =ترى السالفه يامعالج الجرح محظوره
انا احب .. من تقريب عام ٍ وست شهور =ولا احد ٍدرى عني ولا احد ٍقرى الصوره
وهاليوم ضغطي منخفض والغرام يجور =افكر .. وافكر .. والاحاسيس مقهوره
يادكتور متعلق بــ / ريماً تسج الدور =تقود الظباء وتلد ّ حذره ومذعوره
تذيـّر من انسام الهوى باول الطابور =وتهرف تخاف الصيد ماهيب محصوره
وانا علتي عله .. دام ان الحبل مقصور =لك الله يالولا الخوف في حكم اخو نوره
لــ / اجيها بعزم .. وحزم لوّ الرجال حضور =لجل من عطتني عهد ماهيب مجبوره
واسافر بها في عالم ٍ يبري المسحور =وقول الحبال طوال ماهيب مقصوره [/poem]

[poem= font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياليتها ضيقة ٍ يومين وتعدي =لكنها طولت والعله العله
لونها حاجة ٍ سهله وفي يدي =ما قلت يامل قلب الود يامله
عز الله اني كذيا واصل ٍ حدي =ذللني الوقت وانا ماعرف الذله [/poem]

[poem= font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وينك تعبت من التفاكير والشوق =ما عاد باقي غير امزّع هدومي
ابيك واحتاج إلك .. وازهمك .. واتوق =وتضيع في وجه التحمل علومي
مليت .. لو تزهمني اشفاه وحلوق =ماعاد يفرق روحتي والقدومي
ماكن فوق الارض يعيش مخلوق =بعدك من الفرحه تقول محرومي [/poem]

http://www.gmrup.com/gmrup.com-9-201...2883875311.jpg

[poem= font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هنا .. والا هنا .. كلك بقلبي يابعد دنياي =بقلبي لا .. بدمي . لا .. بكل الروح يا روحي
اشوفك في عيوني كل لحظه ياهدف مرماي =واحسك في حروفي كلما غنيت من بوحي
غيابك علتي وان كان شفتك ودعت بلواي =ثقيل بخطوتي وان كان شفتك صرت مشفوحي
تعال اقرب هنيا وإبتسم لي قول تكفى ( هاي ) = عشان انك تكرر( هاي ) .. مابغى أتكلم ولا اوحي
ترى كثر التمادي والتجافي يــ / أثّر بشرواي =ولن كثرت في هذا الجفى ما انته بمسموحي [/poem]

[poem= font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

ياصاحبي .. لو ذقت حرّ الانتظار =ما كان رحت ولهفتي ما اطفيتها
ضيّعت مالي من على الدنيا قرار =تذبل زهور الوصل لو ما اسقيتها
تعاااااااااااااااااااااااااااااال تكفى لهفت المشتاق نار =فرقى المحبه .. ظاهره مليتها [/poem]

http://www.aleqt.com/a/390819_103922.jpg
[poem= font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

بوابة ّ ( 2 ) اللي بسوق العثيم احيان =ليا نمت لو لحظه .. لزوم اتخيلها
بعد ما حصلي فيه موقف وانا عجلان =ياليت الصدف ما ولعت بي ملايلها
تواجهت مع رعبوبة ٍ تجذب العربان =بعد هب نسناس الهوى اضفت جدايلها
دقايق سريعه فيه في ساعة مسيان =رماني نصيبي واشبكتني حبايلها
عسى الله يعيد العيد .. لو كنت في شعبان =لإن اللقاء اجمل عيد .. يوم اتخيلها [/poem]

http://www.7oor-s.org/up/3639/11283854876.jpg


[poem= font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يومين .. والهاجوس يقدح فتيله =حزني يزيد .. وخاطري مابعد راق
ليله هدؤ .. والجرح ياتي بليله =ويوما ً حزين .. وتشتكي منه الاعماق
ياصاحبي كيف الزمان اشتكي له =وانته عوين الوقت في حرْقْ الاوراق
ارهيت مابين الوفا والجميله = وطال الأمد .. والنوم للعين ما لاق
ارفق ترى حملة جمالي ثقيله =مابين شرهة طيْب .. ومكابد إفراق [/poem]

[poem= font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
احسن يعيش الشخص ماهوب ملزوم =يقضي نهاره دام للعمر باقي
لا ينتظر بكره ولا يكثر اللوم =ولا يبعد احلامه بسلك ٍ دقاقي
دنيا تغيّر كل يوم ٍ لها سوم =يعنك بعض امورها ما تطاقي
ياكثر ما عندي من علوم وعلوم =لكن تبعثر في حدود السواقي
ايام تجمعنا على كل مقسوم =وايام نعلن خاتمتها الفراقي [/poem]

للتواصل .... !

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لك الله يادرب ٍ يزيد الآلام آلام =يمرّ المكان ويطلع المخفي الخافي
على ذكرايات ٍ فايته من زمان العام = يوم ان الشتات ململمه والسماء صافي
قبل لا يضيع الحق في ريشة الاحكام =لو إن للرجال حقوق وسلوم واعرافي
لك الله يادرب الالم لو على الاعدام =ما اغيّر عهودي طول عمري وانا وافي
مع اللي بنيت إلها الأمل والوعد قدام = لها في خفوقي قدر ماهوب خفــّـــافي
غلاها يزيد .. ويعتريني مع الايام =لها القلب من بين المخاليق ميلافي
ابيها غلا من قلب .. ما يختلف ما دام = عظم ساقي يساعدني بكل ميقافي
وانا ياطريق العشق لا جيت من قدام =بوابة ثنين اصدّ بالعين آخافي
اخاف الدموع تهـّـل وتبـّـل صدر الخام =وتفضحني دموع المحبه بمحرافي
عساها سحابة صيف في ريشة الرسام =وعسى الله يشافي جرحي برحمة الشافي
[/poem]

http://www.freewebs.com/sleepparalysis/kanashibari.jpg

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

شفني مكبل بالحديد ولا انطلقت =سجين حبك لو يفكون الحديد
قلت افلقك بالقلب لكنّ انفلقت =واصبحت اسيرك فالهوى مامن جديد
كمّلت لك مديّ لكن انته شلقت =اسعدت قلبك بس انا ماني سعيد
[/poem]

http://imagecache.te3p.com/imgcache/...d885ba9a55.jpg



[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحه قلت اجرّب يمكن اغيّر =يمكن اسيطر على قلبي ومشهاته
فكرت تفكير لو تفكيري محيّر =قلت احصر القلب حتى في علاقاته
جبت الهدايا القديمه والغلا نيّر =وجمعتها .. والخفوق يردد آهاته
ومسحت رقمك وقمت ورحت ابا اسيّر =بغيّر الجو .. عن حبك وماساته
وناديت باسمك بعد ماجيت متحيّر = وفضحني الشوق في كل اعتباراته
وعرفت من تالي ان البعد ما غيّر =قلب ٍ يحبك ولو تزعجك شرهاته
ورجّعت رقمك بعد ما كنت ابا اطيّر = ذكراك .. والعشق ما يبطي بحالاته
ودقيت من دون مافكرّ ولا اتخيّر =وفزيت مع همسك وصوتك وزفراته
مهما حصل قلبك وقلبي لو اغيّر =روحين في قلب .. والعاشق ومشهاته
[/poem]

http://www.marry.snabl.com/UpLoadMyFile/aksa.jpg

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماعاد باقي شي اسويه ماعاد =حبل الرجى باقي على قطعته سِلك
قلت إلك لا تبعد لكن الخطر زاد =جف الحبر من كثر ما صرت اراسِلك
صبرت في رجوى رجوعك ولا فاد =بصبر شويّ ان جيت والا بكنسِلك
[/poem]

http://up.ql00p.com/files/85021u1wqfj0oj9tm3jv.gif

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ارحل وخلك قريب وقصّر الخطوه =ماني مطوّل ليا قفيت ناديتك
قبلك عزومي عظيمه قوّه وسطوه =لكن معك تنتهي دعواي ما جيتك
العام واضح قبل لا تلبس الغطوه =واليوم كلك غموض وضاع توقيتك
غيرت مفهومك وزلت بك الخطوه =ولا قلت لبيه .. ميدي يوم ناديتك
[/poem]

http://sphotos.ak.fbcdn.net/hphotos-..._5141980_n.jpg

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

من نبع الآمال ما باقي ولا قطره =جفــّــت ينابيع صبري والغلا باقي
ياكبدي اللي من الأحداث منفطره =وياصدري اللي من ظروف الزمن ضاقي
متوازي الوصل عيّا يلتقي قطره =لو جبت اداوات هندستي مع اوراقي
وكتابي اللي بياناتي على سطره =حبّي وتقديري المشفوع بأشواقي
كتبتها كلها جمله على الفطره =ودوّنت مضمون علمي داخل اعماقي
الورد من قبل يذبل ينبعث عطره =وليا ذبل مات لو عرقه على الساقي
لو بيت شعري ليا منّـه نقص شطره =يتمّ معناه ما حسّبت للباقي
لكنها سيرة ٍ في منهجي عطره =لو منهج الحب وصل وشوق و فراقي
حاولت بالسالفه رغم انها خطره =ورسّخت مدلولي الصادق بميثاقي
دام المرايه على الوجهين منشطره =كيف ابتسم والدموع تجمّ بإحداقي
يا نبع الآمااااااااااال ماباقي ولا قطره =جفّت ينابيع صبري والغلا باقي
[/poem]

[poem= font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

كل شي على الله لا تكدر مزاجك =فرفش وخل الهم ّ يا شاكي الهم
دوّر خراجك لا تضيّع خراجك =لو قيل لك بين المناصير ودهم
وليا بدالك جرح دوّر علاجك =لو صار ملهام ٍ على ريقك الــ / هم [/poem]

http://t1.gstatic.com/images?q=tbn:A...NBlGxk-HLq5N26[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يانبرة الحزن مالك بالحناجر كفن = متى على الله يجي يوم ادفنك واستريح
من سبعة شهور وعيون السهر ما غفن =يمنا الكرم وش جزاها بالزمان الشحيح
الحلم ولّع بقلبي شمعتين وطفن =بين ابتسامة مكابر .. واللتفاتة جريح
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياكثر ما يطري على البال طاري =بس الليالي واجهتها كئيبه
عطيت من يمناي مدّي لغاري =وجحد قبل يدرك حدوث المصيبه
مايدري اني ماحسبت انتظاري =لو شفت دقات الدقائق غريبه
[/poem]

http://pic.a77la.com/data/media/15/GIRL12.jpg

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جتني واحسّ بصدرها همّ مكبوت =ومن التنهّت عجْزت تقول الاسباب
تبيْ الحديث وحزْنها اكبر من الصوت =وضاااع الحديث ودمعها روّا الاهداب
[/poem]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
توحّى لهرج الناس .. وتعاتب اهل الطيب =لا والله تشكّ ابهم بلا حق ومواجه
ترى ارخايت اذن الرجل للحكي يبقى عيب =خصوصاً ليا صارت سواليف هراجه
وانا ماتعودت الردى لو طلع بك ريب =وانا لو زعلت اواجهك واكشف الحاجه
ما اقفـّـي على هرج القفى واخلف الترتيب=واشك برفيقي واضرب بسيفي ابراجه
لك الله ماكنت اتوقع اللي حصل يالذيب =لكنّ تكشف الايام .. لو مالنا حاجه
[/poem]