المشاركة الأصلية كتبت بواسطة نواف نايف (المشاركة 1189988)

السلام عليكم ورحمة الله وبركاته

لن تفيهم حقهم أسأل الله ان يرحمهما ويرحم أموات المسلمين ...




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حيل الله أقوى والقدر مكتوب والحزن الدفين=ينمو مع صدوف الحياة أيامها وليالها
مرت ليالينا سنة معها سنة وأربع سنين=وأنا أتذكر موت أبوي وحالتي يرثا لها
اشتاق له واحتاج له في كل وقت وكل حين=وعيني على طيفه تذوب وتستعيد إرسالها
وفي نفس تاريخ الوداع اللي براني بالحنين =فارقت من كانت ضيا للكون عند عيالها
أمي وفرحت دنيّتي والحب والدر الثمين=وأغلى الكنوز النادرة في هرجها وأفعالها
جاني خبرها قبل ازاورها وجريت الونين=من لوعتي والفاجعة صكت علي إقفالها
أزريت أقدم خطوتي وأزريت أشوف الحاضرين=وانتك صدري وامتلأ بأحزان قلبي شالها
أغيب واصحي وانتبه وافرك جبيني باليدين=واصد بعيونٍ تفيض الدمع من مكيالها
ما غير امثل قوتي يذاك لي جنب متين=واضغط على روحي وروحي يعلم الله حالها
قمت أتصبر واحتسب والله يعين الصابرين=بأحكام ربي قد رضوا في دقها وإجلالها
وكل تعجل بالجنازة حسب شرع المسلمين=غسل وصلاه ودفن والدنيا على موالها
قبلتها عقب الحنوط وقلت يا ربي تعين=عسى البياض اللي غشاها من بياض أعمالها
وصلوا عليها واقبروها واحتوى قلبي يقين=بان القلوب الصابرة تنبض بحسن أفوالها
وقفت اعزي إخوانها واصد لا أشوف الثنين=اللي جمعنا عطفها في اقفايها واقبالها
في يوم جمعة والسهر رافق عيون الصايمين=توافقت في دموعها رغم اختلاف أشكالها
وعقب انتهى وقت العزا ما عاد لي عذر سمين=يوم الهجوس الشاردة عادت على مدهالها
غذيّتها من خاطري واسقيتها دم الوتين=لين أكبرت واستبرمت واركت عليّ أحمالها
ما بي دموع العاطفة تنساق لي من كل عين= اليا انتحت بي ذكريات أمي وقمت ابرالها
ما والله اطلب غير دعوه من قلوب المؤمنين=عسى جنان الخلد مثواها بعد ترحالها
وعسى المزون ليا اردفت والرعد جاي ٍله دنين=على عفيف ثعولها تسبق بروق خيالها
اسبوع ماكف المطر مابين ودان وغشين = لين النفوس الضايقه تدله معه بآمالها
يا عنك ما به كارثة تشبه فراق الوالدين= اقولها من تجربة يضفي علي اظلالها
والأمر لله والبشر في حكم رب العالمين=في علم غيبه قد قضى بأرزاقها وآجالها[/poem]

المشاركة الأصلية كتبت بواسطة نادر العنزي (المشاركة 1190092)

الله على هذا الجمال والإبداع . .

قصيدة تحمل الحزن العميق . . وفي نفس الوقت تحمل الصبر والإحتساب العميق , ,

رائع يا نواف . . .

والله يرحم والديك ويغفر لهم وجميع موتى المسلمين , ,

قصيدة مهما تكلمت لن نصل لمستواها , ,

صح لسانك ملايين . .

محبتي

المشاركة الأصلية كتبت بواسطة مطر العضياني (المشاركة 1190114)

عزالله أنك آوجعتنا يا نواف !

الله يرحمهم ويحلهم ويبيحهم ويسكنهم في جنان الخلد مع الصحابه والصالحين

.

المشاركة الأصلية كتبت بواسطة عبدالرحمن السمين (المشاركة 1190196)

المشاركة الأصلية كتبت بواسطة فارس بن مرداس (المشاركة 1190203)

المشاركة الأصلية كتبت بواسطة ناصر تراحيب (المشاركة 1190213)

المشاركة الأصلية كتبت بواسطة محمد بن رشيد (المشاركة 1190296)

لاحول ولاقوّة الا بالله


رحمهم الله وغفر لنا ولهم ولموتى المسلمين

آلمتنا يانواف واحزنتنا


جعلها اخر الاحزان وانا اخوكــ

المشاركة الأصلية كتبت بواسطة نواف المطيري (المشاركة 1190361)