اهداء للشيخ مبارك بن فهد الشاعر السهلي
ولقبيلة السهول عامة

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الشعر عد جت تناسف غروبه = وانا وردت العد رويت وارويت
ناس لجزلات المعاني طروبه = وانا لجزل القول ما والله اهفيت
انقى من جزاله واجنب عيوبه = واحفظ مقام به نشيت وتربيت
لي كلمة عند الرجال محسوبه = ما ازل بالهرجه والا قلتها اوفيت
اقدر المنعور واحفظ وجوبه = والا دعاني للمواجيب لبيت
والمحفل اللي بالكرم شيدو به = حفل جمع فيه الرجال النعاتيت
اقدم بصفرا من طربها لعوبه = عسفتها واوفيت بيت ورا بيت
في حلة اللي كايدات دروبه = صيوان شغمومٍ شهر ذايع الصيت
اللي لبس لبس الوفا لبس ثوبه = اخطل يمين ولو تكلمت ما اجزيت
يعتق رقاب ولا يدور مثوبه = الا من اللي قدرته تحيي الميت
يابو فهد نجمك سطع وشهدو به = وانا اشهد انك بالمراجل تعليت
رجم كثير الناس ما شرهو به = وانته على مرقاه مايوم كليت
من اقصى شماله لين اقاصي جنوبه = كلن شهد بانك على الفعل وفيت
في ضف ربع للمعادي عقوبه = كم اسلبو حله وكم اعمرو بيت
اهل المتارس والفعول محسوبه = عزوة شغاميم تهيب الطواغيت
من لابة بين الجموع مهيوبه = جمع السهول اللي عرفته وغنيت
كون العويند يوم هبت هبوبه = قدام لايصنع جهاز ودناميت
ارخو للادهم ولكزوه وعدو به = ثم جردو جرد تذل العفاريت
يومٍ على اهل الروم ناره شبوبه = في صفحة التاريخ نال التثابيت
يوم ان باشا الترك نفخ ذروبه = عود يجر الخزي ويقول ياليت
الحظ جابه لين واجه صعوبه = وجر الحسايف عقب جر والتناهيت
وعلى الكرم مزنن تساقا نصوبه = لا اقبلت تلقى ارحب واهلا وحييت
والعود والبن اليماني سعو به = وحيل عليها مايع السمن والزيت
وانا عن الهيلا ومجدٍ سمو به = ربعي هل الطالات وابهم تعاليت
جينا نبارك محفلٍ رحبو به = واسوق صفرا في طربها تفانيت
بين الجزاله والفخر والعذوبه = عسفتها واوفيت بيت ورا بيت[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مابين شرهات اللحا والشوارب = ومابين فزعات النشاما والاعذار
العمر يمضي والليالي تجارب = وحنا نلوم الوقت والوقت دوار
كم يوم اقول اليوم تصفي المشارب = وانا على الشدات قانع وصبار
دام البحر ما اضناه شيل القوارب = ودام النفوس كبار واحلامها كبار
باخذ من همومي استراحة محارب = والاعب الطاروق وانقاه واختار
قاف يشادي ساطيات المضارب = ولاني بوجها على غير معيار
شفت الدوا يخلط بسم العقارب = والسمن ماينفع طويلين الاشبار
راحت مفاهيمٍ وبانت مأرب = والعالم تجامل غريبين الاطوار
الناس غير الناس والوضع خارب = وانا ما اعم الخلق فالعالم اخيار
لكن نشوف اللي هدم سد مآرب = قام يتبجح لين نكويه بالنار
تدري وش اكبر من جحيم الاقارب = انك تسوي طيب ويقابل انكار
[/poem]

جمحان بن عرار الدوسري
 

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشعر لا جا لازمه ماذخرناه = نارد على عده ونشرب زلاله
نارد حيام ونروي الكبد من ماه = ونروي مسامع من يحب الجزاله
كلن يجيب الدلو ويحرد رشاه = ويركب الناعور وسط المحاله
احد شرابه عذب من فعل يمناه = واحد يبا يشرب وتقصر حباله
وعند المنصه كل رجل ومبداه = من دون قاصر في رجال الشكاله
الطيب الطيب نجي له وننصاه = مقدار والمعذار ماني بانا له
ما ابي عزيمه عند مثله وشرواه = اجي قدر واشاركه فاحتفاله

جمحان جمحان المراجل تنصاه = تنشر له البيضا على كل طاله
صبي تم اللي على الطيب ممشاه = وابشر بعزك والعضايم سهاله
ينصاه من حده زمانه وعناه = كنه لا جاه مشاركه في حلاله
ماحاشته يمناه ماراح مخباه = يشهد له المنسف وتشهد دلاله
للعز يابيت على الجود مبناه = وللعز يامن شيده وارتكا له
مشرع بابه ويضحك محياه = طلق الحجاج اللي كريمه سباله
من دون حسكات الوبر عزمه افناه = يرخص لها وقته وحاله وماله
يبعد معشاها وتبعد معشاه = سود تنومس من فداها بحاله
اللي يهوم المجد ماتقصر خطاه = يدوس عسرات الامور ببساله
ما خاب ابوه اللي على ابوه سماه = عطاه الاسم وناجبه للشكاله
من نسل عود فاح صيته وطرياه = الطيب موروثه وسلعه عياله
عسا جنان الخلد داره ومثواه = ما مات ذكره جنه الخلد فاله
الجود والناموس والفعل والجاه = ورثه وورث مدونين الاصاله
يوم ان كلن عاش من ضرب شلفاه = خذو سنام المجد في كل حاله
اخوان حمسا في نهار المثاراه = كم عايل كانو سبايب زواله
من روس قوم لا اعتزو فالملاقاه = تاخذ وتعطي من شموخ وعداله
الاد مسعر سقم من حظه افناه = ضلع يذري من تذرا بجاله
وان ثورالميدان والعج غطاه = من هازهم بالفعل عزي لحاله
اما غدًا للذيب واللي تعشاه = والا صويب جاه الاخر وشاله
ومهديه للي كبر فعله اطغاه = ومنوخه للي هدر من هباله
ومتيه سود البكار المعفاه = والجار وامن في طرفهم و داله
الدوسري تشهد على فعله عداه = والمجد لوهو من ورا الجدي طاله
والمجد ضلع عسر هامه وعداه = والطيب كايد والنشاما تناله
يشهد له الوادي وتشهد قراياه = ويشهد له العارض وشامخ جباله
اللي يمد الطيب بالطيب يجزاه = واللي يمد الصاع ياخذ كياله
وسم العصا يمن دخيله ويحماه = وعلى المطيه مثل ختم الوكاله
مالطمت دون المشارب معداه = تارد على عد الخطر ماتساله
المجد فالتاريخ يتعب ولا احصاه = والشاعر الحاضر ذكر ماطرا له
يقدم ابيات من الشعر مهداه = ويمدها قدر وجميل وجماله
يصوغها صوغ الذهب ويتحلاه = ويصبها صب الحديد وعداله
وانا عتيبي على الصدق منشاه = اجي واشارك صاحبي فاحتفاله
مبروك يامحمد تهاني مثناه = نفرح لمثلك يالخوي ونعنا له
خطوا الولد يطيب من طيب مجناه = واللي سواتك كاس الامجاد ناله
اشهر سما ياللي كريمه سجاياه = والقاع خله للرخم والحثاله
وختام ما قلناه واللي ذكرناه = صلو على محمد وصحبه واله
[/poem]