ماهو انا اللي يلتبس عجزه الحاف= مير الله اقوى من زمانٍ عصاني
اخايل ابروق الفرج صبر ماشاف=واقف على باب الرجا والأماني
ليه الليالي ياعلي مابها انصاف= وليه الزمن ماحطني في مكاني

لاوالله الاطحت بيديك يازين =من يوم حطو دارنا جنب دارك
من يوم خلوني اراعيك بالعين =واشوف من ليلك بقايا نهارك
مقول

تكفى رفيق الدرب ناولني ادواه= انا انطعنت وختجري في يميني
مهدي بن سعيد

مدينه مالها معنى ومدينه كلها اسوار=ومدينه تايهه بيني وبين الحلم واشجاني

ذبحني الوجد وادميته=بلا فازع و لا فراع
قهرني لين بكيته= وتاليها عصا وانصاع

طويل الليل علمني علامك مشهر الديجور=انا ما همني بؤس الظلام واخر اخباره

شمس الظهر مع طلتك كانوا اثنين=جابوا المطر والغيم لاطراف حبري

يسعد مسا عينٍ بدت فوق مرقاب = وتخايل ابروق الشفا من حلاها

احسك ساكنه فيني ولااقدر اطالع فيك
ذبحني هالجفا مني علىنفسي يعصيني

يافاتنه هلي على القلب واسقيه=ترى جفافك فيه خان القصايد
تزيني للقاف واغري معانيه =و الله لهله مزن فوق الفرايد

يامزن ياهتان ياحلم ياتيه = ياقبلة العطشان واول نواياه
سيلي بصدري واطفي الجمر وانسيه= وخلي زلالك ينبعث في حناياه

احرمت نفسي الدمع
وبكُيت وجداني
وطفيت بنفسي الشمع
واحرقت اغصاني
احاول اجمع اطرافي
ولااقدر
واحاول امسك اقلامي
وأتعثر
بريح الليل
مسكين صوتي راح
والا نادى
وحزين باقي البوح
يتهادى
على حبري وقيفاني
وصمت الويل

نامي على صدر الوفا لاتهابين=واخذي من احضان الأمل ما نويتي
و مدي نظرك بداخلي لاتخافين= تلقين ابه محفوظ كل مانسيتي
شوفي الحياه بكبرها بين ضلعين = تلقينها من وين رحتي وجيتي
شوفي البحر شوفي الزهروالبساتين=وشوفي مكانك يوم جيت وسريتي
وشوفي على ذاك الجبل طاح بيتين= يومك مسحتي د معتي وما بكيتي

تعبنا والزمن عيا يصافينا وذقنا المر= الا يامر كاسات الزمان اللي يساقينا
تغربنا ولا شفنا على حد المهاجر فجر=وحنين الموطن الأول يحرضنا ويغرينا
صبرنا بس من يصبرعلى دربٍ يحفه جمر=وماغيرالله سبحانه يقدينا ويهدينا

كانك نسيت الجرح والله م\انساه= وكانك تد وُرعذر بعطيك عذري

ماعاد يغريني
وجودك
ولايعذبني
صدودك
صدقيني
انا تعودت الجفاف
وجروحه
ورضيتها الضحكه
المذبوحه
ودموع عيني
صدقيني
كل شي يدفعني
هناك
يم الهلاك
ويم الظنون
ومعمعتها
ويم الأقنعه
واللي حوتها

تشرق شمس
وتغيب في عيني
ويبدا الليل ويكويني
ويرضيني بقايا طيف
يمرمثل الضيف
ولايبطي
ولايعطي
الا الجروح
واسامرها
اغنيها وتبكيني
وترضيني
وترجع علي الشمس
واحتريها تغيب
في عيني

لاتحتريني الطريق
اللي ابيه ومايبيني
مايبيك

وينك
انا ادري ترى
وينك
اشوفك في سما
كذبك
تدور شرقك وغربك
وتبيع الود
وتشري الصد
وبدون احساس

لاانتي ورده ولاانا مزهريه من خزف
صدفه وحده جمعتنا وشوفي وشلون
الصدف




بدر

انا جمعت الشمس واشرقت صوبين= واخاف ظلي من ورى الطيب يغدي

احوال من احوال وحوال بحوال= انفخ لها صور المعاني قيامه
العصراصبح خسر والصدق بغلال=وسجانه الشيطان وابودلامه