:
*
/
*
:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قلبي ماسينجر وانتي عيونك ايميل = ضافك بدون شعور من موقع الذات
عنوانها (عين الوله ) @ هوتميل = والقلب من غيرك رفض اي اضافات[/poem]

[align=center][align=right]عزف الـ ( 700 ) على وتر ( الفقر )

في ظل الظروف الإقتصادية الراهنة وأثناء ثورة الغضب الشعبي العارم من فساد التجار في رفع الأسعار،
لازال المواطن السعودي المسكين يعاني الإبتزاز عقب الإبتزاز ولاحول له ولا قوة .
هاهي شركات الـ700 الوهمية وشركة الإتصالات القديرة تلعب لعبتها القذره على ماتبقي
من راتب المواطن السعودي المسكين الساذج في كثير من الأحيان .
بأي حق تقوم شركة الإتصالات بالتعدي على خصوصيتي كمواطن -على قد حاله- وتعطي رقمي الذهبي
لهذه الشركة او تلك، وهل تأكدت الإتصالات السعودية من نشاط هذه الشركات ومصداقيتها أم
انها لم تهتم الا للربح فقط دون اي اعتبارات انسانيه .
في كل يوم يصلني من ثلاث الى اربع رسائل ابتزازية حقيرة ، فمرّه (اتصل ربحت مبلغ وقدره 20000)
ومره اخرى ( اتصل لتحصل على شريكة حياتك ) :) ومره (اتصل فقد اخترنا رقمك
من بين مليون رقم لتكون الفائز بسياره لاند كروزر )
قد يقول عاقل وانت لماذا تتصل لم يجبرك احد على الإتصال ، اقول له ياعزيزي العاقل الحاجه
حواجه والعزف على وتر الفقر يعطي لحن الأمل في شي يعوّض المسلوب سابقاً من اسهم و اتصالات وخطوط
جوية وايجارات وقسائم مرورية وغيره وغيره .
عموماً ( من أمن العقاب أساء الأدب ) ، ولا رايح فيها الا 20 مليون ( مفرّح ) :)




.
نقطة[/align][/align]

[align=right]8
8
8
:
:
:

من ( صندوق الرسائل الوارده ) على سبيل المثال لا الحصر

(1)

اختارك المذيع لتستلم هدية مباشره معه
اسرع على 70007733
(2)

مبروك تحدث معنا مباشرة
لنأخذ منك عنوان المنزل لتوصيل
الجائزة 70007522
(3)

الف مبروك جوالك من بين
الأرقام الرابحه اتصل للإستلام
70007502
(4)

الموظفة :) على 70007560 تنتظرك
لتأخذ بياناتك ومكان اقامتك
لتسليمك المبلغ غداً
هههههههه


وصل الإستغفال الى هذا الحد :)

الا لعنة الله على الظالمين
وحسبي الله ونعم الوكيل[/align]



نقطه

[align=right]فكره اعتقد جديدة :)

جرب وقس ( حدود اسمك ) ومدى استيعاب حروفه للكلمات التي تشترك معه !!
بشرط ان تكون كلمه واحده من اسم او فعل يكون لها معنى ..

مثلاً ( فيصل ) = ( فصلي - فصيل - يفصل ) = 3 كلمات فقط لاغير :(

مثلاً ( حامد ) = ( حماد - مداح - احمد - امدح - ادمح - دحام - دامح - داحم ) = 8 كلمات

مثلاً ( خالد ) = ( اخلد - داخل ) = كلمتين

مثلاً ( سعد ) = ( عدس - دعس ) = كلمتين

مثلاً ( تركي ) = ( كرتي - ركيت ) = كلمتين

مثلاً ( اشرف ) = ( افرش - اشرِف - اشفّر - ارشف - شارف - فراش - فشار - فارش ) = 8 كلمات

وهكذا

ولي عودة مع اسماء اخرى :)

حان وقت النوم حسب التوقيت المحلي لمدينة احلامي



:)[/align]

[align=right]:
*
/
*
:

إكتشفت أنّ :

# العمر يمشي على طريق الحياة السريع بسرعة 1000 كيلومتر / الساعه .

# نوم ساعه في الليل يعادل 1000 ساعه في النهار .

# رمضان في نظر الكثير ( جو ) طعام وتلفزيون .. والعيد ( جو ) مقاضي .

# الشك / مرض فقدان الثقه في النفس او الآخر .

# أفضل الأصدقاء لك أكثرهم كذباً عليك .

# الإنسان مثل ابن آدم اذا توفى مات :)

:
*
/
*
:

بالأمس قرأتك جيداً [/align]




[align=right]:) [/align]
[align=right]إبتسامه صفراءٌ فاقع لونها [/align]

.

:
*
/
*
:


[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عاد عيد الله وامن العايدين = وكل عام يعيد ربي عيدكم
وانتم بصحه وخير وفايزين = والله يبارك لكم ويزيدكم
والله الله ياجميع المسلمين = بالمحبه والمحبه بيدكم
امسحوا ماكان من حقدٍ دفين = وابتدوا عامٍ جديد يفيدكم
الحياه ايام والأفراح حين = والقبور تريدنا وتريدكم[/poem]

:
*
/
*
:

:
*
/
*
:
[rams]http://www.6lal.com/hatem/feast4.rm[/rams]
:
*
/
*
:

*
/
*

عودة بعد حين
ومعاودة للركض في فضاء الفكر

*
/
*

فقط القليل من الوقت حتى استجمع شتاتي

:
:


هنا

[align=right]:
*
/
*
:

إنتي هنا ....
وسبابتي تشّر على صندوق
مفتاحه معك
وانتي معي .. وانا معك
أي باختصار
تشّر على قلبٍ
يشتتني على شان
اجمعك

:
*
/
*
:[/align]

:
*
:

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يازين كلمة ( حبيبي ) من شفايفها = أحس باني صراحه ( واحدٍ ثاني ) [/poem]
:
*
:

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وحشتني ياصاحبي يلعن ابو جد الغياب = اللي غرز رمح الغلا في قمة الراحه وجع
خلا جروحي (مزعل الفرحان) واحساسي (رباب) = مافيه عرقٍ من عروق الشوق في قلبي هجع
غرامنا شيٍ مابين الما الحقيقي والسراب = واشواقك أسماك ببحر غيبتك واشواقي بجع[/poem]
:
:

مزعل الفرحان : فنان شعبي عهدي به بداية العولمه :) ، وظيفته فقط ان يزعل الفرحان والله المستعان
رباب : فنانه لم يبقى في ذاكرتي شئ منها الا شوشتها :)
بجع : طائر بحري منقاره ثنين متر قدام يتغذى على الأسماك ،أول ماشفته على كورنيش الدمام ماعرفته :)

(.. لآلئ مرقابيه ..)
 

قصيدة " طيور المزغديّه " للشاعر / عبدالله الطلحي
كم أنت رائع ياعبدالله ، نصّك يتجدد مع كل إحساس بالخوف والشفقه على هذا الكائن الوحيد المسكين والذي أنهكه كل البشر والذين أصبحوا كلّهم شعراء مبدعين :)

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ليت للشعر لوحه وإستماره=بعد ماصار مجهول الهويه
وعسكرٍ واقفه في كل إشاره=لأجل ترفع على المخطي قضيه
والقضيه تصل عند الأماره=تردع الناس بأحكامٍ قويه
كان ماجات للشعر إنحداره=كل من حب جاته شاعريه
إبتلشنابهم في كل حاره=أجوديٍ لمح زول أجوديه
كلهم يدّعي وصل وزياره=عند ليلى وهي منهم بريه
ماتباغير منهو في الصداره=قيس محبوب ليلى العامريه
الصداره وصلها عن جداره=ينظم الدر ويجيبه هديه
والدرر كل دره في محاره=والذهب في بنوك الصيرفيه
والخزاين مع ارباب التجاره=فتْحها بالحروف الأبجديه
راعي الكار هو داري بكاره=لو يقولون غادي في نحيه
ماتشوف العمى في جوف داره=لاإنطفا النور خير من البقيه
وكل صقار داري عن حراره=والغشيم إدّعى بالمعرفيه
يحسب الصقر صياد الحباره=مثل باقي طيور المزغديه[/poem]

قصيدة " ورده في شراييني " للشاعر / عواض عبدالرحمن الشهيب
عواض شاعر عذب ، قد لايكون في قصيدته الكثير من الصور الخياليه ولكن احساسه في القصيده صنع صوره كلية رائعه بقدرِه ، أعجبني النص بقافيته الغير مستهلكه (آكي ) والذي ابدع فيها
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هو ليه ! ياوردتي .. ياعطري الزاكي=ملتي ظما وانكسرتي يابعد عيني
اقسم برب ٍ منحك الطيب واحياكي=ماينثني لك قوام وباقي ٍ فيني
روح ٍ تنفس .. وقلب وعين تهواكي=دام الوفا سنتي وانت ِ قوانيني
لاسقيك ياذابلة من طرفي الباكي=وان مارويتي .. سقيتك من شراييني
علي حفظك وعين الله ترعاكي=عيشي بامانه واماني والوعد ديني
وعليّ كسرة يمين اللي تهقواكي=وعليك نسمة شذا . . لمواجه اسنيني
لأن عمري ومشواره بليّاكي=مثل المنادي على ناسِ مقفيني
واوعدك ياوردتي .. . ياعطري الزاكي=لن كان ملتي ظما ... لزرعك في عيني[/poem]

قصيدة " مرفى القمر والحرير " للشاعر / غازي المغيليث
ماأروعك ياغازي ،فعلا شاعر عبقري تكتب بحرفيّه عاليه وتجديد مبهر ، نص يحتاج للكثير من المتصفحات ، عذراً على إيجاده هنا دون الغوص في تفاصيله الخطيره وابتكارته الملفته ، لكن لعلنا نتعلم القليل منه ..
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
طاحت سما الصبر واغتال الفراش الهجير=ياالله يا ملتجى وجهي ويامحزمي

يطغي على سطح صدري فيض همٍ غزير=وانا آدمي قلب وعيون وضمير آدمي

ان مرني من نسيم الصبح نسمة عبير=مريت جرحٍ زرعني فوق رمش قلمي

اصوّر الناس والدنيا خَضار وغدير=واصلُب دموعي على شُرفة دمي ولحمي

واحيان احس ان قلبي قلب طفلٍ صغير=يسكن عيوني ويركض في فمي ونسمي

ومابين دفن الشهيق وبين نبش الزفير=يعرض على شاشة افكاري ذهب وفحمي

واشوف نوب التذلل في شموخ الكبير=واشوف عزة ملوك الارض في معدمي

واشوف الاجرام فالوجة السفير المنير=واشوف نظرة براء الاطفال في مجرمي

والياركض وسط وجهي دمع عين الفقير=يتمت مالي وجاهي وقدمي وكرمي

وان مدّ لي حظي العاثر رمالٍ وجير=حوّلت نِفده وضلعانه ذهب منجمي

وغلطان من قال حبل الكذب حبلٍ قصير=وغلطان من قال قلبْ محبّ اصم ابكمي

والارض لو توأمت (نيتشه) وادب شكسبير=وجابت وراء التوأمين الاوله توأمي

مرت على الجهل واهل الجهل ديمة عصير=نهارٍ اجوف وليلٍ موحشٍ مظلمي

صحافة اليوم مسنود وغنيّ ووزير=اشعار ماتنبلع.. وافكار ماتهضمي

والنود وان فاح فيها نفح جوري وكير=يقول دمّي عدا دمّي ودمّ رحمي

إلكم فضاكم نفاق ومدح بشت ومدير=واليه فضايه ياعلّي ماخلا واعدمي

والكم بلدكم روافد سلب عزة وخير=واليه بلادي فدى عمري وفدوة دمي

والكم من الحسد.. مايعقل مسير البعير=واليه من الحب ماخلا الجمل درهمي

وان ضاع من بخلكم مثقال حبة شعير=ماضاع من مد يمنايه كرم حاتمي

وان مات الاحساس فـ (ابن ادم) ومات الضمير=لاعاد ترجي من ابن آدم يكون آدمي

خلوني اهيم في وادي وفي جم بير=وخلوني ابحث عن اجزائي وعن معظمي

ابكي بكا الغيث واحزن حزن شيخٍ ضرير=وانثر جروحي على سكة جمر ميسمي

والوّن البحر واضحك ضحك طفلٍ غرير=واتبع جداول خيالاتي واسجّ قدمي

خلوني اكون للفكر المناضل سفير=كم غير الناس بيتٍ شاردٍ ملهمي

وياعايده .. عايد التشويق ..وضعك خطير=ياسيف موسى نصير وسيف ابن مكدمي

الحب علّمني اشيا غير واحساس غير=جروحه اجروح غير وبلسمه بلسمي

والبعد لو حط قلبي وسط قلب السعير=فى وجة سيف الوليد وخنجر الحضرمي

والله مانساك يامرفى القمر والحرير=وانتي جرائم سكوتي وانتفاضة فمي[/poem]

قصيدة " خيره " للشاعر / عبدربه العازمي
عبدربه من الشعراء الذين لم يُنصفوا كثيرا ، شاعر على السجيّه ، من أخطر من يكتب التقليدي في هذا الوقت ، استخرجت هذا النص من أرشيفه الغزلي الجميل والذي يأبى أن يكتبه الآن لأسباب غير مقنعه :)

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياملّ قلبٍ تعب من جدْ وأتعبني=من قو همي سهرت الليل ما بتِّه
كنّي ذلولٍ متى ما أراد يشعبني=لا قام يومي به الهاجوس ويمتّه
من شئٍ أشاهده ما هوب معجبني=مما تشوف العيون وما تكبدتّه
أكبر خسارة معي حظٍ يحاربني=فـ الواقع المر كلّفني وكلفتّه!
بيت الغرام انهدم ماعاد هو مبني=وأنا الذي في ربيع العمر شيّدتّه
يوم انقشع من محله قلت يا غبني=ياليتني عن شعوف الصيف جوّدتّه
ما نيب لاقن بداله ما يناسبني=انحتّْ غصن المحبة والورق حتّه
في ذمتي فـ الهوى محدن مكذبني=ألاّ غشيمٍ يحطّْ الأربعة 00 ستَّة!!
ياصاحبي عقب هاذي لا تعاتبني=دام الخطا اللي بدر منكم تعمدتّه
لا تلحق الشرهة الشرهة وتغضبني=يكفيك قلبٍ ملكته غصب وأختّه
العام بالرمش تاكلني وتشربني=واليوم صاحبك بالعينين ما صدتّه
والصوت من يمّكم ماعاد يطربني=سوّدت يومي لكنْ وجهي ماسوّدتّه!
إبعد مع أرض السعة لا عاد تقربني=يوم الغرام انتهى والحلم بدّدتّه
أحسّْ لا ابعدت دارك يا معذبني=حرّرت منك الخفوق اللي تسيّدتّه
لعل فيما حصل درسٍ يودّبني=خيره 00 ورايي هذا بالذات أبا أبتّه
لكن تبغا لها حظٍّ يصاحبني=وألاّ العزيمة معي بالحيل منهتّة!
على كلام المثل 00 لا أحدن يحاسبني=عطْ صاحبك حظّْ وبوسط البحر زتّه!
توبة عن الحب والمجمول توّبني=سمّوني الخبل كان إني تعوّدتّه!!؟[/poem]

قصيدة " القلوب الدافيه " للشاعر / عبدالله ذويبان
كم هو مبدع هذا الشاعر قرأت نصوصه فوددت أن اضعها جميعها هنا ، شاعر ذكي ، اسلوبه سلس
ثقافته ممتازه ، يعرف كيف يفاجئنا بفكر متجدد ، ويعزف على قلوبنا احلى سيمفونياته ..
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا نجم يا ساري على مسراي تكفى لا تبان=قّل للظلام يلبّس الدنيا عباة ٍ ضافيه
مليت أشوفك ممتلي بالنور و تضيء المكان=و نجوم صدري داخل أضلاعي حزينه .. طافيه
يا أبن الحلال.. أرجوك طف النور في دربي عشان=ما عاد أميز فالوجيه .. الخاينه و الوافيه
ليه أخسر اللي طاح من عيني او أكسب لي رهان؟=ما عاد تفرق .. و النتايج كلها متكافيه
ما عاد أبي صدمات تحت اسم التجارب.. و أمتحان=واحد كفيل بتعريّة كل العلوم الخافيه
الجرح واحد لو يجي .. من يد فلان او يد فلان=يتشابه الهافين .. في فعل الأمور الهافيه
نفس الوجع/نفس الضما/نفس الخطا/نفس الجبان=نفس السؤال .. و نفس اجابات الشهود النافيه
يا نجم خلك في محلك مالك و مال الطمان=أقلط على صدر المعالي .. صحتين و عافيه !!
ما دام موتك مستحيل و فيك للجو اتزان=لا تنزل الوادي و تضربك الرياح السافيه
تدري لو أنك تسأل عيوني عن الحرمان .. كان=تشرح لك الحرمان في نظرة أجابه شافيه
حلمي كبير و سيدة حلمي من السحر البيان=ما جابها الواقع و لا جتني على ارضه لافيه
من وحي فكري صاغها الحرمان بعيوني كيان=أعيش فيها و أحترق لسنينها المتقافيه
فأن كانها متفرده .. بأحساس و أوصاف و ليان=قصيدتي متفرده .. معنى و بحر و قافيه
بنت القصايد .. كل ما هب الهوى و الطرق زان=غنيت فيها لين اصحي كل فكره غافيه
ما يكفي اني كل ما غنيتها ذاب اللسان=كنه يقول ان السكوت أحيان حاجه كافيه!!
أحيان أخاف الموت بيديها و لا أشعر في أمان=و أحيان أحب الموت .. لكن المنايا جافيه
ان سولفت في صدري الخايف من البرد أستعان=فيها.. و قامت بين ضلعينه تمشا حافيه
فيها برود و ثلجها .. خلطة رحيق و زعفران=تحالفوا فيها على هيئة ( عصابة مافيه )
هذا يجيد الفلسفه .. و هذا يجيب الأحتقان=و انا مع الأثنين نفسي ما تجي متصافيه
وش عاد باقي!! بنت عز/و بنت شيخ/و ذات شان=مثل البحر و امواجها بأسمى المشاعر زافيه
قالت : اذا مات الدفا .. من يثبت ان البرد خان=في صحبته .. قاطعتها!!قلت : أسمعي يا وافيه !
لولا الوفاء مات الدفا ..و اصبح يهون و يستهان=و أجراحنا بأروحنا صارت مهي متعافيه
الشكر لو ماله وجود .. ان كان ما فيه أمتنان=وأكبر جفا .. وش ياسعه غير القلوب الرافيه؟
يا غاليه .. رغم الوجع رغم التعب رغم الزمان=جيتك و قلبي ينتظر فرصة حنان موافيه
حطيني بصدرك واذا قال الزمان: أظهر و بان=خليني ابقى داخل ضلوعك .. بخير و عافيه
انتي عطيني من غلاك.. أحساس وشويّة حنان=وأعطيك قلبي.. والقلوب أطباعها متنافيه
تدرين لو كان الدفا دوله و فيها .. برلمان!=صرت الزعيم .. و قائد أحزاب القلوب الدافيه!
لا زلت عادي.. رغم كل البهرجه و الهيلمان=صافي نوايا.. في زمن ماله نوايا صافيه
ما هو خطا لو نفترق .. و يذوب شمع و شمعدان=بس الخطا لو نجتمع .. و قلوبنا متجافيه[/poem]

قصيدة " تناهيت الصدور " للشاعر / مناحي
نص من أروع نصوص الشاعر الرائع مناحي إن لم يكن الآروع ، إكتملت فيه مقومات النص الراقي الباقي في الذائقة ، إستطاع من خلاله أن يتمرّد على ذاته ليخرج لنا لؤلؤه قيمه ..
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مع الوقت القديم اللي بقالي منه غصن وطير=خذاني هاجسي في طاري البستان وطيوره
يوم أن اليوم ساقي ماء صباح وهفهفات عصير=تلاوين المساء تطبع على عيني لها صوره
ما كنت اللي يعشق الملح لو الملح طعمه غير=يالين الفقد طاول مركب البحار وبحوره !
أمانه يا مراويح السحاب المركمه بالخير=تعدي وأسفهلي فوق صدرٍ ملت دهوره
تحت صدري مدينة من زمن صالح وورد البير=وانا عيني على من عاشها لايعلن الثوره
أداريها وادور عذر واكذب واشرب التقصير=وياكلني عناي وعارض الشيطان وغروره
انا ماني بزيرٍ للنساء يا سالم ابن الزير=انا اللي حاكم شعوره ومات بطعنة شعوره
وقفة أقول لحمول الزمن تحت الحمول بعير=وعيا لا يقوم بحملته من قل مقدوره !
هلا يا صبح عيدٍ زانه التهليل والتكبير=سواليف السنابل شيقه والارض ممطوره
تعالي والمهر قلبٍ حدوده يطلع النوير=تعالي عرضةٍ بالسيف منهيه وماموره
حشى لله ما ردك لداخن نافخين الكير=ولا أنتي لو تميل ارقابهم .. بالصد معذوره !!
تنهيات الصدور وقلة الحيله وعكس السير=وزحمات الشوارع تَطْلع الرجال من طوره
مع الوقت القديم ترّجعه بالحلم والتفكير=وهو ما باقيٍ له غير غصنٍ شال عصفوره [/poem]