[align=center]اشعره معاويه .. بيني وبينه *** لو يجور الوقت عمره ما قطعها[/align]
[align=center]============================[/align] |
[align=center] ماقطعها غير رجالً سنافي ** الدروب اللي تودي للمراجل[/align]
|
المراجل بعيده عن ثلاثه**خبل والا ردي والا بخييييييييل
|
بخيل ٍ تطرّد وسيوف ودروع ورماح الحرب
لكن الحين صاروخ وهليكوبتر ودبّابه |
...بابه مفتووح فبابي**غالي وعيني ع الغالي :)
|
الغالي اللي يستخفّ بغلاي .. الْه
ــــــ ينضب غلاه .. ويمكن يباع بـ رخيص ! :) |
رخيص القدر مالي فيه حاجه
ياجعله بعد عطران الشوارب |
الشوار بـ نص دينار واحياناً ربع **وإن بغيت الدعم حدّك يجي عشرين كيس
:( |
عشرين كيسٍ في يد الحمّال
والفقر كيس الصبر يشتاله! :) |
يشتاله اللي للثقيلات شيّال = اللي ليا زاد الحمل ، زاد قوّه
:) |
قوّه .. مساء الخير .. كيف الحال
ــــــــ مشتاق .. وقلت امرّ .. واسلّم ! :) |
أسلّم يوم اشوف الناس يمي
ولو ما شفتهم يمي بأسلّم ! :) |
[align=center]باسلم لك مفاتيح الضماير=ومتى ماشتقت لي حياك ربي[/align]
|
اقتباس:
[align=center]ربي يحفظك يا لعتيبي ويبقيك 000 أنا أشهد إن البيت هذا قصيدة[/align] |
[align=center]8
8 8 8 قصيده من مشعل****تسوى شيٍ واجد[/align] :) |
[align=center]-
- -اشكرك بعنف اخوي مشعل - -[/align] |
[align=center]واجد الاصحاب في وقت العوافي=وفاللزوم اللازمه ماني بقايل[/align]
|
[align=center] العفو يا ناصر وحقيقة بيت مبهر جدا 000
أما أنت يالمسري ، فشكرا لك شكر يليق بك وبمكانتك الكبيرة بقلب أخيك 00 آسفين يالربع لهذا الفاصل 00 والكلمة المطلوبة هي : ماني بقايل 00 مثل ما قال ناصر ![/align] |
مانيب قايل في غيابك وفاتي = لأنه قدر ماهو بيدّك ويدّي
.. |
يدّي ويدّك على العليا *** متكاتفه , والله الوالي
|
الوالي الله ولا غيره يدير الفلك
ــــــــــــ اللي ليا ضاقت يفرج علينا الكرب |
الكر بعيون اكثر الفرسان .. نصر وسيطره
ـــــــــ والفر في بعض المواقف يعتبر .. بيرق سلام |
سلام الله سلامً يضرب الوقفه على المحراف
ولا عنده في احد واللي تجي قدمه يطيرهـا ,, :) |
يطيرها الهبوب وتبترم .. تسليمة ابن قنيص
ـــــــــ يا لين تثور عجتها من اعلاها ليا اسفلها ! :( |
اسف لها معنى لكن ماني بقايلها لكم
تسليمتي حتى الهبوب العاتيه تذعنلها :) |
| جميع الأوقات بتوقيت GMT +3. الساعة الآن 03:07 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية