http://gallery.johina.net/up/9432/1157329658.jpg



[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
كم بسمةٍ من دموع العين مذبوحه=وكم فرحةٍ ماتت امن الحزن قدامي !!!!!![/poem]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ماعاد لشعر واهس جف نبع الغدير=لوان غيوم المشاعر تدوي ارعودها
ماغير ادرج طواريقه تسير واسير= لو بعض الاحيان ماتنساق وقودها
غنيت يوم ان هواجيسي تثار وتثير=واليوم ياقل مجهودي ومجهودها
مدري بحور الشعر ماعاد ماها غزير!=والا بحور الهموم اجتاحت اسدودها!!
بين الرقيب ومقصه والحدث والضمير=شابت عيون القصايد دون مقصودها[/poem]

,,

,,

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
لاتقول وشفيك ؟ وانت ادرى بما فيني=لو يجهلوني الملا ماظن تجهلني
اللي بقلبي تشوفه في طرف عيني=تعرف إجابة سوالك قبل تسالني !![/poem],,

,,

http://alajman.net/up/uploads/2420c2233e.jpg

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
لو ان كسرالخواطر يجبر ان جبر=ماكان دناقتي تشره على اسكاتي[/poem]

http://puredream.jeeran.com/70769826O867377119.jpg

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
دام المفارق شر لابده ولا انت ابمستخير=اخلص علي النفس لحظات الوداع اتهدها
بموت من حر الوداع وسكرة الرمق الاخير=الي تضيق ابها النفوس الين تاصل حدها
وادع فمان الله والدنيا رحاها يستدير=والا الليالي خلها للي وراك يعدها
لا تشيل همي خل همي رح عسى دربك سفير=وسع خطا رجلك على درب الرحيل ومدها
والله ماقسى من فراقك يوم هميت المسير=الا تصدادي من ادموعن عجزت اصدها
مالوم عيني لرخصت لعيونك الدمع الغزير=ومالوم روحن من عناها باح خافي سدها
عزي لحالي من عقب لاماك يالبدر المنير=ا(لله يلعن نازحات البين ويلعن جدها)
اللي غدت بك عن عيوني وانت لعيوني نظير=وقفِت بك ونفسي عليك اتحدني وحدها
ياشين فرقا من تعده لك على الدنيا عشير=لا لوحت يمناه للفرقا عقب ما مدها[/poem]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ماقسى من الدمعه لاطاحت من العين!=الا الشعور اللـي دفعهـا وطاحـت
وقسى من شعورٍ هتك ستر جفنيـن!=حبس المشاعر يوم فاحت ولاحت
وشد ومضى من سيوف (المغليـن)!=حرمـة كرامـة لادمـي لستباحـت
وغنى من اهل الجاه/ واهل الملايين!=نفسٍ رضت باللي قسـم وستراحـت
ومر / ودهى من ظنا البعد والبيـن!=الفرصه اللـي ماتعـوض وراحـت
وبلغ من حروف الهجاء والدواويـن!=نظرة حزن غصت ابماهـا وشاحـت
وحر من دمـع اليتامـا المساكيـن!=دمعة غبن من عيـن رجـال فاحـت [/poem]

[poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الليل موحش وعين الحزن مفضوحه =ادموعها ماسترها جفني الظامي
لافرّعت سترها ثم قامت اتشوحه=سترتها عن عيون الناس بكمامي
كم بسمةٍ من دموع العين مذبوحه!=وكم فرحةٍ ماتت من الحزن قدامي!
سيلّت الاقلام والاسباب مشروحه=ومن يوم سالت عيوني جفت اقلامي
وما بانت الصوره ولا اكتملت اللوحه=الابعد مادفنت بياسي احلامي
[/poem]

http://1.bp.blogspot.com/_fOJ7lhMHYd.../s320/rain.jpg


[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

اتحب صوت المطر وتخاف رعاده=وتحب شوف الندى على دريشتها
على الندى بالدريشه ترسم اقلاده= ورده ودبله وقلب وحرف دنياتها
ماتدري انفاسها من الشوق وقاده=ذوّب نفسها الندى وجتآح رسمتها
[/poem]

[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
لا صار مالك بالصحافه ولد عم=خل النشر للي له ابناء عمومهّ!!!!
[/poem]

رح وين ما ودك تروح اللھ معك
ما أنـَتَ بخلي بعدي ؤانا ما أني خلي

إبحر وفي بحر ألجفا فل أشرعك
( مالحب إلا للحبيب الأولي )

رحمك اللھ? يانايف ودخلك فسيح جناته
ؤعظم اللھ? أجر أبومتعب ؤاخوانه ؤالشعب السعودي في فقيد الخليج

كيبورديه.ؤالعذر يسبقها
،
،
يأكبر المصاب اللي تبثه صباح اليوم
وكالات الأنباء عبر لاجوى الفضائيه

خبر عاجل موثق بختم الملك مختوم
يذيعه مذيع النشره الغير عاديه

تصدر عناوين القنوات (علم الشوم)
وعم الحزن كل الشعوب الخليجيه

توفا زبون الطايله فزعت المضيوم
سليل الملوك معنزاتن عزاويه

رحل نايف الوقفات فرز الوغا الزيزوم
(ولد راعي التوحيد وابن السديريه )

ولي العهد سقم العدو ناصر المظلوم
وزير الأمن والدار بحماه محميه

حماها ووقف دونها في وجيه القوم
وطفاء الفتن يوم أضرمت نارها الحيه

عضيد الملك لامن غدت بالعلوم علوم
وتآه الدليل وضيّع الشور راعيه

إلى جفت الأرياق مابين بيع وسوم
بيومٍ عبوسٍ باعها بأول إلهيه

نسل راعي العوجا معزي بعيد الحوم
كريم المجاني طيبّ الله مجانيه

ياكم عابثن بمن البلد رجعه مهزوم
بكفٍ حديديه .. وحنكه سياسيه

وقف والمواقف مالها إلا قوي عزوم
وضاعت علوم أهل العلوم الهلاميه

نصر سنة المختار مابين فرس وروم
وشتت شمل جمع الفلول الخمينيه

مابار العهود ولإنقض وعده المبروم
ما خان الأمانه يوم صان السعوديه

عسى جنة الفردوس مثواك يالمرحوم
وروحك بعون الله رضيه ومرضيه

صح لسانك ياهادي على كل ماخط هنا


ورحم الله فقيد الامة نايف العقيدة رحمة واسعة



ساكون هنا ..

ولي العهد سقم العدو ناصر المظلوم
وزير الأمن والدار بحماه محميه

حماها ووقف دونها في وجيه القوم
وطفاء الفتن يوم أضرمت نارها الحيه

عضيد الملك لامن غدت بالعلوم علوم
وتآه الدليل وضيّع الشور راعيه

إلى جفت الأرياق مابين بيع وسوم
بيومٍ عبوسٍ باعها بأول إلهيه

نسل راعي العوجا معزي بعيد الحوم
كريم المجاني طيبّ الله مجانيه

ياكم عابثن بمن البلد رجعه مهزوم
بكفٍ حديديه .. وحنكه سياسيه



عسى جنة الفردوس مثواك يالمرحوم
وروحك بعون الله رضيه ومرضيه


اللهم آمين
وصح لسانك يـ اليامي
نص في غاية الأبدااع من كل النواحي,حدث,تعريف,وصف,حزن
بطريقه راقيه جذبتني لدخول ركنك والمشاركه فيه

تقديري
وعذراً عـ الفضول,’’

الغالي بن شملان

أسعدني مرورك الراقي لركني المتواضع

مرحبا بك

الأخت الغاليه
شاعرة نجد
أسعدني وشرفني مرورك
لركني

تقديري واحترامي

أخوك

ماهو مَـن طرب في ذمتي يوم أجر الصوت
ولا رأسي ابخالي . . ولا بالي أبدآله

أغني وقلبي منكسر والصدر مكبوت
ودمع العيون أقرب مَن الرمش لظلاله

هني يالخلي الداله السالي المبخوت
ماقسم حياته بين همه وغرباله

يا كم حلم عمرن مات مَن واقعن ممقوت
لقى حتفه ابمهده مع طلت هلاله

سنين العمر ولت وانا وآقفن مبهوت
تعدتني أيامه تلوى عَلى آلياله

بغيت اتلاحق مابقا قبل فوت الفوت
وبار الجمل وأول ضحايه جماله

تداعت عزومي ونثنى حالي المنحوت
وعد الروى تبني السوافي عَلى جاله

عَلى الهون ياللوام حبل الصبر مفلوت
ترى ما انت بلي يحفر ويدفن آماله

يابعد الرجاء يامقرب الياس والتابوت
عقب مالنهار .. الليل غطاه بجلاله

عقاله بعد فاله والا هي بلحية قوت
ولا بارك الله في عقاله ولافاله

جموعه تحوس البال وتلوت قلبي لوت
هوأجيس ليلٍ بين رجلي وخياله

الأربع :تبرك مَـَُِنٍّ تطوله يابن كلفوت
تنوخ قوي الباس وتطوّيّ احباله

هوآن العدم ..والحاجة.. وصدت المنعوت
وفقد الرفيق الصامل إن كبرت القاله

تدور آليالي والحياه آخرتها الموت
وربي يجازي كل مخلوق بعماله

هذا أللي طرا واللي حداني لجر الصوت
وصل الله وسلم عَلى محمد وآله

دارت رحى الايام والوقت دوار
وبانت نوايا اهل النوايا الرديه

العولمه روادها شبوا النار
ؤحنا على نياتنا وسجيه

والغرب شمر ساعده سر وجهار
ابغزو.. فكري خطته منهجيه

أفكار هدامه لها ابعاد واضرار
أهدافها ماهي علينا خفيه

رواجها منا يدقوا لها الطار
فسق ومجون ابكل صبح وعشيه

يدعون الى تدمير ل جيال والدار
والى انحلال أهل النفوس الزكيه

حربٍ ضروسٍ مالها رمز وشعار
تهدم ما تبني والعقول الضحيه

ياهيئة التعليم ؤش صار ماصار
سقطة ولا هي منكم لأوليه

لدين حرمه دونها الحق بتار
ومن دون حد ( الله) حوض المنيه

حنا مسلميين وعلى نهج الاخيار
كيف انتهجتوا منهج الجاهليه !

آ.ترتضون بغير الاسلام معيار!
وبغير شرع اللـه وسنة نبيه!

اية معايير ومقاييس وافكار!
تحل ماحرم إله البريه

دمرتوا التعليم مع سبق الاصرار
وأطفالنا ضحية العنجهيه

افكار كفار ومعايير فجار
اهدافها طمس القيّم والهويه

أسنينا تبترم مثل الرحى المستدير
وعمارنا فــ الحقيقه تنقص أبزودها

نطرد ورى أيامنا بين اليسروالعسير
عَلى أمل والأمل معقود بوعودها

ؤشبنا ؤشابت نداريها مدارا الغرير
ان كحل عيونها وان مشّط اجعودها

ويوم إن سفير النوايا گآن وجهه سفير
كنا نعرف النوايا البيض مَن سودها

تضيق الصدور وتمتلي والعيون اتفيض/
ولاهيب معذوره ليآ ضاقت وفاضت

عسانا من العافيين والكاظمين الغيض/
إذا نفوسنا فارت عن الحلم وغتاضت

ياكثر الحقوق اللي مع حويض وأم حويض/
ويآ كثر ما نفسي عن حقوقها اتغاضت

حداني على عد الهماج الضما والقيض/
بعد مبطت قنوف المخآييّل ما ناضت

سنين العمر راحت سدى مالها تعويض/
لو أبكي بباقيها عليها فلا اعتاضت

مضت ونقضت بيامها السود ويا البيض/
خذت حقها من محجر العين وتقاضت

سرى الليل يا حاديه والعلم فيه وفيه
عسى صدت آلأجواد ماهيب مقصوده

لنا الظاهر من العبد والخافي ال باريه
ما دام السراير بالمزاليج موصوده

جفاني الرفيق وصد مالد في داعيه
وكني اعزاء في علي ليلة صدوده

عسى الله يقطع دابر الشر ويحيه
إلى اقبل بجاهه والرجاجيل منصوده

تدور السنين ويظهر الوقت ما يخفيه
ؤنصرف له اللي للمقادير مرصوده

على الله سبحانه ولا خاب من يرجيه
والأرواح مغروسه والاعمار محصوده

خذها على الذرعان وآنا صاحبك
ما عاد فيها لا نذير ولا حذر

تضرس عليّ وألا تعقد حاجبك
احصد ويلقى كل حاصد ما بذر

الأوله خذها على مناكبك
والثانيه تطحن وبعيونك تذر

ما انت بصغير إذا زعلت الاعبك
ولا بعود أحب رأسك وتعذر

رجال يشكي شيل جنبك غاربك
ظواهرك زينه وخافيك قذر

ابا الطيب وتعب له واقول التعب مخلوف
وشوفه من ايديني تفاخت مقاضيبه

سوات الكريم اللي يبي يكسب المعروف
تكسر عزومه كل مالد في جيبه

نذكر الطيب وننشد على مثله
ونفرح آليا قالوا اتسرك احواله

نحترم شخصه ونغليه ونجله
نذكره من حبنا له ونعناله

وان حصل وتباعدت حله وحله
ماذخرنا الجهد والغايه أوصاله

الكفو نطمع بقربه وناصله
ما طمعنا في مخابيه ورياله

يقطع آلله رفقةٍ مالها مله
عمرها بالمصلحة وثق احباله

ويقطع اللي من قرب منه يمله
ان بخسته عفت قربه ومنزاله

المراجل كايده طبع وجبله
والنعم ما كل رجلن تهياله

دونها عزوم الرجاجيل منتله
بين هجانه ورجلي وخياله

والردي لو جاب دقه على جله
كل ما طال المدى برك اجماله

حي قرم يعقد الراي ويحله
يرتكي للحمل لا كبرة القاله

غاربه ما حط من فوقه يشله
لو تحط طويق في غاربة شاله

ضيغمين سعد منهو عوينٍ له
للمراجل تسبق أفعاله أقواله

فزعت اللي يصتلي مابرد غله
يوم قامت تصرم ظروفه آماله

جزل راس وساس طيبه على حله
مايشح بجاهه وجهه وماله

من نزاهة نفسه ومن حسن دله
مادرت عن مدت يمينه اشماله

مجلسه معلم خطاطيره اتدله
ذا على الداعي وهذا على فاله

بين دهن العود والعود والدله
وبين بشة وجه راعيه واقباله

حاتمين ذبحة الحيل طبعٍ له
عادته لو مايحصل عشاء عياله

يدمح الزله ويكرم من الزله
من دماثة خلقه و من سعت باله

ان لحقك من الزمان وهله خله:
لا تدور غير شرواه ومثاله

اهداء الى روح المرحومه(اميره )فتاه من ذوي الاحتياجات الخاصه
طلبت مني ان اكتب فيها وفي حلمها قصيده وكان قضى الله وقدره اسرع اليها من الهامي الشعري ،


اميره وليل وشموع وشاطي
واحلام طفله في كنف حورية

تنسج من خيوط الاماني واقع
على ضفاف احلامها الورديه

تسرح بعالمها الرحيب الشاسع
عبر امتداد افاقها الحسيه

في عالمن ماهو مثل عالمنا
عالم ماهو بالكوره الارضيه

كوكب مداره في مسار اهواها
تشكله غاياتها الشخصيه

عالم بسيط بكونه وتكوينه
منها شفافيته ومنها ضيه

ماعاقها الكرسي والا العكازه
ترقا صروح ابراجه العاجيه

وانبل امانيها بدون منازع
حلمن طهوره من طهر راعيه

حلمن صغير امن البراءه ساذج
(مرجيحه وزوج وصبي وبنيه )

يا مبسطك يالحلم صوت وصوره
يا ما عمقك ببعادك النفسيه

راحت وخلت في خميلة عاقم
حلمن ابا الواقع تظل امنيه

خلت بقايا صروحها المهدومه
تحت صروح احزانها المبنيه

خلت على شط النهر ذكراها
والامها وامالها المنسيه

وكل ما دعا الشاطي هبوب الغربي
وهبت رياح الساحل الغربيه

تهافتن اطيوفها تجمعها
وترسم ملامح وجهها العفويه

اميرة الحلم النبيل السامي
عذرن من الاعماق ياساميه

قصيدة(ن)طرزتها بحلامش
بغيتها حلم وغدت مرثيه

عذري ولو مالي عذر يشفع لي
ما تحتويش الصوره الشعريه

جفت بحور الشعر تحت اقدامش
وشاب الصدر والعجز والقافيه

تلحفي طهرش بأمان ونامي
مفقوده ومرثيه ومبكيه

نامي قريره وستبيحش عذرن
اكفن الحلم ابجسد حوريه

..

..

يا بن ادم وحوى كل شي(ن) باوانه
لا تغرك ليالي عمرك الفانيه

قبل لا هادم اللذات ياخذ لامانه
اغتنم ما بقالك ثانيه .. ثانيه

..

..