صح لسانك ياعبد ربه
قصيده رائعه وكايفه ياخوك اباا اسوي نفسي ما اعرف شي وابا انقد نقد يمشي الحال اول شي هذه القصيده سبب خراب جهازك كل شوي بس دام انت طلعتها هنا الجهاز راح يزبط ثاني الظاهر البنت هي القصيده والقاف يبيها بس هي عنيده شفت اني احاول اطلع المعنى على العموم لك مني فائق الاحترام والتقدير تحياتي |
:)
جيتكم يوم الله جاكم ، وبما إن النقاش انحصر في بيت واحد وتحوّل إلى نقد عرفي بدلاً من أيكون نقد أدبي ، كما كان مخطّط له .. فأقول مستعيناً بالله وبالإضافه لما ذكر الأخ نايف المقاطي من استدلال بأقوال الشعراء والفرسان الأوائل ، والذي نرى بأنه لامقارنة فيما بيننا ، ولكنا نعتبر بأمثالهم ونسير عليها .. يقول الفارس والشاعر / بخيت العطاوي في قصيدته الشهيره :- ردوا سلامي يم ساره بالانصاح ============= ليا وصلتوا دارها بالخبارا هذا أقرب مثال والا البيوت غيره كثيره ،،،، ولو نظرنا للبيت ، لوجدنا ان هناك فرق شاسع بينه وبين بيتنا هذا الذي نتناقش حوله .. من حيث الاسماء والمكانه الاجتماعيه وما إلى ذلك ، المهم هذا انتهينا منه ؟ عطوني نقد باقي القصيده ، والا تراني ابا انقدها بنفسي ..! :) |
عبد ربه
صح لسانك مدد ولاهنت طال عمرك اخوك |
أيها الأخوه أحب أوضح
لبعض الأخوه للذي ما يعرف علاقتي بأخي العزيز عبد ربه أول شيء يربطنا رابط عمل أكثر من سبع سنوات وهو من الرجال الذين ينحبون في الله وحسن الخلق ولا ينقطع بعضنا عن بعض أكثر من يومين ربما بعض الناس يستغرب في المشاده التي تجيء بيننا في وجهة النظر |
ياسسسسسسسسسسسسسسسلام
محاولة لا تأتي بشيء . . . الآن ابا اسألك يابوضيف الله ، يعني بنت الامير هذي مالها محارم ؟ ولايطلق عليهم رجال ؟ ^ ^ ^ يا استاذي القدير ابو عتيق بخيت العطاوي ما قال ردوا السلام يا من انتوا محرم لها ! هنا مربط الفرس سلام ينقل بواسطة من هو محرم لتلك البنت وإلا واجد الإبداعات الجانبيه اللي فيها من التأملات الشيء الكثير |
وأنا ماقلته ..
وارجع للبيت وشف :( .. |
اقتباس:
اقتباس:
:m5: المشكله كلها على (رجال) يا ابو عتيق بعدين وش دراك ان العطاوي يطلب توصيل سلامه من رجال هو قال ردوا سلامي بدون تحديد وهنا الفرق الله يخليك لي وخلني اختصر لك السالفه انت قلت يا رجال في البيت فان كانوا محارم فمشكله وان كانوا غير محارم فهي مصيبه :) القصيده لا يمكن اعتمادها كمستوى لشاعر بحجمك يا عشير الغانمين الله الله اف لكن على قولتك بما انك طلبت شاركنا براينا المتواضع ورغم اني اتوقع انها كيبورديه الا انه لا يشوبها شي سوى اختلال المعنى الذي يدور حوله النقاش من اسبوع :) ونقطه بسيطه واحده اخرى هي ثم تصبح الدلو تصفق كل جال مدري ليه ما قلت ثم يصبح الدلو يصفق كل جال ... ليتناسق الكلام من ناحية المفرد والجمع فالدّلي تصفق والدلو يصفق كل جال الا ان كانت التاء للتأنيث فهي مشكله استبعدها جداً او انها غلطه مطبعيه ,, ما ادري وسلامتك وعافاك وجميع من مرق من هنا :) وصح لسانك عشرة ملايين على كل حال :) |
هلا بناقدنا الحذق أبو راكـان :)
يعني عرفت أن ( تصبح ) للمؤنث ، ولم تعرف أن ( ردوا ) للمذكّر !؟ قول العطاوي رحمه الله ردوا ، يخاطب بها بل يأمر بها رجال وقد تشمل العموم :) شفت ياسيادة الناغد! ثم الدلو صحيحه ولاعندي فيها خطأ مطبعي بتاتاً ، وهي مؤنث في لهجتنا ، والظاهر عند العرب كلهم .. يقال : دلوٍ مملوءه ودلوٍ فارغه ! ودلوٍ مقطوعٍ وذمها .. ولايعني ختم الاسم بغير تاء التأنيث أنه مذكر ، فكثير من الأسماء المؤنثه تنتهي بغير التاء ! والقصيده ماهيب كربوديه كما أعتقد سعادتكم ، بل من عام السبله ! عندي القريحه ماهيب من ذيك النوعيه ، ونحمد الله على كل حال :) وصح بدنك ملايين .. وش بقينا فيه ؟ <- ماعاد يبي ألاّ الفكه :) سلام’ عليكم |
[align=center]كلمة بنت الامير واخت الامير وهناك جمع من الرجال يوصلون لها الرساله وابو عتيق ما يقدر ياصل لها
8 8 8 اجابه ابو عتيق على ذا السؤال 8 8 الآن ابا اسألك يابوضيف الله ، يعني بنت الامير هذي مالها محارم ؟ ولايطلق عليهم رجال ؟ . . كيف نقارن بهذي الاجابه بينها وبين البيت المنسوب لبخيت العطاوي 8 8 ارجو المقارنه بين سؤال وجواب من قبل من يبدي وجهة نظره في هذا النقاش [/align] |
اقتباس:
من ناحية اللهجه يا شاعرنا فالدو عندنا مذكر <<<< يعني ماهم بالعرب كلهم ;) رغم انها فعلا كما تفضلت في (الفصحى ) مؤنث واحب ااكد على نقطة ان اغلب الشعراء الشعبيين حسب معرفتي البسيطه يذكرون الدلوبصفة المذكر خاصه اهل المحاوره :) وبما ان الموضوع موضوعك وانت مرجع بالنسبه لي ليتك تدور لنا كم بيت من الموروث استخدمت فيه كلمة الدلو بصفه مؤنثه والا عكسها ياكثرها :) هذا طبعا طلب ليس الا <<<<<<< بلييييز :) واسمحلى على مداخلاتي اللي طلع نصها من جنب القده :) وبالنسبه لمحور النقاش الاول فبصرك انت وابوضيف الله قابلني ان اتفقتم :) عساكم على القوه وفي امان الله يا كباتن <<<<<< ما عد يعودها :) |
انا أتوقع إن القصيده ماهي لعبدربه خير شر !
|
أباأرتجل والهدف يبغى ارتجال
واقدح بيوتٍ من أعماق الضمير صح لسانك صح لسانك لاهنت احترااااامي و ج د |
صح لسانك يابو عتيق
والنقدعليها بالنسبه لي في ثلاثة مواضع:_ 1_ التكتم على القصيده وعدم نشرها يثير التساؤلات التي ليس من حق احد ان يحصل على ايجاباتها وهدا يعرض القصيده للتأويل بشكل خاطئ من اصحاب الفضول لدلك لازم تعلمنا وش طراها والا تحمل مايجيك من تأويلاتها 2_ استخدمت كلمة (الى الأمر الأخير) والكلمه هدي ماهي من صلاحياتك لدلك احتزم الاسبوع الجاي كامل والله يعينك 3_انك تعرض مثل دالقصيده للنقد ظلم لنفسك لأنها والله جزله لكن الظاهر انك تبغى تثير جدال ثقافي على شان تستخدم صلاحياتك على من يزل لأنك استشاري وحن ياضعوف لكم الله اقول صح لسانك وسلم بنانك والله يغفر لك دنبها ادا لم تعد من احسانك تقبل تحياتي |
الظاهر نحتاج معجزه حتى نوافق بين الوجهات هنا !
بس ترى هذي ميزة النقد ، ولو لم يكن هناك اختلاف ، لما سمي نقداً .. لكن يابوراكان ، البحث مانيب أدانيه :) وعندي مشيوير ، وإن تسان عوّدت سالم وقدرت اجيب لك أدله ، كان بها وألا ترى العلامه الغفله ! أبو سعيـد ( العسبـل ) يامرحبا يانااااه :) أبرك قصيده اللي تجيبك أنت وشرواك يامحامي ! لكن ترى ابن يحيى معه طرف علم :( أجل مايسوغ لي أستخدم بعض المصتلحااااات ;) لاهنت على حضورك وإعجابك ودعائك .. شكراً لكم جميعاً :) وسلام’ عليكم |
| جميع الأوقات بتوقيت GMT +3. الساعة الآن 03:27 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية