يقول ابو سعيد
[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] رضيت بالحزن عمر وبالمواجع خليـل= وقدرت اعيش بحيـاةٍ باهـتٍ لونهـا عودّت نفسي مدامي جيت عابر سبيـل= كل ما دهتني مصيبـه قلـت ياهونهـا عاصرت من دورة الأيام شـيٍ مهيـل= ومريت بـدروب غيـري مايمرونهـا من كثر ماشلت ماباقي بجوفي مشيـل= روحي تدور معيـن ولا لقـت عونهـا كم شجرةٍ جيت أدور لي تحتها مقيـل= وحتت ورقها وعرّت فوقي غصونهـا واليا رميت الهموم بسهم صبراً جميـل= اما يجـي خلفهـا والا يجـي دونهـا اسمع بصدري صياح وهمهمات وعويل = وأردهـا خايـفٍ لا النـاس يوحونهـا من غربة الروح ضيعت الهدى والدليل = وخطاي تاهـت ولابـه مـن يقدونهـا نهاري أعتم وليلـي بالتعاسـه طويـل = الكون مشرق وروحي مظلـمٍ كونهـا هذي علومي بعد فقد الظـلال الظليـل = مالي من الـدور خاويهـا ومسكونهـا زهدت في عيشتي بعد ام طرفٍ كحيـل = ياليـتي ادري بتالـي الوقـت وشلونهـا عهدي بها يوم تروي قلبي السلسبيـل = من قيظ الأيام توردني علـى عيونهـا وتفيض في قلبي الظميان شوق وتسيل = وأروى ولا أروى وأعود أظما لماعونها وان سولفت كني أسمع للحمايم هديـل = وأقوم أغنـي لهـا والاحـي لحونهـا كان اختصار الأنوثه في جسدها النحيل = يلغي جميع النسـا بعيـون مفتونهـا كنا سوى والزمن بالوصل مده جزيـل = ذقنـا حـلاة الحيـاه اللـي يقولونهـا ومن ذاق قلبه حنان منقضات الجديـل = والله لتشتالـه الدنيـا علـى متونهـا وانا بعد ما أهتنيت أقفت وحل الرحيـل = وياويل حالـي ليـا قامـو يطرونهـا بابقى عليـلٍ يحركـه النسيـم العليـل = لاهب في قاع روحـه جنـت جنونهـا ومادام راحت مابي من حلمي الا القليل = أن عشت في قلبها وان مـت فعيونهـا [/POEM] الاختيار من ابداع عبدالله بن ذويبان |
يقول ابن ذويبان ولايهون الجميع :=
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] معنى على معنى .. و طرق .. و تراكيب=همي و تفكيري و صوتي و قافي عزله عن العالم .. و حزن .. و مصاليب=دمع و سكوت و قطع وصل و تجافي ليلة قصيد .. يِرّد عنها الأصاحيب=و على إنفراد .. اِتباح فيها الخوافي يا هابس .. الدنيا متاهة سراديب=ماهي على ظنّك .. سحاب و فيافي شف رجفة كفوفي على طارة الجيب=تنبيك عن رجف الضلوع الروافي شايب ولو ما بان في راسي الشيب=الشيب في جوف المعاليق ضافي في كل مره تشرق الشمس و تغيب=و انا على وضعي .. جفافي جفافي إن شفت بوجيه العرب لي تراحيب=ما شفت بقلوب العرب لي مصافي بعيونهم كلي عيوب و عذاريب=و أصدق عذاريبي .. سبب لاختلافي هذا زمان الكذب و الغدر و العيب=ما هو زمان يعيش فيه السنافي إن جيت أغنّي يقصر القاف .. و يشيب=و ان جيت انام الليل .. يقصر لحافي و ان جيت أسولف للجروح المعاطيب=أعطبت فيني كل جرح متعافي ضاق الحشا .. و الصمت يحتاج ترتيب=و انا على صمتي كتبت إعترافي الأرض مالت .. و الفضا وضعه مريب=و أربع جهات الكون .. سجن و منافي أكتب و لا ادري وين أودي المكاتيب=الموت قدامي .. و عمري خلافي يارجل سجّي فوق روس المراقيب=من قبل أسوقك للبحر و المرافي ويا راس و ان دارت عليك الدواليب=عن طيحتك .. تفداك روس الهرافي ما طوعنّي زاهيات الجلاليب=و لا أكسروني لابسين القحافي إن متّ .. موتي من كبار المكاسيب=و ان عشت ..( ُحرّ ) بوقفتي و أنصرافي[/poem] نبا لعبدالرزاق الذيابي |
اقتباس:
والاختيار على محمد دويشر النصره .. |
هذا قصيده محمد دويشر عنوانها الجوهره
نسنس نسيم الهوى وسراني الساري ذعذاع طرقاً شفوق النفس سامرهـا كنه عن اللي يجول بخاطـري داري حرك اشجوني وروحي هز خاطرهـا ليت الشمالي علي مامـر باالطـاري ضاويه راكد اهموم النفـس غثبرهـا دق بصميم الخفـوق وثقـل اوزاري الحال ضيق بهـا والعيـن سهرهـا مغير اهوجس لحالي ودرج افكـاري هاذي مسند بهـا وهـاذي محدرهـا ماكنـي الا لنجـم القطـب سبـاري ولا احتري مـن اتجدلـي ضفايرهـا ياهيه يالي تلوح لضـوح مسبـاري باالرايه اللي سنام المجـد كاسرهـا هومتك ما تحتضيـك لحـد مقـداري هون على نفسك ودعـواك باصرهـا منكوس هرجه.وقدر.وفكر.وابصاري نفسك على المعمعه والذل قاصرهـا لابـد ماتكـرر الايــام مسـيـاري واجيك واحسـب موازينـك وقدرهـا الغاوي الي ايحسبنـه هـو الـداري فكره..ان كل البشر حوله هو اشطرها هو..مادرا اني ايلني جيت باالطـاري تطرب اعلومي ويطرب فال ذاكرهـا ويلا سمر في جميل الشعر سمـاري ادخـل مغبـت محافلهـم وعمرهـا وروبع الصوت واضرب للطرب طاري ون. برقوبي اخباث الخلق اشفرهـا لي عن قليل الوفا. والفهم. مشماري والجوهره..للفطين بلطـف امررهـا من طبعي ارفع عن الهفوات مقداري واكرم احشام البشر وترك امقصرهـا واضح ويقرا..خوافي خطي القـاري وفهم ادروبـي ولا تيـه بمحاورهـا مير..البلا لا جزيت بخيـر ياالـذاري بيح كنين الخفـى والعيـن سهرهـا اختار الشاعر الاسيمر |
[align=center]سلطان الاسيمر[/align]
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"] يالله عفوك من ظلام القبر واللحد النحيل "=" ويالله سترك من عيون الخلق وسنين الضياع البارحه عديتها من دون طمس ولا مزيل "=" وشديتها من فوق حبات النجوم بكل ساع يارب مايشكي الزمان الا هل الدرب الطويل "=" ولا يعشق العليا سوى من هام فوق الارتفاع طارٍ طرى والبال عيا لا يهد ولا يميل "=" حتى رموز معلقات كتوفها صارت جياع ومن شان ابو خالد وانا سلطان معرف مستحيل "=" اللي اليا منه شبر شبره يجي دايم دراع هذاك ابو رميه وجابت من ورى الرميه حصيل "=" قلب الاسد والا مسمى ياولد قلب الشجاع ضيف الله اللي غير حمل الكايده عيا يشيل "=" كنه جبل ماهزته ريح ٍ تبعثر كل قاع عبد ٍ اليا منه خشع روحه تجي كسلسبيل "=" ورجل ٍ اليا منه نهض كل شي تحت امره مطاع ارفع بكفك عالي ٍ والاصبع السيف الصقيل "=" وقل قادمون وخلها تبتر دروب الانصياع لو منت دايم قدها مااشوف اسمك ذا دليل "=" على الشرف والعز والعليا وصكات الرفاع ماكنك الا بيرق الاسلام لا شح الدخيل "=" لنك هجوم وخط غيرك باللقا دايم دفاع لا جيت اقول انت الهرم وصفي ترى يبقى هزيل "=" ولا جيت اقول انت الفخر صوتي يحب الاندفاع انت البحر انت المطر والا بعد هذا قليل "=" انت الذي محدن وصلك لو يحاول مااستطاع تبقى الثقيل اللي ثقل ماهزة النسمه ثقيل "=" يا غاسل ٍ ابو النفاق من السفينه للشراع من حدته دنياه في مثلك يبا يلقى مقيل "=" يكفيك كلمه قلتها تبقى ترى الدنيا متاع نقش لك التاريخ اسم ٍ من ذهب يابن فضيل "=" وسولف تلف ارقاب يمك كلبوها استماع كل شي في عرفك كذا لا له محال ولو يحيل "=" تدوسها دووس الرجال اللي يدوسون السباع ياعالي ٍ فوق الفخر يانار ويدينك فتيل "=" ياطايل ٍ راس الفخر وش عاد باقي لك يذاع عجزت لا القى في حياتي لك مع الدنيا مثيل "=" لا جيت ابا اشري فيك قلي منهو اللي فيك باع والبارحه وجه الدجى والروووح وافكاري تسيل "=" وانا وصلت لقمة الهوجاس قل حد النخاع يالله عفوك من ظلام القبر لا طاح الذليل "=" ويالله عطفك من سهوم الموت في يوم الوداع [/poem] [align=center]اختياري هو الشاعر حبيب العازمي[/align] |
[align=center]يقول ابو فيصل :=[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] الايالعالم المجهول حدثني عن المجهـــــــــول =انا احس الحياه اسرار والعالم تعيش ابهــــــــــا انا اكتب فيك شعري واتسأل وانته المســـئول =عن الفكره وشاعرها وقاريها وكاتبهــــــــــــــــــا تعبت اطرح سوالاتي وافكر مالقيت احلـــــــــول =ماغير اطرح سوالاتي على نفسي واجاوبهــــــا لياقلت الخيال احلى يامر الواقع المعقـــــــــول =اصدق نظرتي وارجع الي الواقع واكذبهــــــــــــــا تضاريس الحياه ارمال واجبال اووعر واسهــــول =سرحت ابها بامان وخفت يوم اني سريت ابــــها مشيت امع الطريق اللى يبذ الرجل عرض وطول =طريقً شاب راسي منه وامثالي مشيبهـــــــــا طريقً فيه عز النفس يشهر سيفه المسلـــول =وقال النفس ترضى الذل ماتدرك مطالبــــــــــها ليامنك بغيت العز قل للشامخ الغرمــــــــــول =انا شم الجبال اللي على متنك رقيت ابــــــــها وانا شاعر مشاعر والمشاعر ماعليها اقفــول =ليافاضت تسابق ساعة الوقت وعقاربـــــــــــــها تمر اثقل من اللحظه على اللي ينتظر مرسول =لكن اسبق من العبرات يوم انك تحسبــــــــــــها وقلت ارجوك يكفي لاتزيد الشرح شرح ايطول =انا كل الامور اللي تشير الها مجر ابــــــــــــــــها انا سباح بحرٍ فيه من هول القيامه هـــــــــول =سلاطين المعاني فيه مرسيةً مراكبـــــــــــــــها بحر في عمقه الاهوال والفاعل من المفعــول =لياحصلت سلامه منه حض اللي يفوز ابـــــــــها بحر في عمقه اللؤلؤ على كف الصدف محمول =تجارة رابحه فالبحر جابتني وجيت ابـــــــــــــــها سنين اجمع من اللؤلؤ واعد الحول بعد الحول =وصفيته على يمناً بدهن العود اطيبــــــــــــــــها ونظمته عقد في جيداً وراه يسبح المجدول =وقدمه مزنةً غرا وبرقً في جوانبـــــــــــــــــــــها وفوقه بادياً مبدا القمر مبداً عليه ايحــــــول =شعاع الشمس في يوم امس لحظه قبل مغربها هذا وصفً تحلابه عشيقة عاشقً مذهــول =يعيش ابحبها وايهيم فالارض ويهيم ابـــــــــــــها يجاذبني هواها وايتجاذبها شرف واووصــول =شريفه في مذاهبها عريبه في مناسبهـــــــــــا تسال العالم المجهول مثلي والجواب ايقـول =لياجاوبتك اول شي بامكانك تجاوبهـــــــــــــــــــا وانا اقول الله الباقي وغيره كل شي ايــزول =هذا سلم الحياه اللي يعيش ابها يموت ابــــــها[/poem] [align=center]نبا لمطلق بن شوية ياجماعة الخير[/align] |
من روائع مطلق بن شويه :-
[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"] بدا الشاعر اللي نبرة الحزن في مبداه = وسلّم يديه لوجه ربّه وناصيته على راس رجمٍ خالي البال مايرقاه = والأنسام تلعب في شماغه وطاقيته وقف وقفة اللي باقيٍ يوم من دنياه = ولمح غالي أحلام الحياه متعديته !! رقا بإنكساره .. وإلتفاته .. ودمعه .. وآهـ = وحوّل بضيقه .. وإستماته .. وتنهيته !! نصيبه متاهاتٍ من البؤس والمأساه = هذيك متنطحته !! وذيك متقفيته يوم أن الغلا جزّه بسيفه مع المثناه = تقفاه وقته من خلافه بجنبيته وليفي عساني لو عدمته ماعدم أرضاه=ولا أعدم نباه !! وميلت القلب ناحيته سقا الله ليالي عوّدتني على لاماه=طريقي عليه ووقفتي عند ساريته قبل تفتح الدنيا عيوني على ذكراه=وأنا ماغفلت وغفلت الشي ماريته ليا أمسيت في قطع الخلا ماني بوياه=ولا العين شايفته ولا الإذن موحيته الا ياوجودي من فراقه وياعزّاه=وجود الوحيد اللي شريدة عرب بيته هو الله عطاه الصبر عنّي !! وانا والله=مأخلّي جدارٍ مأتلوّا بزاويته !! عسى الله يبرّي ذمتي من خطا فرقاه=كثر ما أنتظرته في الدروب وتحريته تدور السنين وكل ماقدمه يلقاه=الأيام عجله وأرذل العمر تاليته تعرف المصايب من تحنّه ومن تدراه=مثل ماتعرف اللي تروح متوطيته !! الإنسان ودّه ينحرم من ( رغد دنياه )=ولاينحرم من ( نور عينه وعافيته )[/poem] . . نبغى للأسد / فارس العصيمي ،، |
[align=center]يقول فارس العصيمي
دام النوايـا سـود وأهدافهـا جـرد نوحي على غصن النـدم ياحمامـه يا اللي زرعت الشوك ماتقطف الورد لوتسقـي أشجـاره ليـوم القيامـه العمر لويشفع لوجهـة نظـر فـرد قبلك شفـع لأبليـس عـود الندامـه واللي خلق يوسف خلق قبله القـرد يـا الله عليـك العافيـه والسلامـه لاتحسب إن المرجله طاولـة نـرد حظك نصيبـك طيـب وإلا رخامـه لو إنها تشحن على الباخـره طـرد كل ٍ شرى له مـن طرفهـا عمامـه عشقة حليف الجود ومصخّر الشّـرد حـرٍ يمـوت ولاتمـوت الكرامـه ولا أقول أنا اللي حارد ٍ خامها حرد أنـا فهيـم وغيـري أكثـر فهامـه من لايشـب النـار مايطـرد البـرد يدفن وبـرده جامـد ٍ فـي عظامـه ونهاية الموضوع لو طـوّل السّـرد حقي على وجـه الزمـان إبتسامـه مطلوب الشاعر/محمد بن متعب ال عبدان[/align] |
الله الله
:) يقول المبدع محمد آل عبدان:- يا فوادي لا تضـدك صواديـف الدهـور الصعيبـه قـف لهـا و البسيطـه خلهـا ما يوقف لا ابتلت كـون رجـال صبـور كـل مـا زادت عقدهـا يجيـك يحلـهـا الليالي مـا عـرف سدهـا كـل مغـرور إن صفى له بعضها ما صفـى لـه كلهـا و الرجال أشكـال و الله يعلـم بالصـدور عـالـم دق الخفـايـا و يعـلـم جلـهـا الليالي و إن غزتنـي و جتنـي بالدبـور ناصيتنـي بالشقـا و السيـوف تسلـهـا قلت يا الله يـا كريـم بعبـده مـا يبـور كان نفسي همّلـت يـا إلهـي مـن لهـا و الله إني من رجال لهم في الضيـق دور لابـة يـوم الشـدايـد يظـلـل ظلـهـا و و الله إني من رجال لهم في الشور شور تعتـزي لأكبـر مصيبـه و تعـزم ذلهـا و و الله إن الهم متسيـد قـد لـه شهـور السرايـر باحهـا و الضمـايـر علـهـا من فقد خوة عريـب مسمّـى و مخبـور وش دواه وعلـتـه فالضمـيـر يشلـهـا يا رفيقي و الجفـا بيـن وافيـن الشبـور عيب و لا العيب فـي جفوتـك يـا قلهـا فرّق أهل الكير يا صاحبي و أهل البخـور و شوف فرق أصابعك يا فتى و افطن لهـا و الله إني خابر ما حصل منـي قصـور خذ وفا ولاّ الرديه تـرى مـا حـن لهـا مـا مشـى بالنمّـه إلا ردي و معـثـور كيف تسمـع هـرج نـاس خبيـث دلهـا من بنى بيت الردى جعل ما هو بمعمـور قلـت لـه يـا علهـا للهدم يـا علـهـا و من بغاني له رفيق على الشـده جسـور لا يقصر في حقوقـي لمـا جـاء حلهـا و هو أجي له شوف عينه بصلفات الأمور محزمه في يـوم تجفـى الأخلـه خلهـا الحصـان إليـا عثـر لا تهيّبـه العثـور يعتنـز مـن عقبهـا فـي دروبـه كلهـا و السلام ختام ما داجت أفـلاك البحـور و الفضـل للـي يغفـر لعبـاده زلـهـا نبي لـ د . حمد العصيمي :) |
واصلوا ونحن معكم : )
اقتباس:
|
اقتباس:
.. |
8
8 عاد هذا تعبت وانا ادوّر عليه لأن حضوره قليل والا عزالله شاعر كبير اقتباس:
الحين دور المغفور له بإذن الله / ( سعيد بن واحش ) وياليت تكون ( الملك العثماني ):) |
اقتباس:
نبي لـ الشاعرة المبدعة / عيوف |
ابشر بطلبك يا محمد
اقتباس:
|
اقتباس:
الاختيار على الشاعر القدير / لافي الغيداني |
الشكر أولاً لـ صاحبة الفكرة
وهذي قصيدة لافي :) اقتباس:
|
[align=center]يقول العملاق /سلطان الهاجري
اللّه ولا بعض السوالـف والعلـوم تحّمـل الرجـال مــالا يـقـدره مامن وراها إلاّ المشاكل والهمـوم ياعنْك مافيهـا مـن اللّـه خيْـره عسى غضب خطلان الأيدي مايدوم وعسى عمـار الطيبيـن معّمـره ياسيّدي سلطـان قوّمنـي وأقـوم وأرجو من اللّه ثم منـك المعـذره وأنا عن الـزلاّت مانـي بمعصـوم والعفو ياكحيـلان عنـد المقـدره أنا حفيـد اللـي يسّـدون اللـزوم يوم إنها كانـت عبـوس ٍ وغبـره والبيرق الخفّاق مـن دون النجـوم وحدب السيوف مـوّرده ومصّـدره بقيادة اللي وحّـد الدولـه عمـوم شق الطريـق ووحّـد الله ونصـره عبدالعزيز اللي ليا شـن الهجـوم من صف عدوانه تضيـق المقبـره اليا صفق له خشم من بين الخشوم من قوة الصفقـة يطيحـنْ عشـره واصل على خوض المعارك باالعزوم وتقّطعت عوص النجايب فـي ثـره لين العلم رفرف على روس الرجوم في ظل حـدب ٍ باالدمـيْ معّطـره وحنّا ماغيّرنـا العوايـد والسلـوم اللي خلق فينـا الـولاء ماغيّـره معنا الولاء يزداد يـوم ٍ بعـد يـوم في صدورنا حتى ولـو مانشهـره وحكي الرخوم اللي تروّجه الرخـوم واللّه ماغيّر فـي محبتنـا شعـره ياسيّدي وإن راحت الأصحاب قـوم أحد ٍ يسّنـد علـم و احـد ٍ حـدّره أنا دخيل حمـاك يـاالأب الرحـوم لا تستمع فينا ولـد رجـل ومـره يامفّرج الكربـات فـلاّج الخصـوم ملاذ من ضامـه زمانـه وعسـره أنت الذي عن زلّة الجاهـل تشـوم واليا كسرت العظم ماحـد ٍ جّبـره محاسنك غيمٍ ماهو مثـل الغيـوم اليا أصطفق برقه يسابقـه مطـره غيث ٍ قدومه حيّ واللّـه هاالقـدوم يروي الفياض الجرد ..للّه اومـره وياسيّدي ماحد ٍ من الطيب محـروم قولة نعـم عنـد الرجـال مـدوّره مير أنت مثل طويق من بين الحزوم كـلٍ تّـذرا فـي حيـوده وشجـره تبي الحقيقه ياعسى عمـرك يـدوم شعر ٍ مايكتب فيـك مافيـه ثمـره نبي الشاعر/مشاري النثري [/align] |
اولا كل الشكر للاخت دارين على هذا المتصفح الاكثر من رائع
هذا قصيدة اخر الغزل لمشاري النثري [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] الصدور اللي تبا المزح مافيها سعـوه=إمتلت بالغيض لين أختلف منطوقهـا كل ماترهي على إدراك غايتها إرهوه=قام يحداها الزمن للعسـر ويسوقهـا صدّة الدنيا وفرقا المحبيـن ضحـوه=والله إن مافيه كبدٍ ما إفتكت بعروقهـا واعذابي كان مالي من الحزن إلهـوه=من ضروف ٍ تقصر آمالنا وتعوقهـا والله إني مشتهي ٍ صوتها العذب شهوه=لكن العشّاق دورات الزمـان تبوقهـا جادل ٍ للحسن فيها طـراوه وزهـوه=حسنها حتى بحـور الخيـال يفوقهـا كل ماناضرت فيهـا بدقـه وهـدّوه=قامت أعصابي عليها تزيـد حروقهـا جسمها كيكة فانيلا وهرجتهـا قهـوه=مرهي ٍ منها لكنّي عجـزت اذوقهـا[/poem] اختر الشاعر مضحي السميري |
يقول مضحي السميري :-
هالحين قل لي علامك ويش طاري علاك وش جابها سيرة الفرقـا مادامـي ابيـك هالحين توك تذكـر بعـد ذبـت بهـواك من بعد بعت العمر كله عشـان اشتريـك قضيت عمري ابي قربك وادور رضـاك وتعبت رجلي علـى دربـك ادور عليـك اجيك كلـي غـلا وانتـه تزيـد بجفـاك وان جيت يمي تشره من غلاك احتيـوك حتى الخطاء منك ينسب لي ولو هو خطاك واقول هـذا خطايـه ورحمـة والديـك يمكن خطايه وذنبي يـوم بحـت بغـلاك وكشفت لك سر قلب(ن) ما قبل لك شريك وقلت الك انك بعيني والله اجمـل مـلاك وانك على عرش قلبـي انتخبتـك مليـك انته تجيك الطواري من خـلاك لخـلاك مدري وش اللي على الفرقا ياشين يحيدك لكن مابين بعينـك جـزاء مـن عطـاك واخذتهـا عنجهيـه والكبـر يكتسـيـك مادامها جـت كـذا اجـزم وروح وراك واشره على اللي بعدها بالغـلا يرتيجـك مليت اخايل سحابك وانت مـاك بسمـاك وكرهت رشفة غلا مادامهـا فـي يديـك مادام ذا مطلبـك ابشـر بعـزك وجـاك حرام ما ادورك واشره على اللي يجيـك ماهو ب انا دايما امشي معك فـي هـواك وانا بديتك قبـل واليـوم جيـت انتهيـك الله يوفـقـك لا والله تـبـت يـــداك ما انته بكفو الموادع روح مالـت عليـك ودنا للمبدع / زايد بن كروز ، |
[align=center]يقول زايد بن كروز
المبتـدى والخبـر .. ماهـوب مبلشنـي اميّـل عقـال راسـي وارخـي بنـاقـي لـو ان تشويشهـا .. ماهـو يشوشنـي حرام .. لاابلش بها من في ثـري ساقـي وافتل شنـب واتحـدى .. مـن يناقشنـي واللـي تشيلـه جماجمهـم علـى ساقـي كلامهـم لـو تعـارض .. مايهمشـنـي هرج القفا في زمـان العولمـه .. راقـي ماهمني هرجـة اللـي .. يمـدح ويشنـي في واجب الضيف .. راحت خيـرة نياقـي كان الكرم عيب ! .. كل العيـب حايشنـي ابصـم عشـر واتحـدى هقـوة الهاقـي تعال يا اغلى مـن الياقـوت .. وانعشنـي خابرك فـي موعـدك للـروح .. سباقـي مدري ذبحني الوله ؟ .. وإلا انت واحشنـي والا دعاني غـلاك وجيـت مشتاقـي ؟ !! إي والله ان الزمـان الصعـب .. دايشنـي ماعـاد ميـز صنـوف الهـم .. خفاقـي لو كان تدري وش اللي منـك .. نايشنـي ماكان تزعل علّـي .. وتسكـن اعماقـي اشرب وشرّب تـرى حبـك .. معطشنـي لاخذت شفك من المـا .. عطنـي الباقـي وان كنت لعـب بيدينـك روح .. كوشنـي مسموح تلعب بعمري .. كيف باشواقي ؟ !! ياعايشٍ فـي حياتـك .. وانـت عايشنـي لا اقوى فراقـك ولاانـت بقـاوي فراقـي تحويشة العمر .. وانـت اللـي محوشنـي حبك قناعـه وكنـزي .. طيبـة اخلاقـي الشعـر لـو مايحبـك .. كـان طنشنـي لاعاد تحرق فوادي .. واحـرق اروراقـي المطلوب الشاعر/خالد الحصيّن[/align] |
اقتباس:
|
[align=center]ناصر عندي وانا اخوك :)
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] سقط حكم الغرام وضاعو الحرّاس=من ديار الوفا والحب والتقدير بقلبٍ ما بقى لعروقه اليبّاس=سوى .. حزن وهموم وضيقه وتفكير دروب الحبّ ظلما والوفا نبراس=وحظوظ الناس تجعل مايصير .؟ يصير وانا حظي شجر واحداث عمري فاس=ويدين الوقت ما ملّت من التكسير من أول كنت [ انا لك يا بريق الماس ]=قبل لا اميّز انّك تعشق التغيير عقب ماهب من برد الغدر نسناس=من اغصان الغلا والشوق طار الطير لو انّي في عيونك غير كلّ الناس=شعرت انّي بعينك وبضميرك غير دموعك ردها لعيونك النعّاس=ترى ماعاد لدموعك علي ، تأثير عطيتك كل حاجه وانت باسك باس=تحب اتخون لكن ما تحب اتغير تعبت اجبر مشاعر قلبي الحسّاس=وتعبت ادلّلك خوفاً من التقصير جلست اشوف لأسباب الخيانه ساس=بأبرّر لك ولا وافق معي تبرير تقول تحسّ ..! والله ما معاك احساس=حقيقه بس سامحني على التأخير بعد ما صاب قلبي من غرامك ياس=لزوم اسوق رجلي واذكرك بالخير [/poem] سعد براك[/align] |
وسعد
يقول :) [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"] الزمـن تجربـه والعمـر بوابـه = والليالي دروس ويومنـا سيـره والقصايد صدى المنفى وترحابـه = والمشاعر عذوق الشوق والديره والولع سيف والاشـواق غلاّبـه = والمدي وين ؟ والحيره هي الحيره شاعرٍ يرسم البسمه علـي بابـه = مابنى تجربة شعره علـي غيـره كل ما جاد لـه حـرف وتغنابـه = سولف الشمعدان وشبـت الغيـره ابـدويٍ خـذاه الشـوق لترابـه = غربتـه حزنهـا يقتـل معاذيـره ساق للشعر حرف وهيجن اركابه = لين خـلا عطـاه يـذم تقصيـره بين خنصر حيـاه وبيـن سبابـه = يلثم الغيـم وتسولـف مشاويـره وجه الايـام يتخالـف ويتشابـه = عمرنا دلو . واحداث القدير بيره وآه واللي صدوده يجرح احبابـه = كـل مـازاد صـده زاد تأثيـره كل ما اقرا نجاحي داخـل اكتابـه = اطعم الحزن مـن فرقـا تعابيـره كان حتي القصيد يحـرك اسبابـه = فـارعٍ يلهـم الشاعـر وتفكيـره من عطيته غلا شعري ومحرابـه = صار شعري وطنه وحرفي الجيره ويح قلبي مـن الوجـد وتغرّابـه = ويل عيني علي شوفـة تباشيـره مادري ان الليالي والزمن غابـه = وان فرقا الولايف مابهـا خيـره الله يسامحـه ويسامـح غيـابـه = واحدٍ كل يـوم يزيـد .. تقديـره [/poem] عطونا قصيده الأوخيتي بنت وايل :) |
الشعر لغة جمعتنا معاً على اختلاف أذواقنا وأمزجتنا
كل الشكر على تجاوبكم * * تقول بنت وايل [poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] غنْ لي : يا صاحب القلب الحنون = و خلـّني مابين هذي وبين ذيْ لا تعاتبني و خل عنْك الظنون = أدري إن افراقنا ماهو شوَيْ وأدْري إنـّي لو جفيتـك مـا أمـون=وأدري انـّك شايل بقلبـك علـيْ وأدري قدْري مثْل قَـدْرك ما يهـون=وتدري انّـي ميـّتة في جسـم حـيْ وأدري انّـك عوني ومن دون عون :=تدري انـّي مـا أسـاوي أي شـي ْ من تكون ؟ كيف تسأل من تكون !=و انته الّـي في الغـلا مـا إلْـكِ زيْ انته الّـي بكـون والعالـم بكـون=ودّي آحبك و لا هو فـي يِـدَيْ لا تقول شلون ؟ ما أدري شلون = بس أدري ماني لكْ ومنْته ليْ وماني حمل آلام وأحـزان وطعـون=وماني حمْل هموم يكْفينـي الّـي فـيْ تكْفى لا من جيتك بدمع العيـون=لا تعاتبنـي ولا تزْعـل عـلـيْ [/poem] * * اختار الفجر البعيد |
الف شكر لصاحبة الفكرة
وابشر يا أبو محارب عيوف تقول : [POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]رجعت لي من عقب ما ابعدت واقفيت= رجعت رافع لي شعار الهزيمه كنت اعرفك ياهيه لو رحت لو جيت = اقولها عنّك ولاهي ظليمه انته بدوني اسرة ٍ مالها بيت = تشتـتـت وسط الظروف الأليمه انته بدوني شخص عايش بلا صيت= يدس راسه بين روس ٍ كريمه كفيت في جرح المشاعر ووفيت=حتى حسبت ان المشاعر عقيمه يتمتني فالحب من يوم حبيت= لو ان ماني في الحقيقه يتيمه مافيه رحمه ساكنه قلبك الميت= لو كنت من نسل القلوب الرحيمه ضحيت لك بس انت بي ليش ضحيت؟= كذا نهاية كل نيه سليمه سويت لك حشمه وهيبه وسويت = معروف خلف الطيب وحده عظيمه لاصرت متذبذب وعني تخليت = فـ ..انا دروبي كلها مستقيمه يا انسان انا مليت مليت مليت = وان قلت عودي لي جوابي حريمه[/POEM][/CENTER] اللي بعدي لاهنت نبي من قصيد (( دارين )) |
| جميع الأوقات بتوقيت GMT +3. الساعة الآن 07:36 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية