عن راوية حفص لا رتّل سعود الشريم
كل ضيقه راودت خاطري يـا ويلهـا قام يجلدها بصوته من الذكر الحكيـم أسمع الآيات وأخشـع مـع ترتيلهـا الهوى الغلاب والنفس وأبليس الرجيم تدفع بنادم لحـطّ الهمـوم وشيلهـا لـ الدكتور سداح |
.
. قلتهآ والصمت خيّم والذهول كلمتك هذي الأخيره جارحه وين أعديها وأنا قلبـي يقـول "إرتكب غلطه بحقي فادحـه" لو يطول الشرح عذرك لايطول اقسى ماعشت بزمآني البارحـه . . للمبدعة .. النوف |
الله يعين اهل الرياض على الرياض
وشلـون تِسكـن بعـد ماخليتهـا اشتقت لك يا معطي الدنيا البيـاض شوق ٍ يقرب حيّهـا مـن ميتهـا للفجر البعيد ! .. . |
عيني تخايل للسحب والسحب فوق
مدري عطش والا شموخ وانآفـه لـ محمد بن مصوي |
مكسور ساق وخاطري منك مكسور
الساق تجبـر والخواطـر علـى الله لـ حسين الغنامي |
يالله ياعضم من سئل والطف من الاب الرحوم
ياعالمن ماتبدي الانفس وما تخف الصـدور يارب انا ماني عن الزلات والذنب إمعصـوم عدو نفسي والهوى له دور والشيطـان دور لـ تركي البرقاوي |
يالربع وين المسرّي غاب ؟!
فوق الشهر ماولع " ليتـه " والحين يوم انتصف شهر آب من منكم اللـي خبـر بيتـه آباصلـه وآبطـق الـبـاب حقـه وواجـب ليـا جيتـه ياكثر مـن روحـوا غيّـاب مااشغلـت فكـري وعنيتـه فيهم ولو عـدوا المرقـاب ولافيهـم اللـي تحريـتـه سألت من دافـع الاعجـاب وليتـه يـرد الخبـر ليتـه نشدت لكـنْ مااحـدٍ جـاب لـكـن لعـلـه بعافيـتـه للمبدع ياسر العتيبي ..... ووفاء غير مستغرب ولو ان القريحه متعافيه كان جاوبتك شعرياً |
مايـردع العاقـل الأ الـوازع الدينـي
يعني حرام ( ألتفت لك ) وأترك الوازع لـ محمد صالح العتيبي |
ماعاد باقي غير تمشي علـى يديـك
وتّشر برجلينك على شان تنشاف ...! للمبــدع عفاس بن حرباااش |
^
^ والله ولا ضيّقن شذب العراقيـب اللي لقول الزور ينهـق وريـده اللي يدوّر في جنابـي عذاريـب يبطي ولا حصّل سوى نفض إيده لـ وجد |
^
^ الله اكبر على الايام ياساده شوهت صورة ٍ ربي مجملها شفت فيها رسوم الحزن واجهاده كيف اعبر عن الصوره واحللها الحواجب بهم وحزن منقاده وعين تبكي وعين الشوق يكحلها يمكن ان البكاء للاوله عاده ويمكن الثانيه لاحبابها ولها المهم انها للحزن معتاده كنها تعرف القصه من اولها قصة ٍجالها عامين وزياده صابر ٍ فوقها لوماتحملها ولعت جوف صدري نار وقّاده حسبي الله على الفتنه ومشعلها محمد بن رشيد |
أن كـان يـا مربّـع التوقيـع يمديـنـي
أسمح لي أجـرّ فيـك الصـوت وأنـادي ماهـو ضـروري ليـا ناديـت توحينـي معذور مع صوتـي المبحـوح والهـادي ألقا بـك اللـي عـن همومـي يسلينـي لو تعتبرني مـع أهـل الشعـر قصّـادي مـا تـدري اليـوم هـذا ويـش يعنينـي سبعة عشر .. من أغسطس .. يوم ميلادي كلمة (هابي بيرذ دي) مـا عـاد تغرينـي بالمختصـر مـا توافـق غايـة مـرادي لكـن عوضهـا عسـى ربـي يعافينـي ويعيـش راسـي بخيـر ويسلـم فـوادي وقفـت بالذاكـره مـع ماضـي سنينـي والمـوت مخلـوق للأعمـار حـصـادي يا كم ضحك سنيّ .. ويا كم بكـت عينـي مـرت علـيّ الحيـاه أحـزان وأعيـادي لوّحـت بـالـورد لعـيـون المحبيـنـي وبالكحل الأسود كحلـت عيـون حسـادي واليوم عمـري كمـل خمـس وثلاثينـي وقت ٍ مضى .. وأنقضى ما عـاد ينعـادي الشيـب ذعـذع هـواه وقـام يغزيـنـي حشد علـيّ الجيـوش جمـوع وأفـرادي عسانـي أمـوت مـا خفّـت موازيـنـي وأبعث لربي مـا خنـت الملـح والـزادي ابك ابك اثرك شايب ياسداح هههههه الله يبارك لك في عمرك كله ويطول عمرك على طاعته:) |
^
^ هذي الثانيه يابو عبدالله :( [poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"] آه ياقلبٍ تسبـب فـي ضياعـي=حب مـره بأندفـاع وراح فيهـا راح شوقه والتياعه دون داعـي=في غرام اللي عسى الله يبتليهـا فتنةٍ لامن بغت تطـوي شراعـي=بس تضحك لي وتطلق حاجبيهـا الهدب فعيونها للمـوت ساعـي=دون قاصر في توهّـج جمرتيهـا من بنات الايتيكيـت الاجتماعـي=والبرستيـج ووحيـدة والديـهـا الآبو مسؤول فالبنـك الزراعـي=وامها بنـت الوزيـر ومحتميهـا ولا انا حال الفقـر لاوي ذراعـي=واحمد الله حالتي ذي مرتضيهـا مرخصٍ عمري لها واغلى متاعي=مخلص ولامن بغت حاجه تجيهـا مادريت ان قلبها (نقلٍ جماعـي)=كل يوم الهـا علاقـه تبتديهـا!! لعنبوها تمتلـك قلـبٍ صناعـي=وكل يوم يموت قلبٍ فـي يديهـا! [/poem] الله لايهينك اذا كمّلت الخدمه في (مربع التوقيع) ودّها الشعبي ولا المواهب .. :( |
اوافق ياسر الرأي :)
|
8[align=center]
8 8 وانا بعد :)[/align] |
أن كـان يـا مربّـع التوقيـع يمديـنـي
أسمح لي أجـرّ فيـك الصـوت وأنـادي ماهـو ضـروري ليـا ناديـت توحينـي معذور مع صوتـي المبحـوح والهـادي ألقا بـك اللـي عـن همومـي يسلينـي لو تعتبرني مـع أهـل الشعـر قصّـادي ما تـدري اليـوم هـذا ويـش يعنينـي سبعة عشر .. من أغسطس .. يوم ميلادي كلمة (هابي بيرذ دي) مـا عـاد تغرينـي بالمختصـر مـا توافـق غايـة مـرادي لكـن عوضهـا عسـى ربـي يعافينـي ويعيش راسـي بخيـر ويسلـم فـوادي وقفـت بالذاكـره مـع ماضـي سنينـي والمـوت مخلـوق للأعمـار حـصـادي يا كم ضحك سنيّ .. ويا كم بكـت عينـي مـرت علـيّ الحيـاه أحـزان وأعيـادي لوّحـت بـالـورد لعـيـون المحبيـنـي وبالكحل الأسود كحلـت عيـون حسـادي واليوم عمـري كمـل خمـس وثلاثينـي وقت ٍ مضى .. وأنقضى ما عـاد ينعـادي الشيـب ذعـذع هـواه وقـام يغزينـي حشد علـيّ الجيـوش جمـوع وأفـرادي عسانـي أمـوت مـا خفّـت موازيـنـي وأبعث لربي مـا خنـت الملـح والـزادي الله يعطيك طولة العمر ، وذابحنا شايب شايب واثرك توك صغّير، ياخي ترى اللي كبرك مابعد تزوجوا وفيه واحد اكبر منك وبرضوا مابعد تزوج :) . |
الضيق والوسـواس والهـم واليـاس
تزاحمـن ياخـوي وسـط الشراييـن مرات اشوف الناس حولـي وجـلاس ومرات احس إني وحيدن مـن سنيـن من ضيقتي قمة اضرب اخماس بسداس ونفسي تصبرني بـلا بـاس ياحسيـن يالله يامجلـي عمـس كـل وسـواس ياخالقن عبدك مـن خلاصـة الطيـن يالفـرد يالقيـوم ياخـالـق الـنـاس يالـي لإمـرك كـل خلقـك ملبـيـن ويالي بأمرك ينجلـي هـم الاتعـاس ويالي لعفوك جيت خاضـع ومسكيـن زابنك ياربـي وحالـي بـه اعمـاس ولا خاب من يشكي لك الهـم والبيـن اعوذ بـك يـارب مـن كـل خنـاس واعوذ بك ايضا من الضعـف والديـن الله الله الله لــ .. حسين عزام |
^
^ والله اني جايٍ بها يافراج سبقتني وانت سباق للطيب:) |
اكتم شعوري ويفضحني هوى الغربي
واصد لامن نطحني واكتـم شعـوري واوقّف شوي .. وعيوني على دربي واشاور النفس لين ارجع على شوري اللي كذا صـرّح انـه مايبـي قربـي بعدين لايحسب ان تردنـي" Sorry" لو ان صده حرمنـي زادي وشربـي لكن بدونه بعـرف امشّـي امـوري لـ نايف احمد :) |
وين انت .. ياللي لك شموخ وشـان
محتـاج للوقـفـات .. والصمـلـه اطلـع .. مطاليـع اشقـر الجنحـان والا تـعـال .. ادفـنـك فالرمـلـه كم لي .. وانا في عينك .. اغلا انسان والحب كم لـه .. والغـلا كـم لـه طرّفتـنـي .. للظـلـم والبهـتـان وشنّيت .. مع صفق الهوا .. حملـه واللي بقى .. مـن سطـوة سليمـان تروي به النملـه .. علـى النملـه! لـ الحصيّن خالد :) ابو نـ ج ـد الله يجعلك تبطي حي يامبدع معجب بشدّه بكل بيت ينتجه فكرك |
^
^ ^ هههههههههههههههه والله اني جاي بها يافالح علومك غانمة ماتجيب الا الجزل |
وانا بعد :(
|
.
. ليه ضايق ؟! يا بعد عين المواجع والجروح ؟ وش علامك؟ ليه ساكت خاطرك من كـدّره ؟ والله إنـي ياحبيبـي فـدوه لْعيـنـك أروح يابعد قلبٍ فـي بعـدك دمْـع عينـه حـدّره . . (للغلا ) وجد |
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عطني مجال أرتاح من حمل المحبّه والغـرام=أشقيتني و أسقيتني وأرويتني .. حبّ وغلا ! أبعد خلاص أرجوك يكفي عشق وأشواق وهيام=فليّت في قلبي ثمان سنيـن يـا ريـم الفـلا تعبت من حب ٍ على نفس الوتيـره والنظـام=مليّت أهيم وغاض صدري بالمحبّـه وأمتـلا علاقتي بك مـن بدايتهـا توافـق وإنسجـام=يا حلوها وأن طوّلت تصيـر مـا فيهـا حـلا حاول تبادر بالزعل قبل أفتعل معـك الخصـام=بليتني يـا صحابـي .. والله يكافيـك البـلا ترا حبيبك فوضـوي مـا يعتـرف بالإلتـزام=يرفض قيود العاطفه من بـاب تجديـد الـولا يحتاج مع حرب الغرام الطاحنه هدنـة سـلام=أطلق يـده لا تسحبـه بالقيـد قـدّام المـلا كم له يحاول ينطلق ويطير مع سرب الحمـام=و إليا بديت تحاصره عن نظرة عيونـك جـلا خله يعيش بـلا وصـال ولا جـدال ولا مـلام=لا تجبره حتى ولو يمسـي ويصبـح بالخـلا وإليا كبر شوقه وجاك يشيل في صـدره كـلام=أزهم دليم وبلّغه .. قلّه هلا .. قلّـه هـلا[/poem] توقيع الشاعر القدير المبدع سداح |
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انا شهيد الشيخه المجهوله=حبيتها قبل ادري بشيختها التاج والكرسي ونفط الدوله=ابيعها واشري بها ضمتها [/poem] توقيع للمجرم .. غلاب بن عايض ..:) |
| جميع الأوقات بتوقيت GMT +3. الساعة الآن 11:54 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية