|
المهره الي تطوع كل راس ٍ عنيد
.............................يا بختني في معانقها ويا بختها بس البلا والمصيبه لا استجد الجديد ......................لا من تعلقت فيها !! واعشقتك اختها :) |
تستفز المشاعر حضرتك واستهيم
......................وما ملكت الخفوق الا عظيم الجناب حتى جرحك بقلب الي يحبك عظيم ...................لو يعرف الصخر حبك مع الوقت ذاب داعي الشوق ما يرحم وانا به غشيم .......................كل ما جيت ابفتح باب صكيت باب ان بغيت الصراحه بالكلام القديم ..............انت قربك عذاب.! وبعدك اقسى عذاب ! |
الحب ما هو معركة عين جآلوت
.................... بحرٍ سهل واللي يبيه بيعومه شفني ليا مني بغيت ارفع الصوت .............. مشتاق والمشتاق ما احد ٍ يلومه 7 7 وشفني اموت بحب خلي ولا اموت ............ ما احدٍ يموت من الهوى قبل يومه . .:wardah: |
تغيب ساعه. تغيب ايام .ولا شهر !
..................ترجع وتلقى الضلوع العوج تستقبلك ما .شي تغير على خبرك سهر. في سهر.. ................ وان زار طيفك عيوني قمت ادير الفلك قطفت في غيبتك ورد وشربت البحر ..............وطوعت حرف القصيد وجيتك اكبر ملك!! |
للصدر روضه والمشاعر لها بنك
...................يحفظ حصلية شوقك الي جمعته وسود الليالي عندها لا اقبلت فنك .....................تحصد بقايا زرعك الي زرعته لا تقترب درب المحبه تجننك ...................... لاخآلفك عقلك . وقلبك تبعته اما انا في مهجة القلب صاينك .................. وحتى لو ابعد عنك قدرك رفعته قلبي ماهو ملكي وهو قطعةٍ منك .................. اتلى العهد به يوم جيت وقطعته انا كان عندك شك والفكر خاينك ........................ وودك تآكد من كلامٍ سمعته شفني اموت بجيتك وابتعد عنك ................... ولو ساقني شوقي لقربك منعته |
يا سيد الحسن مالك في فؤادي شريك
بليتني بالمحبه فيك واشقيتني حتى من الحب صرت اخاف منك وعليك ياكثر خوفي من الله فيك لا جيتني خوفي من الله في لحظة ملامس يديك افقد شعوري ولا ادري وين وديتني اضيع في وردك الي موطنه وجنتيك واموت فالسلسبيل ومنه ما اسقيتني واكرهك وشتاق لك واحن واموت فيك وامرض وبالصد والهجران داويتني حطيتك بقلب من زود الجفا يشتكيك وكم لي ونا اسألك بالله وين حطيتني؟ تبي تقول اني اغلى من خوانك وابيك ؟ ماعاد يمديك دام انك تناسيتني!! صد وتغلى وانا اقسم لك بربي ما اجيك لكن تذكر زمانن فيه ناديتني !! وذكر ليا طال ليلي بالعتاب احتريك لاجيت اعاتبك داعبتك ولا ويتني !! يوم الهوى في خفوقك نشوته تعتريك بؤل لقا معك سريتك وسريتني واليوم انا بين ابيك وبين ولله ما ابيك وما بين صدك وبين اشلون حبيتني |
ضويت من قلبي للاحلام قنديل
............................. وسريت في دربي على ضوء شمعه وجريت في لليل العنا لك مواويل ............................... ومسحت لك من جفن الايام دمعه |
كفي نسيمك يا هبوب الشميل
..................... جيتي بريح الي بقلبي من ايآم من كثر ما اشتاق لو صاله تخيل.؟ ....................... كني متيم في غرامه من العام |
وقفت محتار ما ادري ويش ابكتب لك
.................... اخآف حرفي يخون لقدرك العالي تزعل علشان ما اكتب فيك يا خبلك .................. وانته قصيدي يضيع بسوقك الغالي والله ما فيه لا بعدك ولا قبلك ...................... زولٍ يهز الخفوق وصار في بآلي |
اوعدتني في يوم الاثنين ما اوفيت
............................ ان جيت ولا رافقتك السلامه انته ليا منك مع الناس سجيت ............................. ما عاد تذكر من تكدر منامه ولا انا في غيبتك لا تباطيت ....................... حطيت بطراف الورق لك علامه |
اهيم في بحر الخيآل بفكرتي لبعد مدى
000000000000 شاعر واترجم لك شعور الشعر واختأر اعذبه ان كان حرفي لا كتبته ضاع ما جاله صدى 00000000000000 اقسم يمين بصأدق الاحساس ما عاد اكتبه |
انا لي ايآم والهآجس محـآربني .....................استدعي الحرف لكن ضاق مخراجه اداعبه بس عيا لا يداعبني ...................... يا شينها لا قطعك وصرت محتاجه |
لا استسلمت روحي لداع الهواجيس
.................................فتحت صدري للعنا واتحمل واشعل لحرفي فالضلام الفوانيس ............................ واعيش مع جوي بلحظة تآمل وطلق سراح افكاري اللي محابيس .............................. اللي ولو طال الزمن ما تهمل ليت الهوى قد مآت مع امرؤ القيس ................................. ولا ليا نآش الخفوق يتجمل |
من كثر ما شفت بعيونك من احراجك
............................. صارت شفاهي بعذب الحكي حــرجه اجي على شوفك شفوقٍ ومشاق ............................ واروح من عندك ولا قلت هــــرجه |
تمر بهدوئي وانت في حسبة المجهول
............................... يا ليتك دريت انك سبب نبظة احساسي ويا ليتك ليا مريت تدري من المسؤل.... ............................... عن الهاجس الي تو ما دار في راسي |
قرب يدينك والمس الجرح بشويش
.............................الي ضلوعي منه صارت تهاوى عطني حنانك كان تبغيني اعيش ........................ ما هوب عيب ان المريض يتداوى |
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشعر حبك وسبك مع وزن واحساس= يرسم خيال وينكتب بالانآمل ولا كل من غنى من البال هوجآس= يكون بشروط القصيد يتعآمل الشعر يبغى داخل الفكر مقياس=لو كان ما يخلق من الناس كآمل ونا معه صرت انحيادي مع الناس= لني عجزت اكذب عليهم واجآمل [/poem] |
لاصرت ما انته مندفع لي ومنسأق
.......................وتربط مصيرك بالهوى مع مصيري وش لون اجي لك وانت ما انته بمشتاق ......................... مليت اشوفك وانت بعيون غيري |
الحروف الي يضيق ابها النسم
.......................دمها شفته على الصفحه يسـيل والخيال الي على البال انرسم .......................صار له في داخل احــداقي مقيـل والخفوق الي من الحب انقسم ..........................بان به خله ولا شاف الخلــيل والوفا اللي ما عرفنا له وسم ........................ في وجيه الناس نلقى له بديــل ليت مال الحب في قلبي قسم .................ولا انجرف في يوم مع بطن المســيل |
الضيقه الي بالحشاء جالها فوح
............................ وانا لفرقاها شفوقٍ لحوحي اصبر واخفيها ولو تطلع الروح ......................... ما بحت لو اني على حد بوحي كم ظيقهٍ تاخذ بك شوي وتروح 0 ......................... بس البلا من ظيقهٍ ما تروحي تجبر قوي السد دايم على البوح ........................لو كان ما يلقى خويٍ نصووحي |
جتني تقول اليوم شفتك على الحلم
.................. ....... في هيبتك تسآل تقول انت وينك سالتها من جد ؟ ولا بعد فلم ...........................ما عدت اصدق بس هاتي يمينك قالت قسم بالله كانك تبي العلم ............................ صحيت وايديني تلمّس يدينيك |
وينك !
تعبت ادورك في عيوني ............ اخآف من كثر السهر ما اقدر القآك ،،، |
افكر......!
احطه في عيوني واقول شوي اخاف................... اني احطه بعيني ولا اشوفه |
[poem=font="Simplified Arabic,5,red,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اعلامنا وضعه من العام مشلول = يمطر ولكن مايجي له مناقع اصبح قضيه سجلت ضد مجهول = نآسٍ على شان المصالح تصاقع به شي لايقبل وابه شي مقبول=وبه شي سهل وشي مثل الصواقع واكبر دليل ليا بغيت اورد القول= المهرجان الي على غير واقع سبعه من الشعار ما هوب معقول = وعشرين صف لـ .. لابسات البراقع[/poem] الجنادريه 2010 :( |
| جميع الأوقات بتوقيت GMT +3. الساعة الآن 05:39 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية