My heart became tired of his gashes I/she/you worked hard and not I/she/you encountered for human being By me a heart on my heart and by me a debt on my religious
|
http://www.montada.mergab.com/image....ine=1282971332 محمد الرشيدي http://www.ho0ojaas.com/vb/image.php...ine=1307204664 وليد العمودي وليد العمودي: نادوا محمد ودنا في علومه الصاحب المحبوب ماشفت غيره الشعب قال الحل (حل) الحكومه والناس ضاعت بين سيره وسيره محمد بن فارس الهبله الرشيدي: انا معك والسوق معروف سومه والريش ما خون بتحليق طيره لو كل طيرن صاد في كل حومه ما كان عينت الحباري كثيره وليد: الحر (نفسه) يالصديق مهمومه عاف الحباري والصحاري (فقيره) ماتت طموحاته وذبلت عزومه ماعاد شي ياصحيبي يثيره محمد: محدن مخلي يالعمودي سلومه وكلن يعاشر يالسنافي عشيره ابو هدوم يجيك مزين هدومه وإليا هرج جاب العلوم الخطيره وليد: الحرالأشقر حر والبوم بومه مايوم شفت الحر صاير خشيره وأبو هدوم مشمراتن كمومه لا ناصر ولا عادلن في ضميره محمد: خابرك رجالن قويه عزومه سفير تردفك العلوم السفيره اللي حلم نقدر نفسر حلومه راح الوزير وجات عقبه وزيره وليد: أسيل دم العز.. نفسي معصومه والا الكبيره في عيوني صغيره الديم تعرف نزلته من غيومه والطيب تعرف ريحته من عبيره محمد: الشرع فيصل والبلاد محكومه وعند الدواهي ما تغيب البصيره ان كان عسكر جيش هرقل ورومه حنا عيال لخالد ابن المغيره |
.. ... ........ ..... الى ان قلت : ياأجمل بدايةمالها منتهاتي ياأنقى وفا فيك أكتمالي وديني إليا مرضت ألقى بقربك دواتي وأحس منك صحتي تحتريني وإليا عطشت عيونك السود تاتي بنظراتهن في لمحتك ترتويني وأن جعت جتك ظلوعي مسيراتي ضمي ظلوعي بالحشا وأمسكيني أبيات في وصفك غدت حايراتي كل ماوقفت أشوف وصفك يجيني في غفوتي في صحوتي في صلاتي ألقى وصوفك بين بيني وبيني وأستغفرالله يوم هذي سواتي أنا سهيت وحاولي تعدليني (صرتي ثمرفكري وصرتي نواتي مقدرعلى قطفك ولو تمنعيني) أنتي جمعتي مابقى من شتاتي وأخذيني بصدرك نفس وأحبسيني خلي صفاتي تختلف عن صفاتي مابي أنا فيني أنا أبيك فيني ومابي أسير بزعزعة مشتهاتي سوي مثل ماودك وتشتهيني وأن كان شفتيني أهل عبراتي حطي شفاتك فوقها شفتيني سويني أنتي لين لحظةمماتي وما أسألك ويني أنا الحين ويني ...... = ..... ....=...... .....=...... .....=...... ...... .... وليد العمودي |
قلتها في الملك رحمة الله عليه .. الملك فهد بن عبدالعزيز .. ان ذاك وابقى اقولها الى يوم يبعثون .. http://images.aarabladies.com/media/images/52615806.jpg هذا علم توحيد شبه الجزيـره هذا مليك المملكه درع الاسلام هذا الذي للعز قـاد المسيـره وللملكه حقق طموحات واحلام مغلاق بيبان القفول الشريـره ومفتاح بيبان السعاده والانعام هذا الفهد هذا قوي البصيـره حاكم حكيم ومن سلالات حكام |
http://alweeam.com/wp-content/upload...7_imgcache.jpg قلت هذي الابيات عندما كان الملك عبدالله بن عبدالعزيز ولي عهد هذا الذي معروف طيبه وجوده للمعتدل جنه وللمعتـدي نـار محيط مجدٍ ماتوصـل حـدوده تضيع بأوصافه محيطات الابحار هذا ابو متعب لاعدمنا وجـوده ولي عهد المملكه وافي الاشبار |
http://i3.makcdn.com/userFiles/h/a/h...7472image.jpeg هذا الـذي كـلٍ يسولـف بطيبـه هذا حديث الناس في كـل ديـوان طيبه غريب وتضحياتـه غريبـه انسان ..لكن غير عن فعل الانسان اهل المكـارم والفخـر تعتزيبـه سلطان في كل المواضيع سلطـان |
http://www.aleqt.com/a/211549_26566.jpg قلت نايف قيل قلب الداخليـه قلت نبض الداخليه قيل نايف مع جنوده للوطن يعمل سويّه ماتنام عيونهم والشعب خايف كلنا للامن تحت امره سريـه العوايل والقبايل والطوايـف |
أحس كل حاجتن قامت تراولي| ماعاد أميز.. وبعض الخلق ماترحم ولاعدت اجمع وبالي راح عن بالي| كني لحالي ودربي متعب ومظلم وليد العمودي ياخوي قلي تراني متعبن حالي والجرح مافادبه خيطن ولا مرهم صامل وناوي على تفعيله ريالي والنفس تعلم وباقي الناس ماتعلم عمر اللهيميد |
انا حبيبك يعني انا حبيبك أياك عن هرجٍ على الهم دزك كلمه تودي بك وكلمه تجيبك وأدنى ظروف تمر فينا تهزك وليد العمودي |
من الشاعر محمد بن فارس الرشيدي يقول لي: وشفيك يابن الناس قاطع وغايب ذكرك وقّف مابان شره وخيره ان كان جالك من زمانك مصايب حنا الرجال اهل السيوف الشطيره |
شبيت نار ومرني طيف ذكراك وانا من اول ذاكرك وسط ذاتي الله يامحلا خيالك ومحلاك ياللي مشاركني مراحل حياتي متى تجي مليت روحي بلياك يافرحتي يابهجتي ياغناتي وليد العمودي |
الله يبيّض وجه من سوا البلوك بعض البشر في هالتويتر مشكله ان زودوها حبتين ونرفزوك اظغط بلوك ومن يغثك كنسله ( حمد السعيد ) هذا طبع الناس لو هم ضايقوك عادة العالم تسوي بلبـله وان تزايد هرجهم لك وازعجوك هذا عز الله صراحه مهزله ( وليد العمودي ) |
هذا أنا / جالس على " دكّة الحب "
أتابع .. أشواط الغياب الإضافي ! على امل ركلة وصل تنعش القلب من قبل صفّارة فراق و تجافي .. ( حمدان المحرمي ) هذا انا ماشفت لي بالهوى درب مثلي مثل لوعات صقر النصافي ماقول غير الصير يارب يارب يرحم ويشفي علتي واختلافي ( وليد العمودي ) |
بكـره تدور الظروف و تقلب الآيــه يظلمك منصفك/ويحاربك محبوبـك دامك مزاجي ولا عنـدك ولا غايــه لاتزعل إن عاملوك بــ نفس اسلوبك ( انفال القلاف ) واثق بروحي بعزمي شايل الرايه مطلوبي اكبر لو انك قلت مطلوبك حطيت بيني وبين الجاهل مرايه اشوف نفسي.. يا نفسي لو تعذروبك ( وليد العمودي ) |
لوكنت بس تقول اسف وغلطان كان اعتذارك مايكلف دقيقة للمشكلة كم حلٍ لكننا احيان مانتفق الا على اصعب طريقه ( ...... ) أخطي واصيب امرار لأني انسان هذي طباع الادمي بالخليقه وان كان لك حقٍ علي وانت زعلان أسف ليا قصرت واخذ الحقيقه (وليد العمودي) |
يسألني العالم عن دموع عيني ياليتهم في وسط صدري يشوفون مافيه احد في دنيتي حس فيني يالله عساهم عقب موتي يحسون ( ........ ) الناس ماتدري عن اللي يعتريني ياليتها ياقلب بالحال يدرون ( محدٍ ابي قربه ولا احدٍ يبيني ) تضيق بي ساعات من دون لي دون (وليد العمودي) |
انا موجود لو تسأل عن أخباري عن احوالي واذا تسأل عن احوالي أعيش بأحسن الاحوال جهودي مثمره والله بحقق أحلامي وغيري لو يتابعني يلاقيني على الجوال ( وليد العمودي ) |
.. .. .. ما اجمل ان تشرق الشمس وقد أصبح قلبك صافياً ، يحمل خيراً، وينوي براً ، وما أجمل أن تميل الشمس للمغيب ، وقد أمسى قلبك خالياً ، لم يحمل حقداً ، ولم يضمر شراً .. .. .. |
انا ابتدي باللي له الخلق يرجون رب الملا والكون مافيه غيره واللي لوجه صفوة الخلق يدعون والكل منهم ينشد البعض خيره ومن بعد ذكره بشتكي جمر غليون وسط الحشا ياخوك مثل السعيره ابغي تنورني ولو صرت مفتون ووصله معك ياخوك جداً خطيره وابغى تعلمني ليا صرت مغبون وايدك على الجزلات ماهي قصيره وابغى دوى للضيف لو كان مجنون ولابس له لباسٍ تحسبْه سميره وابغى تدرسني عن صحاح العيون اللي لهم بالدار نفسٍ ضريره هذا وانا ماقول بالعالم تهون لكن لزوم الذيب نكشف سريره ( طلال العنزي ) بديت من بــيدينه الكاف والنون سبحانه المعبود محدٍ نظيره بأمره يقول يكون للشئ ويكون كبائر الاشياء عنده صغيره ويالوايلي ضيفك ولو كان ملعون اصبر أليــن تشوف شره وخيره قدم له التقدير والامن .. ماعون واحسب حساب الاوله والاخيره واياك عن مجلس وكالة يقولون وكالةٍ تصْدر بضاعه فقيره لو بعتها خسران وان قلت مضمون هذا كلام اهل البصر والبصيره (وات ساب) وتويتر و(فيس بوك) واي فون ومدنــقــه تــتــبع قــنــاة الـجزيـره واخبارهم من دون لي دون لي دون متجمــّعه مثل الغــنــم بالحضيره ( وليد العمودي ) |
تغيرت بعض المناظر والاشكال من بعد جرات السنين الطويله لكن ترى تبقى على كل الاحوال راعي الصفات الطيّبه والجميله ( وليد العمودي ) من كثر ماشفنا المصايب والاهوال واحزاننا تشبه لأحزان الجليله دنياك هذي بين نازل ورحال كم فرّقت بين الخليل وخليله اليوم عشر سنين والفكر شغّال ما ارتحت بالدنيا ولا ربع ليله اصارع الدنيا بلا سيف ورجال ولا شكيت من الحمول الثقيله اذكرك لا ضاقت علي بعض الاحوال ياللي عليــّه شوفتك ( مستحيله ) ( ابو محمد ) |
المحترم يلقى مزيد احترامه عند الرجال اللي له مد واعماق تقديركم مجدٍ لبسنا وسامه يتلاه فنجالٍ من الود ينساق عاداتكم بأهل الكرم والشهامه الضيف يسكن عندكم بين الاحداق مني لكم شكراً يتم استلامه عبر الرسايل في جزيلات الاشواق (( وليد العمودي )) |
هذي رديه حصلت بيني وبين الشاعر الصحفي فيصل سعود العنزي وهي قبل 7 سنين وكانت مجرد مجاراه بسيطه جداً وكانت محاوله اولى لهذا البحر الذي سمعته من لسان الشاعر الكبير اطال الله في عمره الشاعر المخضرم والعلم الكبير ( احمد الناصر الشايع ) ,والبحر هذا للعلم انه في كل شطر من البيت خمسة قوافي اي في الصدر خمسه وفي العجز خمسه وتصبح كلها عشره في بيت واحد وهذا بيت واحد من مطلع قصيده له يقول: لومن ناديت يوحي يوم انادي ماضاق صدري في حياتي والنوم ماحارب عيوني والحب جرحه ماشكيتهمير الفراق مصيبه باح سدي كم واحدٍ بيـح بسـده مـن عصـر ابـو زيـد الهلالـي والنـاس مافيهـم حميـة قبـل الشعـر وجنونـي والتحـدي قبـل المعـانـي والقـوافـي قـبـل المحـبـه والمـعـزه قـبـل الليـالـي والصـداقـهيا صاحبي ياغالي يابوغازي هـذي بيوتـن بالمعوشـر الشكـوىلله ياصديقـي ياصاحبـي ابغـى النصيحـه ثارت عليّ طعوني ناح وجدي افزع لي ياسيف القوافي خاطر رفيقـك لاتحـزه وانـت الوفـا شـادد وثاقـهثابت ومايبالي مايجازي يضحك ولا في يوم كشّر انت الصديق بوقت ضيقي حيثك من وجيهن فليحه عطيتهاعيوني صرت وحدي خايف وانااللي مايخافي فز الخفوق اليوم فزه خايـف تبـي تنهـي العلاقـهصنت الهوى بوصالي ماتوازي جاني وبعثرني وطشّر كسّر غلا الحب الحقيقي ياليتها كانـت صريحـه ياليت يسألوني كان ودي عن عيني اللـي ماتغافـي سهرانتـن فـي كـل حـزه مـن حسرتـي زدت احتراقـهراحت ياويل حالي بالجوازي سافر وخلاني واشّر بيديه صدري فيه ضيقي عقبه غـدت نفسـي جريحـه صبري نفذ بظنوني فاق حدي كنت احسبه مخلص ووافي صار يتكشّخ ويتنـزه حتـى غرامـي مايطاقـهاصفق يمين شمالي كالقزازي متناثرن حب وتنشّر بين البشر هذا طريقي خايف من دروب الفضيحه وليد العمودي ثـار الشعـر بلحونـي والتصـدي يفـرض معانيـه الشفافـي بقضـب بـه القـاف وادزه يالله عسـى فيـنـي ليـاقـهتحـت السمـى اظلالـي واعتـزازي بالـرد فـي شعـري تبشّـر والبحـر ماظنـه يغيقـي دام بضـامـري بــي قريـحـه ثـارت علـيّ شجونـي مستعـدي لجلـك ابـا زعـزع ضفافـي واكتـب خراخيـرن تـعـزه والـحـب مــن قّــد اعتنـاقـهتب تحوم الجبالي طير بازي انسى عواطف يليها شر كان الهوى فيها غريقي وش عاد لـك حبـن ذبيحـه غيـره ظبـي فتونـي بـاح سـدي والحـب فـي بعضـه خلافـي فيهـا العفيـف وفيـه مـزه حتـى اذا زدت اشتياقـهكـان الحبيـب يمالـي وانتهـازي خلـه ولكنـه تعاشـر بعـض الهـوى كانـه عتيـقـي تصـبـح نـواايـاه بــلا ريـحـه والحـب مــن مـزونـي مــا يـعـدي الا الـتـي فيـهـا عفـافـي وان اكنـهـا تـرفـض مـخـزه ياجعلـهـا تلـقـى الرفـاقـهواللى فيها انحلالي لو اجازي لكتب على وجهة الاقشر لا شب في جوفه حريقه واكسر خواطرها المليحه بيديك الحب جنوني لا يصدي والحب ما بعده خرافـه كـم عاشقـن يصـدم بـوّزه والبحـر مـا حـال اصطفاقـهقالوابعـض الرجالـي مايحـازي البنـت لـو وردٍ مقشّـر لازم تعـرف ابهـا بريقـي وتعـرف مشاعـرهـا الفصيـحـه فيصل سعود العنزي |
كم واحدٍ لاحضر فصل لك النشره
لا قام يرخي لسانه واطلق عنانه يادبل كبدي وصدري منه ياحشره لاقام يسرد علومن مالها خانه خيوط عقله لو ان تشوفهن عشره الصاحي واحد وتسع خيوط خربانه .. .. |
| جميع الأوقات بتوقيت GMT +3. الساعة الآن 10:15 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية