، يا عشيري لا تنقّض بالعهود دوب مغبونه من تنقّض قطر ، غاليٍ من دون حلف ولا شهود ارحب بـ قلبي ترآحيب المطر ❤ ، #ريف |
،
كن قلبي من طواريك يالشهم المنيف ايتقلب قدْم عيني على جمر الغضى جيت وضلوعي مكانك / ورحت تقول ضيف كيف اعالج سكرة الحب ؟ وانسى ما مضى ؟ ، 💔 |
،
آه يالذكريات اللي سباني هوآهآ كل ما مر طاريّك بـ قلبي سبتني عايشه في صداك / وعايشه مع صداها والا انا روح ماتت غبن لو ما اقبرتني ! 💔 |
، ياقبلة الاسلام عز المسلمين دمتي رغم قسوة سنينك عآمره ، مسكنك دايم بين قلب وبين عين يالشامخه/ يالناهيه / ياالآمره ❤ #ريف |
،
. #لله_در_الشعب_لقنهم_الدرس خلا قليل الفهم يفهم ويبخص ، حراك سبتمبر غدا عندنا عرس غلا الوطن يزداد واعداه ترخص ، ❤ ، #حراك_15_سبتمبَر #ريف |
،
، كلمآ أحسستني وحيده هربت إليك ! ، 💔 |
،
. مشتاقلك مدري أنا لـ نفسي اشتقت ياللي محسسني بـ قيمة وجودي ، كم لي وانا من سكرة الحب ما فقت ما غير اردد يا عناي ووجودي ، 💔 |
،
، ضايق الصدر ضيقه لا تزيدونه اتركوه ان سكت : أو راح في حاله ، والله اني من الايام مغبونه غبنة اللي تمنى شي ما طاله !! 💔 |
،
يا حبني لك لو محبتك ذكرى ! 💔 |
،
يا حبني لك لو محبتك ذكرى ! ذكرى ترآفق خآفقي وين ما اروح ، ياليت وقتٍ فات يا زين يشرآ لـ اشريه لو كلفني العمر والروح ! 💔 |
،
تغيب لكن داخل القلب موجود! ! |
،
لا ركنْت بيَدّي العالم وجيتك افهم : ان اقسى محاصيل الغياب ؟ ، خطوةٍ عيّت تعدّي باب بيتك ودمعةٍ منها حزين القلب ذآب 💔 , |
.
، آتفقّد اساميهم / واعوّد عليهم كل ما ضقت .، جيت اذكر زماني / واعوّد !! ، . 💔 |
وين انت ياللي لا شفت الضيق بعيوني حطيت عالمك في كفه وانا بـ كفه نسيت الافراح من بعدك ونسيوني صار الحزن دايم بـ صفي وانا بـ صفه ان كنت قاوي تعيش العمر من دوني عمري بيدينك تكرّم يالغلا صفه صبرت والصبر مل وضاق من كوني من وين ماصد سود ايامي تهفه مخنوقةٍ منك حيل ومختلف لوني شريط ذكراك ودي فعلا الفه !! 💔 |
، . جرحك اللي سبته عجزت انام يلوي عروق المحبه وانْزوي ، كني اللي لا خوال ولا عمام جا يفزّع / ما لقا حتى خوي ، مرتوي ضيقه عليّه بالحرام كاوْيَه ضيم الدهر منّك كوي ، كل ذكرى منْك بلّغها السلام حالفه بالله لـ اطويها طوي ! 💔 ، |
،
ما جابني الا الحنين يوم اذكر ايامي هنا ، للحين يالقلب الحزين تشوفني مثل ما انا ؟! 💔 |
،
هديتك يا نظر عيني أجمل هداياي واغلاها ، تسوى بعيني ملاييني بالقلب : لا يمكن أنسآهآ ، 🌹 |
متى على الله يسمح الوقت وانساك ياللي معاك الوقت وقّف وفآرق ! هذا انا شفني على حط يمناك تلوح لي ذكراك مع كل بآرق ! 💔 |
مبطي عن الشعر ، لكن عيدك مبارك يا عيد روحٍ غـلاك معيّدٍ فيها ، ، ان عشت في جنتك / او مت من نارك ! ما يِطرب العين الا شوف غاليهـآ ! |
ما يطرب العين الا شوف غاليها ،
كلام يا ريف حمدلله على السلامه ، ونورتي |
اقتباس:
يعلم الله ان وجودك يطربني سواء في الماضي او في الحاضر الله يسلمك ومنور ركن اختك 🌹 |
انا لا تضايق خاطري جيت يا فرّوس
اعنّز على شرواك لا شافني جزعه ، عطيت الحياة دروس / والا خذيت دروس ! ابي فزعة اللي ما ورا فزعته فزعه 💔 |
#الكويت_ترحب_بمحمد_بن_سلمان
, يا مرحبا باللي حضوره غير عن كل الحضور هيبة ملك الياحضر / وان غاب له هيبة ملك هذا ولد سلمان ما ياخذ من الاقصين شور شوره بـ راسه ومن يعاند راسه الشامخ هلك ! , #ريف |
/ أجيك مشتآقه / واقفّي بالاشواق ! وش حيلة المشتآق ياغير شوقه ؟! / |
هوآجيس مرتجله !
بيني وبين الذكريات الجميله حب ووعد وعهود قلب ومواثيق محتاجه ارجع مثل ما كنت ، ليله، واحذف وراي جروح عمر وطواريق ! الطيبه / الفاتنه / المستحيله اللي ما اكلف خاطري فوق ما اطيق العاقل اللي كل حملٍ تشيله واليا دهاها جنونها هدت طويق متوازنه ما كل برقٍ تخيله ! من عزها دايم بـ بروس الشواهيق تبكي غبن من هاجسٍ ترتمي له مدري شقت به حظ او قل توفيق ! يالله بامرك تنعدل كل ميله ادعيك تفرجها قبل نشفة الريق محتاجه ارجع مثل ماكنت ليله واحذف وراي جروح عمر وطواريق ! |
| جميع الأوقات بتوقيت GMT +3. الساعة الآن 11:21 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية