:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اليوم صار العيد عيدين = جمعه وفرحتنا بسداح
غايب وله شهرٍ وشهرين = وان قالوا انّه راح ماراح
موجود بين القلب والعين = والشاهد الله رب الارواح
محبوب من كل المحبين = ومن حبّه الله جته الارباح
له في سما العالم جناحين = طيبه جناح وشعره جناح[/poem]


:
:

:

:
:

:



[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياسعادة قلبها لاوالله الاّ = مابقى فالقلب من راحت سعاده
طمّن عروقي على بنت المكلا = والله يبشّرك بالحي وبلاده
روح وانشد ناسيه ولاّ تغلاّ ؟ =وروح دوّر صورتي وسط القلاده؟
وان لقيت انّ الغلا اللي كان ولاّ = لاتعلّمني وتقهرني زياده
خلّني بحيا حياتي واتسلّى = وارمي الواقع على حلم الوساده [/poem]


:
:

:

:
:

:



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ان جيت اقرّب روّحت عني بعيد = وان جيت ابعّد عن هواها قرّبت
اشواقها وصلت بصندوق الوريد = واوجاعها بين العروق اتسرّبت
جرّبت نار البعد والوقت العنيد = واهي بعد حسب اعتقادي جرّبت
واليوم صار الصمت مجرم من جديد = وسكّينته على الثنينه خرّبت
والمشكله ماني بفاهم وش تريد !؟ = يوم اشرقت شمس المحبة غرّبت[/poem]


:
:

:

:
:

:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الفقد ، حطّاب الغصـون المعاطيـش=والشوق ، جـلاّب السلـوك الدقاقـه
والليل ، صيّاد الرمـوش العكاريـش=والصبح ، فـلاّح الغـلا والصداقـه
والحب ، ماهو من نصيب الدراويـش=ألاّ ليـا عـوّد .. مجـرّد عـلاقـه
وان كان مايتعِب عظـام المطاريـش=ماهـوب حـبّ ، الاّ شوّيـة حماقـه
اقولهـا ، وامّ الحلَـق والدنـاديـش=جابت خفوقـي .. بـالادب واللباقـه
طفلة غلا ، وانـا عيونـي كراميـش=تنشد لها .. معنى الهوى واصطفاقـه
دانة بحر ، ماحصّلوهـا الطواويـش=لقت لهـا ورى الظلـوع .. اندراقـه
هلّت عليّه .. بالمـزون المراهيـش=وانبت لها قلبي من الـورد .. باقـه
روّض بها الصدر .. الهموم المناهيش=والغى بها كلمة ، "عنا " و "انغلاقه "
قدّامها ، روعة قصيدي .. خرابيـش=ولعيونها ، قلبـي .. يزيـد اللياقـه
يقطع لها بحرين .. فاربـع مغابيـش=لو شالوا العذّال .. مـوس الحلاقـه
ولو تصبح عظامي بيدها .. عراميش=فدوة هدبها .. يوم تغمـض رواقـه [/poem]
:
:


:

:
:

:

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

يابنادم زخرف الدنيا هيال = ماتغرّ الاّ القلوب الغافيه
وانت لا شدّيت للقبر الرحال = عينك تشوف الامور الخافية
اعبد الله مالنا غيره مآل = ورتّل ايات الكريم الشافيه
واحمد الله واشكره في كل حال = يرزقك ويمتّعك بالعافية
واحسن النيّة تطيب الك الليال = واحتزم بالصبر تلقى الوافيه
والزم الصمت وتجنّب فالجدال = وان هرجت احذر تجيب الهافية
وان بغيت تخاوي عيال الحلال = دوّر اللي معك نفسه صافيه
رفقةٍ تُبنى على روح وتعال = ماتسرّك فالظروف الجافيه
وان زبنت ازبن صناديد الرجال = كمّ نارٍ ولّعوها طافيه
والشعر ماهوب والله راس مال = كم شجاعٍ مايعرف القافية[/poem]


:
:

:

:
:

:
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

تعبت منك .. ولا تحرّك ياجبل منّك حصاه = والصبر ملّ .. وماتت احلامه على يدّ السكوت
امّا تعال وخلّنا نقطف من الدنيا .. حياه = ولاّ اكسر غصون الوله والشوق والذكرى .. وموت[/poem]:
:

:

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

فالصدر بين الرجا والياس ، حمي الوطيس = والحرب ، عيّت بصدري توضع اوزارها
احد وثنين و ثلاثا واربعاء وخميس = وانا على كف عفريت ، انطر اخباها
الجادل ، الفاتن ، الدرّ النفيس النفيس = اللي على ضيم روحي تعزف اوتارها
واللي خواتم يديها اثنين ، نور ولميس = واللي عليها السحايب هلّت امطارها
القلب يضرس على لقمة لقاها ضريس = والعين ماصدّت الرمشين مدرارها
ياطيب راس الغلا اللي في ظلوعي حبيس = عهدٍ عليّ ووفا ماابيّح اسرارها
بنت الحمايل ثمينه ، لو ثمنها بخيس = مااعطيتها القلب مهر لتسعة اعشارها[/poem]

:
:


:

:
:

:



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياسيّد احلامي وانا سيفك ولاسلّيتني = الاّ على حبٍ يسيّر فالحشا كنّه جمل
ظلّى يلمّ القلب ويشيله ليا هلّيتني = من فرط حبٍ كم عليه الخافق الوافي ثمل
ليتك على درب الغلا اللي كان ما دلّيتني = ماكان بطن الشوق من نزوات خفّاقي حمل
خنت العهود الماضيه عنوه بعد ملّيتني = وانت اتعرف انّ العهود الصادقه قول وعمل
ياكبر حزني منك حتى فالشعِر شلّيتني = كم بيت حاولت اتذرّى فيه لكن ماكمل
واقل مايمكن اقوله بعد ما خلّيتني = أُصبت من جرّاء ماسوّيته بخيبة أمل[/poem]

:
:


:

:
:


:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
طرد المقفّي عيب ، ومواجهه غي = وانا قبل مااهواك عايش بدونك
طويت صفحة ذكريات الغلا طي = بين اجمل ايامك ، ومجمل ظنونك
لاصرت ماني حي .. في قلبك الحي = مافيه داعي لجل اعيش لعيونك
روّح .. وانا مابسأل الوقت عن شي = والله يقدّرني واداوي .. طعونك[/poem]

:
:


:

:
:


:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
المفاهيم مرتبكه على قلب شاعر = عقب كانت حياته فالليالي هنيّه
كان في نعمته محسود .. ماكان شاعر= لين فرّق مابين المزهره والسنيّه
بين عدّ الفلوس .. وبين عدّ المشاعر= الغنيّه فقيره .. والفقيره غنيّه[/poem]

:
:


:

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
النفس تشبه للقزازه ، رقيقه = كسرتها قاصد ولاخفت ربك
واللي انكسر ماعاد عندك طريقه = تصلّحه في طور جرحك وطبك
تبا الحقيقه ، هاك بعض الحقيقه = صرت اكرهك من بعد ماكنت احبك[/poem]


:
:


:

:
:


:
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


سرق حبّك .. منامي من عيوني=مثل مايسرق احساسك .. لسانك
وصلت لذروة العشـق الجنونـي=بعـد وصّلتـك لـذروة جنانـك
انا اتحـدّاك ، ترتاحيـن دونـي=وانا اتحدّاني ، اسلى عن حنانـك
واذا الابـداع ذا فنـي ولـونـي=يصح لسانـي ، ويسلـم بنانـك
كتبتينـي ، وخلـق الله قرونـي=وانا عبّـرت ، والتعبيـر خانـك [/poem]


:
:


:

:
:


:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


ياطاير الاشواق وش عـاد=لو كنت وسط الصدر مخنوق
بكره تـزور بـلاد وبـلاد=وتبـدّل المعلـوق معلـوق
عن الوفـا مافيـه نشّـاد=وحول الجفا مليون مخلوق
روّح زمان الملـح والـزاد=ولا عوّد المطرود ملحـوق
حرفين نضربهـا بالاعـداد=يعني حسب مايطلب السوق
والخاسر اللي خافقه جـاد=والرابح اللي ماله عـروق [/poem]


:
:


:

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عن أبي عن جدي الله يرحمه = قال : لا جاتك عزيمه رح لها
من كرهك .. تثير دمه بلحمه = ومن يحبك .. جيّتك يفرح لها[/poem]

:
:


:

تسجيل ولاء وعهد لهذا المتصفح :)

ابو عبدالله .. ادري انك شاعر محاورة خطير
وقراءتك سريالية، لكن اخذها على وجهها
ولو سمحت حاول تحب لي خشمك لو من
مراية الموتر :(

هههههههههههههههههههه

ابو صالح بغض النظر عن ولاء وعهد والشباب كلهم :)

لك محبة خاصة عند اخوك ، ويعلم الله متابعتك شرف وفخر

الف شكراً لك



دم تا / بخير

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يااللي ورى قضبان الايام مسجون = انت الطليق وروحي اللي سجينه
وشلون ؟ انا اعلمك ياقلبي اشلون = ضاقت بعيني من غيابك مدينه
احبابك اللي فالمعاليق يبكون = وافراحي اللي في حياتي حزينه
والهرج عانه في ثرى الصمت مدفون = والليل بيّح من ونيني ونينه
والارض رغم الوانها مالها لون = في عين من تبكيك روحه وعينه
ماانساك لكنّ اتناساك بجنون = واحاول اخلع من خفوقي حنينه
اغيّبك واغيب والصدر ماعون = وينساني النسيان بيني وبينه
والناس لو يدرون مااظن يدرون = عن حاجةٍ بين البحر والسفينه
ادسها خلف المقاويس مغبون = والرجل مايغبنه غير الغبينه
ازرت هجوسي لاتلف الدركسون = عنها وانا عنها حصوني حصينه
اصبر واقول السالفه بكره تهون = والصبر زين وزهرة الصبر زينه
حط انتظاري بين جمره وغليون = وازريت احصّل حاجتي من يدينه
لو انها بالمال يفداك مليون = ولو انها بالوقت اقبّل جبينه
لكنه المكتوب من خالق الكون = وراضين بالمكتوب زينه وشينه[/poem]

:
:


:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ياعالم الاحلام .. قولّي وش العلم = خلّيتني ، ماعاد فيك اتحلّم
حققت حلم ، ومات فيني مية حلم = وازريت انا من عالمك .. لا اتعلّم
لاصار ، مالك في حياة البشر سلم = اليا تكلّم واقعي .. لا تكلّم
العام .. رغباتي مسويّ لها فلم = واليوم .. صلى الله وبارك وسلّم[/poem]

:
:


:

:
:


:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياصاحبي لاتشتكي لي من الحال = كلٍ على قدّه يفصّل هدومه
الناس ماتخدم سوى راعي المال = ولاّ موظف محترم فالحكومه[/poem]


:
:



:

:
:


:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

السرّ امانه حمَلها صدر مامون = وفضْح الامانه حرام بكل تشريع
والجدر له سبع اذان وسته عيون = لايشتري فيك طبع الوقت ويبيع
والوقت راعي ردى وابليس ملعون = يضيّعك في ردود الفعل وتضيع
أمانتك باقيه فالحفظ والصون = ورى ظلوع الصدر ماذبّت الريع
لو كان بعض الغلا عاقل ومجنون = وعلاقتي معك ماتحتاج تطبيع
لاتكشف السر خلّ السر مدفون = والسر لامن تعدا اثنينه يذيع
يصير كنّه مع العربان طاعون = ونتايجه تنضرب في جذر تربيع[/poem]


:
:



:

:
:


:



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خلّ دلة غرامك فوق جمر الغياب = لاتصب لخفوقي لين حتى تفيح
صدّع القلب من طرد النظر للسراب = خلّه شوي من هول الزمن يستريح
دنية الناس ماتسوى جناح الذباب = هوّن النفس ويهون الضمير الجريح
وصك باب الجروح وفك باب العتاب = وخلّ راسك يقوم وخلّ صدرك يطيح
والله انّ المحبّه راس مال السحاب = ووالله ان الصراحه راس مال الصريح[/poem]



:
:



:

:
:


:



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
قلت : وينك ؟ قال : يعني وش يهمّك ! = قلت : ماخذ كل فكري واهتمامي
قال : والله ! ، قلت : شوف عروق دمّك = في غيابك كنت ابلّغها سلامي
قال : طيب ليش ذاق الملح جمّك ! = قلت : اعبّر عن شعوري في كلامي
قال : وينك ! قلت : متشتت والمّك = ضاعت اجزائي على سكة غرامي
قال : راسك ! قلت : يتفكّر بهمك = قال : يدّك ! قلت : تربط في حزامي
قال : صدرك ! قلت : ينشد كيف اضمّك = قال : عينك ! قلت : تطرد في منامي
قال : واذنك ! قلت : تبكي هرج فمّك = قال : فمّك ! قلت : محبوس بظلامي
قال : رجلك ! قلت تدعس من يذمّك = قال : روحك ! قلت : سارقها حرامي
قال : قلبك وين روّح ؟ قلت : يمّك = قال : يتعب ، قلت : تشتاله عظامي[/poem]


:
:



: