|
|
، الحياه ظروفها ماهي : تمام والجفا قسّى علي ظروفها ! لو يموت الصمت ماعاش الكلام كل كلمه : تستشير حروفها ! ، |
عزيزي الجو : انت من جدك ..؟ |
، توّي شعرت ان الحياه : استعادت اللي فقدته من بقايا : [ وهجها ] ! |
|
عبر المسن من الاخ / خالد المري : ياللي زلال الشِعر يعنيك بالذات بيّت احاسيسي و هديت حيلي اسرح مع ابياتك من اوقات لأوقات وتمرني الذكرى كِذا وسط ليلي اجرمت فيني في تصاوير وابيات الله يبيحك يا طلال الجميلي ! ، والله انك اسعدتني بهالابيات واسمح لي على القصور: يا خالد المري لو جروحي شتات قلت لـ هجوس الشعر :حطي وشيلي لـ اعجابك المرسل سلام و تحيات اعجاب مثلك يا السنافي : دليلي ! ، |
،
واجد هم العشاق : بعدي و قبلي ، ماهوب انا اول شخص حظه تعثر كنت أتاثر بس ! ربي كتب لي : تمرني من هم قصص ما أتأثر ! ، |
،
يا حظ من هو تلمس يدينك / يديه ، وانتي يدينك .. ، .. كلبوها : أنوثه ! ينسى الاوادم و الزعل و المشاريه ، يمكث و لا يدري بـ ( مدة مكوثه ) ! ايامه اللي معك تشبه : ( ثوانيه ) ، لو من ربوعه لين يصبح : ( ثلوثه )! ، |
،
مشكلتك انك تنشغل كل ليله ، و مشكلتي اني فاضي الوقت كله ! ما فيك حيله و الوصل فيه حيله ، الوضع متأزم و حاول : تحله ! ، |
، جابك الله من يدين العواذل و جيت ، وانت ودك و غيرك ناس ما ودها ..! كل الاشياء تردد : مرحبا ، ما بغيت ! لا ترد العتب و الـ ( مرحبا ) : ردها ! ، |
،
يا غاليه لو كان بـ يديني أسعدك ، دفعت عمري بس لرضاك عربون ! وعن كل حاجه تجرح شعورك ابعدك والله لـ أنسيك البشر : كيف يبكون ؟ ، |
،
يا طول البال وش تالي علومك مع طويل البال انا بأنشدك وش لونك قبل لا تقول وش لوني ..! ( مسافات الشقا ) طالت وانا في دنيتي رحال عطيت الحب من عقلي ، واخذ من عقلي جنوني ! غروب الشمس ، موعد عاطفي يا وقفة الاطلال ، تحديني على الذكرى و انا ما اداني : شجوني ! يقولون : ( البكا ) كايد و يجرح هيبة الرجال وانا رجال و [ دموعي ] علي اغلى من عيوني ، |
،
لا عاد تطري غيبتك لو تكرمت ، احاول انسى العمر وش هو بدونك .؟ عن السوالف هذي افضّل ( الصمت ) يكفيني : اسهر بس اطالع ( عيونك ) ، |
انتي وانا والحب والشوق ، الله يخلينا لـ : ( بعضنا ) ! |
[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=lift use=sp num="0,black""]
وشلون اسولف معك ويديك حولي=وفـ ( عيوني ) الشوق معلن لك حضوره بـ ( أسكت ) واتابع حركاتك و قولي:=اللي بـ ( خاطرك ) ما يبغى مشوره معك فضولي ولو ماني فضولي=كل التفاصيل معك انتي / ضروروه عيونك السود والوجه والطفولي=يلقى بها الشعر ما يرضي غروره [/poem] |
صباحي : ( ذكريات و جرح لا ينزف ولا يبرأ ) يوصلني : لـ ( لحظات الوداع ) و لا يوآدعني ..! |
,’
لله درك أنت وأطلالك : يا فصيح اللسان ويا بديع الفكر ,,,, ,,,, ليت ربي عطاني شيء مما عطاك وأتنقى الفريدة وأتنقى البكر ,,,, ,,,, وأتعب الرجل لا عنيتها في خطاك |
يا محمد حميد
:) ,’ المرور المميز واجبه : ( ينشكر ) ، والشكر لو كتبته ما وصل مستواك بـ ( العلوم الجميله ) كلها : تنذكر ، ربي اللي عطاك و ربي اللي هداك ! ، يعلم الله انك اسعدتني بـ مرورك :) |
،
ليه تنشد ؟ وانا حالي تشوفه ، السعادة ، تكذب : مدعيها .. ! انشد الشعر وتجاوب حروفه ، والمشاعر تجي : منها واليها شاعرٍ كل ما غابت هنوفه ، يفتقدها كثر ما يموت فيها ..! كل ما أعلن عن العالم عزوفه قال : ([mark=#000000] يا رب طمّنّي عليها [/mark]) ، |
؛
[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=lift use=sp num="0,black""] الغياب المستمر:=يوكل العاشق هوى لو لقى طولة عمر=جرح ما يلقى دوى لو فـ أمريّنه امّر=كلها عنده سوى [/poem] ؛ |
|
؛
يا سيد الشوق لا تنشد عن أحوالي ، تعرف علومي من اولها ليا آخرها ! أجر صوتي و اكرر وقفة اطلالي ، و ماهو على كيف كيفي يوم أكررها لوحت بـ يديني الثنتين لـ [ آمالي ] طارت وانا ما عرفت اللي مطيرها ! اضيق من عالمي و أصك جوالي ، و البسمه ازريت اجاملها و امررها ! ؛ |
[ALIGN=CENTER][TABLETEXT="width:100%;background-color:black;"][CELL="filter:;"][ALIGN=center].
. ؛ . . كان ما انت : بـ ( مستحي ) علم جروحي : تخف ! كلمتك ما هي [ وحي ] ، من جفاي ان رحت : خف ! . . ؛ . .[/ALIGN][/CELL][/TABLETEXT][/ALIGN] |
| جميع الأوقات بتوقيت GMT +3. الساعة الآن 09:16 AM. |
|
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية