[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عليك ذنبي عسى مايهلكك ذنبي=في ذمتك ماجرالي منك مهما يكون
أمنول أحكي معك بـ .الهون من جنبي=واليوم يحكي معك قلبي ورمش العيون
بعيد عني وتأسرني وتسكن بي=مستوطنٍ ساحة أفكاري لـ .حد الجنون[/poem]

[poem=font="Simplified Arabic,5,royalblue,bold,normal" bkcolor="transparent" bkimage="backgrounds/12.gif" border="none,4,gray" type=2 line=0 align=center use=ex num="0,black""]
لعيونك القلب..سلمته=نبضه,ودمه,وشريانه
ولعيونك الليل..مانمته=لـ .الصبح والعين..سهرانه
جاني خيالك..وعلمته=أني من الشوق..هيمانه
حلّق وحلقت..مع صمته=وأرهقت روحي..علشانه
فاهم غموضي..وفاهمته=متربعه فوق..جنحانه
عطيته القلب..وأقسمته=أنه مليكه..وسلطانه
بحر الهوى والغلَى..عمته=مكتوب,مانيب..طربانه
وأفحمني الموج..وافحمته=أطفح ومراات..غرقانه
وأن لامني عاذلي..لمته=حتيش لو طق..طيرانه[/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
بلاش ياهمي تجيني وأنا بْعيد=خلّك مكانك لين أعوّد على البيت
برتاح لي فترة نقاهه وتجديد=حراام تمغث خاطري لـ .أسفهليت
مْنْ اليوم طالبتك تْغادر الى العيد=وافي وأنا بـ .ألحق على خير لاجيت[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عطيتني من صادق الود حرفين=وخذيت روحي دون مـ .أطلب ثمنها
وقوّمت لك من شعري العذب صفين=تلعب,ومكنون الضماير ضمنها
تفتل وتنقض والجماهير غافين=مـ .أحدٍ فهم وش غاية القصد منها[/poem]

الشهر عليكم مبارك

أسأل الله أن يعينني وإياكم على صيامه وقيامه

على الوجه الذي يرضيه

وأن يتقبل مني ومنكم صالح الأعمال

وكل عام وأنتم بخير,’’

طيور الموده صبحتني صباح الخير!
تغاريدها من لذة النوم صحتني

تعمد تهيضني وأنا واصله من غير
تعدت على وهج المشاعر وبكتني

ياسلام يالشاعره

واسمحيلي تم السطو الغير مسلح على الجوهرتين

ونقلهم الى خزنة فلاشاتي الهادئه.

متابع بشغف لما تكتبين

تحياتي*

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عاد عيدي وعيدك,كل عام وكل عيد=وعاد عيد الوطن والركن والمرقاب
وعاد عيد السماا ونـْجومه البعيد=وعاد عيد الصباح ونوره الجذاب
والأهل والحبايب عيدهم سعيد=وعاد عيد الشعر والحرف لامن طاب
[/poem]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
هبت على قلبي هبوبٍ من الشرق=تجتاحني وأنا وربي بريه
معها صدى صوتٍ سرق مهجتي سرق=قايد وطابور المشاعر سريه
لاحيت له مدري تلاحت له الورق=وتمايلت خضر الغصون الطريه
شطحه حرقها حرفي المختنق حرق=ماهيب من جور المفارق صريه!![/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جيت صدفه لـ .الرياض وجدّد الحزن القديم=جعل وبل الغيم يسقيه ليله مع نهاره
قلت مروا بي على الهون مقـْبرة النسيم=ودي أعيّد على ابوي ساعه بـ .الإشاره
واكسبوا فيني أجر وأرحموا ضعف اليتيم=قالوا الله ماشرع للمرَه حق الزياره[/poem]


:(

شاعرة نجد ..

انرتي الرياض كما انرتي الشعر .

هنا الجمال والابداع الحقيقي .


لله درك .

[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شكت له عيوني وأنا ماتشكّيت=ويصد كنـّه غافلٍ مافهمها
حسبي عليه الله, أنا ويش سويت=يومه ظلم نفسه ونفسي ظلمها
أغلى من عيوني ولكن تمنيت=حاجه بنفسي,خالقي ماقسمها[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على متن ذاك الهاجس اللي بـ .ليا لمس=حمَـلني ولا أدري وين ناوي يسافربي
خذاني وصبحني قبل ماتبين الشمس=تسيطر علي وأزهر له الفل,في قربي
لعبـّي وأنا لي عشرة أيام جوي عمس=تسابق دْموعي كل ماذعذع الغربي
همس لي وأنا يورقني أحيان بعض الهمس=يقول القدر يابنت حطك على دربي
عليه الله أكبر كيف يطمس سمايه طمس=يغيـّب بتفكيري وينهى ويأمربي[/poem]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
على فكرهـ .,ترى كسر الزجاجه صعب ماينعاد=وعلى فكرهـ ., ترى الهقوه قسم في حضرتك خابت
تمهل لاتعذّر واسترح داام الجروح جْداد=وتعال وهات عذرك بعد مده كانها طابت[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
به أبيات شعرٍ نادره في بَعَض لَـ .أركان=هني القلم لاصار يكتب على كيفه
وأنا شاعره يختالْـني الحرف مهما كان=يْهيضني الأبدااع لاجيت له ضيفه[/poem]