تغفلتني وابعدت عني وانا باغيك
ورحت لمكان فيه همك وغربالك

توكل ترى ماعاد للعين نظره فيك
هذا فالك وبكره نعزيك فعقالك

:mad:

كم واحد مبلي بعله خافيه..
يختار عنها الموت حتى ماتبين

نسالك يالله العفو والعافيه
ورضاك والجنه وسترك.. كل حين

شطب على العرف والمعروف والمعرفه
كانك تحسب الميانه معك قلة حيا

انته قليل الحيا وقليّل المعرفه
ان جيت ماتنحسب وان رحت قلع النيا

اكتب تفاصيلك من يمين ليسار
واقرا تعابيرك من يسار ليمين

واقول زينك تتبعه كل اﻷنظار؟
والا انت قدام النظر تعرض الزين؟

ثلاثة ارباع الخلايق ملاحيس
ماباقي الا ربع انا منه مليت

الناس في بحبوحةٍ مالها قيس
من زودها نص النشاما سرابيت

كبسولة تاصل ورى الجاذبيه
وتخط فالتاريخ رقم وعلامه

وكبسولة فالعبله الجرهديه
واقصى ارتفاع لها طعوس الثمامه

تعبت من نظم المشاعر والاوزان
وانته تحسب ان السوالف تساهيل


تعال خذني ياحبيبي بالاحضان
هذا هو التغريد في تالي الليل

ضمه سلف ..بردان بالحيل بردان
واردها لك فالليال المقابيل

اول احاسيس الغلا رعشة خفوق
وانا خفوقي كل مااذكرك ارتعش

افتح مجال لرغبة القلب الصدوق
له وقت ينبض بك ومبطي ماانتعش

الرحيل اصعب محطات الغلا
وتذكرة حجزٍ مؤكد للسهر

وانتظار وغربه وهم وبلا
وشوق واحساسٍ احر من الجمر

شيلة جح ساجر مسرعه

بصوت المرقابي المبدع /محمد السمي

ومن كلماتي حفظني الله وإياكم :icon_mrgreen:

http://www.youtube.com/watch?v=QPEU9dTXiR8&sns=tw

ريح المطر يحيي جميع الذكريات
والبرق يعرض لي صورها فالمزن

ياكثر شوقي للسنين الماضيات
اليا طرت لي سالت دموع الحزن

بعض الاحساس دونه حاجب وقفل باب
مخرجه صعب والاصعب منه مدخله

كم سؤال معلق مالقى له جواب
وكم جواب يدور واحدٍ يسأله

تحرك ريح ذكراك القديمه مع عبير الورد
وعارضت الهوى مع ريح طيفك ياشبيه الريح

كذا في كل عام اذكر حضورك مع حضور البرد
واقف واذكر يدينك والدفا واحضانها واطيح

حتى متى حنا على الحال هذا
سبعة عشر عام انتهت زودها نقص

وانا سؤالي كل ساعه لماذا
والوقت يرقص لي وانا مااعشق الرقص

الشعب طيب مادام ان الملك طيب
اليا تشافى الملك حنا تشافينا

طهور ياخادم البيتين ياطيب
نبض الفرح مع سلامتك انتشى فينا

يانعنبو خدك وقدك وعينك
مصيبه ونكبه وموت محقق

لو السعد يمر بيني وبينك
ماكان عشت العمر حظي مطقق

يوم طالع بالعيون الناعسات
طحت مدري دخت وآخذت نعسه

اجتمع به ملح مع سكر نبات
فالحلا والملح مااحد ينافسه

الهدهد ان ماتت شريكة حياته
تطيب نفسه من جميع الهداهد

والحر اﻷشقر مايسوي سواته
ان فار دمه هد واليا هدى هد

اكلت هم الناس مااكلت همي
ليه الله يسلمك!!.. ماني من الناس؟

انا مأابيك تلد بالعين يمي
ابيك تعرف بإن ماعندك احساس

الليله الاخلاق مانيب قايل
الك الشحم ياهاجس الشعر عنها

قامت همومي فوق صدري تهايل
والقلب من زود العنا يحتضنها

ياهاجس الشعر لا كثرت علي الهموم
بطاقة الشعر لازم تصرف شعورها

اشوف جور الليال السود وانا كتوم
حتى اختفت رغبتي وانا انتظر نورها

ياداعي الحرف فيما صار يلحقك لوم
كشفت صورتك واوصافك طلع زورها

سويت لك حاجةٍ مالك وراها لزوم
غلطه ونيتك طبت بك فمحذورها

طريت في بالي وفاحت عطورك
والبرد في غيبتك يفرض وصالك

تعال جوي مستعد لحضورك
يسعد لي ايامك ويسعد ليالك