:
:

:



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ياحلمي ، اللي في معاليقي تحققت = الشوق ياكبره .. وياكبر امنياته
يفوق لامن غبت ، ويغيّبني ان فقت = والوصل ، ماترحم عروقي .. مغرياته
لاهزّت رياح الغلا الخفّاق .. واشتقت = ماكنّي ، الا شايبٍ كسرت عصاته
حاول يلمّ عظامه .. ولا طاعه الوقت = وطاحت بقايا دمعته .. تجمع شتاته[/poem]

:
:

:

:
:

:
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وشلون اشوفك ! وانتي اصلاً مني = لولا المرايا .. ماقدرت اشوفك
وجهك يشابه .. في جماله ظني =ومدّات قلبي .. من كريم كفوفك [/poem]

:
:

:

:
:

:



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عطورك ، كل ماهبت على قلبٍ .. حداه الشوق = تعدّي ضلعه الاول .. وتكسر ضلعه الثاني
قلبتي قلبي .. وصارت عروقه ماتودي فوق =غني الدم .. لكن نصف جسمي منه فقراني
حقوق الناس محفوظه .. وانا مالي عليك حقوق = سوى انّي لابغيت اضيع في خاطرك .. تلقاني
[/poem]


:
:



:

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]



أعذب الحب ، حبٍ كل ابوه اشتياق = واصدق الشوق ، شوقٍ ماعليه غبره
مايعرف الجراح .. ولايهاب الفراق = ولاتحرِّك به ارياح الليال .. شعره
ماخذ امن المبرقع .. رغبة الانطلاق = وماخذ امن السما الزرقا .. فضا المحبره
ذاقه القلب .. واستشعر لذيذ المذاق = فيه طعم العسل .. مع ريحة العنبره
والورق عين ، والمرود عليه الغلاق = يكحل الذايقه .. والكحل فالمسكره
ربّعي يالاراضي .. واشبعي يانياق = ماانفتح قلب عبله .. غير مع عنتره
يوم نسّى غلاها .. لوعة الاحتراق = وانّ ماكلّ رجالٍ .. يحب عشَره
نسّته ويش معنى .. الضيق والانغلاق = وانّ ماكلّ أنثى فالوسيعه .. مره[/poem]

:
:


:

:
:

:



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليه الانسان ! دايم في خضمّ الحياه = يرخص اشياءه اللي .. تمتلكها يده
كلّ مازاد بُعد الشي .. يركض وراه = وكلّ مازاد قُرب الشي منه .. ازهده
كم وكمّ آدمي ! بعد الندم .. جرّ / آآه = ماعرف قيمة المفقود .. لين فقده[/poem]


:
:


:

:
:

:



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
رحمة الله ، على غازي القصيبي = مات ، والموت كلٍّ يبـ / يذوقه
ماهو .. بصاحبي ولاّ قريبي = بس مسلم .. وله كامل حقوقه
الوزير المحنّك ، والأديبي = من تحقق نجاحه .. في عروقه
يالله اغفر ذنوبه .. يامجيبي = يوم جات السما والارض .. فوقه
واهدنا ، ياإلهي ياحبيبي = قبل ماالموت .. تاكلنا شدوقه[/poem]

:
:


:

:
:


:



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ودّي اشرح عن اجزاءك .. عليها السلام = لنّ صدق الخبر .. في ذمّة المبتدا
يمكن افهم حقيقة .. سرّ هذا الغرام = الغرام الكبير ، اللي خذا بي مدى
روحك : النور ، في هيئة حروف وكلام = وحبك : انسان صافي ، مايعرف الردى
وقلبك : الطفل ماودّه ينام ، وينام = وعقلك : الشايب اللي .. مع دروب الهُدى
وعينك : الصبح ، يحضن في مداه الظلام = وصوتك : انغام ، تسرق من ظلوعي صدى
وكفّك : الطي حاتم ، واهتمامك : وسام = وصدرك : الكون ، وانفاسك : شهيق وندا
احمدالله عليك ، امن الثرى للغمام = وكلّ عمري على بعضه .. لعينك فدا [/poem]


:
:


:

:
:


:




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عن اذن الشعر ، ابا اسوّي قصيده من ثلاث بحور= مااظنّ فيها .. ولا حاجه
يقولون : ان تضايقت بمكانك .. غيّر الديكور = وانا قلت : اشيل الفرن ، واحط تلاّجه
تعبت اشغّل الكشّاف ، وانشد فالظلام النور = والساق .. فالكون دوّاجه
اسمّن في عيوني عيشتي ، واقلط على الميسور = واروّح بسياره ، واعوّد بدراجه
متى ياقلب تقنع في رضاك .. وحالك المستور = عوّد على ربك .. وناجه
لك شهور وسنين ، وكم بقى لك فالسنين شهور! = والاحوال ، في كف المقادير منعاجه
نثرت الشعر ، لكن ماقدَر شعرك على المنثور = وش تنفعك ! ضحكة حجاجه
ولا ، ياالشاعر .. المتمكّن ، المتغطرس ، المغرور = على رسلك ، العربان ماهيب محتاجه
ولا ، ياالشاعر .. المتحضّر ، المتعلّم ، المحظور = الناس ، بالناس هرّاجه
تجبّر في كسور الناس ، وانت الكاسر المكسور = وحلمٍ بنيته فالسما .. عوّد ادراجه
تحسّب كلّ شيٍّ ودّك تجيبه كذا .. مقدور = كم شيّ من دونه سياجه
تصبّر واحسب حساب الليالي .. والليال تدور = وحاول ، تساير طبع وقتك ومنهاجه
عفا الله عن خطاك ، ولابقى بعد الشعور شعور = وبكره على خير نتواجه[/poem]


:
:


:

:
:

:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

فضفضي ، والجرح في ذمّة دواه =كلنا يدفع على جراحه .. ثمن
كل مااسمع منك آه .. اقول : آه = آه منك ، وآه من غدر الزمن
بس ، لو ينشد هوانا .. عن هواه = الجواب الضايع ، نردّه لـ / من!
للثرى ، ولاّ السما ، ولاّ الحياه! = والدوا ، فالشام ولاّ فاليمن![/poem]


:
:


:

:
:

:



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لازال .. كرسي حضرتِك ياالاميره = في ظل قصرك .. ماتغيّر مكانه
مافيه بنتٍ غيرك انتي .. جديره = تملاه ، وتعيش امنياته وامانه
تسوين في نظرة عيوني .. عشيره = ماهوب .. من زود الغلا والميانه
الاّ انّك اصلاً .. قبل اعرفك كبيره = وابغاك تبقين الكبيره .. بامانه
كلّك على بعضك .. مثيره ، مثيره = روحك ، وقلبك في هواه وحنانه
وايامنا الحلوه .. طويله قصيره = وظروفنا ، لو ويش ماهي تكانه
نبني من الاحلام .. تسعين ديره = ونضيع في عمرٍ .. عصانا زمانه
يصبّ في كاس المحبه .. عصيره = وجروحنا .. تفاحه ، وبرتكانه
والكلّ منا ، منجرح من ضميره = ويذوق فالفرقا .. من الخيزرانه
والوصل ، يمّ البُُعد حدّد مصيره = والبُعد ، مانلحق عليه الإدانه[/poem]


:
:


:

:
:

:
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]



أحبك ، واتمنّاك ، وادوّر لفرقاك = ولا ادري ويش اسوي! واحاسيسي غريبه
وازعّلك بفراقي .. على شان اكسب رضاك = ولا انتي لاقيه عذر .. للجرح وطبيبه
واشوفك قدْم عيني .. ولا ادري وين ابلقاك! = واحس انك بعيده ، واحس انك قريبه
وانا لو قلت ابنساك .. بالله كيف ابنساك ؟ = احد ينسى ! اجمل احلامه .. ولذّة نصيبه
وروحي ، عايشه خيرها من فضل ذكراك = ولا يلحقني بخافقك .. شكٍ وريبه
لكنّ الوضع يبقى .. من اقصايه ليا اقصاك = ولا هي عند مثلي ولا مثلك .. صعيبه
ليا جيتي ، هلا مرحبا والله ، وحيّاك = ولن رحتي ، فمان الغلا .. يااغلا حبيبه[/poem]


:
:


:

:
:

:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ياأمل ، لن شفت راس الياس بيّن .. دوسه = مايعيش الياس .. في قلبٍ يحبّ اعياده
ياأمل ، وارجع على راس الوليف .. وبوسه = وقول له : صدري على طول الحياه .. بلاده
ياأمل ، دام الحروف الصادقه .. محسوسه = ليش !! مايقنع تواصلنا .. بلقمة زاده
ياأمل ، دام الغلا .. لبس الوفا ملبوسه = ماعليْه خلاف .. لو فرّق وجيه اسياده
ياأمل ، من تجربة عمري .. حفظت دروسه = وكم شربت المرّ قبل الحلو ! .. من ميراده
ياأمل ، درب الشقا ماهوب للمحروسه = والسعاده ، ماتذاق الاّ على السجّاده
ياأمل ، كم آدمي ! حريّته محبوسه = يوم حرّر للهوى موته .. واكل ميلاده
ياأمل ، لو ينفتح ضرس العقل .. للسوسه = ورّدت راعيه في دهويّته ، وزياده
ياأمل ، والشعر مسحوبه على منكوسه = مايعبّر عن مشاعر شاعرِه ، كالعاده
ياأمل ، واللي عطى بنك الوليد .. فلوسه = مايُثمَّن ، حب ابن زيدون في ولاّده[/poem]


:
:


:

:
:

:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صوتك يرد الروح ، ياعذبة الروح = كلّه .. احاسيس ، وغرام ، وعذوبه
لو كان من ملح العنا .. صار مبحوح = الا انّه يدخّل بصدري .. رطوبه
لاعاش من خلاك ياحلو .. مجروح = وعليك خفاق الغلا .. شق ثوبه
عيش الهنا ، والبوح في ذمة البوح = ماهوب لاقي .. في نجاحه رسوبه
والحب ، حنّا اللي بنينا له صروح = طوبه على طوبه ، وطوبه بطوبه
ومن كثر ماهو شاهق ! انشاف بوضوح = والله يديمه للعواذل .. عقوبه[/poem]


:
:


:

:
:



:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو كان قلبك قلب ياغاليه .. حس = لكنّ قلبك ، والله انّه حديده
نسيت كل اللي حصل لي معك ، بس = ابسألك بالله! وش مستفيده!
ان كان هذا اللي تسويّن بي .. جس = جسّي ، سوالف خافقي من وريده
من ليلة فراقك .. وهو كنّ به مس = متلبّسه حبك .. وانا باستعيده
وان قلت له : ياخافقي ! قال لي : طس = فاتح شريط الذكريات .. ويعيده[/poem]

:
:


:

:
:


:




[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أميرةُ العطرِ ، فاحت بي روائحُها = واستنشقَ القلبُ ، إجلالاً وإكبارا
جادت بقلبٍ كريمٍ ، وهي مدركةٌ = أنّ الهواءَ ، إذا ماكان إعصارا
قد يهدمُ الأمنَ ، والأشياءَ يُربكُها = ويكشفُ الصبحُ أستاراً .. وأستارا
أتت إليّ .. وكان الشوقُ يسبقها = وأشعل القلبُ في استقبالها .. النارا
رغمَ الظروفِ التي حاطت بها .. ركضَت = تسلّقت في سبيلِ الوصلِ .. أسوارا
أهلاً بها ، شمعةً يزهو بها قدَري = وحُبّها ، يُسقطُ الأحزانَ .. مدرارا
إذا توارت عن العينينِ ..تسجنني = ويصبحُ الشوقُ .. جلاداً وجبّارا
وإن أتت ، غاب في جنّاتها وعيي = ويصبحُ الوصلُ .. في عينيَّ خمّارا
يارا ، وهل في الهوى ذنبٌ احبّذهُ! = إلاّ إذا كان ذنبي في الهوى .. يارا[/poem]


:
:


:

:
:

:



[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنت يامن ، أتى من جرحهِ .. مُنتقم = إنّما العفوُ طبعٌ .. من طِباعِ الكرام
لو تذقْ .. في لذيذِ اللذتينِ الطعَم = لذّةُ العفوِ .. فاقت لذّةَ الإنتقام[/poem]

:
:


:

:
:

:


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أيُها الناسُ عفواً .. فـ / لديَّ سؤال = من يَجد شيخَ دينٍ فاضلٍ .. يسألُه
قاتلُ الحيِّ ، قطعاً .. شرعُنا قاتلُه = إنّما قاتلُ الأحلامِ .. من يقتلُه![/poem]

:
:


:

:
:

:



[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كبرياءُ الفتى ، في الأصغرينِ .. أمانه = دونَها ، لا يكن .. ذو رفعةٍ ومكانه
لاتُهِن في سبيلِ الإحتياجاتِ .. نفسَاً = من يَهُن ذاتَ ضعفٍ .. يستحقُّ الإهانه
عِش عزيزاً ، ومُتْ - لو متَّ جوعاً - عزيزاً = لن يموتَ الفتى ، حتّى يُوفّى الأمانه[/poem]


:
:

:

:
:

:

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ذاتُ يومٍ ، كانتِ الدنيا معي = من يديها إصبَعٌ .. في إصبَعي
نتمشّى ، في طريقٍ مزهرٍ = يُشبِهُ الأشواقَ .. خلفَ الأضلُعِ
والهوى ، كالطودِ حجماً إنّما = حجمهُ كالرّيشِ .. فوقَ الأربعِ
نَجرَعُ الآحلامَ حتى .. لم يعُد = باقياً .. ألهو بهِ في مضجعي
متنبّي الشعرَ .. في أحداقنِا = وعلى الكفّينِ .. كانَ الأصمعي
ونجوبُ الكونَ .. في لحظاتنا = قلبُها الحبُّ ، وقلبي مسمعي
تُشرقُ الشمسُ .. على ازهارِنا = ويقولُ الحزنُ : هذا مصرعي
لستُ أدري ! ماالذي حلّ بنا! = نُفيَ الداعي .. وماتَ المُدّعي [/poem]

:
:

:

فيصل , قسم أنك مُبدع , ومُجرم (إبداعَ ) قاتِل . .

عُذراً , ع هذا الفَاصل . .

http://up.mergab.com/uploads_pic/2bcd7ffb50.png

كُل التقدير لك , :SnipeR (69):

الله لايهينك اخوي مصلح على التصميم الرائع :)

في الحقيقه لااعرف كيف اشكرك على هذا الفاصل الجميل ،،،

لو اني ماعرفت اللي بالصورة :)



دم تا / بخير

:
:

:
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


توازُني اختلّ ، من قلبي ووجداني = وحبُّ سالي ، على نفسي تحدّاني
سقطتُ ، كالدمعِ من عينيَّ .. منتحراً = وكانتِ الأرضُ .. ناراً فوقَ أجفاني
للهِ درُّ الهوى ، مااسطاع يُخفيني = فجاء بي عندَ مرآتي .. وعرّاني
رأيتُني آخراً .. بالكادِ أعرفُهُ = ماقد توقّعتُ .. أني كلُّ أحزاني
ملامحي قد محتها الريحُ .. غاضبةً = كما محت قبلَها .. إسمي وعنواني
فلم أعُد ، ذلكَ السيفُ الذي رسمَت = كفُّ البطولاتِ .. أشكالي وألواني
الصدقُ أضعفني .. والشوقُ أربكني = والبعدُ أتعبني .. والحبُّ أعياني
سالي ، ومن هذه سالي ! سوى ألمٌ = تسلو ، وقلبي بها .. ماذاقَ سلواني
أتيتُها عاشقاً ، في قلبهِ عتبٌ = وعُدتُ منها ، وفي الكفّينِ أكفاني
غريبةٌ ، ليس في الدنيا يشابهُها = إلاّ ، التناقضَ في عقلي وشرياني
إلى هنا ، واسمحي لي يامعذّبتي = آمنتُ بُعداً ، وزدتِ فيَّ إيماني
أغلقتُ بابَ الهوى ، لاعادَ من بابٍ = هيّا .. وداعاً ، سأحيا دونَ أحضاني[/poem]

:
:

:

:
:

:

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


ليتَ شعري ! كيفَ تصحو غيبتي ! = وهي كلُّ النورِ .. في كلِّ السماء
قدرٌ في العمرِ .. لم أسعَ لهُ = قدّرَ اللهُ .. وشاءَ اللهُ شاء
فتنةُ الحُسنِ ، وخيرُ الأنعمِ = قلبُها / حاءٌ .. وفيَّ القلبُ / باء
علّمَتني في الهوى ، كُنهُ الهوى = وأنا ، علّمتُها معنى الهواء
هكذا ، العشقُ الجميلُ الأبدي = اشتياقٌ ، ووفاءٌ ، وانتماء[/poem]


:
:


:

:
:

:


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لقد أمهلُتكِ .. زمناً طويلا = واسقيتُ المدى ، صبراً جميلا
فما جُوزيتُ .. إلاّ سهمَ غدرٍ = تغافلَني ، وأرداني قتيلا
لَعمرُكِ ، لم يكن .. كفّي شحيحاً = وقلبي لم يكن يوماً .. بخيلا
فقد أسكنتُكِ الأولى .. فؤادي = ولم أرضَ بغيركِ لي .. بديلا
ولكنّ الليالي .. جائراتٌ = وليسَ لجوعِها إلاّ .. العويلا
تحوّلُ كلَّ دائرةٍ .. مثلّث = وتجعلُ في المثلّثِ .. مستطيلا
عجائبُها ، تساقَطُ كلَّ يومٍ = ويصبحُ راجحُ العقلِ .. العليلا
ولكنّي ، سألبَسُ فوقَ وجهي = قناعاً ، يستمرُّ بهِ .. طويلا
وأقتلُ كلَّ ذكرى منكِ .. عندي = ولن أُبقي على جُرمي .. دليلا[/poem]:
:

:

:
:

:


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
إن لمْ أفِ بوعودٍ .. كنتُ قاطعَها ! = فلستُ ، في نُطقِنا العامّيِّ .. ( رجّالُ )[/poem]

:
:

:


:)