[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صباح الورد مع قطر الندى مع لونه الجذاب=على كف الغلا ويروح لابان السفر صوبه
عليه أبيات شعرٍ ماكتبها شاعرٍ كذاب=رنين حْروفها من صادق الوجدان مكتوبه[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياوطنّا داام عزك كل يوم وكل عام=دمت في أمن وأمان وداام خيرك ياوطنا
وطال عمرك ياملكنا ودمت في صحه وسلام=جعل شمسك يـامليك قْلوبنا مـ .تغيب عنا[/poem]

[poem=font="Simplified Arabic,5,royalblue,bold,normal" bkcolor="transparent" bkimage="backgrounds/18.gif" border="none,4,gray" type=2 line=0 align=center use=ex num="0,black""]
عسى الأياام ماتقسى علينا=ولانهلك وحنا مادرينا
ولايظلم سمانا في ضحانا=ولايلعب شروود الفكر فينا
ولاتغرق مراكبنا ونغرق=ولاتفرح قلوب الحاسدينا
كفايه وين وصّلنا التمني=على سطح القمر ياما رقينا
رقينا وأرتفعنا وارتفعنا=وخذينا من سمانا مابغينا
خذانا سيل الأحلام الجميله=وروينا وارتوينا واكتفينا
نَحَسْب أنها حقيقه لين قمنا!=على الواقع ومضمونه صحينا
علينا تضحك أنفسنا ونضحك=نصدقها بَلَى وعي ويقينا
خساره ياخساره ياخساره=ياليت عقولنا تلحق علينا[/poem]

روعه صح لسانك ياشاعرة نجد

صح لسانك ابيات عن قصيده اهنيك على الابداع الراقئ لك ودي

الروعه حضورك يـ الكايد

وصح بدنك

شكري وتقديري,’’

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
رسمت من واسع خيالي صوره=يملي عليها خاطري بسكاتي
وش ماطلع من ريشتي معذوره=ضللتها من لوعتي وآهاتي
ألوانها زرع الامل وزهوره=عنوانها من مهجتي في ذاتي
يأخذ خيالي في مداري دوره=وأرووح مع نسجه على نياتي!
تصوير شكّل في سماي اسطوره=تعكس معالمها رموز أبياتي[/poem]

[poem=font="Simplified Arabic,5,gray,bold,normal" bkcolor="transparent" bkimage="" border="solid,4,gray" type=2 line=0 align=right use=ex num="0,black""]
تهقويني النفس الطموحه وأروح بْعيد=عساها على درب الشقاا ماتوديني
تعديت مع فكري على نقطة التحديد=تسير القدم والوقت ماعاد يكفيني
ألا ياطيور الصبح كفي عن التغريد=تثيرين حسي,ينتبه عاذلي فيني[/poem]

[poem=font="Simplified Arabic,5,chocolate,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يـ .قلم بـ .أملي عليك مْـن الخواطـر=واكتب المطلوب مع حفظ الحقوق
راعني واسهر معي لو جبر خاطر=راعني والمحبـره دم الخفـوق
[/poem]

[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عليـك الله لاتبحـث خفـايـه=واسولف لك بدون أيّـة درايـه
وإلى منّه صحى بعديـن عقلي=ندمت وتاه فكري فــ .النهايـه
همومـي ياشقايـه كافيتـنـي=ولا أدري وش شبك خطك معايه
حزينه من غثى وقتي حزينـه=ولو رزيت لي بـ .الشعـر رايـه
أحاول وأجحد الضيقه وأغنـي=عساي أرمي هومي من ورايـه
رجيتك ياهبوب الريـح هبـي=لعل السحب تجلى من سمايـه
سحابٍ وتّر أعصابـي ظلامـه=وانا لي مع سناا برقه حكايـه [/poem]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خطوهـ ., ويتبع دربها سبع خطوات=والحارس المسئول محصي عددها
مسارها قبل أمس مافيه عثرات=تلمس سماها والثريا بيدها
تلبس من الألماس واللول هامات=تنعم ربيع أيامها في سعدها
لين أعترض في جوها اليوم موجات=سحابةٍ يسبق مطرها رعدها
هلّت عليها والبرد هلّ زخات=فرحت بها واستوحشت من بردها
تغيّرت معها بكل المدارات=من غير لاتفصح وتبذل جهدها
واستسلمت بـ .أفكارها للمتاهات=ليت الليال تردها في مهدها[/poem]

http://www.montada.mergab.com/showth...36#post1459036

ابداع حد الروعه

الف صح السانك شاعرتنا
للحرف عذوبه في مقتطفاتك سلامي عليك
تقديري

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يانور عيني وياروحي ويافجري=وياشرقة الصبح لـ .غنـّت عصافيره
موضوعنا مايخصه قدرك وقدري=شرهه وعدّت عسى فيها مية خيره
بلاش الاعذار لاتضـيّق بها صدري=ياشين الانسان لاكثرت معاذيره!
تدري بطبعي وأعَرْفك وأبخصك وأدري=بالله لاتدخل التفكير في حيره[/poem]

يا سلام ، صح بوحك يالانيقه .

ويشرفني مروري بركنك الخاص . وتحيتي لك ..:)

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يكفي اتهامات وكذب,يامستثيرين الغبار=ويـ .مروج أنواع الكلام,بـ .الله قل لي وش تبي؟
لو أني شاعر ماكتبت الشعر بــ .أسم المستعار=واللي خلقني لـ .أكتبه وأقراه بـ .أسمي وأسم أبي
ولو أني شاعر حق لي,وغنيت في صف الكبار=ولا تأنثت وكتبت الحرف غامض ياغبي!![/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
ليت الحمام يْكف لـ .أصبح عن النوح=لاصار ماسبب على عاشقه خير
ماله وأنا مالي من النوح مصلوح=يفرض علينا الصمت حكم المقادير
لو كان تجبرنا المشاعر على البوح=ويكتب بـ .أوامرها القلم دون تفكير
وتعْزف على نغم الموده من الروح=ويثيرها النسناس والورد والطير[/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ضايعه لو شفت نفسي على هاام السحاب=ضايعه في بعض الاحيان والله ضايعه
كيف أحلّق فـ .السماا والفضاا كله ضباب=والضماا لاحق علي والجوارح جايعه
والغدير اللي تأملت في عذبه,سراب=ياكثر صدمات عمري ونفسي طايعه
كل ماعانقت حلمي.تعذر مـ .أستجاب=والصراحه لو تكدرت منها رايعه
يستلذ الليل مع وحدتي كثر العتاب=وأتحيّر لاتفكّرت في طبايعه!![/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لـ .ظهر نور الصباح وغنت القمريه=صحت النايم وقاام وراح معها يستعيد
يستعيد أحلامه اللي بـ .غاية السريه=عايش ٍ معها ومستمتع ولو مايستفيد
تنتشي روحه ويفرح لاجت العصريه=ينتظر ليلٍ جديد وينتظر حلمٍ جديد[/poem]