يادبل كبدي من عيون العصافير
اللي تراقبني على اغصان الاشجار

ابلشتني في موقعي.. خير ياطير
الذنب ذنبي وانت ماانته بغفار

عينك وحبة خالك الهم والغم..
تهز نبض القلب واكتب لها البيت

لبيه لعيونك واخصك ولا اعم..
باح الشعور وجاك كله وانا جيت

اشغلتنا ياتويتر عن كتاب الله
ماعاد نقرا من القرآن لو آيه

غفله وتقصير يالله رحمتك يالله
مدري وش اللي بقا فايامنا الجايه

ان ضاق بالي ماقريت اشعار وليم شكسبير
قدحت من زند الفكر نار الحروف الموقده

والا قريت ابداع ابو الطيب وابن برد وجرير
في بوحهم نبض الحياه اللي ماهيب معقده

حنا عرب ننقاد للإحساس مع سلك الحرير
ونثمن الشعر ونعده بالشعور وننقده

قل للمليحه يامليحه كل شي صار غير
والصبح صاحبني ونوم الليل ماعاد ارقده

غمازتينك مصدر الجاذبيه
والموت الاحمر بين غمازتينك

لو الظروف تسلمك في يديه
طفيت جمر الشوق في راحتينك

انكان هبت علي النود
سلم على خافي جروحي

بالله ياام العيون السود
رفقا على قلبي وروحي

الصبر في خافقي محدود
والشوق موجود في بوحي

ان متّ وانا حي مااظني ابكيك
فقدت قربك وانت حي وبكيتك

ليته زعل والله لـ/اصالحك وارضيك
لكن كلك فاقدك مالقيتك

الهم يخنقني وروحي تناديك
فديتني؟ لا بالله الا فديتك

ياليتني ماقلت هذي وهذيك
وانته بعد ليتك وليتك وليتك

ياوقت حالك حال والمشكله فيك
بليتني وانا بحالي بليتك

ضيّقت صدري وازعجتني طورايك
واسهرت عيني واهتنيت بمبيتك

هذي هي ايامك ياوقت ولياليك
لكن لغير الله انا مااشتكيتك

كلن على دينه ويتبع سيده
وسنة محمد واضح تفصيلها

واهل الجهل في كل عام معيده
اليا التقا راس السنه مع ذيلها

الشعر ياللي تحسب انه رجوله
صاغن قوافيه البنات الغنادير

الرجل مرجلته وطيبه فعوله
ومرافقه ومنافسه للمناعير

فرقاك ياتويتر تنادي من العام
ماعاد باقي غير البّي نداها

عصفورك اتعبته ومل من الانغام
والارض مرعاها شكى قل ماها

فيك المضره حطمت كل الارقام
وطعم المسره بك قليل حلاها

والابتسامه فيك محسوبه اجرام
واكثر ظنوني خيب الله رجاها

فيك الطيور اشكال والوان واحجام
وتغريدها متضارب ومستواها

الصدفه اللي جابتك فاخر الليل
قدام لا تقبل شعرت بدفاها

عطني علامه لليال المقابيل
بعض المشاعر معك ذعذع هواها

ياكثر تغريدي وياقل نومي
ازعجت خلق الله بكثر التغاريد

اكد فتويتير برخصه عمومي
واساقط الاشناب واصادم الغيد

ساعي بريد الود ياقلب وينه
ابطى وانا واياك نبغى رساله

قل له يعجل كلنا محترينه
انا ونبضك والمشاعر ..حلاله

ياشيخ حنا مالنا في ضحكة سنونك لزوم
شيختك برهنها بفعل الطيب والا خلها

حتيش لو عندك وثيقه فوقها عشرة ختوم
وثيقتك لاصرت ماتفزع لربعك بلها

الانطباع اللي يجي فاآخر الليل
يعزف على اوتار الغلا في خفوقي

لو يعرف المرسول قدر المراسيل
ماابطى علي ولا سهر معه موقي

المهاه اللي تداعب حرفي وخافي شعوري
كل ماشاهدتها رحب بها قلبي وهلا

مرحبا ياداعي احساسي وياداعي سروري
شوفتك منها همومي كل مااشوفك تجلى

من يشتري قلبٍ يحب الغنادير
ويبيعني قلبٍ عن الحب مطبوع

يابري حالي ليتني طفل صغير
ماكان من بعض الاحاسيس ممنوع

المهاه اللي تداعب حرفي وخافي شعوري
كل ماشاهدتها رحب بها قلبي وهلا مرحبا

ياداعي احساسي وياداعي سروري
شوفتك منها همومي كل مااشوفك تجلى

بالله اخذني بين ..هذا وهذا
ومن عندي ابطلع ..لهذي وهذي

عجزت لا اقاومك مدري لماذا؟!
لكن حالي حال ..وانته ملاذي

فالقلب شوق وشوق في نظرة العين
كل الثنين الله يجيبك يبونك

ليت السعد يرميك فاحظان الاثنين
اتعبهم الهجران ... ويدورونك

ماعاد باقي غير اضيع صوابي
واجيك يانجلا العيون الوسيعه

ياونتي من عينك ويا صوابي
ما كن غيرك زين فوق الوسيعه

ليت الشكر نقدر نغير حروفه
حتى تجي شكرا لها شكل ثاني

انا لحقني من شعوري كلوفه
واللي فقلبي مااستطاعه لساني