.
. اعذريني ليا طولت بسكاتي ....................المشاعر لغيباتك موفرها ان حظرتني خذيتني من اهاتي ................. كل ظيقه علشانك مسفرها من محبتك يرسم لك تنهاتي .................مهره ٍ تجرج البيدا بحافرها . |
.
. حبيبتي من غلاها صرت منها استثير ..................... ما فيه شعرٍ تنفسته ولا لمها قالو تراها بعد كبرت / حواها العبير ............. وهي من زمان الطفوله /ودي اشمها ومن كثر ما شفت فيها كل شي ٍ خطير ............جاوب شعوري من اللهفه يا بخت امها اقسم برب ٍ الزمان اللي جعلني كبير ............ لو يمدي اصغر صغرت سنين واضمها . |
.
. البارحه يوم مرت من هنا بالطريق .................سمعت بقصى ظلوعي دقت اجراسها هي تخجل الورد ولا تستبيح الرحيق ..................هذا حديث القوافي لـ اعذب انفاسها ربي جعلني على شاطي بحرها غريق ............... لكن وهبني شعور ٍ يرسم احساسها . |
.
. الحب ما يرحم ليا ناش القلوب ....................تضيع في بحره متاهات وخيال لو فيه لذه فيه عيب من العيوب ...............برسم ظروفه واختصارها في مثال يعني لو انك صرت بـ اطراف الجنوب ...............يبلاك ربي من سكن بقصى الشمال . |
.
. الحب بعض احيان يا ثقل دمه ...............من نشوة اللذه /ليا موطن الضنك يغري ضفافه وان غرقت بمجمه ..................شفت الليالي لا تولت لها فنك يمكن يحبك شخص ما انته بيمه .............. وانته تموت بواحدٍ ما درى عنك . |
.
. ارحلي عني ترا كلي سمحك .............ما قدر حبك يحدد لي مصير ما شكاك الا شقى صدر ٍ منحك ............ الوفا والعطف والحب الكبير الغريبه كيف قلب ٍ ما برحك ..........تجرجينه وانتي انثى من حرير . |
.
. انتي جمالك عارفه كيف يختال ...............وانا اعرف اني لا بغيت اقدر انسى لو كان في حرفي ثمانين خيال ..................وانتي بعيني عن ثمانين خنسى . |
|
.
رغم الحنين وسطوته كنت اكابر ...............لو هزني صوت ٍ بالاحساس دافي والليل عن حالي ليا صار خابر .....................كنه خلقه الله لبحث الخوافي . |
,
. لا تحسبني بالخطا متعمد .................شفني احبك /والدليل الجاري احب انا نايف واحب محمد ...............اللي على لسانك يجي له طاري . |
.
. الشعر من بعض المخاليق معتاذ ..................حتى رسم في كل شاعر علامه يا اخي اذا انك صرت مبدع (وشحاذ) ..................لا تفتخر في طيب ذات وكرامه : ( |
.
. لو كان يغريني معك لذة التوت ..............وسيطر علي وقلت بالشعر واجد انا عشان الحب ما ودي اموت ...............ودي اكون بقبظه الروج /ساجد . |
.
. شكلي في كونك المرهف لي اعظم صوره ............لو شغبك يعانق جنونك بعد سويها اما انك بنت دلوعه تحب الكوره ...........هاذي اللي لاني اقبلها / ولا ادانيها . |
.
. عرفنا من احداث الفلك للسحابه نو .............ولقينا وش اللي غيب الوعي عن حصه سرقها جنون العاطفه / يوم زان الجو .............. على صوت ابو نوره بعد كملة الرصه . |
.
. ما فيه صدرٍ يحتضن صادق احباب؟ ............يا ليت ندري وقتنا وش مبيت . تخيل انك تشكي النزف منصاب ........بس السبب ما عاد تدري من إيت. بحثت في وجة الليالي عن اسباب .............وحاولت تكشفها والايام عيت وجه الحقيقه في حياتك بلا باب ..........وش لون تعرفها ليا صرت ميت . |
.
. يا طير /ياللي تو ما ضفك الريش ....................انا بوجه احراج رمشك فديتك عينك / على نبضي / وانا ودي اعيش ................. لو كان عندي قلب ثاني عطيتك لافرقت بيداك بين الدراويش ................وناس ٍ ربت مع عزة النفس جيتك . |
.
. لا شفت سيل الهم لضلوعي نزيل .................... بالليل / والظيقه عطتني كمها حطيت للراحه على صدري سبيل ......................يوم التويها من زعل واخمها اللي تجريني على الدرب الطويل .....................كني عليها مثل ابوها وامها . |
.
. . . لا زبنك الشوق /والداعي سرى ...............يستحث اخطاه لـ اعلاج المصاب واشتهاك اللي من الحدب وورى ......................وانفتح يم الوله مليون باب خل صدرك ليل / وانفاسي كرى ...............نام واحلامك على متن السحاب لايهمك جرحي اللي مابرى .....................استلذ بطعنك لوهي عذاب لين يدري كل من شاف وقرى ............ انك انت اللي !! /وكلي فيك ذاب . |
لازال شلال ابداعك مستمر ..
صح كلك |
صح قلبك يا عبدالعزيز
حظورك اضافه لكل جميل .. |
.
. الحب بيداً تشدق بالضما /والسراب ! ..............ما اروى عطش هالك الصحرا ومواتها والقلب شيخ ٍ يمسه للسفر والغياب .........................الهم / ومعاند الدنيا وصكاتها والعين / طيرٍ تعلى فوق متن السحاب ................ما عاد تبكي على اغلى شي لو فاتها انا على هامش الذكرى فتحت الكتاب .....................ولقيت لي بيت واحد كنه ابياتها تدرون يوم انفتح للشعر منهج وباب ....................... اقول لبا قصايدها // وهناتها . |
.
. النسمه اللي لها صدري مجي ومراح ........................ تقول ليه الحبايب تنكر احبابها وهزيت جذع الشعور بكل مابك وطاح ...................غصن التناهيد والظيقه مع اسبابها تمر في داخلي لجلك وتاخذ سماح .....................وانا اتخيل عيونك وارسم اهدبها طيفك ليا اجتاح جر الليل يم الصباح .................لا مر نسانس شوق وسيرتك جابها عطرت ريضان قلبي من فياح لـ فياح ..........وغرست ورده على صدري وانا اولى بها . |
| جميع الأوقات بتوقيت GMT +3. الساعة الآن 10:31 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية