[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
مانيب مانيب,,ياروحي مسامحْتك=على غلاتك وماجاني,,من أسبابك
فهمت نهجك ومكنونك,,وصارحتك=أني ورب الحرم عن نفسك,,أدرابك
لو قلت هانت,,وجاملتك ومازحتك=قريت يانور عيني,,صفحة كْتابك
تغليني أدري,,رموز الشوق فاضحتك=وصل المواليف لو ماجابني,,جابك
وأغليك,,لو من سوايا البعد جارحتك=لو كبريائي نفتك,,القلب هلابك
لاشك بعض الظروف القشر,,ذابحتك=جنت علي وعليك,,وسكرت بابك
بحني أمانه,,وأنا مانيب بايحتك=يـ .المجرم اللي تحيّر فيك,,طلابك[/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
المطر والإجازه والسماا الغايم=كلها ماتساوي غيبتك عني
دايم الشوق دايم والسفر دايم=بس سَفـْرتك هـ .المرهـ .خذت مني![/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
عسى المطر يبطي على نجد ودان=يسقي صحاريها ويسقي شجرها
يبطي سمااها بـ .أسود الغيم مليان=لين يْتشابك عشبها مع زهرها
ويعم فضل الله على كل الاوطان=ويظهر على الشاشات زاهي صورها[/poem]

[poem=font="Simplified Arabic,5,chocolate,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
ياليتني فوق الغصن قمريه=لامال بي غنيت عذب لْحوني
فـ .الصبح والا فـ .آخر العصريه=ماهمني ناسي ولو يوحوني[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="solid,5,darkblue" type=2 line=0 align=left use=ex num="0,black""]
عسى خير يابكره عسى خير=عسى خير ياغيب المقابيل
لي أيام جوي فيه تعكير=وأهوجس ليامن أقبل الليل
عسى الضيقه اللي تااتي عْصير=تضايق بَها صْدور الرياجيل
تجيني مواريد ومصادير=وأنا مـ .أحْتمل كثر البهاذيل
تزاحم على صدري طوابير=تقهوى من دْموعي فناجيل
كتمني وجعها دون تبرير=وضلوعي أرق مْن المناديل
عساها تروح ويصدح الطير=وأغني معه عذب المواويل
وأكيّف,وجوي لـ .صفى غير=وأولّع شْموعي والقناديل[/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تومي بي حْبال الوصل والقطاعه=ياسم حالي من سموم الأخيره
محظوظ منهو عايشٍ في قناعه=ماشال هم المقبلات ومصيره
ما لاعه فْراق الحبايب ولاعه=جور الزمان وجور فرقى عشيره
ماشي مع الأيام سمعاً وطاعه=كيّف على جوّه جوارح ضميره
وأنا عجز يفرض علي انطباعه=وقتي,تعاكس مع مسيري مسيره
عجزت أطيعه وأندمج مع طباعه=لكن,عسى في كل الأحوال خيره
ياصبحي اللي لاتبيّن شعاعه=يشفي جْروحٍ في خفوقي خطيره
وُداعتك قلبي وروحي وُداعه=لاصرت في ديره وناسك بْديره!![/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
متوقعه,والبارحه مستخيره=ومّا رضينا غصب عنا رضينا
خيره,ولو ماودنا بس خيره=لاصارت الفرقى لزومٍ علينا
[/poem]

[OVERLINE]تومي بي حْبال الوصل والقطاعه
.......ياسم حالي من سموم الأخيـره
محظوظ منهو عايشٍ في قناعه
......ماشال هم المقبـلات ومصيـره
ما لاعه فْراق الحبايب ولاعـه
........جور الزمان وجور فرقى عشيره[/OVERLINE]

رائعه دائما شاعرة نجد تصوير بديع واتقان شعري رائع
تمنياتي لك بالتوفيق....؟
معدي

مرحبا شاعرنا

والراائع حضورك طال عمرك

ويؤسفنا غيابك عن المرقاب وغياب المبدعين شرواك

وفق الله الجميع


شكري وتقديري,’’

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
ياظلام الليل حاك الليل حاكه!=علمه باللي حصل بيني وبينه
علّمه حنا اتفقنا عـ .الشراكه=في ظلامه,في قساته,في حنينه
في نسيمه,في سكونه,فـ .أرتباكه=لاظهر صبحه وكدر نووم عينه![/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
بين عقلي وقلبي صار فيه إختلاف=يـ .الله أنّك توفق بين عقلي وقلبي
والنتيجه فتر حيلي بْتالِ المطاف=وانقطع للأسف حبل الرجاا ماوصلبي
[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
قفلت صندوق الضماير على السد=وحْروف شعري بيّحت وفـْضحتني
لابد من قمرية الغصن لابد=أن جتني مْسيان وأن صبحتني
تثيرني بـ .ألحانها غصب وأرد=صارحتها بـ .أسراري وصارحتني
نعم أغار وغيرتي مالها حد=لاشك مابينتها وذْبحتني
تقفي وتقبل بي على الجزر والمد=لاغيرت حالي ولاريحتني[/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
بشويش ياوقتي على الهـون بشويـش=دخيلتـك حـاول تـراعـي مـزاجـي
لـ .طااب جوّي طرت,مدري على ويـش!=وش طيّـرك تفسـد علـي أبتهاجـي؟
وأن جاا على صدري من الضيق تشويش=مـن ثقـل دمـك مالقيـت الخراجـي!
[/poem]

تسلم وحياك الله شاعرنا

حضورك لـ الركن تشريف وفخر طال عمرك

شكري وتقديري,’’

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
ما لازم اني أعترف لك ولا أبيك=تشرح لي أحوالك ولا تعترف لي
وش فيك ياناسي عذااب أمس وش فيك=أنهااك عن بحر الشقى وتْغرف لي
بلاش,رويانه عسى الله يهنيك=شموخ نفسي عن مسارك,وقف لي

[/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
لابأس ياقلبٍ من الحزن مفجوع=نفس الحزينه لاتكدر سفرها
أعد للعطله ولو حدها أسبوع=وأجهز أغراض السفر وأنتظرها
وأظمى على شوفة فضاا نجد وأجوع=لو كان غاايب عن سماها قمرها
فيها من الذكرى مساحه ومشروع=في ناسها,في جوها,في شجرها[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
بين الخيال وبين شمس الحقيقه=فكرت فـ .أمري بين الأثنين واحترت
خيالي الواسع جذبني بريقه=عرّض علي في يخت الأحلام وأبحرت
وفي واقعي ماغاب ظلي دقيقه=أسيرته,لو كان بـ .الشعر عبرت
صبرت لين الصبر ماعاد أطيقه=ياما وياما أصبرت وأصبرت واصبرت
حتى سكن في داخل الروح ضيقه=تكدرت منها سماي وتكدرت[/poem]

[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
دفيت بيديني,فروخ العصافير=لقت على راحة كفوفي,دفاها
ونفسي عجزت ألقى دفاها,عسى خير=عسى الليالي ماتبيّح,خفاها
تشكي علي من شوقها,بردها غير=والوقت وظروفي,سبايب جفاها[/poem]

ركن عالمي ،

وبعد الاطلاع على 3 ./. منه على عجاله طبعاً

خرجت ببعض التساؤلات ، ندرجها في مكانها :)

تحياتي