وش نسيت و وش ذكرت ووش طرا في بالي
......................... والكلام اللي في صدري ما قدرت اقوله زادت سهــوم المنايـــا فـ الزمــــان التالي ......................... واختلف وجــه الزمـان وعلتــّه مجهوله مــا غـدا بالحــقّ غيـــــر الباطل البطّالي ......................... هكذا .. وابليـس يقــرع للعباد اطبوله جنبــوّاا جنب الجمل .. عن مطرق الجمّالي ........................ واتركـوه يشدّ ظهره ثم يشيل حموله ودّي أهجـرس علـى صفق الهـوا وألالي ......................... في ضميري جرّتين وضحكتن مقتوله شاعـرن واللــه وكيلي رايحن في فالي ......................... راس مالي سبحتي واشنابي المفتوله مسلمن .. مانيــب علمانـي ولا ليبـرالي ......................... والتطرفّ ماهو أبحولي ولاني حوله ؟ مــن كثـر ما اقول قولن صعب ماينقالي ......................... مابقا الاّ يقطعون الساني (أمن الدوله) ! اتبــع الأحـــداث .. وامــوّل لها موّالي ......................... شايلن مفتـــاح بـاب الخـــزنه المقفوله مع جزيرة (فيلكا) صاحت جزيرة (بالي) ........................ والجزر في باقي اقطار الوطا مذهوله الله اعلــم في شهادة مرخصين الحالي ......................... يوم ساقوها وقالـوا .. ذلنا وش هوله للجهاد أصول في شرع العزيز الوالي ......................... والمشايخ بعضهم ما يعرفون اصوله التطـرفّ والتشـدّد .. ضيّــــع الأجيالي ......................... والغلو فـ الدين ماهو رغبتن مقبوله كيف صرنــا بــؤرة الإرهاب واعزالي ........................ واليهود اهل السلام العالمي معقوله ؟ المصايب فـ القرايب .. بين عمّ وخالي ......................... ومشكلتنا لو سكتنا .. ماهي ابمحلوله يا الله استر حال الأمه فـ الزمان التالي ......................... رايــة الأســلام تبقــى بالفخر محموله الشاعر العملاق سداح صح لسانك شاعر متمكن وعملاق ولكنه ابداع تعودناه من سداح0 |
الأخ الكريم / محمد الجلبان
شكرا لتفضلك بالمرور هنا وجزاك الله عنا خيرا كلامك طيب ويسعدني يا اخي محمد صح بدنك وتقبل صادق السلام أخوك / سداح |
اخي .. سعود المحجان
سلمت وسلم نباك صح بدنك يا الغالي اخوك / سداح |
شاعرنا القدير
ناصر النفيعي يكفيني مرورك فقط لاعدمتك أخوك / سداح |
الأخ العزيز / سيف السعد
صح بدنك وفاقدينك حقيقة وجزاك الله خير على كلامك الطيب اخوك / سداح |
الله الله الله
وش هالكلام ياسداااااح ..
مابقى الا يقطعون الساني امن الدوله :) الله الله صح لسانك ولله درك ياعملاق الشعر .. قصيده عملاقه من شاعر عملاق .. بيض الله وجهك ياسداح مبدع وليس لابداعك حدود .. سلمت وبارك الله فيك انت وقصيدك .. هذا القصيد اللي عليه العلم .. ماشاء الله .. تحياتي لك يالامييرر .. اسلم وسلّم .. اخوك / رحيـــّـــم |
السلام عليكم
هلا باخوى سداح صح لساانك ولا هنت اختك ديمة الشوق |
تبي الصراحه مالها غير ســداح00 طول ارتفاع وعرض يعني مســـاحه
0 0 0 0 0 0 0 0 بيض الله وجهك00هذا هو القصيد اللى ينومس من يقراه اعجابي معروف مسبقاً تحياتي |
مرحبا الف يا موسى
الأخ العزيز والشاعر القدير .. موسى الغنامي
عسا عمر طويل ولا عليك زود ونتعلم منك ومن شرواك شكراا لشهادتك الثمينه أخوك / سداح |
الأخ الشاعر المتميز / رحيم الغنامي
شكراا لتفضلك الطيب ولاعدمتك يا رحيم اخوك / سداح |
الأخت / ديمة الشووق
شكرا لمرورك العطر سداح |
الغالي / مقبل النداح
لاعدمتك ولا عليك زود والله شكرااا لتفضلك الكريم ولطفك أخوك / سداح |
لتزيين الصفحه الأولــى بالأسـم والعنوان :)
.. |
يا الله استر حال الأمه فـ الزمان التالي
......................... رايــة الأســلام تبقــى بالفخر محموله والله يابيوتك انها درر سلام ياخي :) |
شاعـرن واللــه وكيلي رايحن في فالي
......................... راس مالي سبحتي واشنابي المفتوله ونعم والله ياسداح كفيت ووفيت سجل اعجابي الى يوم الدين تقبل تحيتي وتقديري |
شاعر يحمل هم الأمه ويصخر موهبته الفذه لهكذا مواضيع
له منا كل التقدير والاحترام نقف إجلال له في كل قصيده وفقك الله يالغالي |
عودّ ياسداح |
هذا هو الشعر الحقيقي الذي يزيد تألقاً بمرور الأيام والسنين
والحقيقة أن هذا ليس " طرق حدثي " كما وصفه سداح فقد ذهب الحدث ونسيناه ولكن لم يمنعنا هذا من الإستمتاع والإنبهار والإعجاب بهذه القصيدة المتفردة كالعادة الله يجزا من رفعها خير :) |
*********
من الظلم ان ينقطع شلال ابداع كهذا ارجع يا سداح ******** |
| جميع الأوقات بتوقيت GMT +3. الساعة الآن 03:34 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية