توقيع ضابط خفر الحلقه1: الليلـه الليلـه أنـا ظابـط خفَـر والجندي آجازيـه وآحقـق معـه مرقابيٍ معروف والموتـر شفـر ومفرّح الضمني على الخط أسمعه! سنوافيكم باسمه بعد الاعلان عنه :) طلع ناصر الاحمري |
توقيع القايده
ـــــــــــ بعض النفوس من الحزن تشره على بعض النفوس غير النفوس نفوس لاتشبع ولاهي ترتوي ياليت هالعالم سوى فالحزن حتى ماندوس على مشاعر غيرنا وقلوبنا ماتنكوي محمد بن الذيب.. |
اعترفت بحبي وشوقي وجيتك
ـــــــــــــ شايلن قلبي على راحة يديني خالد الغااازي وصح لساااانه . تحياتي |
أرتاح يا مجلس الأمـّه
حلوّك وأعضاك محلوله الشيخ توّه نفض كمـّه والأمر من قايد الدولـه ماعاد تبرا بك الذمــّه ألاّ بعد تكسب الجولــه واعزتـي لك يا بوعمـّه وأبو شنبات مفتولـــه كل ٍ ينادي بنـي عمــّه من شان يآقف على طوله ! سداح :) |
_على الفـــاقه_
سلام رديّه على الدستور اللي يطيّر مجلس الامّـه لا صار ما يعرف حدود و دور صباح الاحمد مع ولد عمه مبارك آل خليفه :) |
محمد جارالله السهلي
سويـت فيهـا سيّـد العـرّافـه وعرّضت راسك حذفـة الحذّافـه ياليـت تفكيـرك مثـل تفكيـري واقول : رجل ويحتمي ميقافـه !! مانيب يمّك !! والخبيـث الناقـص يشوف شـيٍ ماحـدٍ قـد شافـه لكـنّ طبـع العالـم الملقـوفـه موسوسه .. متّعقّـده .. خوّافـه ابـو خطايـا مايعـرف القصّـه وفضـح خفايـاه الكـلام التّافـه مير أسترح ياثور جنب صحيبـك لاصارت وصوفك (كوبي) لأوصافه وحاول تشيل الأرض فوق قرونك والاّ تغرف البحـر بالمغرافـه !! وقلّه يقـول محمـد الجـارالله : بيمـوت مالـدّ النظـر لخـلافـه . . ياسلام ياسلام |
توقيع سداح ــــــــــــــ يا الطرقي المشفوح منعاً للاحـراج مالك عليّه غير ضحكـة سنونـي بيني وبينـك حـد ممتـدّ وسيـاج ولا كل من يقرب حمانـا يمونـي عليك أفلّ حجـاج وأعقّـد حجـاج كيفي وانا ابخص في حواجب عيوني ^ ^ البيت الاخير عجبني:) |
رغم ما يحمل من اسلاك شائكه وقنابل مدفونه
بس حلو حلو حلو من صحبتك يا صاحبي سداح مانـي مستفيـد لكن عسى قصايدك مـا ينقطـع هاجسوهـا قصايدك يطرب لها حتى الصعيدي في الصعيد وياكم قريناها لهل صنعـا وهـزت روسهـا فيما عدا ذلـك رزقـك الله بقلـبٍ مـا يبيـد يشيل ما شالت فيافي الهنـد مـن هندوسهـا لـ نايف السلمان |
من صحبتك يا صاحبي سداح مانـي مستفيـد
لكن عسى قصايدك مـا ينقطـع هاجسوهـا قصايدك يطرب لها حتى الصعيدي في الصعيد وياكم قريناها لهل صنعـا وهـزت روسهـا فيما عدا ذلـك رزقـك الله بقلـبٍ مـا يبيـد يشيل ما شالت فيافي الهنـد مـن هندوسهـا الله الله الله الله عزالله انه تقاضى هالدمشقي :) :) |
الدواجن لـو لهـا مخـلاب دامـي
ما انفقس بيض الدجاجه من تحتها ! الحصين |
المرجله مثل حيداً صعب مطلاعـه
ماهي بضاعه من الأسواق مشريّه لو كانت المرجله تشرى من الباعه كان الهلافيت كـل ٍ جــاب كميّه سلام الله عليك يا محفوظ الهذلي ، |
الدكتور (( سداح )) واخر ابداعاته التوقيعيه :)
7 7 7 [POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]جيب لكزس والموديل آخر موديل = مرّني من عرض نـاس ٍ مرّهـا سايقه شخصيّه وطرفـه كحيـل = يرمش بعينه وزينـه مـن رهـا ما هقيت أنّه علـى مثلـي يعيـل = لين وجهـة موتـره لـي فرّهـا أبتسم لي والرضـا مالـه دليـل = وقـال كلمـه يكفـي الله شرّهـا ( هاي ) مدري شيّ من هذا القبيل = كلـمـة ٍ ماهـيـب لله درّهــا أقتربت وشفت منسـوع الجديـل = لابـس ٍ لـه بدلـة ٍ مـا زرّهـا قلت قلبي ماهو لنوعـك عميـل = رح ودوّر لـك قلـوب وحرّهـا لا تنـط ولا تـحـط ولا تشـيـل = سوق نفسك قبل تفشـي سرّهـا كلّ ما قامت تمزمـل موزمزيـل = هاقيـه كـل الرجـال تغرّهـا ! [/POEM] ينصر دينك يادكتور :) |
ماهكذا ياصاحبـي توكـل الكتـف
حتى .. ولو انّك حمر عين وإكّيل .. لله درك ياســـلطان....:) |
اليوم وجهي بشوش ويضحك حجاجي
مع طلّة النـور واخلاقـي رياضيّـه يا خفّ دميّ على شريانـي التاجـي راضي وكل العروق الخضر مرضيّـه سهجت شط البحر مع كـل سهاّجـي بيني وبيـن البحـر قصّـه غراميّـه في غبّته درّتيـن وفوقـه أمواجـي وحوريّتـه غيرهـا مافيـه حوريّـه سجلّت من خاطري منعا ً للاحراجـي بيتيـن مكشوفـه وبيتيـن مخفيّـه مابين شط الخليج وساحـل العاجـي قانون ما نجهلـه وأعـراف دوليّـه ماعاد يا منتدى المرقـاب يحتاجـي ( الشمس بانت على روس الحراميّه ) عضو ٍ يبوق ويتوق لكسب الافواجـي ما يستحي مير حقّه شطب عضويّه ! يستاهل والله شطب العضوية لا هنت يا سداح اخيك العجمــ بــــدر ــي..@@ |
حاولت ابا اكتب في صدودك ولو بيت !
ـــــــــــ وعيت ابيوتي تنكتب من صدودك ماهر النمر :) |
الرّاحه اللي بدونك .. همّ و إمضايقـات
تزرقني إبرمحها الضّيقه .. وأنا مادريت أنا إنزعج لإنزعاجك .. والجفن مايبات مثل إنزعاج السّعوديّه لغـزو الكويـت تفدا زعلك الاوادم من شبـاب و بنـات إليا زعلتي زعلت .. ولارضيتي رضيت رحيّم الغنامي .. :) |
الرّاحه اللي بدونك .. همّ و إمضايقـات ** تزرقني إبرمحها الضّيقه .. وأنا مادريت
أنا إنزعج لإنزعاجك .. والجفن مايبات ** مثل إنزعاج السّعوديّه لغـزو الكويـت تفدا زعلك الاوادم من شبـاب و بنـات ** إليا زعلتي زعلت .. ولارضيتي رضيت! 8 8 8 إبدع من الراس (يارحيّم) وسجّل وهات ** ننطر جديدك من التوقيع لو كان بيت !! .. |
انا ابتلشت وبلشتي باصحابـي
اصحابي اللي ما تعيش الا بـي اطيبهم اللي صار .. حرّك تبلش ما غير ينتف لحيتي واشنابـي ما عاد باقي شعرةٍ في وجهـي ياكود حجاني .. وشعر اهدابي! لكن فال الله ولا فـال .. اللـي على الضياع .. يطقها كعابـي! الله يكفينا شر اصحاب الحصين خالد مبدع وهذي عوايده تحياااتي اخيكم العجمــ بــــدر ــي...@@ |
كمية الحـب محـدوده
وأنتي لحالـك خذيتهـا والقلب لو ضاع مجهوده يموت ماقـال هاتيهـا سداح :) ومدري مسبوق عليه ولالا؟؟ |
سولف علي الله يمسيك بالخيـر
سوالفك منوه وشوفتـك منـوه الليله اللي تجمع قلوبنـا غيـر لو كان في بعض المواصيل عنوّه سعد الشيباني .. المبدع :) |
السياسه يوم افكـر فالسياسـه
وانها فن التلاعـب بالكراسـي نوب ترفع واحدٍ يومي براسـه ونوب يعجبها المحنك والسياسي بنت دلوعه وسط قصر الرياسه عينها ما قصها سيف النعاسـي كنها بيت القصيـده فالحماسـه عندما تصدر من القلب الحماسي اسمها اكبر شهـادات الدراسـه فرقها فرق الذهب عن النحاسي وانكاستها ماهي بأي انتكاسـه انتكاستها سبب كـل المآسـي تلويحه من تلويحات المبدع مناحي الله لا يظرك يا مشخص تحياتي اخيكم العجمــ بــــدر ــي...@@ |
اوّل لقا كـان فيـه الشـوق مجنـون ** واخـر لقا كـان فيـه الجـرح دامـي
صح لسانك يانوض على هالبيت و البيت اللي فوقه .. :) |
| جميع الأوقات بتوقيت GMT +3. الساعة الآن 11:23 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية