مثل ما قال ابو صالح
ان المشكله والخطأ هي التركيبه.. |
ببساطة ياجماعة الخير .. !
( دينه ردي ).. من استنتجاج ربما البعض منا يسمعه :) [خاطي مرة وهو معرض على سوق ولا مقهى :)].. ربما يعني الشاعر بكلمة (دين)الاسلوب او النمط الحياتي اللي يعيش فيه الشخص هذا ..! ولايعني دينه بمعنى عباداته واسند على المسجد حتى يكون دافع لتغير هذا الاسلوب الغير سوي عند الشخص .! ربما اكون مخطي في نقاشي هذا :) تقبللو مروري |
خخخخخخخخخخخخ اصبر اصبر ابجي لمحمد اول واجيك ثاني
يا محمد ما قلنا انه يقصد يوم القيامه ولا الملك والا السلطه انما ارودناها حتى نبين ان الدين لها معاني كثيره اذا اطلق ولم يقيد بكلمة الحق اما الدين هنا في البيت فهو المعتقد والطريقه وهي اللي تصب في الاسلام ووضحناها لذلك في كتب السيره يوم يقولون اسلم فلان وحسن اسلامه؟ حسن وش معناها والحسن وش عكسه عكسه الرديء فهنا الرداءه والحسن ليست في الاسلام بذاته ولكنها في اسلام الشخص بذاته هذا هو الفرق لا يمكن اسقاط حال شخص على حال الاسلام كله ولا يمكن تأويل البيت هنا على انه يقصد الاسلام بذاته وانما يقصد اعتقاد وطريقة الشخص طيب يبو مهنا يوم تقول شيعي هل يجوز نقول اسلامه رديء ايه نقوله رديء الى يوم الدين ومن على شاكلتهم لكن هذا ما يعني ان الاسلام هو اللي رديء بذاته ارجو ان يكون الامر واضح |
الغاليين التختور حمد و القرقاح فراج
صراحه تعبت من الاقتباسات عشان كذا ابا اجمعكم مع بعض و بارك الله في من جمع ضيفانه teeth: انتم كلامكم قريب جداً الى المنطق و الى الواقع... و انا لا اعمم بخطأه.. و لكن باب النقاش واسع و انا هنا مدير موضوع ( دارين ماهي احسن مني teeth: ) .. عشان كذا انا احاول مناقشة جميع الردود سواء التي تؤيد او التي تعارض ... و من المؤكد ان المناقشات دائماً تفتح آفاقاً اوسع في العلم و المعرفه و تعطي زخم معلومامتي عظيم نستفيد منها جميعاً... و هذا الحوار تمخـّض عنه فوائد عظيمه و كبيره بلا شك.. و استفدنا منها جميعاً.. و أنا اول المستفيدين.. اول مره ادري ان فيه حوار يتمخـّضteeth: و الى ان يأتي صاحب البيت الشيخ ابن ابي عبدربه ابا حوّا العازمي سوف نتفق على رأي بالتأكيد.. مشكورين و مجملين و بيض الله وجيهكم على المناقشه اخوكم |
الحين ابكتب اخر شي وعسى يكون فيه فايده وفرد حمزه ثاير ثاير ( ضد بندق ابو مهنا)
الحين يوم تسأل يبو مهنا هل الاسلام ردي؟ السؤال هذا وش مبرره وعلاقته با البيت لان مافي البيت ما يدل على المبرر لها السؤال كان من المفترض يكون سؤالك هل اسلامه رديء؟ هنا نقول السؤال مظبوط وعشان نحل الاشكال نبا الاجابه على السؤال هل يصح انا نقول عن شخص ان اسلامه ردي؟ لان الرجال كتب دينه اذا سلمنا لكم انه يقصد اسلامه فهل يجوز انا نقول اسلام فلان رديء ام لا ؟ اما اطلاق كلمة الاسلام فهذي مالها اي علاقة با البيت البتة وسلامو عليكم |
اقتباس:
بـ النسبه للإجابه الي تبحث عنها ربما يفي هذا الحديث .. والله أعلم !! ففي صحيح البخاري رحمه الله عن أنس رضي الله عنه عن النبي صلى الله عليه وسلم: {كان يوماً جالساً بين أصحابه، فمرت جنازة -- مُر من أمامهم بجنازة -- فأثنى الناس على صاحب هذه الجنازة خيراً - -- قال أحدهم: فلان نِعْمَ الرجل، كان يشهد الصلاة مع الجماعة، قال الآخر كان محسناً إلى جيرانه، قال ثالث: كان وصولاً للرحم، وقال رابع وخامس وسادس، ويبدأ الثناء عليه من هذا وهذا وهذا -- فقال صلى الله عليه وسلم : وجبت وجبت }. وما هي إلا لحظات حتى تمر جنازة أخرى، وإذا بالمدح ينقلب ذماً .. قال رجل : هذه جنازة فلان بئس الرجل، كان لا يشهد الصلاة مع الجماعة، قال الآخر: كان مؤذياً لجيرانه، قال الثالث: كان قاطعاً لرحمه عاقاً لوالديه، قال رابع: كان أكّالاً لأموال الناس بالباطل، وقال خامس وسادس وسابع. فقال النبي صلى الله عليه وسلم: {وجبت وجبت} ويتساءل الصحابة رضي الله عنهم. فيسأله عمر بن الخطاب يا رسول الله ما وجبت؟ فقال صلى الله عليه وسلم: {أما الأول فأثنيتم عليه خيراً فوجبت له الجنة، وأما الثاني فأثنيتم عليه شراً فوجبت له النار، أنتم شهداء الله في أرضه } .. *** * وكـل الود .. والتقدير مفعم بالإحترام :) ,’, \\ |
وهذا اللي نبحث عنه يبو مصلح بن نميان
|
,’,
\\ اقتباس:
عساك طيب يـ بو د.حمد العصيمي :) ,’, \\ |
اثر البيت لاستاذنا عبد ربه
ياخوي والله انه دوب اتحوطه هالبيت<<< يعني صغير وش رايك ياعمي في اتحوطه المهم الأراء كثرة والبيت يحمل عدة اوجه ولا شك ان صاحب البيت سيحسم القضيه والله يعطيكم العافيه |
^
^ منان تحوطته ومنان جيته ! هههههههههههه يقولون الورع ماينسى حواطته :) .. |
قولوا لا إله إلا الله :)
قلتوها ؟ زين ، ماعندي الا سلامكّم ، ولا زياده على كلام الأخوه المبرئين للبيت وبالأخص الدكتور العصيمي في بعض ردوده والتي تبيّن علاقة شطريْ البيت ببعضهما ، ولكن سأشير إلى أن هناك بيت فوق هذا البيت مدري تحته ذو علاقه قويه به واللي يقول : يجيك واحدهم بسيما الصالحين ./. من شاف شكله قال وش هالأجودي فمن هنا يتّضح إن المقصود بدينه هو طريقته وتعامله وسيرته وهي المفروض أنها ماتكون كذا الكلمه، يعني ماتسمى الدين ، لو كانت طبعه أو حاله أو أي كلمه أخرى ، لكن وجدتها مثل فأدرجتها كما هي . وإذا فيها شئ أنا أستغفر الله ، وهي من كتابات الجهل وعنفوان الشباب ، الآن عود يالله حسن الختام :) خاص لشفق .. بخصوص فقرتين من النقاش ككل ، الأولى تقول فيها : نقاشنا لغوي ، وليس اعتقادي .. والبيت هذا عامّي وقد قلت في موضوع سابق إن الشعر العامّي معفا من قواعد اللغه ! فماذا نسمي هذا يا أبا موهنّا ؟؟ الثانيه تقول فيها : هل عدمت مفردات اللغه بإيجاد بديل لكلمة ردي ، وأقول لك : لا ، ولكنّا نسير على إحدى قواعد الشعر وهي القافيه كما لا يخفاك ، فإن كان هناك من استبدال فهو لكلمة " دينه " بأي كلمه أخرى كما ذكرت أعلاه عموماً بيّض الله وجيهكم كلكم :) جميع أرائكم زادتني وأفادتني ، فـ لله ردكم .. هذا مالدي الآن وقد يتطلّب الموقف عودتي ! سلام’ عليكم |
اقتباس:
اول شي قلنا لا اله الا الله ثاني شي هذا اللي انا ابي اوصل له.. انا ابيك تعرف ان اصول اللغه العربيه لا يمكن تطبيقها على الشعر الشعبي.. و هذا هو اصل الإتيان بهذا البيت... في المره السابقه قعدتوا لنا عند ثلاثةٍ عارضني .. و قمتوا تعكون و تدكون على مبدأ النحو و الصرف.. و الآن انت تعارض مطالبتي بتطقبيق اللغه العربيه الفصحى... اذاً وصلنا الى نقطة انه لا يمكن بأي حال من الأحوال فرض النحو و الصرف على الشعر الشعبي.. الأمر الآخر النقطه هنا اصلاً ( شرعيه ) و ليست لغويه ... و بما أنك تقول انك تقصد الطبايع و انك لا تقصد الدين ذاته.. فهذي لها باب و جواب .. و اذا كنت تجهل ان كلمة الدين ربما استخدامها غير صحيح او كلمة ردي غير صحيح فمن الواجب تغييرها.. فإحداهما يجب تغييره إبراءً للذمه.. :) تحياتي لك يا ابو حّوا .. والف شكر لك على الموافقه في عرض هذا البيت .. و الف شكر على ثقتك في أخيك الصغير شفق السريّع.. و شكراً على سعة صدرك.. |
شفق ..
أهبّ الله يسلط على شاطانك :) أنت تسيف قلت بي وشقلبتني !!! ياطويل العمر ، مسألة ثلاثةٍ ماهيب في اللغه ، هي مسأله بديهيه ، وقلت لك هناك ، إنه حتى في كلامنا العامّي لا يصلح أن نقول مثل هذا ، والله يزرون علاك الريجيل لو تقول ثلاث رياجيل وألاّ ثلاثة حريم ، مستحيل ، ورحتوا وجيتوا على اللهجه ، وقلنا مافيه مشكله هذا لو إن الشاعر من سكّان شمال الجزيره وحاضرة القصيم ، فـَ لـَكن الشاعر معروف ومعروفةٍ لهجته ، يعني البيت حق السيحاني خطأ لو تطيرون وتوقعون ! وشكراً لك أنت يابعد حيي .. .. |
لا اله الا الله :)
ارحب ياعبدربه .! تعليقك موفق دائما الله يوفقك والاكيد انا استفدنا اما شفق أبيض وجه موضوع اكثر من رائع |
انتسانها بالمشاعيب ابشر يا ابو حوّا .. كلامك صح .. ههههههههههههه
بس بالراي .. فهذي لهجه عاميه .. و اللهجه العاميه ما لها ميزان توزن عليه.. هذا باختصار... مثل بيتك اللي تقول فيه ( ترا دينه ردي ) .. انت تقول انك تقصد الطبايع.. مع ان الدين غير الطبايع لكن و لأنها من باب اللهجه العاميه فما نقدر نعارض الكلمه لأن لكل قوم ٍ لهجتهم... لذلك نقول انها صح لأن الدين عندكم هو الطبع... لكن ان وصلت للفصحى فانت معصي .. عز الله ما الدين و الطبايع بولايف.. :) لذلك انا مع البيت و اقول انه صحيح.. دامها لهجات ... عشان كذا مثل ما نقرّ لكم ان هذي صح فأنتم ملزمين تقولون ان ثلاثة ٍ صح.. و انتسانكم تبونا نوديها لميزان اللغه العربيه الفصحى .. حنا نغير بيتنا و انتم غيروا بيتكم.. teeth: |
اقتباس:
وعسى الله يوفقنا وياك لصالح القول والعمل ، محبتي في الله يابو مشعل رغم " بقايا من غرام وأخواتها! " سلام’ عليكم :) |
عسى عيني ما تبكيك يا ابو مشعل
علومك كلها غانمه و انت غانم و انا اخوك حضورك و متابعتك حرام بالله انها نوماس و فخر و اعتزاز لي و يشهد الله انك احد الأسماء الذين أفادوا في هذا الموضوع و انا اول المستفيدين.. بارك الله فيك.. تحياتي و محبتي و شئ ٍ من الغرام و رفيدزاتها... :) |
أبو مهنّا ماهيب بمشاعيب ولا حتى عود شخّاط !
مير بالمعقول والواقع ، جميع الشعراء العاميين والعرب والذين تطرقوا للعدد وبالأخص المؤنث في قصائدهم وماوقع عليه نظري وسمعي لم أجد فيه مثل هذا التحريف :( يقول خلف ابن هذال : مرني اربع بنات <- ماقال اربعة بنات ويقول بطي البذالي : والسبايب ثلاثٍ شفتهن وأخلفني <- ماقال ثلاثةٍ شفتهن وهذي مقاربه لبيتنا ويقول خالد المريخي : قابلني ثلاث أحترت ويأهن <- ماقال قابلني ثلاثةٍ احترت وياهن ويقول شقير الجذع : شف بالي يابن هادي ثلاثٍ بينات <- ماقال ثلاثةٍ بينات وتسم وتسم نعدد لكم :) ملاحظه : تم الاقتصار على الاستشهاد بأبيات من الشعر العامي لمطابقتها للبيت . .. |
وسؤال برئ جداً ،،
كيف توحّدت اللهجه في الأبيات أعلاه مع أن كل شاعر من قبيله ودوله ؟؟؟ :) |
هذي ناس ٍ تهرج بلهجاتها العاميه.. و حنا لنا لهجاتنا ...
ما فيه احد مسئول عن لهجة الثاني... الدعوه ماهيب قاعده علميه راسخه.. الدعوى لهجه .. و اللهجه ما لها ميزان تمشي عليه... انا ما علي من ثلاث و ثلاثه.. انا علي من ان اللهجه العاميه ما لها مرجع يرجع له... افرض انا وياك قلنا للساحاني .. ثلاثة ٍ غلط.. ثم قال هذي لهجتنا... وش لون وجيهنا ساعتها قدامه؟ لذلك فإن نقد ثلاثة ٍ غلط بالأساس لأنها ليست مبنيه على قاعده و ليس لها مرجع يتم الرجوع اليه او ميزان يفصل فيها... اللهجه العامه ليس لها حدود و انا اخوك.. و هذي قاعده ثابته .. ماهيب هروج مجالس :) |
اقتباس:
هههههههههههههه ياعساك سالم يابو حواء الله يديمة وتأكد اني كذلك :) |
اقتباس:
جعلك والله تسلم ياشفق والله انك مكسب وان عرفك مكسب وعلومك طيبة والفايدة لي بلا شك ويشهد الله انك شرفتني بكلامك |
| جميع الأوقات بتوقيت GMT +3. الساعة الآن 01:47 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية