[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وحشتيني كثر مافي الشجاري من ورق واغصان= يا احلى بسمة ٍ فالكون جعل الله يخليهااا وحشتيني .. وحشني بيتنا والــورد والريحان= وذيك الشجره اللي كنت انا وياك نسقيها وذيك الصوره وبروازها اللي طــّرز الجدران= ليا ناظرتهــا سبحان خـلاّق ٍ مسويهـا وذاك الشارع اللي كنت فيه العب مع الجيران= وانا طفل ٍ صغير وخطوتي يا دوب اخطــّيها انا ادري ما نسيتيني ولا في بالك النسيان=وانا صورتك في بالي ترى مانيب ناسيها وانا ادري انتي الوحيد اللي يقاسي لوعة الحرمان=وانا ادري كل لحظه في غيابي كم تعانيها انا يمــّه احبك حب ما حبه ابد انســان=انا لاجلك ابيع الناس والدنيا وما فيها عطشتك يا نهر عطف وحنان وخافق ٍ ولهان= انا لامن رويتك غيرك من الناس مابيها .امانه لا دخلتي حجرتي والصبح توّه بــان= خذي باقي ثيابي فوق صدرك ثم ضميها يا اغلى حب يجري مثل مجرى الدم فا الشريان=الا يا بختها ذيك الثياب اللي حضنتيها[/poem] |
اقتباس:
يا مرحبا يبو علي شرفت وانست ولك كل المساحة يا الغالي |
ياااااااه يا محمد تدري هذي من اول بدايتي الشعرية ولا كنت ادري وينها
|
افكاري اللـي تتسـع للكـون والدنيـا تضيـق
بافكاري اللي ضيقـة الدنيـا تزيـد ابهـا اتسـاع!! |
الليل(يثرب) والخيال ابعد من الماضـي السحيـق
والقلب( احد) والصبح نـوره مـن ثنيـات الـوداع |
طيرٍ تربى في قفـص صـدري وقفلتـه وراه
...........................روح ضحيـة كذبـة الحريـة اللـي أغـرتـه هاجر وخلاني ولا ادري وينها ارضه من سماه ...........................اثره مثل كل الطيور يعرف موسـم هجرتـه!! راح وترك لي من جناحه ريشتين وحوض مـاه ............................الريشتين اللي سقاها الحـوض مـاه وقطرتـه كم كنت الوم اللي ليا منـه فقـد طيـره بكـاه .....................واليوم جربت وتساوت عبرتـي مـع عبرتـه واصبحت اقول اللي فقد طيره ولا يبكي عـلاه ................................احسن يعيـش بغبنتـه والا يمـوت بحسرتـه صحيح من لا داس باقدامه على جمر الغضـاه .........................لو تنشده ما جاب لك وصف الغضاه وجمرتـه والمترف اللي في ثرى قلبي زرع بذرة غـلاه ...............................جاني بعد مدة يـدور ويـن راحـت بذرتـه!! جاني يدور للغلا اللي فـي ثـرى قلبـي نسـاه ........................من حضرته حتى يجي ينشد عنه من حضرته؟! ما يدري ان البذرة اللي ضمهـا القلـب وثـراه ...........................شربت من اقصى عرق قلبي لين صارت شجرته واني تحتها مستظل من الزمـان ومـن عنـاه .............................مثل الغريب اللي تريـح بعـد طالـت سفرتـه واني انا الهايم على وجهـي وهـو وادي حيـاه ...............................والقلب غـاوي يتبـع الشاعـر ويتبـع جرتـه جاني يـدور عـذر لذنوبـه وتبريـر لخطـاه ............................قلت الخطا من يوم شفتك ما طرت لـي سيرتـه شفني مثل ذاك الحصان اللي عثر له في حصاه ......................من جزعته فز ونهض ولكـل جـوادٍ عثرتـه |
تدرين وش سوى غيابـك لا جـزى الله الغيـاب
......................سوى سوايا الريـح والامـواج بشـراع السفـن الشمس غابت واختفت والثلـج مـن فرقـاك ذاب ....................والحب شمعه في مهـب الريـح يدفعهـا الزمـن والريح غضبت وانتثر دمعه من عيون السحـاب ...................والشوق فز ودمعتي طا حت على كـف الشجـن دمع السحاب اليا انتثر شربـه ضمـا خدالتـراب .........................لكن انا دمعـي علـى فرقـاك راح بـلا ثمـن صار الفراق الزاد والما واللقـا جـوع وسـراب .....................والنوم صار اكبر عدو والليل صار اكبر وطـن وانصكت ابواب السعاده وانفتـح بـاب العـذاب ......................والصبر زال وحال والشوق القوي حـل وسكـن والروح ضاق ابها الفضا والجسم ضاق من الثياب ...........................والضيق ضيـف ٍمرنـي ومعزبـه روح وبـدن البارحه مريـت دمعـه فـوق تذكـرة الذهـاب ..........................ما شفتني واقف هنـاك ادفـن هيامـي واندفـن مريتك رسالة زعل في ظرف من لـوم وعتـاب ..................................دقيـت بـاب اللـوم محـد رد والا قـال مـن انا ادري ان الحظ جابـك والسفـر ودى وجـاب .................................الله يبيـض وجـه حظـي حيثمـا راح وظعـن وانا اشهد ان الوقت ساطـي لا يـذل ولايهـاب ....................................لولاه ساطي يا حبيبـي مـا جـرح والا طعـن ما يدري اني لاجلك اتعبـت المطايـا والركـاب ....................................الله لاجلك كـم وطيـت دروب واهـوال وفتـن ما يدري انه فا الضلوع العوج تعوي لك ذيـاب ...............................ما يدري ان اللي براسي في رحى البعد انطحـن لكن زد غبـاً تـزد حبـا ًولـو طـال الغيـاب .......................................قبري تـراه عيونـك الثنتيـن ورموشـك كفـن |
دامت ان الشعر جا له على وصفك مجـال
الله يعينك على الوصـف ويعيـن الشعـر كان ما لا مست في وصفك حدود الخيـال ليه اسمّي نفسي الشاعر (المـوت الحمـر) شمس لا والله ترى الشمس تا ليها الـزوال منت شمس ولا انت نجمه ولا حتـى قمـر القمر مهما اكتمل بـدر تـا ليتـه هـلال ما خبرت انه بقى بـدر فـي كـل الشهـر وانت كا مل فـي وصوفـك ولله الكمـال مـا تغيـرك الليالـي ولا طـول العمـر فيـك عذروبيـن كثـر التغلـي والـدلال وان بغيت الصدق الك حق ما منهـا مفـر كيف لا والحق واضـح ولا يبغـى جـدال انك اجمل من مشى فوق الارض بلا فخـر وان فيك من التواصيـف شـي مـا يقـال ما رأ ته عين ما مر في خـا طـر بشـر با ختصار اقدر اقول انك ايه فـا الجمـال والكلام يطـول ويطـول مهمـا نختصـر يا شبيه الريح في خـا فقـي روح وتعـال ادري ان الريح مـا لـه مكـان ومستقـر حطني قيد الاقـا مـه ورهـن الاعتقـال دونمـا انـذار مسبـق ولا نهـي وامـر خلني مسجونـك شهـور وسنيـنٍ طـوال ودي اعيش بك مسجون وانته عيـش حـر كيف انولك وانت فوق الحيـازه والنـوال وكيف اجنب عنك وانـت المقـدر والقـدر وكيف ابلقى عن هجيرك وعن شمسك ظلال وانت ظلك كل ما اقبلت لـه عنـي قصـر ان نثرتك للهجـر وان جمعتـك للوصـال وان نثرتك للوصـل وان جمعتك للهجـر مشكله لا صار لك مطلب صعـب المنـال ان نثرته مـا انجمـع وان جمعتـه ينتثـر ومشكله لا صرت عا يش على شان احتمال لا جواب ولا رسـا لـه ولا علـم وخبـر ردني عنك اني انسـان مالـي راس مـال وان ما عندي عمـاره ولا عنـدي قصـر والا انا لا جيت للحق مـن روس الرجـال بس عذروبي فقر ( يلعن امك يـاا لفقـر) |
الطفله اللـي مسويـة العجـب فينـي
.................في مدرسة عشق وانا انطـر تخرجهـا اعطيتهـا القلـب كـراس وشرايينـي ...................مـن دمهـا الحبـر ليـن الله يفرجهـا يومين تحضر ويوم تغيب (يا عينـي) ...............وانا عشان الغـلا مـا ودي احرجهـا يوم عرضت لـي وقلـت الله يكافينـي .....................من عينها يـا الله عيونـي تخارجهـا وتجيبنـي نظـره ونظـره توديـنـي .............وانا مغير اسـرق النظـره وابرمجهـا حاولت ارد النظر مـا عـاد يمدينـي .............رمح الهدب شقـق ظلوعـي وفججهـا لو انهـا تسمـح بفرصـه وتعطينـي .................لاشـق صـدري واوريهـا وافرجهـا هـي صوبتنـي وعيـت لا تداوينـي ....................وانـا لـو انـي مصوبهـا لاعالجهـا وان جابها الله تحت موسـي وسكينـي ................لاشعل شموع الغرام وخيلـي اسرجهـا يا صغير السن يا مجمـول يـا زينـي ..............هي كلمه اربع حروف اعرف مخارجها الكلمه اللـي تعبـر عـن مضامينـي ............وقفت على اطرف لساني قبل لا اهرجها لو هي علي انتظرت شهـور وسنينـي ...............مير انت قلهـا( وطالـت لا تسمجهـا) |
بابٍ يجيب الريـح سـده واستريـح ولا تهـاب
.........................وان هزت اقفاله عواصيـف العتـب لا تقربـه المشكله لا هبت بك الريح وانـت بـدون بـاب .........................والصدر بيت اضلاعه الجـدران والقلـب عتبـه !! |
النار تاكل فا الحطب والريح تنثر فـا الزهـاب
.................................وانا الكسير اللي عيونـه مـن زهابـه لحطبـه من سوء حظه جا يطفيهـا بحفنـه مـن تـراب ...................................طارت شراره واحرقت ثوبـه ولحقـت مزهبـه ! |
يا متن ابو زيد الهلالـي سولـف لشلفـا ذيـاب
...................................عن وايل وعن رمح جسـاس ومـداه ومضربـه سولف واذا دمع السوال اغرق مناديـل الجـواب ......................................كفكف دموع الاسئله واكحـل عيـون الاجوبـه من قال سيف الغدر ما يقطع وهو جوف الجراب .......................................انا اشهد انه ما عـرف سيفـه ولا قـد جربـه |
كم قلت لك وجه الخطا مرسوم في عين الصـواب
.........................وكم قلت لك عين الصواب اعرف خطاك وصوبه! من كثر ما علقت في صدري من اعذارك كتـاب ....................................صارت شراييني رفوف وصـار قلبـي مكتبـه ! |
تذكر كان جا يوم وحبيبك من عيونك طاح
فهي طيحة ملك من فوق كرسي فوق مقصورة! |
غداً يذوي جمالك بعد موت الورد والتفاح
ولا يبقى من الذكرى سوى البرواز والصورة!! |
ايوه على كيفي ولا فكرت واغرف من بحـر
....................بحر ٍ شواطيه الحداثـه والقصيـد الجاهلـي وليا طرى لي نقشة المعني نقشته فالصخـر ..........................مثل النقوش اللي على بيبـان معبـد بابلـي لو قالوا اعوج قلت كم عود اعوج وفيه الثمر ....................اعوج مية مليون مره ميـر حظّـي معتلـي حظي تعلّى مـا يحّـده لا نجـوم ولا قمـر ...............ماهوب ذنبي دامت ان الله رفع لـي منزلـي ترى الصغّير في نظر عيني صغير لو كبـر .................يبقى الصغّير في نظر عيني صغير وش علي اما كذا والا بلاش مـن القصايـد والشعـر ...............واية قصيده تعجب القاري ترى هذيـك لـي |
وشلون ما تشتـاق لـي وانتـه فـوادي منزلـك
.....................معقول فوق الارض واحـد مـا يحـن لمنزلـه !! متى يشيـل الشـوق خنجـر فـي يديـه ويقتلـك ...................واذا قتلـك الشـوق لا تشتـاق لـي روح اقتلـه يمكن يجي لي يوم ازورك فـي منامـك واسالـك ...............يا هل ترى طيفي ولو صدفه عبر واشتقـت لـه؟ |
انا واحلامي العـذرى وثالثنـا غـوى الشيطـان
.....................جنون الشهوة أغرانـي وفـض بكـارة العـذرى وعدني با الخلود وملك لا يبلـى وانـا الغلطـان .......................أطعته رغم أنـي قـد رايـت الايـة الكبـرى!! بلحظة ضعف أزلتني قـدم عـن جنـة الرحمـن ..................برغم الوعد( لا تعطش ولا تضحى ولا تعـرى ) |
تحت كوم الرماد اللي مجـازاً سمـي (النسيـان)
................رياح الشوق هبت به وصحـت جمـرة الذكـرى بكت عين وشرد فكر وخفق قلب ونبض شريـان ................مزيج اربع ظواهر والسبب فـا الجمـرة الحمـرا |
انا بك كنت كسرى (نيروان) وقيصـر الرومـان
وانا في غيبتك اصبحت لا قيصـر ولا كسـرى تراني في رجا بشرى رجوعك متعـب الركبـان رجا يعقوب في ذاك القميص وراعـي البشـرى! |
بوادي غير ذي زرع بضواحي قلبـك المعمـور
..............سكن قلبـي ومـن ذريتـه نبضـي وشريانـي!!! |
قفار الارض والخطوه ثقيلـه والطريـق قبـور
.............اسير وفي يـدي قيـد الاسيـر وظلـم سجانـي |
| جميع الأوقات بتوقيت GMT +3. الساعة الآن 09:33 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية