في أحد المواقع , كان هناك موضوع بعنوان (شنو تكتب على جدار الزمن؟) ,
فـكتبت الأبيات التاليــة :


[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
اكتب على جدار الزمن واوجودي=وجد الغريب اللي نسوه وتغرّب
عليك ياللي ماهرٍ بالصدودي=ومن الدلع عن المواجَه تهرّب
عندك خبر نقض العهد لليهودي=أحذر على طبع اليهودي تدرّب
عاهدتني وانا وفيت بعهودي=والسرّ منّي مستحيل يتسرّب
اسمع كلامي ياعريب الجدودي=ان كان مانت قريّبي لاتقرّب
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
أنا قريتك في كتاب الشوق واحلام الليال=تآليف همسات الضمير وفهرسة صدق الغلا
وارسلت مندوبي عليك وقلتله روح وتعال=لكنّ مندوبي تآخّر ليت ماصابه بلا؟!
بالمختصر يعني فراقك هزّني يابن الحلال=كلمه وابعلنها على المكشوف قدّام الملا
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياطويل العمر من لا عرف قدر الرجال=ضاع قدره بين ناسٍ عزاز نفوسها
تدّعي بالكذب والكذب هو ساس الضلال=ضلّل اصحاب الريا كذبها وفلوسها
ليه ماتاخذ تجارب من دروس الليال؟=الليال السود تنفعك بعض دروسها
مثل درس (احساس الانسان يعطيه احتمال)=والصحيح (اخبار الامطار عند عسوسها)
ومثل (اذا تجهل طريق العرب روح وتعال=ثمّ عدّل مشـيةٍ كنت قبل تحوسها)
ومثل (حسن اخلاق الاحباب يدعو للوصال)=ومثل درس (افزع للاصحاب ترفع روسها)
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
العمر فلمٍ نجاحه يتبع اخراجه=جمله مفيده من اصدارات تفكيري
ماذقت من لذّة الدنيا ولا حاجه=لكن عزاي انّها مادامت لغيري
يوم انّ كلٍٍّ سلك دربه ومنهاجه=لقيت دربي دبابيس ومساميري
لو القضيّه قضيّة نطح ومواجه=كان اتّخذت احتياطاتي وتدبيري
مار القضيّه لاجت عوجا وموّاجه=هذي هي اصعب قضيّه حسب تقديري
النفس لمجامل الاصحاب محتاجه=مايرضي اصحابي الّا حسن تعبيري
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
سرابي هاجسي حتى وقفبي بالخلا الخالي=بلا موتر ولا صاحب ولا موعد ولا حاجه
وقمت اقول هل هذي حقيقه او يورالي؟=ولاكن مالقيت اللي يقول الحقّ ويواجه
ابي سبحه وابي شعرٍ على الكيف يتهيّالي=وابي معنى وابي طاروق مع صفّين لجلاجه
أبشرح كلّ ما في خاطري واللي على بالي=سوى الاسرار حيث السرّ ماهو هرج هرّاجه
أقول الله يعين المهتدي في وقتنا التالي=يشوف الناس حول النّار ورّاده ودوّاجه
ولايقدر يعدّل كلّ عودٍ للردا مالي=جداه يحنّ لعصور السلف ويعالج احراجه
طواه الشوق لعصورٍ مضت والدمع همّالي=يبا عصر البخاري واحمد الحنبل وابن ماجه
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الغلا ياهل الغلا لاتسمّونه غلا=لين يكمل فيه شرطين من بدّ الشروط
شرط ماتنسى حبيبك لو انّك بالخلا=وشرط ماينساك لو دونك الياس امحطوط
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بالفعل والترهيب شبّهت ساهر=بمعمّر وحافظ وحسني وبشّار
حيثه بظلم الناس فنّي وماهر=يكرّر الجزيه على الشعب تكرار
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
كلٍٍّ على ليلاه لالا وغنّا=هذا بكى حرقه وهذا بكى شوق
المشكله منّا ومنّا ومنّا=لكن بنفس الوقت للصابر حقوق
أصبر على دنياك مهما تعنّا=أنت ادمي على المعاناه مسبوق
قبلك عبادٍ بالاماني تمنّا=ومع الصبر لحقوا على كلّ ملحوق
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
النعم يستاهله سلطان ابن بتلا=حرٍٍّ نهار اللقا مايعرف الذلّه
داس المخاطر وخاض المعركه وابلى=قدّم حياته رخيصه في سبيل الله
سطح القمر عالي وقدر الشهيد اعلا=كم واحدٍ لاجل هذا سيفه يسلّه
يتبع نبي الله اللي رايته مثلى=الدين كلّه خذه والاّ اتركه كلّه
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
أنا البارح اردد ياليل الجفا ماطولك=أبسلا عن همومي وزدت الهموم هموم!
تذكّرت ابن قاعد وضيق ابرته والسلك=وتوّ اتّضحلي سرّه اللي قبل مكتوم
والا يابني ادم ترا الوقت لو جاملك=مجامَل خَطَر ماهي ميانه وحبّ خشوم
صحيح انّ ربّك من وسع رحمته يمهلك=على الرغم ممّا تفعله كلّ ليل ويوم
لكنّ اذكر انّه يوم يمهلك مايهملك=تدوم السلامه كم سنه مار ماهي دوم
[/poem]

..
..

ملاحظة :
(ابن قاعد) : هو : ذعار بن قاعد الفريدي (ولد أمس)
وهو القائل :
البارح الدنيا عليّه فضاها ......... أضوق من الابره على ناظم السلك

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياكلمتي تمركزي في سجلّي=فصل المحبّه صاد خمس وثلانين
هنا مواضيعي وهذا محلّي=واستديو اخباري يبثّ العناوين
كان الخطا خمس وثمانين ملّي=معه الصواب اقدّره حول مترين
أعرف خطاي ولاهو بجايزلّي=ومن قال انا ماعمري اخطيت مسكين
والحبّ ماهو كلمة لسان ياللي:=تخطي خطاك وتحسب الناس مخطين
ولاهو دلع زايد ولاهو تغلّي=الحبّ حبلٍ بالرضى يجمع اثنين
علّم فقيه العلم يابامجلّي=فقيه جاهل يحسب القلب قلبّين!
أعطيته التعريف جزئي وكلّي=واذا يبي برهان عندي براهين
واللي تبلاّني بحبّه تبلّي=كنّه على الابهر طعنّي بسكين
أمّا يعالج طعنته قبل أولّي=والاّ ذبحني واشهدوا يامسلمين
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ان كان قصدك حيا عجّل وعلّمني=حتى اغضي الشوف عن غلطتك واسمحلك
وان كان قصدك من الصدّه تحطّمني=بدري عليك وعلى تسعين من شكلك
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
تعال قلّي ويش مزعلك منّي؟=خمّه تجي وتروح والاّ قطاعه؟
أمّا اذا قابلتك تصدّ عنّي=هذي ضعافة نفس ماهي شجاعه
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
كتبت تعليقي على موضوع والموضوع زين=ماهمّني تجاهل الكاتب وضيقه وزعله
حنّا رجالٍ ماندوّر من هل الشكّه يقين=لو انّ في درب الثقه مطناج شكّ انعدّله
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
حريّة المرأه وحريّة الراي=مثل اختلاط الجنس بالجنس الاخر
دعوى بني علمان ماهي بدعواي=دعواي دعوى حـقّ بالمجد زاخر
دعوى رسول الله ساسي ومبداي=يحق لي فيها اعتزي واتفَاخَر
خلّ المنافق يقضي العمر زرّاي=ماننهزم باسباب شامت وساخر
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياصديقي كان باقي بهالوقت أصدقا=لاتشيل هموم دنياك والدنيا سراب
لاتفكّر كم مضى من زمان وكم بقى؟=ثمّ تدخل في متاهه وضيقه واكتئاب
مثل ماتلقا سعاده تبا تلقا شقا=والزمن ماضي ولابه حضور بلا غياب
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
غلاك كالالماس لا والله اغلا=معك اترك الالماس واضرب عليه اكس
لو ماانت غالي كان ماقلتلك [لا]=في حزّةٍ فيها [نعم] تنقري عكس
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الكلام اللي يجيب العيد ويسبّب مشاكل=أستعذ بالله منه وقول يالله السلامه
الاوادم من لحوم امواتها وشلون تاكل؟!=ياوجيه الخير يازين الهدى والاستقامه
لو تموت عقول خلق الله بلشنا بالهياكل=أصلاً الانسان عقل وقلب والباقي علامه
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يالعذارى جنّبن درب الذيابه=الذيابه من لقن ما يرحمنّه
وان صدفتن ذيبٍ مكشّر بنابه=بالنعول وبالحجاره حذّفنّه
في زمانٍ فيه ميله وانقلابه=الحجاب أصل الشرف لا تنزعنه
مانتن بحاجة حصار ولارقابه=مسلمات ودينكن ماتجهلنّه
فاقد الغيره لو انه من قرابه=لو يصيح صياح حذرا تسمعنّه
لاتراخن للمنافق بالاجابه=في كتاب الله وشرعه قابلنّه
المنافق لو تخفّى في ثيابه=النوايا السود لازم يفضحنّه
مافضح عبد الذنب غير الذنابه=لو على الاقلاب حطّ ادغام غنّه
لاتهابن واحدٍ ماحدٍ يهابه=تافهٍ حقير غرّه سوّ ضنّه
اقتدن في عايشه بنت الصحابه=زوجة أزكى الخلق وانتن تعرفنّه
[/poem]

مانتن بحاجة حصار ولارقابـه
مسلمـات ودينكـن ماتجهلنّـه

اقتدن في عايشه بنت الصحابه
زوجة أزكى الخلق وانتن تعرفنّه

صح لسانك يـ الشاعر
ولاهنت على هـ الهادفه والركن
الفااخر والأبدااع,,
متابعه,’’

صــح بدنك ياشاعرة نجد

ومشكورة على المتابعة


وحيّاك الله بكل وقت

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياصاحب الجوّال في وقت الصلاه=حطّه على الصامت تراك ازعجتنا
اللي سواتك كان ربّي ماهداه=دهواه تيّار الفتن في وقتنا
[/poem]