رحيـّـم
سؤال على الماشي مثل الأخ اعلاه : متى نشوف لك ديوان في المرقاب ؟ وهل لا زلت معارض على فكرة الديوان ؟؟؟ ومتى نسمع لك صوتيات في المرقاب ؟ |
http://montada.mergab.com/images/avatars/Re7ayyem.jpg
يعلم الله اني احبك لله فالله والباقي حبة خشم ياشاعرنا المحبوب وبس :) |
:(
|
وعليكم السلام و الرحمه
الله يمسيك بالنور و السرور و الورد المنثور ,, هلا بشاعرتنا المتميّزه / نوض ............................... 12- نعاني فقر الشاعرات نعم المرقاب يعاني من قلّه الشاعرات ولكن ماهي الاسباب في نظرك ؟؟؟ وألا تعتقد من هذا التصريح طمس بعض المواهب الشعريه في هذا المنتدى ,, يوجد فرق بين فقر وبين قله ............................... الاداره بلا شك تهتم بتواجد الاقلام النسائيّه ولكن سبب قلتها يرجع الى حرص الاداره على التأكد حول من يقف خلف تلك الاسماء النسائيّه .. وقد وضعت خطه وشروط للتعرّف على من وراء الاسم النسائي وحول التسجيل ايضاً .. منهن من يتجاوب و منهن من يرفض تلك الشروط ! تقولين .. وألا تعتقد من هذا التصريح طمس بعض المواهب الشعريه في هذا المنتدى ,, يوجد فرق بين فقر وبين قله :) واقول لك انا معك في ان هناك فرق بين الفقر و القله .. وكنت اعني ما اقول في تصريحي .. :) هناك من الشاعرات من تأتي بقصيده غنيّه بالابداع و اخرى فقيره .. و للأمانه انا ادخل على القصيده و احاول اطلع ببيت واحد يروي الذائقه عن القصيده كلها و اعلق عليها وهذا يدل اني مع الموهبه ولست ضدّها ولا تنسين اني كنت مشرف مواهب ولا زلت :) دمتي متميّزه كما انتي .. رحيّم |
غازي المغيليث
الجميل هو تواجد اسمك في متصفحي .. :) سلمت و دمت :) رحيّم |
عدوّي و صديقي و حبيبي / خالد الحصيّن :)
والله مدري وش اقول ؟؟ احرجتني بطيبك و نقاء سريرتك .. لكن عزائي انك تعرف تماماً ماتعني لي انت :) سلّم لي عليك و حب لي خشمك :) رحيّم |
خالد الذيابي
تعرف ما يعني لي هذا الاسم و راعيه :) وبالنسبه لسداح في اعتقادي انّه اول من دخّل حاوي و مردود و الداب و الحيّه للشبكه العنكبوتيه :) جعلني ما خلا منك انت وياه :) رحيّم |
مرحبا بالقايده
سلامك وصل سلمتي من الشر .. تقبلي سلامي و احترامي رحيّم |
خالد الحصيّن ..
انت مايسدّك مرقاب الفنون :( الله يعينّي عليك هنا و هناك ياعدوّي الحبيب :) ................................. (15- الاداره قتلت مرثيات الفهد !) طيب هذا اذا ما ضفنا عليها بعض مرثيات الشيخ جابر ايضاً التي قتلت ، ولكن بما انك من اعضاء الاداره .. ماهو موقفك من هذه الجريمه .. ولماذا لم يتم تنسيق هذه القصائد بطريقه او باخرى كـ فتح قسم خاص اسوه ببعض المنتديات ؟ ( والا شاهد ما شفش حاقه ) ................................ بيني و بينك كنت ناوي اجمعها في كتاب ولكن سبقني ابو نوره وسوّاها :( وموقفي من هذه الجريمه بري ولا لي يد فيها .. اما من ناحية تنسيق القصائد ماعاد هي ب(لحيّة) منتديات الكتاب أُصدر و راح ينزل في السوق :) ................................ - ( وانا زبون الكايدات رحيّم ) شطر من قصيده غاضبه لك قبل 3 سنين تقريباً ، وكانت من افضل ما يقال في بعض المواقف من وجهة نظري ، لن اسألك عن مناسبتها ( ولو ان فضولي ذابحني ) لكن هل وصلت الرساله .. وكيف كانت اصداءها ؟ ................................ انت ما محلّيك غير فضولك للمعلوميه ههههه :( الوكاد ان الرساله تمت ولا سوّيت خاصيّة تقرير استلام الرسائل .. :) انا يهمّني صدى القصيده في المرقاب اكثر من مايهمّني خارجه .. ............................... - صورتك اللي في المرقاب وش الهدف منها ؟ المشكله ماهيب من زينها <-- لا بالله الزين ذابحك ............................... هههههههههههه اجل اسمع وش قلت يوم كنت حاطها في خانة التوقيع :) أنا ما جيت أبا اعرض صورتي للنشر و التوزيع ولا لي نيّه اطرح سوق ابو راشد و ابو نوره عرضت الصوره و بروزتها في خانة التوقيع ((عشان اوصّل ابداعي لكم بالصوت و الصوره)) الشطر اللي مابين الاقواس فيها الاجابه على سؤالك :) .............................. - انت كما ذكرت شاعر محاوره من الطراز الاول بشهادة الجميع .. ولكن ماهو سر تألقك بشكل لافت عندما يكون خصمك سداح ؟ مع العلم ان سداح يبرد كبدي فيك .. بمعنى هل هذا التميّز والنديّه والاثاره بينكم يسمى ( ديربي الغنانيم ) ............................. سداح يقودني عليه سلك الحرير لو اني اتحصّلها منها اكثر من مرّه :( و اغلب اللي في المرقاب مايجي ربع اللي على الجوال عشان تبرد كبدك فيّ اكثر و اكثر :( من ناحية ديربي الغنانيم .. انت ابوها و سمّها .. :) ................................. - من وجهة نظرك الخاصه .. هل هناك ما يمنع عودة قبسان الى الحياة المرقابيه او ما يبرر هذا الغياب ؟ .. لا تقول مدري لانك تدري ................................. حلالاه ياعودته .. والله يابو نجد حاولت معه اكثر من مره لكن هو له وجهة نظره الخاصه في هذا الغياب ولا علينا الا احترامها لو انها من وجهة نظري ماهيب محلّها .. لكن انت تعرفه؟؟ :) ................................... - ذكرت انك ترغب بتسجيل (2) في المرقاب .. هل لنا ان نعرف من هم بالاسم ؟ وكان ودي اعرف الـ (102) اللي تبي شطبهم لكن ما يمدينا ................................... وش اسوي بك انت وفضولك :( سجّل عندك : 1 / حاتم الغنّامي 2 / سعود المهيدلي واذا تباني اعلمك بالـ (102) ترى ماعندي مانع :( هلا و مليون غلا يالعبيدي :) رحيّم |
مبارك ابن اعيينان
ارحب يابو محمد ولا عليك زود .. حضورك يكفيني و كلمتك هذي وسام على صدري لا خليت منك .. سلامي و تقديري .. رحيّم |
ارحب ياغالب .. :)
.......................... طلب الإتصال بشاعر وين راح ؟؟ وش آخر التطورات ؟؟ وهل الموضوع يستحق كل هذا التأخير ؟؟ .......................... اول شي ألتمس العذر من كل مرقابي و زائر يهمّه امر طلب اتصال بشاعر على هذا التاخير .. و الموضوع ان شاء الله جاهز خلال ايّام ولكن انتظر اشاره من ناصر الهاجري لوضع ايقونات التصويت :) .......................... مرحبا يا غالب :) |
الشاعر النجم محمد جارالله السهلي
مرحبا و مسهلا .. شرفتني بحضورك الكريم لاعدمتك .. اسلم و سلّم :) |
علي مبارك
رحيم لو طلب منك ان تختار عضوين من اعضاء المرقاب ان يبتعد عن المشاركه بالاسئله تحت المجهر من تختار؟ ومن دون مجامله واحد منهم اكيد خالد الحصين الثاني من هو ولماذا ................................. خدمتني في اختيار الاول :) و الثاني سجل عندك عبدالله بن قنيص لتدهور العلاقه :( |
و الثاني سجل عندك عبدالله بن قنيص لتدهور العلاقه
هههههههههههههههه <-- مانوى يفاردزه :) |
علي مبارك
ارحب مره اخرى :) |
ارحب يابو شبّاب انت وحليّبتك :)
...................................... 1-حسب رائي اني اشوف المرقاب الى طريقه الى الهاويه؟ واذا كان رائيك على رائيي ... متى ترى انه سيعود؟ ............................... معصي مانيب على رايك :) المرقاب من افضل المنتديات على الشبكه العنكبوتيه ولكن قد يفقد تميّزه مادام على هذا الوضع ! ................................ 2-لو اعطيت الصلاحيه في المرقاب .... ماهي اول ثلاث قرارات ؟ ................................ 1 / شطب قسم التسجيل 2 / شطب مشرفي قسم التسجيل :) 3 / وحط عندك بعد من يطبع قصيدته ويروح على وجهه شهر شهرين و وجاك باختها شطب هو الآخر :) ................................. 3- هل تقراء لكل المرقابيين ؟ واذا كان قراءتك لناس معيينين ...من هم ؟ ............................. ماهوب كلهم و الناس المعيّنين واجد و مزري اعدهم علاك واحد واحد :) ............................. 4- شاعر من المرقاب ترى انه في طريقه الى(( السوبر استاريه )) ؟ ........................... غالب الشريف :) ................................. 5-اقتراح يعلق في ثهنك ولم تطرحه ؟ .............................. والله يابو شبّاب اخوك مشتّت ذهنيّاً .. :) ................................. 6- متى تعرف انه المرقاب في هبوط ومتى تعرف ان المرقاب نشيط ؟ .................................. على الشاعر او الشاعره الاهتمام بجودة مايطرحه من نصوص لا ينشّط اي موقع بالمشاركات لغرض المشاركه فقط و انمّا لجودة ما يطرح فيه .. .............................. مرحبا يابو شبّاب |
ارحب ياعبدربّي :)
............................ * متى نـراك بإسمك الحقيقي ؟ ! وبماذا تفسـّر تشبـّثك بهذا الإسم ؟ ............................. سؤالك هذا فتح قضيّه بيني و بين عدوّي الحميم الله يحفظه :( رحيّم اختصار لـ عبدالرحمن عند البدو و بما اني بدوي و البداوه طالعة ٍ مع اذانيّ مانيب مغيّر اسمي وترى ماهوب مستعار اللهم اني حسيت ان تركيب عبدالرحمن الغنّامي كشاعر ماهوب اللّي و استلذيّت اسم رحيّم و عشان يركب على القاف لاجيت تطلبني محاوره انت و اشكالك :( سلّم لي عليك و حبّ لي خشمك يا مجهرني :) رحيّم |
غالب الشريف ارحب :)
...................................... متى نشوف لك ديوان في المرقاب ؟ .............................. ان شاء الله عن قريب .. ............................... وهل لا زلت معارض على فكرة الديوان ؟؟؟ ............................... لا :) ............................... ومتى نسمع لك صوتيات في المرقاب ؟ ............................... ودّي مير التقنيّه ضدّي :) ............................... مرحبا مليون ياسوبر ستار المرقاب :) رحيّم |
سعد الشيباني
حبّك الرحمن و عبد الرحمن :) حضورك اسعدني كثيراً يا بن مشيب .. لا خلا و لا عدم .. رحيّم |
هلا يابو عتيق
جعل هالضحكه على محيّاك دائماً و ابداً يارفيقي الخاص :) رحيّم |
لجميع من حضر و تابع من الاعضاء و الزوّار الكرام .. ولصاحب الموضوع المميز سعد براك ..
شكراً من الاعماق و اعذروني على القصور .. رحيّم |
| جميع الأوقات بتوقيت GMT +3. الساعة الآن 12:54 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية