^
^ l ماشاء الله .. " اللهم صيباً نافعاً " صور رائعه ياميثاء .. تسلمين ويسلم بريدك .. |
مالها عن الوسيع وخرااااص ..
خلّي مني الروضه مدري وينهي فيه :( الخبـراء هاذي زد شفتها مدري وبن شفتها ..! نرجع حق محور حديثنا ! الآن يهثهث علانا في أم حساء ، والاجواء أكثر من رائعه ، وتكاد تكون أغلبية سكان المدينه تمتطي صهوة الطعس الذي لم يعد عايقاً لحركة عرباتهم الصغيره ، وذلك بفضل الله ثم بفضل كثرة هطول المطـر عليه :) أخوكم/شاهد بن وسم المرغاب - حيد المبرّز :( |
8
8 عبدربه يقول ابن قنيص انك البارح في طرّاف الحساء حفرت لين تواسيت منبطح ما لحقت العفار اربه صدز ؟؟ |
^
عساك تبطحك أم خمش طعس ! <- ذبحت عمّك بالودتس .. ألاّ ماتقول وش تبا بـ بن قنيص تلوّى علاه ؟ كبّه عنك كبّه تراه من اللي يملحون العصيده! اسمعوا عــاد : جانا البارح سحابةٍ تشهد حوالي الساعه وحّده من الليل ، والجو مغيّم الحين نحمد اللي علانا فضله :) شاهد بن وسم كالمعتــاااااد المرقاب-حيد المبرّز |
غالب وعبدربه
الحمد لله على العافيه والعقل |
اليوم الجو مشمس ولا فيه غيمه سبحان الله
والبارح آخر الليل جاتنا رشة ٍ ما تذكر اظنها على ما قال اخوي محمد مشوط غشنه :) تحيّاتي عصام مطر قطــــر |
8
8 مفروض تحط اسمك عصام قطر |
مبارك
ههههههههههههه ماشاء الله في تقدم ، وإن شاء الله يجيكم سيل ماهوب مسحب ضب :) أما نحن فأصبحنا اليوم والجوّ ضباب (( أبو تدزباع )) ماغير ندوّر الشمس :) وهاللحين الجو صحوّ يعني ماجاءنا مطر ولا عصام سهاّب نهاّب / جاب العلم / دوون المرقاب :) |
:
: السلام عليكم .. !! الأجواء فالريـاض ملبده بالغيوم .. !! هناك رش خفيف في ساعات الصباح الأولى .. !! البرد أشتد واصبحت الثياب البيض أندر من (( الغراب الأبيض )) .. !! وأكتشفنا ان (( الأيس .. كريم )) فالصيف .. و(( لئيم )) فالشتاء .. !! هناك سحب كثيفه فوق (( مداخن )) بيوت الشعر والملاحق .. تكشف مدى مكافحة الناس للبرد القارص .. !! ورغم البرد الا ان الأجواء شاعريه .. برد .. برد .. برد .. !! وزخات المطر جرد .. !! والسماء غايم وحنا .. !! نشرب جفاء البرد .. !! خاص لـ .. شاهد بن وسم : [POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياعساك الخير ياحيد المبرز = فيك وسم اللي يجيب العلم وافي صاحبٍ حبه بوسط القلب غرز = ابرصيدٍ فاق لأرصدة الخرافي [/POEM] عصام مطر - الرياض شتاء 1977 م الميكرفون للي يخمه .. !!teeth: :) |
جو الاحسااء جو تسحيب سست وتطعيس كوامري
|
^
^ ^ ^ يـااااااااااااااااي .. (( طعوس )) .. !! :) |
ابشركم
القصيم سيول مافيه وادي مايعوي (يعني يضرب من الجال للجال) وبالنسبه لمدينة الرس اللي عسى المطر مايفارقها البارح العصر اللي هو يوم الاثنين 6/11 ضربنا السحاب العصر خلى الوديان تعاوى واستمر تقريبا نصف ساعه بعدها صار ديم والمغرب وقف المطر واليوم الثلاثا الجو صحو اللهم زد وبارك تحياتي لكم محمد بن مريبد |
على طاري الامطار والخير والعلوم الطيبه
هذي قصيدة / لـ .. محمد بن مطر السميري معجبتني جدا جدا جدا :) [frame="7 80"][poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] رب الملا جالِ البلا فارج الضيق=اغفـر لنـا يـارب ماكـان منّـا واجعل لنا عونٍ بعونـك وتوفيـق=وحضٍ على العليـا خيامـه تبنّـا في غير بابك ما اتلفت ولا اويـق=ونوًّ نصوبـه مقفيـه مـا شحنّـا ليا استعانوا قوم مرزوق برزيـق=حنـا بـرب العالميـن استعـنّـا الرزق لو هو في يدين المخاليـق=تناوشـوا بابـه وصكـوه عـنّـا إلا قليل من الرجـال المطاليـق=وعَيّا ضعنهـم لا يوافـق ضعنّـا لم النصيـب بخاينيـن المواثيـق=اصحاب من جت له على ما تمنّا كم واحدٍ يبـي الفخـر بالتلافيـق=ينهب ويسـرق صاحبـه ويتجنّـا أخير من جمـعٍ لرؤيـاه ماطيـق=سجة قدم ترجـع بقلـب المعنّـا بارضٍ غصون النبت فيها مواريق=فيها أم صالح مـن طربهـا تثنّـا تلعب طرب بين الزهر والزماليق=وليا سمعها ضايق الصـدر غنّـا جر اللحون بحاليـات الطواريـق=وحفر لناره ونحـرف مـا تونّـا جاب الدلال الصفر والها ملاحيق=من غير عود وهيلٍ اخضر وبنّـا كنّ الخشب فالنار قـدم الأباريـق=قوايـم الهـرش الكبيـر المثنّـا جَرّ الـدلال متعبـات العشاشيـق=ونزل شماغـه وإتكـا وارجهنّـا جال الغدير اللي من المزن ماذيق=عليـه اثـارٍ للقـطـا يدرجـنّـا كنّ الشجر وسطه طيورٍ مدانيـق=ما يظهـر إلا فرعـة اغصانهنّـا كنّ الخدود اليا كستها الرقاريـق=كف الهنـوف منقـشٍ لـه بحنّـا عطر الزهر راحه ونشوه وتشويق=ما جيب مـن باريـس ولاّ فيينّـا حَدّ السهل من نايفات الشواهيـق=تفـردت مـن كـل لـونٍ بفنّـا تبدي بها اسرار الصدور المغاليق=وتبعد كدر ما صابنا فـي زمنّـا أحداث تاردنا جمـوع وتفاريـق=من زارته في مرقـده مـا تهنّـا ولانا على الدنيا الدنيـه مشافيـق=وخوينا مـن مـا جمعنـا كفنّـا[/poem][/frame] لله دره :) |
:
: السلام عليكم .. !! لازالت موجة البرد القارص تجلد جلودنا فالرياض .. !! السماء ملبده بالغيوم .. وليلة البارح وصباح اليوم هطلت أمطار متفرقه .. !! أرتوت على أثرها (( سطوح )) المنازل و (( الحوشه )) .. !! والمرازيم ليلهـا ليل .. ما ايقض سكون الرياض البارح الا هي .. !! أمطار خير أنشاء الله .. !! وعسى الله يبارك فيها ويوفقنـا لشكره .. !! عصام مطر - الرياض اللي حول الميكرفون يخمه .. !! :rolleyes: |
8
8 8 وش هالمطر اللي عيا يخلص والله لو إنكم تحت حنفيه وفي روايه بزبوز :) ماشاء الله تبارك الله الله يطرح البركه يابن مشيب ، ويرحمنا برحمته :) |
عبدالله
اشهد بالله انها قصيده خل عني العلوم مير بنشدك هو يقول : بارضٍ غصون النبت فيها مواريق ــــــــــــــــــ فيها أم (( صالح )) من طربهـا تثنّـا وشهي أم صالح ؟؟ انا والله ما اعرف الا ام سالم كانها هي .! |
ام صالح هي ام سالم
لا اني قد نشدته منها وقال انهم يسمونها ام صالح :) |
:
: دام الراس (( سالم )) كل شي (( صالح )) .. !! :092: |
الهم لك الحمد والله لا يعاقب
قمت متأخر لصلاة الجمعه الله لا يواثم ورحت مسرع للمسجد الا المطر منقع ولاهوب شوي ولله الحمد وبذلك تتوالى امطار الخير والبركه ما يسعني ذكره الآن هو ان الوسمي لم يتبقى عليه الا 8 ايام .. عصام مطر قطــــر |
اليوووم الجمعه
من الصباح الى هذه الساعه 6,50 والمطر همال غشنه بعد غشنه على المنطقة الشرقية وضواحيها وسلالالالالالامتكم ملاحظه ابو قنيص هي الها ولدين اللي مع الروقه اسمه صالح واللي مع باقي القبايل اسمه سالم وكل الاسمين طيبه |
اليوم الجمعه مثل ابو زياد عندنا في بقيق
جانا من الصبح الى ما بعد العصر مطرٍ طيب على قولة بدونا اللي يكثر الما اما من المغرب فيعلم الله اني اشك ان اللي جا على بقيق سيليه و خاصةً في هذه اللحظه 7:23 مساءً اللهم لك الحمد و الشكر و الله يطرح فيه البركه و ينفع به البلاد و العباد |
^
^ ارحب ارحب ارحب ارحب ارحب ارحب ارحب اررررررررررررررررررررررررررررحب تراااااااااااااااااحيب المطر والله ان شوفتك في المرقااب انها يوم عيد وانت تدري باللي في خاااطري ولا في طوول الكلام فااايد :) لي معك تفاااهم |
اقتباس:
اكبر سالم والا صالح :) |
دولة الاحساااء جعلها السيل
قبل صلاة المغرب جتنا رشةً بسيطه ومن قبل صلاة العشااء لاذالحين وهي تمطر علينااا ديم ديم والله كريم <<<< مستغل غياب م شاهد بن وسم المبرزي :) |
السلام عليكم ورحمة الله وبركاته
في يوم الجمعة .. الرشاش من الصباح على الأحساء .. إلى الآن صباح السبت تقديري \ \ ابو نايف |
| جميع الأوقات بتوقيت GMT +3. الساعة الآن 03:01 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية