ازعل عليك ولا تضايقت صديت ** آخذ ثلاث ايام وارجع واسامحْـك ..

تراي احبك حب مافيه زيّه &&& ولاتكذبني عن الحب وازعل

باك :)


اراك في عين الغلا يامهجتي مهما حصل &&& الم تراي اني على ماقلتلك الم تراي

ان كان ما عاد تبغاني
انا بعد لا اريد اراك

ياعواض قلت اظنك اشوى من بنيدر ./. ولكن طلعت اقوى من صويحبك وأنكا :(


.. ركّزوا على اول كلمه يالربع ويجب أن تختار بعنايه !

:)

ترا المشكله ما هيب مني يابو عتيق

علامك تقول المشكله منك يا عواض

يابو عتيق اصحى يامال الخير &&&& الله عطاك عيون لكن ماترا :)

الحكاية كلها كلمة تجي بأول شطر
سهلتها وإخذ ( الحكاية ) وإستلم يا بوعتيق

أول مرّه اشارك هنا لعلّني فهمت الطريقه صح :

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]أنا أحبّك واعشقك حيل واهواك=هذي الحكايه كان تبغى الحكايه[/POEM]

خلاص يالربع لاحدٍ ياخذ بخاطره ./. اللي مقوّم هذا الموضوع ماغير ( أنا ) !


<- الله من المهايط :)

لإني ادري فيك طبعك حياوي = غمض وقول بشوق ( أنا احبك )

يا بو عتيق سبقتني :(

يالله يالواحد الفرد العزيز الصمد \ ياللي العرب مالهم منك مناص .. وخلاص

انت الاول يامحمد نفداك :)

:

أكرم كريم وعالمٍ كل ماكان ./. ربي ولاضاقت عليّ قلت : ( يالله )

..

لا جديد المنتخب جاب الهزيمه
والسبايب كلها من نشأت اكرم

من يوم فرقاك صاب الشعر حالة خمول , وان قيل عطنا جديدك ؟ قلتنا لا جديد

ان رحت قلبي دق ناقوس الخطر * وان جيتني قلبي من الشوق آمن

يامزين اليوم ان جيت \ ويامشين اليوم ؟ ان رحت

دخلت راسك وسط عنق الزجاجه _____ والمشكه مالك لزوم ٍ بها يا ... :)

[دخلت الاسهم قبل خمس اسنوات ./. ياليتني ياجماعه مادخلت ]


:)

..

باب المحبه دخلته من سبايب غلاك ** والحين ياليتني عديته وما دخلت

اللي لقى في فرقى الاحباب راحه
ياماخلق له قلب او ماله اح باب


:)

المشكله في اللي تعبله وقت في رجوى الامل &&& لكن حظه مالقاله فود ضمن اللي لقى

دايم تدور للزعل والمشكله مليون باب ** اغليك لكنّي عجزت احل ذيك المشكله ..

كانك تحسب انك معي بعض الاوقات &&& ابشرك طاريك في البال دايم

لا تكسـر ضلوع صدري مانت طالع / مسجون في صدري وهذا مكانك