أخاف من يوم تشخص فيـه الأحداقـي
وتميـل بـي كفّـة التقصيـر والزلّـه يـاربّ عفـوك وأنـا للعفـو توّاقـي كم لي وقلبـي يفـوح ولا بـرد غلّـه صح لسانك يا دكتور طواريقك نفرح بها سوى فالتوقيع والا المتصفح والله يسعدك ويريح بالك مثل ما افرحتنا بـ ( راحة البال ) محبتي وتحيتي :) |
يكفيني شرف سماعها من لدنك الكريم
:) فوق الإطراء يادكتور .. والشهاده يقطر دمّها .. تحيتي وإعجابي ، |
مدري متى نجتمع فـالمنـزل الراقـي
بعد أفتـرق جمعنـا كثـره مثـل قلّـه اللي بقا مـن زهابـي مـوس حلاّقـي نفضت خرجي و وزّعته علـى الشلّـه من يرفع أقلامي ليـا جفّـت أوراقـي أخـاف لا أمـوت والأقـلام منصلّـه ! يالطيف :) كثر من هالنمونه |
عوايد وعهود
جعلني ما ابكيك ولا اعدمك الله يصح لسانك على هذه القصيده الرائعه |
والشعر من يـوم ماخربـنّ الأذواقـي
ماهوب في حلّـي ولانيـب فـي حلّـه ما غير أغنيّه لو مـا حـرّك أشواقـي قريحتي مـن ثـلاث شهـور منشلّـه الا بالله ان شعرك يحرك اشواقي انا... واشواق كل متذوق للشعر........ حي والله نباك... وصح الله لسانك...... |
تحياتي لك ولتجربتك التي يحترمها ويقدرها الجميع
ستظل في ذاكرة الشعر يادكتور |
السلام عليكم
سداااااح باختصار انت اكبر من الاشاده صح الله لسانك لين ترضى تحياتي |
يالربع وش اقوول وش اخلي
العنوان يسبقه اسم ما يختلف عليه اثنين سداح عساك على القوه وعسا ما ننحرم منك صح لساااانك صح لسااانك صح لسااااانك ابدااااااااااااااااااااااااااااااااااااااااااااااا اااااااااع الى ابعد الحدوود ابك لا تعديت الابداااااااع ما لنا الا نقرى ونصفق صح الله لسانك مره ثانيه وثالثه متابع لك يالغالي لك كل الود والأحترام :) |
كل شطر من هالقصيدة من الذهب الخالص...
لكن البيت هذا وأنا لوّ أنيّ زعلـت وشانـت أخلاقـي لازلت من فضل ربيّ مـن هـل الملّـه لــحـــــالـــه صح الله لسانك إلان ترضا... وبيّض الله وجهك على كل حال... تقبّل تحياتي... |
مـا حـنّ رعـاّدي ولا لاح بـراّقـي
إلاّ بعـد راحــت اليـبّـاس مبتـلّـه لكن عسـى ساحتـه بألفيـن طقاّقـي هـذاك صفـقّ لـه .. وهـذاك طبلّـه غش ومجامل وزيـف وكـذب ونفاقـي جات لوجيه البشـر ماهـي لوجـه الله ومسابقـات القصايـد طـاق طرباقـي طربق على الشاعر الموهوب وأرسلّ له فـالليل طارت ما بين دشوش وأطباقـي والصبح طاحت علـى البـراّد والدلّـه وعن سلّة البيض يـدري كـلّ سلاّقـي وكلٍ تحيزم لسلـق البيـض فـالسلّـه مابين شعر الحـدث وعيـون عشّاقـي مشكور يا اللـي تعقـد الحبـل وتحلّـه " " " الله أكبر كذا الإبداع وإلابلاش صح الله لسانك يادكتور وعلّك بالوجود لك كل التقدير والإحترام.. |
سداح
كل أعجابي ومتابعتي المستمره |
دكتور / سداح ..
:: جميع الردود هنا تعبر عن مايجول في خاطري .. .. مادري وش آقول :confused: مع العلم اني دخلت علشانها وفي صدري كلام واجد :m11: .. لكني متهوّر لاشفت قصائد سداح .. فالافضل ان اربط حزام الامان .. (cir5555- .. رعاك الله ياصرح الشعر .. ودي وتقديري .. |
سداح صح لسانك وقصيدة تستوجب الاعجاب ولله درك ولاهنت
سجل متابعتي اخوك معجب |
الغالي سداح
صح لساااااااانك وسلمت يمينك ماقول غير الله درك وكفى اخوك ومغليك |
الغالي غالب الشريف رايك وسام شرف لاعدمتك
تختصر بما يزيدني فخرا دائما لاعدمتك |
أخي عبدالله الرقيب
تسلم تسلم تسلم ، |
0 00 أحضر إلى هذا المنهل العذب، للارتواء، وتجديد العلاقة بالشعر الحقيقي 00 تحياتي وتقديري يا دكتور 00 |
(خلاص ماعاد فيها قدس وعراقـي )
قبل إحتـلال العـراق القـدس محتلّـه مدري متى نجتمع فـالمنـزل الراقـي بعد أفتـرق جمعنـا كثـره مثـل قلّـه اللي بقا مـن زهابـي مـوس حلاّقـي نفضت خرجي و وزّعته علـى الشلّـه من يرفع أقلامي ليـا جفّـت أوراقـي أخـاف لا أمـوت والأقـلام منصلّـه ! صح لسانك ياسداح تقبل مروري |
وأنا لوّ أنيّ زعلـت وشانـت أخلاقـي
لازلت من فضل ربيّ مـن هـل الملّـه لله درك يا سداح \ لله درك لله درك وصح لسانك ,, قصيدة اكبر من المدح يعلم الله لاهنت وصح الله لسانك لين ترضى .. كل التقدير والمتابعة اخوك ابو نايف |
كم راح من ضيقه .. وكم من حزن باقي جردت كشف الهمـوم وجـات منسلّـه وأنا لوّ أنيّ زعلـت وشانـت أخلاقـي لازلت من فضل ربيّ مـن هـل الملّـه مخلوق قانـع وراضـي بأمـر خلاّقـي مثلت لأمره وانـا خاضـع مـن الذلّـه بكيت يـوم المدامـع تحـرق إحراقـي لكنّ هانـت بعـد جـفّ البكـاء كلّـه أخاف من يوم تشخص فيـه الأحداقـي وتميـل بـي كفّـة التقصيـر والزلّـه يـاربّ عفـوك وأنـا للعفـو تـوّاقـي كم لي وقلبـي يفـوح ولا بـرد غلّـه لو راحة البال تعرض وسط الأسواقـي ما كان نـص الخلايـق صابهـا خلّـه وعليكم السلام ورحمة الله وبركاته هلا اخوي سداح صح لسانك قصيده قمه في الروعه وشاعر لايكتب الا الابداع |
أخي الغالي الأستاذ / عبدالرحمن حمد
ما سطرته يابوحمد تشريف يسعدني بحق لاعدمتك وصح بدنك يا النقي ، |
أخي مشعل الذيابي
كل ما ذكرت من طيب معدنك لااكثر يشرفني رايك ولا عليك زود |
أخي العزيز / عبدالله العسير
يا مرحبا والله يا بوغازي شهادة شاعر مثلك تشريف ونوماس لاعدمتك وصح بدنك ، |
صح السانك يابطل قصيدتك غيررررررررررررررررررررررررررررررررررر
|
الغالي
مرزوق الروقي مرحبا بك احدعش × مليون :) |
| جميع الأوقات بتوقيت GMT +3. الساعة الآن 09:34 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية