[align=center]

ممتع

ومبدع

ورائع كالعاده

صح لسانك ياشاعر الاحداث



اخوك[/align]

أبو محارب

مرحبا ومسهلا

وشكرا لحضورك الكبير يا شاعرنا الكبير

صح بدنك وتسلم ،

الغالي عبدالمحسن بن مزنوت

هلا مليون وتسلم لاعدمتك

اشهد بالله صدقت وانا اخوك


كل قصيده لك يا سداح .. درس مجاني

صح لساااانك طال عمرك

وسلم واسلم

[align=center]مذيع الأخبار يظهر حسـب ميعـاده
في كلّ ليله على الشاشه .. سرا ليله
والأخبار هي هي , قصف وقتل وتشريد وإذلال ومهانة .


من الوكالات يجمع كـلّ مـا فـاده
حصاد الأحداث واليـوم بمحاصيلـه
محاصيل الفلس :)


إليا أنتهى موجزه .. ثم فصّله عـاده
وأن عاد لك موجزه .. ماعاد تفصيله
يعيد ويعيد إمعاناً في التحطيم :)


اليوم شـرّف سعـادة قايـد القـاده
جانا من الغرب بعد أرسل مراسيلـه
قايد القادة : كلمتين اختصرت الكثير والكثير


في منطلق جولة ٍ للشـرق منقـاده
أهدافها واضحه ماهيب وشهـي لـه
علّم اللي متفائلين خير بنتائج هذه الزيارة الميمونة !

يا سيّد البيت الأبيض وأشهر أسيـاده
يا حاكـم العالـم وقاهـر رياجيلـه
هو خادم البيت الأسود ولكنه قايد القادة :)
كان الرسول صلى الله عليه وسلم يستعيذ من
قهر الرجال وقد رأيناه والله رأي العين .

يا قاضي العـدل وسجّانـه وجـلاّده
يا كلّ الإرهاب من راسه ليـا ذيلـه
إذا كان خصمك القاضي فمن تقاضي ؟!!
فيك الخصام وأنت الخصم والحكمُ !
الله يزينها من عنده .

يا مسيّس الشرّ وباني هيبة أمجـاده
وينك و وين السلام اللي تنادي لـه
هو يقصد السلام لإسرائيل !


الشرق الأوسط جبرته يعلـن حـداده
ذبحت حقّه بعـد طمسـه وتظليلـه
وبعد إنتهاء عدة الحداد سيخرج لنا الشرق
الأوسط الجديد إلا أن يقضي الله أمراً كان مفعولاً


دخلت بين إسمـه وتاريـخ ميـلاده
وحرّفت تاريخـه ومارسـت تذليلـه
المشكلة الأعظم تكمن في من سلّم بوش شهادات
الميلاد وكل الوثائق الرسمية :)


دايم تـردّ الفلسطينـي عـن بـلاده
والإسرائيلي تدافع عـن سرائيلـه !
اللي مافيه خير لربعه مافيه خير للناس
بوش يعمل وفق هذا المبدأ الأصيل :)

تعبـث بالإسـلام والأيّـام شهّـاده
ترميه بالنّار .. وتضحك له وتبكي له
ومع هذا فمن يضحك أخيراً سيضحك كثيراً , والأيام دول .


عيّنت وضع العراق وحـال بغـداده
وكابول .. وإسلام أباد .. وقلّة الحيله
عد واغلط , وحدث ولاحرج .


وغوانتـامـوا .. وبيبـانـه وروّاده
وحقوق الإنسان والظلـم وتهاويلـه
حقوق الإنسان الأمريكي والغربي وليس
المخلوقات الأخرى مثلنا :)


ما تعتق المسلم اللي يشكـي قيـاده
وإلاّ اليهودي بباقة ورد تومـي لـه
إذا ما أعتق المسلم نفسه بنفسه أو على
الأقل حاول ذلك فليحتمل حرارة القيد ولايلومن إلا نفسه .


اللي سواتـك علينـا يقـدح زنـاده
ماهوب من واجبه ضمّـه وتقبيلـه
مصالح مشتركة ومعاهدات دولية !!
و كما قال أخونا فيصل السواط ( ونعاهدك بمعاهدة مالها خرق )

لاصار محروس بين الوفـد وأفـراده
أظنّ من حقّنا بالمـوت ندعـي لـه
كأني بك تقول : عطوا سداح فرصة :)
بالمناسبة حراس وفده كلهم أمريكان حسبما سمعت .
أما الدعاء فنعم السلاح سهام الليل ولها أجل وللأجل انقضاء
ولكن أين من يدعي بقلب مخلص موقن بالنصر ؟!!
قليل ماهم !!



طاغوت والعنجهيّـه غايـة مـراده
يحـطّ بالفيتـو المشـروع ويشيلـه
حتى الفيتو وهيئة الأمم بكبرها ماعاد عبّر بهم
الرجال قام يقدح من رأسه :)

حضر جنابه يشوف الجيش وعتـاده
وينشد عن النفط ويشرب من براميله
ليتها والله براميل سمّ :)

لا أهلاً .. ولا سهلاً بحلّه ومعـوداه
واللي يحييه طايـح فـي محابيلـه
هنا يجوز القول : ( المهلّي يولّي )


الذلّ من يلبسه فـي حلقـه قـلاده
يا ويله من الليال السود يـا ويلـه

هنا تتجلى الحكمة والإبداع ( والقفلة الصح )
نعم التاريخ لن يظلم أحداً , وسيعلم الذين ظلموا أي منقلبٍ ينقلبون .










سداح :

مساك الله بالخير

لقد تحدثت هنا بلسان كل مسلم حر أبي

وبيض الله وجهك ووجه فيصل السواط

قلتوا شيء في خاطري أزريت أقوله .

وفقك الله لمايحب ويرضى .
[/align]

عسى الله لايحيه

هنا تكلمت عن ألسنتنا ومايجوب داخل خواطرنا

صح لسانك يادكتوووووووووووووووووور وفوقها حبة خشم

تحياتي وتقديري

لاخليت منك ياسداح


والله انك فخر لنا جميعاً


صح لسانك كثر معزتك ولاهنت يالذيب


احترامي


.

صح لسانك يادكتورنا سداح :)

لك المتابعه المستمره ياعلم ..


اخوك

:



في منطلق جولة ٍ للشـرق منقـاده
أهدافها واضحه ماهيب وشهـي لـه





عزالله إنك صدقت


يالشاعر النادر .. أنت فخر للشعر ياسداح


صح كلك

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عز الله انك يا سنادي شاعر=على جميل ومصدر وميرادي
يفدونك اللي شعرهم متحرول=((في وادي أمسوا والشعر فـي وادي))[/poem]


ودمت بهذا التوهج والعطاء

يا سيّد البيت الأبيض وأشهر أسيـاده
...............يا حاكـم العالـم وقاهـر رياجيلـه
يا قاضي العـدل وسجّانـه وجـلاّده
................يا كلّ الإرهاب من راسه ليـا ذيلـه
يا مسيّس الشرّ وباني هيبة أمجـاده
.................وينك و وين السلام اللي تنادي لـه
الشرق الأوسط جبرته يعلـن حـداده
..................ذبحت حقّه بعـد طمسـه وتظليلـه
دخلت بين إسمـه وتاريـخ ميـلاده
..................وحرّفت تاريخـه ومارسـت تذليلـه
دايم تـردّ الفلسطينـي عـن بـلاده
...................والإسرائيلي تدافع عـن سرائيلـه !


سداح
يامن وضعت الدواء على الجرح ورقيت بشعرك الصرح وتفننت في النص والشرح

ويش عاد يقولون الشعراء بعدك من الطرح !!!!!!



صح لسانك ورفع الله شانك وماشاءالله تبارك الله

اما بوش فعليه مايستحق من ربه والله لايحييه واسأل الله ان ينتقم لاطفال وشيوخ المسلمين
الذي ابادهم هذا الطاغيه ونحن نستقبله بالورود والقبلات والزهور .

لا أهلاً .. ولا سهلاً بحلّه ومعـوداه
.........واللي يحييه طايـح فـي محابيلـه
الذلّ من يلبسه فـي حلقـه قـلاده
..........يا ويله من الليال السود يـا ويلـه

يكفي هذا لاهنت يادكتور الشعر لقد اتعبت الشعر والشعراء من بعدك.




تقبل خالص تحيتي واعجابي الدائم

الغالي

فايز ابو رجيله


شرفتني برقمك :)

أخي متعب فهد

سلمت ودمت

وصح بدنك

الغالي

منــاحي


لاعدمتك يبو منصور وشرفتني يعلم الله ،

الوضع ياصاحبي سـداح كالعـاده
عزّي لحالي وعزي لك وعزيلـه !!

يجي ليامـن لقتـه رقـاب سـداده
ويروح دار اليهود وسايلٍ سيلـه !!

ماهو بمحتاج فـي شربـه ولازاده
لكن ودّه يغنـي فـي مواويلـه !!

لو تدمع عيون مسلـم كـان مافـاده
لو كان حامل بوسط يديه منديلـه !!

ولا العرب خلها بلحـااف ووسـاده
بكره يكمل على المصري معَ نيله !!

ماعندهم غير أبـو نـوره وميّـاده
ماباقي إلا نلبس بعضهـم شيلـه !!



الله الله الله


صح لسانك يا عبدالعزيز
وبيض الله وجهك على تفاعلك الشعري الجميل

لاعدمتك ،

أخي العزيز

حسين بن سودة


الشرف لي يعلم الله

شكرا مليون ولا يكفون ،

حبيب الروح / خالد الحصيّن

لاعدمتك يا استاذي وكفى .

أخي عبدالله العسير

ماعليك زود يا بوغازي

وشرفتني لاعدمتك

الشاعر القدير
اخي سعيد الاكلبي


جعل عمرك طويل

وشكرا لمجاملتك الكبيره :)


..

أختي قهر يزيد

سلمتي يا ام اسر وشكرا لك ِ

مديرنا الغالي

ابو تركي

الله لا يجيب الردا :) :)


لاعدمتك يا حبيب الروح ،


..

صح لسانك ..


وبيض الله وجهك ..

الشاعر القدير

اخي مهل الرويضي

تواجدك يزيدني شرف

شكرا لحضورك يا الغالي ،

الغالي

سعود الحارثي

صح بدنك لاعدمتك ،