منتديات المرقاب الأدبية - البرازي // مشاااري

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
هذي هـي الدنيـا دروس وتجاريـب = وأيامهـا تظهـر خفايـا شهـرهـا
وسنينهـا سلفـه .. وحنـا مطاليـب = والمستفيـد المتعـظ مـن عبـرهـا
نمشي على المكتوب من عالم الغيـب = اللي خلـق خلقـه وبإسمـه أمرهـا
نسعى على النيه ونجهد على الطيـب = والله على الحسنه يضاعـف أجرهـا
أيامنـا وان جمّلوهـا .. تعاجيـب !! = يقولهـا .. مـن فالحقيقـه بصرهـا
تـدور فينـا مثـل دور الدوالـيـب = ويا كثـر مـا وردت علينـا سيّرهـا
سود الليالي تصبغ الـراس بالشيـب = وبيض الليالي تطعمك من ثمرهـا !!
,تبيّن الخـوه مـا بيـن الأصاحيـب = أمـا ربحهـا دوم .. ولا خسـرهـا
وتحطّ فوق صدورنا حمـل ٍ اصعيـب = وتقبل عليه اضلوعنـا مـن قهرهـا
وهمومنا تأثر على الـروس وتجيـب = شـي ٍ يطربهـا ويجـلـي كـدرهـا
بيوت مدهونه مـن العـود والطيـب = لا شمّهـا راع الجزيلـه شكـرهـا
مرتبه مـن طرقـة القـاف ترتيـب = مـن وزن ٍ ومعنـى وحتـى بحرهـا
وانا عليهـا شمسـي اطـل وتغيـب = وشرب بحرها ونتشـي مـن نهرهـا
امنقحه عـن مـن يـدوّر عذاريـب = اللـي عليـه المخطيّـه وش كبرهـا
يضحـك ولا قفيـت حـش العراقيـب = يا كـم كلمـة حـق عنـده قبرهـا
يقول انـا فاهـم جميـع الأساليـب = كن البسيطـه فـي يمينـه شبرهـا
ولو قلت علم ٍ توّ من مصـدره جيـب = ولا ذيع بين الناس .. قـال آخبرهـا
متعلـق ٍ خلقـه بحبـل الأكـاذيـب = والمخطيّه يـم صاحبـه مـا ذخرهـا
ما حب أشوفه فالخلايـق .. ومانيـب = مجبر علـى لـد العيـون ونظرهـا
أمشي وجنب وقع رجلي عـن العيـب = وفي صبري أطرح ضيقتي واعسرهـا
وعن كل طيّب نافض الشـك والريـب = ومنوقليـن الهـرج عنـه آحقرهـا
واقـدّر الوافـي عريـب المناسيـب = وأوقف معـه فاللأزمـه واحضرهـا
ما دمت من نسل الرجـال المعاريـب = اللي كرمهـا فالعـرب قـد شهرهـا
امكرمين الضيف مـن دون تحسيـب = ( هـذي مقلطهـا وهـذي نحرهـا )
لا من لفى يلقـى جـزال التراحيـب = مـن الوجيـه اللـي تزايـد سفرهـا
ونساق له فنجـال يجلـي المتاعيـب = مـن دلـة ٍ صبابهـا قـد حكـرهـا
ولا يقدم لـه .. لبـن شمّـخ النيـب = اللي يدفـي .. فـي شتانـا وبرهـا
يوم العسر والقـل فالحـال والجيـب = محد ٍ يمينـه عـن كرمهـا عذرهـا
أهل العطا وأهل الوفـاء والمواجيـب = العـز فيهـا والفخـر مـن فخرهـا
تبري بعد ربـي غـلاث ٍ مصاويـب = من كـم قطـرة دم يوضـح أثرهـا
برزان .. لا من غثربـن المشاريـب = خصيمهـم كـل الليالـي سهـرهـا
بالعـون مرويـن الحـداد المحاديـب = يوم الأصايـل وأهلهـا فـي ظهرهـا
في ساعة ٍ للسيف ما عنـه تجنيـب = أمـا علـى الأرقـاب ولا نحـرهـا
والجار لا جـارت عليـه اللواهيـب = حنا مثـل سحـب ٍ تهامـل مطرهـا
نحـل عنـه المعضـلات المكاريـب = لو كانـت النفـس العزيـزه مهرهـا
وفريسنا تذكـر مـا بيـن الأجانيـب = وتاريـخ الأمجـاد التليـده ذكـرهـا
من ضمنهم ( مدباج ) نسل الأشانيـب = كم سربة ٍ من قـو باسـه كسرهـا
هذا طريح ٍ مـن يمينـه وذا مصيـب = وهذا من كسوره عجـز مـا جبرهـا
( وحباب ) قد عدا بـروس المراقيـب = من قبل نكبـات الجمـوع وخطرهـا
( وبن رجاء برجس ) بوقت الأصاعيب = عوق العـداة اللـي تقـادح شررهـا
زبن الونيه ... متعـب ٍ كـل طلّيـب = لا بيّنـت روس الخصايـم قطـرهـا
ومثله ( كريوين الحويّر ) كما الذيـب = مشهـوده افعولـه ومحـد ٍ نكرهـا
( ومهيل ابن صولان ) ستر الرعابيب = كم من كبـود ٍ فـي يمينـه مزرهـا
قوم ٍ على مجـد البطولـه معازيـب = تذكـر علـى مـر الليالـي دررهـا
كم شيخ قـوم ٍ صوبتـه المضاريـب = وكم شيخ روّح يشتكي من ضررهـا
يوم أنها ما بيـن نهـب ومكاسيـب = وكل القبايـل تحتمـي عـن ديرهـا
أقولهـا والحـق مـا لـه مناديـب = مثـل الليالـي لا زهاهـا قمرهـا !!

[/poem]