:
:

:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هز غصن العقل .. ويطير الملام = لاتقول القلب فالغير .. التهى
وانس .. موضوع المحبه والغرام = وسدّ قلبك بالضمير .. اليا اشتهى
واعتبرني ، حلم مرّك فالمنام = قمت من نومك صباحاً .. وانتهى[/poem]

:
:


:

:
:


:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياقلب ، لاتزعل عليّه .. واهدأ = واسرق من ايام الحياه .. احلاها
وانته مثل قطعة ذهب .. ما تصدأ = لو يجتمع كوم الغبار .. اعلاها
لو كلّ "لحظة ضعف" تقتل "مبدأ" = يمدي حياتي .. شايله قتلاها
اذا انتهى صبرك .. ضروري تبدأ = صفحه جديده .. والأمل يتلاها
لاتلتهي بين الردي .. والأردأ = والارض كبرك .. والجبال املاها[/poem]

:


:
:

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
غلطان من قال المراجل .. توافيق =والمرجله ، بحرٍ صعيبٍ مخاضه
ولا كل مخلوقٍ .. نما فالمخاليق =يزرع على بيد المراجل .. رياضه
رجلٍ ، وصوفه من وصوف الغرانيق = ورجلٍ ، على الصعبه يقود انتفاضه
تنقش كفوفه .. قيمته فالمعاليق =ونفسه على (والنعم ) ، تلعب رياضه
الله يبيّض ، يا(خويّ المطاليق )= وجهك ، وهو بالفعل بيّن بياضه
ذيبٍ مكانك .. فوق روس الشواهيق = يوم ان غيرك .. رابضٍ في رباضه
الله ، بلاني بالنجوم المطافيق =والوقت هذا .. كثّر الله مراضه
حتى الرجال اللي عطونا .. مواثيق = راحوا مثل مدحت .. ورشدي اباضه[/poem]

:
:



:

:
:


:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياحرب ، يامطير ، ياعتيبه = قفّلت .. باب الهوى كلّه
مال الرجل قيمه .. وهيبه = الاّ ، على الدين والملّه[/poem]


:
:



:

الله الله

ابو ريما :

دعني اسمي هذا المتصفح بالمدهش

لما يحتويه من دهشة الابداع

شكراً لانك تدهشنا

هلا ومرحبا والله ، يامحمد

اتشرف بمرورك ومتابعتك ، وتعليقك يزيدني فخر بك


دم تا / بخير

:
:


:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

نقر العصافير .. في شبّاكي المغلق = ادمى مناقيرها .. ماهد شبّاكي
تحاول تثير ثاراتي ..عشان ازلق = وانا ، بفضل القوي رب السما ..واكي
ماهوب انا اللي من علوم الضعوف .. اقلق = لاوالله الا ورودي ..تذبح اشواكي
لو كنت طلق الكلام .. سكوتي الاطلق = ماودي اكبّر الشكوى .. على الشاكي[/poem]

:
:


:

:
:


:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياصاحبي ، لو كنت مخطي تعذّرت = والعذر ، من زود الأدب واللباقه
لكنّ علّمني ليا كان .. قصّرت = ولاّ بدر منّي خطأ ، أو حماقه
مافيه حاجه توحي انّي .. تغيرت = أحلم ، وادوّر للأمان ايّ طاقه
ماهنت نفسي لحظه ، ولا تكبّرت = ولايمكن اخسر بين مبدأ ..وفاقه
كلمتك ، جالت فالضمير ، وتكدّرت = لكنّ ، ماهزّت عروش الصداقه
وافي ، وعن مدّ الوفا .. ماتأخرت = ومالك بصفر البندقيّه .. علاقه
وماانلام لاثارت عروقي ..وعبّرت = عن روس قومٍ ..تستحق الحلاقه[/poem]


:
:


:

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياصباح العيد ، ليت نفوسنا تشرب نقاك = لين تغسل ، ماعلَق من رغبة الدنيا ..بها
ياصباح العيد ، ليت الله يطوّل في بقاك = في قلوب الناس ، ماهو في جديد ثيابها
واهني اللي عطاه الله عمر .. حتى لقاك = وعاد للدنيا ، وهو ناسي جراح انيابها[/poem]

:
:


:

:
:

:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو الحبايب .. يرجعون اصحاب = بعد المحبّه ، مرضت و ماتت
ماكان يُفتح للكراهه .. باب = واجفانهم ، على الرضا باتت
احباب ، صاروا فالحياه اغراب = وعيونهم ، تكسر ليا اتواتت
والدمع ، لولا كبرياه انساب = والروح ، لولا جروحهم حاتت
أعظم شعور .. يعلّم الغيّاب = انّ الغلا ، فرصه ولا فاتت[/poem]


:

:
:

العالم النفطي
 

:
:

:



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

القلب كنّه حرامي ، والعقل شرطي = والنفس ما بينهم .. ماهيب مرتاحه
امّا يتوب الحرامي .. لين مايسطي = ولاّ على الشرطي انه .. يعمر سلاحه
تعبت امرّ الشقا .. بحثاً على بسطي = وباب السعاده ، بقلب الشخص مفتاحه
وان كان ماالله هدى نفسي .. على ضبطي = من للصدر!! غير ربّه يكبح جماحه
وانا من الناس .. واغفل وانتبه واخطي = وابويه آدم ..غلط من شان تفاحه
وشلون انا !! ياالضعيف المذنب المخطي = مااذنب ، وطير الفتن فارد لي جناحه
في ظل هول انفتاح .. العالم النفطي = اللي خسارة ضمايرنا .. من ارباحه
وانا موحّد بربي .. ماني بقبطي = لكنّ تقصير عمري .. بانت اشباحه
يارب ، وانت الكريم الواهب المعطي = هب للصدر من لدنك ، النور والراحه
لاتجعل اكبر همومي دنيةٍ ، تبطي = ماوفّرت للبنادم ..بلسم جراحه[/poem]

:
:


:

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
رفّي جناحك ..للفضاء الرحب والحريّه = الغصن ، ياقمريّة الوادي ..نثرتي عشّه
وهبّت عليه الذاريات .. اللي من البريّه = واضحيت اشوفه فالمدى منثور .. قشه ، قشه
الله يكثّر خير نيّة نفسك .. الشريّه = وان جاع قلبك .. لاتحدّينه على اللي غشّه
امّا انا ، فقد وجدتُ الخلطه السريّه = اللي تقوّي باذن ربي .. كل روحٍ هشّه
ماعاد لي نفسٍ تتوق ..لطبخة البريّه = وان داخ راسي ، قلت : غدّه يامنام وعشّه[/poem]

:
:

:

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قرّرت األف كتاب .. اسمه (كفايه قلق) = يحكي عن (الإختناق)، اللي يُسمى (هوى)
اللي نعيشه (ظلام) ونحسب انّه (فلق) = وهو قوافل (جروح) وماعليها (دوى)
يقراه مطلق ، على نايف وسيف وطلق = وتقراه عليا ، على جود وشمايل سوى
مخلوق ، وجّه معاليقك على اللي خلق = وان قلت : قلبي لشخص ، اقول : مالك لوى
لاصار الإنسان ، من ماءٍ مهين وعلق = وشلون ! يحيي وهو مخلوق .. غصنٍ ذوى
وان كان .. ودّك ترى للقلب نور وألق = ابعد عن الشر ..واقرب من عدود الروى[/poem]

:
:


:

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

لاواهني اللي ليا صارت حياته .. عج عج = واعمت عيونه .. وادخلته ام الفتن في كمّها
ركّب حياته فوق ضامر ، والعرب من كل فج = كلٍ يشيل ذنوبه اللي .. مانشف من دمّها
ولمّ الذنوب اجمع على متن الرجاوي ، ثم حج = وعوّد مثل ، ماجابته امه .. وجابتها امّها
والله غسل قلبه ، غسيل العشبه اليا سال وج = وروحه كثر ماعِطّرت بالذكر .. صار يشمّها
يالله ، وانت اعلم بعبدٍ ..منك عنك اليك هج = طوّل بعمره .. لين يقدر حجته ويتمّها[/poem]

:
:


:

:
:


:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ياورد !ليش ازرعك ورد ، ولاكبرت اجنيك شوك ؟ = إمّا السما ماهي سما ، ولاّ الثرى ماهو ثرى
صبرت صبر ايوّب ، واوصلت الفقارى للملوك = واسمي ليا جا للوفا طاري خبر .. ماينطرى
ان كان حظ !ارضى .. ولاني قايلٍ :يانعنبوك = وان كان من نسج الزوايا ، مامعي عينٍ ترى
ياورد ! علّمني وانا في ذمّة امّك ثم ابوك = ليه الكلام اللي على وضح النقا ، ماينقرا ؟
والساقيه ماها جرى ، والوقت عيّا لايدوك = والعشب مابيّن! .. ماكنّ الساقيه ماها جرى !
اشكّ ، لو انّي مااحب اجرح ضميري من شكوك = انّ الخليج محاصره من الورى .. من هو ورى
ياورد !لو نملك على قلوب خلق الله صكوك = ماكان لاطاح المسا ، كلٍّ على همّه سرى
ياورد !حزني ضاق حتى كسّر اقفال الضحوك = وطاحت بقايا دمعةٍ حمرا ، وجرحٍ مابرى
ياليت .. خفّاقي ، وجرحي ، والمدامع علّموك = ماكان اشوف الظلم مستشري بوجهٍ ..مادرى[/poem]
:
:


:

:wardah:

لجمال عبقك..وريناد حرفك،،

تقبل مروري ومتابعتي

الأخت مذهله

شكراً لك جميل مرورك ، ورنيم حرفك


دم تي / بخير

:
:

:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وش فيه فالدنيا ! يحبّبك فيها !؟ = والله ، ماتسوى جناح البعوضه
خسران فيها ، من تبيه ويبيها = ولابد مايلقى عليها ..المغوضه
تبّت يدين ابو لهب .. من يديها = ومافيه عن لاهب سقر .. مايعوضه
والعاقل ، اللي فكّر بما يليها = وصلى على محمّد ، وصلى فروضه[/poem]


:
:



: