http://up.arab-x.com/Oct11/lJD80752.jpg
شِلنا مَلِك بالقلب, و اِرتَفْعَت الروس: شعب الولاَ ضدّ البلا حَدّو الموس ــــــــــــــــــــــــــــــ تميّزو فيْ الموقف الاِضطراري ... وْ بصوت واحد نادو اِوقوف و اِجلوس: ـــــــــــــــــــــــــــــــــ قالو كلام ٍ بالفخر له مواري: ترى الوطن ماهو فقط نفط و اِفلوس ـــــــــــــــــــــــــ و قطعة قماش ٍ تعتلي للسواري معنىْ الوطن: حبّ ٍ بالارواح مغروس ـــــــــــــــــــ عشق ٍ مع الشريان فيْ الدَمّ جاري حنّا السعوديين عِزّه وناموس ــــــــــــــــــــــــــــ يوم اَغلب العالم من العزّ عاري اَفضل شعوب الاَرض.. والطيب محسوس ـــــــــــــــــــــــــــــــــــ فينا.. و نتْميّز بفكر ٍ حضاري عَنّا عطى التاريخ للعالم اِدروس ــــــــــــــــــــــــــــ من قادسيتنا.. لــ ذات الصواري شِلنا ملك بالقلب, و اِرتفْعَت الروس ـــــــــــــــــــــــــــــــــــ طاريه فضّلناه عن كلّ طاري مِنْه الوفا, والحُبّ, والخير ملموس ــــــــــــــــــــــــــــ شعبه معه بالعزّ عايش و ضاري خادم بيوت الله حارس و محروس ـــــــــــــــــــــــــــ يحميه ربي من صدوف و طواري صان البلد عن كلّ خاين و جاسوس ـــــــــــــــــــــ للمجد يطلب.. بالضحى, والمساري المملكه في عهده اَفراح و اِعروس ـــــــــــــــــــــــــ بلد سياسي, و اِقتصادي, تجاري على صعيد العالم! اِتنافس الروس ــــــــــــــــــــــ وعلى صعيد الشرق الاوسط تماري, تقول: انا راس السهم, قبضة القوس ــــــــــــــــــــــــــــــــــ بمْنظمة عشرين تمّ اِختياري ومن دونها لا دقّ للشرّ ناقوس! ـــــــــــــــــــــــــــــــــــــ جوارح ٍ تفجر قلوب الضواري واصل يبو متعب ودوس الخطر دَوس ـــــــــــــــــــــــــــــــ مادام الاَجرب لك عميل ٍ مباري |
http://up.arab-x.com/Oct11/Tad80829.jpg
ظَهَرْك آكيد يا, رَجّال , , , , , , , , , , يساوي لِه : وجيه اِرجال .... نحمد الله ونشكره على سلامتك يا بو متعب |
ما هَمّنا فيْ الكون عَرضه و طوله
ــــــــــــــــــــــــ وْ لاهَمَّنا ياناس في باقي الناس المملكه تهتَمّ.. شعب ٍ , ودولَه: ـــــــــــ في مَن نشيلِه فيْ القلوب وْ على الراس مليكنا تاج الفخر والرجوله ـــــــــــــــــــــ عساه يبقى دوم: سالم من الباس |
لا باس يا راس الرياجيل لاباس ـــــــــــــــــــــ ياسيّدي حتى المرض مستحي منْك طالَع بوجهك قال: ياحيّ هالراس ــــــــــــــــــ وْ في كلّ كلّك.. شاف روعة محاسنْك من هيَبتِك! حتى المرض عنده اِحساس ــــــــــــــــــــــــــ جاْ في ظهَرْك.. وربّنا يبعده عَنْك عساك طيّب.. وانت طيّب ونوماس ـــــــــــــــــــــ والطيب! منهاجك, وطبعك, و ديدَنْك |
يا حَرف: ذوُق المُرّ مِن حِبر الاَحزان
,,,,,,,,,,,,,,,,,,, ليلِك عبوس, وْ فارَق الاِبتسامَه الاِبتسامه! وَدّعَتنا مِن الآن ,,,,,,,,,,,,,, وْ لون الحِزِن بــ وجهينا صار شامَه مِن يوم وَدّعنا فَتى الجود سلطان ,,,,,,,,,,,,,,,,, شيخ الرجوله, والكرم, والشهامَه ما عاد للبسمه على الوَجه عِنوان ,,,,,,,,,,,,,,,,,,,,,,,, اللي لها عَلى جبينه علامَه وشلون بَعْدِك نِبتسِم يا كحيلان!! ,,,,,,,,,,,,,,,,,,,,, الاِبتسامَه عِقب ثَغرِك! ملامَه |
تنويه:
في صحيفة المدينه( هذا اليوم الأحد) وفي أحد الموضوعات عن فقيد الوطن والاُمّه الإسلاميه, المرحوم بإذن الله ( سلطان الخير ).. إستشهَد الكاتب ببيتين لي, كتبتها هُنا أمس وفي الفيس بوك ( مع الشكر لمَن كتَب, رُغم انهُ لم يذكر اسمه ).. إنما أشار إلى أن عبدالرزاق الذيابي ( أحد شُعراء القصيم ) !!َ! القصيم احبها, و جزء من قلبي الذي ينبض في جميع أنحاء الوطن إنما أنا أعيش في جزء غالي من أرض الوطن ( مكه المكرمه ).. وكل تراب الوطن عشقي وحُبي للأبد مع الشكر الجزيل لِمَن إجتهد أخوكم وعلى هذا الرابط كان الموضوع : http://www.al-madina.com/node/334603 |
http://up.arab-x.com/Oct11/ecK29430.jpg
كِلّ الوطن يبكي على موت سلطان ,,,,,,,,,,,,,,,,,, وْ مع موتته! طاحت قلوب الرياجيل شوفو حِزن سلمان, و اوجاع سلمان ,,,,,,,,,,,,,,,,,,,, ياهو حِزن يَبقى لــ جيل ٍ بَعَد جيل يا سيّدي جِفنِك مِن الدَمع غَرقان ,,,,,,,,,,,,,, أوجعتنا بالحزن.. بالحيل, بالحييييييل نفداك ياسلمان بــ العمر... والآن: ,,,,,,,,,,,,,,,,,,,,,,, اِقلوبنا! خِذْها لــ عينِك مناديل |
نموت,
الآن , , , , , , , , , , , , وْ تطيح اِقلوبنا مِن حِزنها, داخل قبر, سلطان |
كِلّ الوطن يبكي على موت سلطان
,,,,,,,,,,,,,,,,,, وْ مع موتته! طاحت قلوب الرياجيل شوفو حِزن سلمان, و اوجاع سلمان ,,,,,,,,,,,,,,,,,,,, ياهو حِزن يَبقى لــ جيل ٍ بَعَد جيل يا سيّدي جِفنِك مِن الدَمع غَرقان ,,,,,,,,,,,,,, أوجعتنا بالحزن.. بالحيل, بالحييييييل نفداك ياسلمان بــ العمر... والآن: ,,,,,,,,,,,,,,,,,,,,,,, اِقلوبنا! خِذْها لــ عينِك مناديل الله الله عليك سابك الذهب اسمح لي تطفلي ومروري المزعج هنا لاتلومني بخور هالابيات جذبني وجيت اتعطر بهاااااااا كن بخير يامبدع ... :wardah: |
الله الله الله
ابيااات في قمة الروعه يالعلي >> متابع:woow55: |
مرحبا ياعبدالله العلي, حياك الله وحضورك اللي يشرفني ويسر صدري
شرف لي والله ياخوي أضاء المكان بتواجدك الراقي |
مرحبا يا نياف العضياني, وحضورك الأجمل ياخوي
لاهنت يا عذب |
قالَ لي: أنت مُفوَّهـ..
قُلت لهُ: أنا فقط أستَمِدّ رشاقة الحرف ( الكَلِمَه ) من تعامُل الشخص المُقابِل.. فــ إما أن يكون مُحرِّض لي على أن أواصل في التعبير.. أو أنسحب بأدب |
السلام عليكم ورحمة الله وبركاته
مساء الورد يابوهاني وعساك بخير انت ومن يعز عليك مريت على الركن كعادتي بين الفينة والاخرى للارتواء من كل ما هو عذب مير الصفحتين الاخيرة غيرت حالتي اللي انا معتاد عليها يوم ازورك هنا ما ادري وش اقول فعلا ما ادري وش اقول لكن تقبل مني هالبويتات المتواضعة جدا جدا والتي جاءت هنا وليدة لحظة حزن والم [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] سلام يالشاعر اللي عذب نسماته = مالت عليها الغصون وناحت الورقا احن لالوان فضفاضة ولابياته = حنين برقا لروق وروق ٍ لبرقا اجيه جوفي جريح يجر وناته =واروح روحي مع اسراب الفرح ترقى واذوب مع سحر كلماته ولمساته = لا وصّف اشعور والا جادل ٍ طرقا واليوم اشوف الحزن خيم بساحاته=وبيوته احروفها باقسى الدمع غرقى اه ٍ واه ٍ من الحزن ومن اهاته = ومليون اه ٍ من اللي تفعل الفرقى بقلوب بيضا هموم ٍ سود مقتاتة = وجود الطعون الخضر والدمعة الزرقا الله يرحم مبارك عد غفلاته = عن عرض غافل وراعي نية ٍ برقا وعداد طيبه ووقفاته وفزعاته = وعداد ناس ٍ عليه كبودهم حرقا والله يابو هاني بصبره ومرضاته = ينجيك من حزنك ومن لوعة الفرقى [/poem] |
ياولد ..
محرمٍ نفسي من طول السنين من هالمتعه الأدبيه الكبيره :) الله لا يحرمنا وتسان سابك ذهب ، أنت تحمل فكر غير ومشاعر غير وعقـل غير :) وياظن بالي إنك خليفة خلف ! سلام’ عليكم |
اقتباس:
عسى ربي يسلمك ويرحم والديك يا غالي إنتظر الرد على هالموجعه/ الرائعه لاهنت ياخوي |
اقتباس:
أسعدني تواجدك هنا وخالقك الله يعافيك وغاليك ومغليك لاهنت ياغالي |
أكون لعيونِك,
صَريح !! , , , , , , , , مُرْهَق أنا , , , , , , , , وِدّي, أطيح , , , , , , , , على شِفاهِك, وْ اَستريح |
اللِقمَه اللي سَبّبَت ضيق خِلقي!
ـــــــــــــــــــــــــ كرهتها لو يَكثر الجوع, و الخوف زادت مرارتها بعَد جات حَلقي ـــــــــــــــــــــــــــــ وْ لفظتها قبل اِنّها تَدخَل الجوف |
مِن فراقك لقيت الهَمّ والاَحزان
ــــــــــــــــــــــ داخلي مَذبحَة صبرا, و شاتيلا كنت عاقل, و عارف وِجهتي.. والآن! : ــــــــــــــــــ صار لي ما شعَر به قيس مع ليلىَ |
حلمت البارح اسكن لي بــ منزل مُلْك
ـــــــــــــــــــــــــــ و هاذا حلم يشبه باقي الأحلام طلع مارد يقول: إن عدتها! أقتلْك ــــــــــــــــــــــ وحلفت اِني أواصل بعْدها ماْ آنام :( |
قِرناسة ٍ للفكر هَدّيتها توّ
ـــــــــــــــــــ وشلعت عن نظراتها برقع الصَمت ثمّ اِستقلّت بالجناحين للجوّ ـــــــــــــــــــــ وانا على مركاي واثق.. ولا قمت أدري بها تجيب جَزْل العشى توّ ــــــــــــــــ عن خيرها ماغاب فكري, وْ لا صمت ذَربَه.. ولا تحتاج: ياليتها, لوّ ــــــــــــــــــ حِرّه, و مصيونه عن اللوم, والشَمْت |
بعض الشاعرات يعتريهن خجل, وفوبيا حرف من كلام المجتمع المُغلق:
يا مُبدعه, يا راقيه, يا قديره ـــــــــــــــــــ يا سامية معنى, و يا عذبة اِحروف لا جا مجال الشعر! صار اِلْك سيره ـــــــــــــــــــ مَعْك الفكر لمعانق الحرف مشغوف إييييه اكتبي دامت حروفك غزيره ــــــــــــــــــــــــ والشعر ما يلبس عبايه ونفنوف لو حاولو طمس الحروف الشهيره! ــــــــــــــــــــــ هيهات يا حِسّاد, والقصد معروف عَن فلسفة فكرك يديهم قصيره ــــــــــــــــــــــــــــــ ولا يهمّك فكر حاقد و ملقوف |
الليله انتي تشبهين اِدبيّ في راس السنَه
,,,,,,,,,,,,,,,, حلوه, أنيقه, رائعه, عذبَه, غَنوجه, مُترفَه تحدّثت عنهاْ القلوب, وْ ترجمتهاْ الألسنَه ,,,,,,,,,,,,, وتعالَت الاَصوات.. كِلّ الليل رقص, وْ غطرفَه |
قال أحدهم: الحمد لله إن الشعراء الشعبيين لم يحضروا, ولم يشهدوا ما حدث في ( بهو الماريوت ) , مع المُثقفين والنُخبويين.. ولاّ تصير بلاوي !!
قلت: الشُعراء الشعبيين غير موغلين في الثقافه.. حدّهم فقط: الصدر والعجز : ) |
| جميع الأوقات بتوقيت GMT +3. الساعة الآن 05:30 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية