:
لـ أهل الفتن دون الوطن .. كلبونا حنا ( رياجيله و درعه و جيشه ) ! ومن دون أبونا ، كلبونا لـ ( ابونا ) حتى قبل : ( بدل غلاء المعيشه ) ! |
:
ما زاد حبك .. بـ ( الثواني ) بين ( الثواني ) حبك .. يزيد ! والا إشتياقي .. شيء ثاني ، اقرب .. و خل العالم .. بعيد ! |
:
والله إني : فرزدقك و جريرك مير لا جيت ب الشعر متولم ! كأنك تقول لي : واجه مصيرك وكل ما شفتك اعجز لا اتكلم ! من ل الاشواق يا مزيون غيرك جيت واقع .. و انا فيك آتحلم ! ما ينافس .. شذاك الا حريرك ، كل واحد على الثاني .. ( تظلم ) من جمالك من يشوفك اسيرك ومن أناقتك .. خلق الله .. تعلم ! لو تسلم على الناس ب مسيرك سمّوا اليوم : ( يوم انه يسلم ) ! : |
:
والله .. و أنا ماني بـ مجبر على : الحلف و أنا ابخص العالم .. بـ نفسي و روحي ! ما جيت لـ ( اطلالي ) ادور على الـ 1000 جيت بـ هدوء .. عشان اركّز بـ ( بوحي ) ! |
[poem=font="Traditional Arabic,5,black,bold,normal" bkcolor="burlywood" bkimage="" border="double,3,darkred" type=2 line=1 align=center use=sp num="0,black""]
خيالها .. ما يعترف ب المسافات=وف الواقع اكثر جيلها واقعية ! تفخر ب طيب الاصل و الاسم و الذات=لكنها ! تنبذ .. ( هل العنصريه ) و تتابع ( الافلام و المسرحيات )=ف الليل فيلم و ف العصر مسرحيه ! و من الثقة ما تلتفت ف المرايات= الله عطاها .. الملح و الجاذبيه ! هي مشكلة ل اغلب زحام المسارات=و اعذار خلق الله ماهي منطقية ! ل الجامعة لا راحت الصبح ب الذات=راحت على نية ول الناس نيه ! لو مرت البارح ب ( حي السفارات )=اليوم .. حطوا ب اسمها قنصليه ! حبيبتي .. ما هي حكاية ! حكايات=على كثر ما اقرا .. و باقي بقية ! [/poem] |
:
وش ب اسوي في نصيبي ! ما تجمل بي نصيبي قبل اعرفك .. اتصرف لي : تصرف في ( مكره ) ! لا تحاسبني .. ! على غلطة زماني يا ( حبيبي ) .. إترك ( البارح ) .. و ناقشني على ( الليله و بكره ) ! |
:
ما كل .. ( بحة ) مثل بحتك ، لو إكتبوا عنها .. و قالوا ! صوتك طرب حتى بـ كحتك ، لو حطوا العالم .. و شالوا ! : |
:
( إتركوها ) .. تآخذ اللي : تستحقه و إتركوها .. تشعر ب : حرصي و إذا خافت يطمنها أماني ! ف السنين اللي مضت و احداث عمري كلبوها ، هي .. الاولى : في جميع اللي خذا مني زماني ! إشطبوا .. كل الاسامي .. في حياتي وإكتبوها ، و عمري اللي راح / راح و سجلوا لي عمر ثاني كل يوم تزيد فـ ( قلبي ) محبة : ( بنت ابوها ) و في محبتنا .. ( أنانيه ) و خلتني .. ( أناني ) ! جتني البارح .. تفضفض لي عن اللي ضايقوها و كل دمعة .. لا إذرفتها .. ينعقد معها ( لساني ) ! : |
:
يا ( حبيبي ) .. و الله ان بعدك عذاب ، شوفي لي دبره .. تراني ب ( أهلك ) ! والله إني : ( بين ضرس و بين ناب ) ، و ف الظروف استصعبك و استسهلك ليه تسأل ؟ وانت تدري ! ب الجواب ، لا تعاتبني .. لا قلت : [ [mark=#000000]أكره هلك[/mark] ] ! : |
:
يحق لـ اللي : ( حبك ) .. يغار ، و يحس ب إنه شخص محسود ! يوم البنات .. ( طوال و قصار ) وهذي بـ نقص و هذي بـ زود ! انتي وصوفك .. super star ما في وصوفك .. وصف منقود ! أقرب مثل .. لا جيت بـ ( أختار ) ( دعجاء عيون .. و ليّنة عود ) ! : |
:
في كل برنامج .. ( قناة و إذاعة ) ، لا شفت ( نص العالم ) .. يتابعونه ! ياليت لي ف البث لو ( ربع ساعة ) و أهدي ل خلق الله : ( لا تضايقونه ) اللي خذا ( قلبي ) .. ب قلبه وداعه ، اللي فرح دنياي .. ( ضحكة سنونه ) أحب : ( صوته ) .. و أتمنى سماعه لا مرت الليله .. بـ ( روحي ) بدونه ! ما شلت هم ..الا ل ( لحظة وداعه ) وما ضقت منه الا ل ( دمعة عيونه ) : |
طلال الجميلي صح لسانك ترليون مبدع مبدع مبدع ... أتمنى تقبل مروري يالغالي. واصل واصل ياشاعرنا وأعتبرني من المتابعين :wardah: :wardah: |
:
( عبدالله الفرحان ) صح بدنك .. و مرورك غالي .. و متابعتك شرف لي .. كل الشكر لك ! |
:
في عيني الدمعة و في خاطري شي ، لا أقدر اسولف به و لا أقدر اقوله ! كم لي على الرمضا وادور على الفي مدي لي ظلالك .. على شآن : اطوله كم شي انا اولى به و احسبه وجد لي و يوخذ وانا اعاين بـ يسر و سهوله تبسمي .. و ظروف الايام هي هي ، و نرضى بـ واقعنا و نعلن .. قبوله ! ترى الزعل ماهو بـ لايق لو شوي و ما زال في وجهك ( ملامح طفوله ) |
:
يا حبيبي .. ( صباح الخير ) ماهي ب خير و ( الهوى ) ما توسع .. خاطري / نسمته ! بين : جرح الزمان .. و بين لوم الضمير لو تبسم حبيبك .. ما إصدقت .. ( بسمته ) : |
:
يا سعود ! لو راحت و لو جات تبقى : هواجس في ضميري ! علاقتك .. غير .. ( العلاقات ) و مصيرك يشابه : ( مصيري ) ! اخذت .. كل : ( الامتيازات ) ، ( غالي و مطنوخ و مطيري ) ! إتركني .. أغني لي ( ابيات ) ، وانت انشغل ف ( بلاك بيري ) سؤالك .. أكبر من ( إجابات ) و ما فارقت الاسرار .. بيري ! على كثر ما اسمع من اصوات ما كأن فـ ( الدمام ) .. غيري ! لو كان .. لـ احلامي مسافات ، ساقي ما يشكي من مسيري ! و لو فعلاً : ( الدنيا سهالات ) نقول لـ ( الاحلام ) .. صيري ! : |
:
لو العصافير بـ ( سمانا ) : تباهت والشمس تشرق مثلها كل الايام ! بدونك انت ، الصبح ما زال : باهت ممكن : [mark=#000000]تفتح عينك شوي وتنام[/mark] ؟ : |
:
يا حبيبي .. تعدا لـ ( السحاب ) و علمه وش يكن : إحساسنا ! علمه بـ الزعل وشلون ذاب ؟ بين : ( نظراتنا و أنفاسنا ) .. ! : |
:
دامني ( جنبك ) ، حبيبي ! لا تخاف غمض عيونك .. و قرب لي ( يدك ) ! إبتسم .. و اللي ورى قلبك .. يشاف يا عساي .. أموت قدام .. ( افقدك ) ! |
:
كل شي الا ! ( دموعك ) لا تسيل ، والا أنا دمعي بـ دمعك : جيبته ! والله اني من حزن عينك دخيل ، قلبك اللي .. ما تضاهى / طيبته ! كل ما وقفت ! وقف .. ! لا تميل ، ولا تزعزع في ( حبيبك ) .. هيبته ! : |
:
لو فـ ( الحروف الأبجدية ) :- ما يقدر : ( يوصل شعوري ) ! كتبت لك .. ( صبح و عشية ) و ترضى و يرضى بك غروري ! |
:
أنا ما أعرف اتكلم عن شعور ( الحزين ).. لكني .. أعرف : ( نظرة عينه و نبرته ) ! يقوله .. اللي رثا حظه ( طوال السنين ).. يشره على عمره .. و يشره على عبرته ! : |
| جميع الأوقات بتوقيت GMT +3. الساعة الآن 02:49 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية