:
عاشقك .. شاعر ل ملهمته مدين ، والقصيد العذب ف الدرب الوعر ! ي كثر ما اسهر وانا ف الحالتين : ي أحبك موت .. ي اكتب لك شعر ! : |
:
سامحت .. ارخص منك .. والا انت غالي وشلون بأقسى ف رمضان ولا اسامحك ! ( الجرح ) .. يبرا .. مع مرور الليالي .. ما عاد فـ الخاطر .. زعل فيه اصارحك ! امزح معك .. ما ضاق ( صدري و بالي ) .. اصلاً .. ! دموعي كلبوها من ( الضحك ) ! |
:
يا رب .. ! غفرانك و رحمتك .. دايم .. ما مر ف ظروفي من الناس .. قبلي ! و تعينني وقت التعب .. ب ( العزايم ) و أجر التعب و أجر الحزن ينكتب لي ما أحر من دمعي .. ليا صرت صايم ولا أعظم من أجرٍ فرمضان انكتب لي |
:
ماهو جمال عيونك الساحر وبس ! السحر في ضحكك و حتى كلامك .. ليتك تحسين بـ شعوري وانا احس انك غرام الناس ! واني غرامك ! |
:
لمسة يديك لـ حالها ي اتلع الجيد و قلبي برا من لمسة يديك جرحه ! أنا أكثر العالم سعادة بـ هـ ( العيد ) فرحة طفل ! فرحة ابو ! كل فرحة ! كل عام وانت بخير وافراحك تزيد و الا شعوري صعب للناس شرحه ! |
:
اللي غلاها ما يشبه له : غلا ثاني .. جعلني اموت ما سببت ضيقتها ! في صمتها شي ما ادري وين وداني حتى لا جات إتكلم .. شف طريقتها على كثر ما تشوف هموم و تعاني ما تبكي الا معاي و مع صديقتها ! |
:
ليت الصقور الخضر .. تشتاق لـ فرحة : ( الاباء و الابناء ) ! البيرق : ( الخفاق / خفاق ) .. و الله يوفق .. [ منتخبنا ] .. ! |
:
يا حبيبي .. والله إن اقرب مثال .. الهلال ! و لاعبه : خالد عزيز ! كل ما اقول لك : سامحتك تعال ترجع و تخطي بعد وقتٍ وجيز ! |
:
العام .. خايف من الاحساس يذبحني .. واليوم نصف المشاعر ما اعترف فيها ما عاد يجرحني اللي كان .. يجرحني .. الله يستر .. من : ( الدنيا و تاليها ) ! |
:
فـ السجن و احلامه بنفسه سجنها .. حتى لو أخطأ ! من خطاه .. يتبرا ! ندم و آهاته ب ( صدره ) .. دفنها صارت له الايام .. ضرا و ضرا ! لـ العيد فرحة صار ماهوب منها .. عيّد و لكن بـ الفرح .. ما تجرا ! هذي ( خياراته ) : و لا صد عنها .. اما تحرا : ( الحكم ) .. ! و الا تحرا ّ يبين لك ( حريته ) .. وش ثمنها ؟ لا قال : قل لي كيف الاجواء برا ؟ |
:
- كل عام وانتم بخير .. |
:
تقول : ( من يوم حبيتك ما تكتب قصيد ).. و أقول شاعر حزن ماني ب شاعر غرام ! وشلون بـ اكتب وانا معاك عايش سعيد .. مرتاح ما لـ القريحة في شعوري : ملام ! قالت : لو يمر عيد ؟ و قلت : كم مر عيد قبلك ولا أعرف من الفرحة سوى الابتسام و عيدين مروا معك فيها شعورٍ : جديد ، ما مرني مثلها فـ أربع و عشرين .. عام ! |
المبدع طلال الجميلي كل عام وأنت بخير (أطلالك) موسوعة شاملة للمشاعر الإنسانية والإبداع الحقيقي اكتشفت بأن معظم صادر جهازي (مقتبس) من ركنك المميز الله يقويك ودمت بخير وكل عام وأنت مبدع :wardah: |
:
الغالي : ( بداح فهد السبيعي ) .. كلامك جميل و أسعدني جداً .. و شرف لي ولما أكتب هذه الاقتباسات : ) شكراً لـ اطرائك الغالي على قلبي .. |
:
معك الحياة تصير بـ احساس ثاني // قبلك ما كنت اتوقع إني : بـ أعيشه ! منظرك يستاهل :- قصايد و اغاني // ليا وقفتي ( ضيق ) عند : الدريشه ! : |
:
إستبيحي ما ورا حدب الضلوع // و في عيوني لا لقيتك ناظري ! - ما اعرف أكذب فالكلام و فالدموع // و من عيوني ينعرف وش خاطري ! - و هيضيني .. للقصيد بكل نوع .. // و إقري أبياتي و قولي : شاعري |
| جميع الأوقات بتوقيت GMT +3. الساعة الآن 01:13 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية