المشاركة الأصلية كتبت بواسطة سداح

السلام عليكم ،

هبطت قبل قليل طائرة الرئيس بوش - لاحيـّاه الله - في مطار الكويت الدولي


تعبير متواضع :-


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مذيع الأخبار يظهر حسب ميعاده=في كلّ ليله على الشاشه .. سرا ليله

من الوكالات يجمع كلّ ما فاده=حصاد الأحداث واليوم بمحاصيله

إليا أنتهى موجزه .. ثم فصّله عاده=وأن عاد لك موجزه .. ماعاد تفصيله

اليوم شرّف سعادة قايد القاده=جانا من الغرب بعد أرسل مراسيله

في منطلق جولة ٍ للشرق منقاده=أهدافها واضحه ماهيب وشهي له

يا سيّد البيت الأبيض وأشهر أسياده=يا حاكم العالم وقاهر رياجيله

يا قاضي العدل وسجّانه وجلاّده=يا كلّ الإرهاب من راسه ليا ذيله

يا مسيّس الشرّ وباني هيبة أمجاده=وينك و وين السلام اللي تنادي له

الشرق الأوسط جبرته يعلن حداده=ذبحت حقّه بعد طمسه وتظليله

دخلت بين إسمه وتاريخ ميلاده=وحرّفت تاريخه ومارست تذليله

دايم تردّ الفلسطيني عن بلاده=والإسرائيلي تدافع عن سرائيله !

تعبث بالإسلام والأيّام شهّاده=ترميه بالنّار .. وتضحك له وتبكي له

عيّنت وضع العراق وحال بغداده=وكابول .. وإسلام أباد .. وقلّة الحيله

وغوانتاموا .. وبيبانه وروّاده =وحقوق الإنسان والظلم وتهاويله

ما تعتق المسلم اللي يشكي قياده=وإلاّ اليهودي بباقة ورد تومي له

اللي سواتك علينا يقدح زناده=ماهوب من واجبه ضمّه وتقبيله

لاصار محروس بين الوفد وأفراده=أظنّ من حقّنا بالموت ندعي له

طاغوت والعنجهيّه غاية مراده=يحطّ بالفيتو المشروع ويشيله

حضر جنابه يشوف الجيش وعتاده=وينشد عن النفط ويشرب من براميله

لا أهلاً .. ولا سهلاً بحلّه ومعوداه=واللي يحييه طايح في محابيله

الذلّ من يلبسه في حلقه قلاده=يا ويله من الليال السود يا ويله [/poem]


وسلمتوا ،،