ذكرى المطر
 

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

شف السحاب بمزنة القلب مغسـول

وشف الجفاف اشلون عم المحانـي

وشف الحمام بدفتري كيـف مبلـول

اخذ حروفـي دمـع وابهـا بكانـي

ظل الهوى ياحب بالحـزن مقيـول

وانا بصمت الكـون ضايـع مكانـي

مرات اقول الليل لحروفـي اطبـول

ومرات اقول الصبح ستري وامانـي

ومرات نبض الجرح في قلبي اخيول

ومرات شمع الصمت يضوي عشاني

محتار اسولف لدجى قصـه افصـول

فيها الخريف اختار عمـري موانـي

طاح الورق والريح في صدري اتجول

وذكرى المطر اغصان جرد(ن)تعاني

سنين عدت ما حدر قاعهـا اسيـول

وطيورها ماتـت عطـش للأغانـي

هذا انـا ياحـب عبـد الله مقبـول

قلبي سبق للجرح وفيـه احترانـي

وان جيت ادور في طريقي لك احلول

وشلـون وقلبـي هايم(ن)مالقانـي

[/poem]

^
^
فوق نص قصيده

دثريني في عروقك
واجمعيني بين سجاتي وشوقك
واسأ لي بلقيس عني
يمكن الهدد انا
ويمكن الجني
ويمكن اكون الريح
ويمكن اكون السالفه
وياعارفه
اني وحيد
مالك لوى
انااسافر كل ليله
من محيط اليا محيط
في هاجسي ضحكة صبايا
والف جيد
ومن وريد اليا وريد
انسج المعنى الجديد
بفكر كاهن
مؤمن ويهوى سحرحرفه
ويجمع التاريخ من هزه لطرفه
ويعلمك معنى الوجود
ومعنى الحدود
وموت نصفه
ولودريتي
كيف نصفه الثاني تساما قبل حتفه
ماقسيتي
كان يسري ف الصحاري
وكان هاجوس الغداري
وكان يجمع من ورى الطور الحطب
وكان ينسج من دفا الشمس اللهب
وكان يكتب
استنزفه حبره وصوته
لين مات وعاش موته
وانتحرقبله سكوته
وجاك نصفه

يمكن الهدهدانا
ويمكن الجني

قصيدي اسما من تسول منابر=اما وصل بصّدق ولا حفظته
الشعرعندي ماهو احساس عابر=ياما سهرت وشفت حتى جمعته
ياما كتبني من عيون المحابر=وياما على جدران عمري كتبته
وياما ضوالي في ضلام المقابر=وابكى يقيني ب الأمل واحتضنته

سكر ونور
وشارعٍ مخمور
وبيوت يسكنها الألم
واحضان مليانه ندم
تقابلة كذب وخداع
احلامها بين الخطيئه
والضياع
واخر امانيها السراب
وأول سوالفها العذاب
ويمكن عتاب
وكذاب
من خان الصباح وبسمته
وكذاب
من يهوى الجراح
واسم السهر
بين العواذل والدهر
واطفال مجروحه حنان
ونفوس ينقصهاالأمان
ماتقدر اتغني الشروق
ولا الغروب
ولا الأمل
مسكين ياحرفي
الحزين
امست سماك بشرفتين
وكفك ملطخ بالبياض
مع دمعتين
و شارعٍ مخمور
مايفرق بين
سكر ونور

مهاجرليه
مامليت
اليا متى وانته بعيد
اليامتى ياطير
ترمي جناحك للهجير
وتمسي حنون
وتصبح جنون
وكلك عقل
ياطير هون عليك
ترى الأماني تحتريك
وانته اللي تهاجر
تعال عاتبها
ولا خلاص مالك هوى
وتهوى الهوى
لاتبتعد
حاول
تكون
حاول تخون الصبر
واطراف المهاجر
وحاول تذر الملح
في عين المحابر
ادري
ان الضيم فاجر
وادري ان الجرح
مكسور خاطر
وادري بقلبك حزين
مرتمي بين
الخناجر
وكله الم
نافر
على جناح القلم
عطشان مافكر يموت
ساكت
ويلعن ابو السكوت

هم زين
اخر اغنيه
اطربتني
بصوت الياس الخضر

الياسمين
 

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
و

و

و


برد الشروق
يااحلا الوان الشتا
ويااجمل الحان البروق
فيني دفا
وفيني عقوق
محتاج احاور هالندى
بين الصراحه والعقوق
وبين الأغاني والعذوق
ووقف بعيد
في رمزي الأول
صباح
وفي رمزي الثاني
هواك
ومابينها
برحل وازيد
مع نجمي الساكن
رضاك
ومع طيري الطاير
غروب
ومع الشفق اذا ارتمى بين
الهبوب
وغنّت اساريره
سماك
ماني بعيد
شفني على حد الجمر
اقراه من صدروسهر
وارواه من بين
السحاب
مره شجن
ومره عتاب
وماهمني وجه المدى
ولاهمني كذب
الغياب
7
7
7
7
توّهوني عنك ياحلمي سنين=وارتجيتك بين ليلي والقلم
عشت لك وانته موردني حنين=واقتسمنا من بقايانا ندم
اينعة اوراقنامعنى دفين=واستوينا بالجروح وبالوهم
مانسينا القاف والحن الحزين=بنثره طربان وجتاحه الم
بكتبه من شمعته لين اليدين=صافحه بنوروالصوت الحكم
علمه لاينحني صمت وانين=وعلمه يرتاح في حضنك نهم
وعلمه يقراك حرف ونجمتين=بينهم سجات بحرٍيلتطم
في عروقه هب نزف الياسمين=وفي غروبه عازف اوطاني وشم
نورسه الحان ضحكة غربتين=ودمعته الوان طيفٍ وانقسم
علمه يرخي جفن صمتي بعين=قصة اللي طاح من فوق وسلم
[/poem]

لحن العطر
 

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
رفي بلحن العطريااجمل العطر=ياوردة الغربه واحلاشقاها
ياغايره بين المدى والندى سحر=قصايدي فيني تخالف هواها
في عجزها مكسور مسكون بالحبر=وفي صدرها حلمي وغاية مناها
لولايقين الشعر ماجيت لك شعر=مجروح أدورفي جروحي دواها
لاتنشدين الصبر عن قصة الصبر=روحي على حدين يقطررجاها
من فيضها حلم العسل يشبه الخمر=ومن جدبها صمتي يغني دفاها
ثملان حد الغدرواكتبك بالعذر=ضاوي ورى السجات واللي وراها
هناك وجه الفجر ابداه بالبدر=وانسج لظل الشمس معنى جفاها
ماينكسربي خاطرالشوق ان مر=اعطيه من نسمة حروفي صفاها
الثّمه بالنجل والغصن والدّر=واسلمه للريح واكسر عصاها
[/poem]

معزوفتي
 

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
السلام عليكم
7
7
7


مريت بين السحاب وبسمة الوانه=وكتبت في دفتره اخر عناويني
ودي اهيجن ورد الورد لاغصانه=وعلم الظل يرواني ويسريني
ياحادي النجم مل الصوت نسيانه=واخرقصيدي يساورني ويدنيني
لويعرف الحرف وش باقي من الحانه=ماراح يم السحاب وساقهايديني
وراه واعرف دروبه ليه عطشانه=ومدري اغنيه ولااهوه يغنيني
ان راح بي للوفاعطرت بستانه=وان جابني للندى ضميت كفيني
احلى قصيده قصيده جات سهرانه=متماهيه تكسر العبره وتشجيني
الحانها من عروق المزن وبلانه=واطرفها في صحاري الحس تنفيني
امرّها بسحاب وتنبت اغصانه= معزوفتي للشروق بكل مافيني
[/poem]

ودي اهيجن وارد الورد لغصانه
وعلم الظل يرواني ويسريني

رمل الوطن
 

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

السلام عليكم

ايه ابكتب وان عصا حرفي كويته=بصدود وبالجروح وبالأماني
كم لسعته بدموع وما نهيته=واهتويته عشق وابعشقه هواني
احتراني في شموعي واحتريته=من دفا حبري الىصدرالمواني
كيف اقول ان بكيت ومابكيته=وكيف اقول اني سليت وما سلاني
ماعليّ خلاف دام اني رجيته=وماعليه اخلاف دام انه رجاني
يكفي الونه تهيم بصدر بيته=ويكفي الأحساس .تنهيدي اغاني
ان حداني الليل ماوالله نسيته=وما عناني شي من قبله عناني
فرحة الدمعه ودمع اللي نويته=قسمتي مادام مالي قلب ثاني
هاك يانجم السما عندك لقيته=كل ماناض الدجى واخلف كياني
وهاك يارمل الوطن شمعة مبيته=وهاك ياجفن السهراحلى المعاني
[/poem]

وكيف اقول اني بكيت ومابكيته

صمت العروق
 

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]




السلام عليكم


أستانس الليل مع وجدي وتلحيني=وذابت نجومه من ادناهاالى اقصاها
سرّيتهامن سما طيري ومافيني=عيني على شمعتي مفتون بدفاها
في نورها رغبة الأحلام تنويني=تجتاح صمت العروق وتغري اغواها
اشوفها في حروفي مثل تكويني=مسكونةٍ من نواها ترخي اضفاها
في بردها داعي السجات يضويني=يزفرجليدٍ تمكن في حناياها
قصيدتي في رضاها تنطفي عيني=اهيمها واكسرالحاني على ماها
اشفها من سحابه لين تغويني=واغرد الروح مستدني خفايها
جفافها لوغزاها مايطفّيني=الوذبه في مشاعرها ومعناها
ياحادي الحن في اقصى شراييني=نبض القصيده توحّه لين ترواها
وشوف الصحاري تمادت في بساتيني=اكفّّها بالنهاروترسل اشقاها
[/poem]

بور المحاني
 

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
[السلام عليكم

احيتني الدمعه وأنصفني الليل=وتخاصمووشلون مابان فيني
يبنون بالضيقه واغني مواويل=واخافت النجمه وعد تحتريني
دام الثريا شام بكتبك ياسهيل=يمكن يحن الك الشمال ويجيني
يازارع الأشجان ماب الهوى حيل=بور المحاني نبعت وسط عيني
احن واتهادى على منكب الويل=وصافي خفاروحي يناديك ويني
اناغديت من الضما بيت ماقيل=هاك اسمعه ان كان تذكر حنيني
يااعذب الألحان ويااطيب السيل=تعبت اخيلك بين نفسي وبيني
متى ينوض الحلم واروك بالحيل=واغسل بقايا الشمس عن حاجبيني
انانسيت الوان وجه المحاصيل=والابقي غير السما تهتويني
ودام الثريا شام ناصيك ياسهيل=غن القصيده لين يرضى كنيني
[/poem]

شمعه
 

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صفا في دفتري شمعه كساها هاجسي امطار=كتبهاومادريت انه من جنوني بيمحيها
عرفهابين كفينه وضواها بليا نار=كفاها الليل والعتمه وهاجر يم ضاويها
وصلها نور يتمايل فراشه ساهيٍ محتار=واظنه هام مافكريسولف عن خاوفيها
خذلني وانهمرصوته يغني رقصة الأنوار=يسامرهاويمطرهاويكتبهاويرويها
[/poem]

دخيلك
 

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
دخيلك لاتخليني وحيد وخاطري مكسور=دخيلك مابقي غيرك عن الدمعه يواسيني
انا من دون اوراقي غريب وعالمي مهجور=تصافق فيه بيبان الجروح وتنهزم عيني
على اطراف وجداني ذبيح العاطفه مغدور=طعنه الوجد واقفابي وتوّه بي عناويني
جريح وديرتي بقصى الوجود ودربي الديجور= احاول الحق انفاسي قبل م الليل يطويني
اجر اخطاي في صدري وانادي وصدى معذور=غدى ماردلي فرحه ولاصوتٍ يقديني
ادورظل في ظلما وادورنوريهدي نور=متاهه مالها اخروظل الشك كاسيني
[/poem]

لجل عصفور
 

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
رحله جديده-ارتحل-والمدى نور=وزوادتينك انت واروع مداها
خل السما للبوح والشمس بطيور=شفهاعلى مرساك تقطرسماها
رددنشيد الصبح والصبح مسطور=تأمل أياته وغردهواها
الدلو والميزان والحوت والثور=لعبة نجوم ومن فهمها قراها
اطرافها-ومتوسله نفثت البور=ماهي ذرى وان قلت عندك ذراها
رد النهم لاتجرحه لجل عصفور=خلك ورى سجتك وايقن صفاها
ممطور اي والله ممطور ممطور=يكفيك روحك مينعتلك رضاها
في عالم الأحلام مافيه ديجور=نسمة خيال اسكن مواني دفاها
انثر حروفك فالمدى رمل وجذور=لساقيه والسنبله في نداها
واعرف ترى هالكون محكوم بنور=وسبحانه القيوم حاكم خفاها
[/poem]

للساقيه والسنبله

ماردجنوني
 

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماعادفيني حيل وقاوم الليل=اثره طويل الباع راعي طويله
مايطرحه رجال ولايلحقه خيل=ارخى سدوله لمرؤالقيس ليله
خلاه ينطق شعرللأن ماقيل=وانابحاول يمكن الحق دليله
ياليل يابوسهيل هاك التماثيل=من سجةٍ حره ونفسٍ عليله
(قفا)تراني عفت طل الغرابيل=وضيعت شمس قبل ماذكرمقيله
حشفا الأماني ناقصه لووفاالكيل=مادام سيل الصدق دونه نثيله
تفرعنت وادنت على البورقابيل=واصبح غراب الوعظ ينفض شليله
الطوروالتنورحكمه لمهابيل=والنجم والأعراف قصه طويله
للغابرين اظنون في صدق جبريل=مره بغاية جهل ومره وسيله
ياسارجين اعجازنخل المواويل=فصيلتي ماهي بأية فصيله
في عرقها حبري نما بالبهاذيل=وماكل فكر(ن)رود فكري يخيله
ان كانها نفخه وصرخه وترتيل=مارد جنوني سم نبع الهزيله
الجّمه لاسارنبضي تساهيل=واطلق عنانه لاحداني غليله
واميل به للورد مع فوحة الهيل=وأدبه لاسارناوي خليله
[/poem]