جديدي..
لـ ركني ومتابعيه..
[poem=font="Simplified Arabic,5,darkblue,bold,normal" bkcolor="transparent" bkimage="backgrounds/18.gif" border="solid,5,darkblue" type=2 line=0 align=center use=ex num="0,black""]
صار الودااع اللي بلى سابق إنذار=وأنا أنتظر في شوق ساعة رجوعه
سر ياقلم وأكتب على الركن ماصار=بدد مواجع ضيقتي في ربوعه
عجل على ماصاغه الفكر واختار=سجل جديد القاف وأشعل شموعه
في خاطري زحمة هواجيس وأفكار=وأنا ومايفرض غموضي قنوعه
يلوفني من لاهب الصيف تيار=وأضمى على سجع الحمامه وأجوعه
تجيبني وأكتب من الوجد تذكار=فريد لاهز المشاعر,بْنوعه
تذكاار,قاسمته على حفظ الأسرار=لو كان فيها من جفى الوقت لوعه
من ضيّع الفرصه وكثّر فـ .الاعذار=ماعاد عيّنها ولو حب كوعه
ياما تهيّت فوق حشمه ومقدار=والليل من عذب التعاليل روعه
لين أنتهت والمنتظر عبر الاقمار=لهيب شوقه ماات داخل ضلوعه,[/poem]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حراام الأحلام ترسم لي مقابيلي=أحلم وحلمي يجيني مع تفاصيله
حتى ولو طالت الأيام يوحي لي=أنه بلى شك واصلني على خيله
وشكيت لـ .الليل من جاير غرابيلي=والليل ماعبّر اللي جات تشكي له
والخادم اللي يوصّل لي مراسيلي=قصّر,وأنا غصب عني قلّت الحيله,[/poem]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صبيت له من رحيق حروفي العذبـه=كأسٍ يشافي المريض ويروي الضامي
خلطة مشاعر لذيذه,جـات منجذبـه=تعزف على هونها من صادق الهامي
[/poem]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياضايق الخاطر ترى خاطري ضاق=ضيقَتْك زادت ضيقة الصدر ضيقه
بشويش ياليلي,ظهر نور الاشراق=مانمت من وهج المشاعر دقيقه
واللعب مايصلح على بيض الاوراق=اللعب تحت الماء هو أفضل طريقه![/poem]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياترى لو فيّض الصدر غيضه ياتـرى=تسلم جْرووحه وينزاح همّـن مبتليـه؟
وياترى لـ .جاء على البال,هوعنّي درى؟=وياترى لاقمت أغنّيه,هوصوتي يجيـه؟
وياترى لو بـ .أشتكي كل ماصار وجرى=يفهم المقصود من غير مايسأل عليـه؟
ضاع بي فكري وأنا جرح كبدي مابرى=واحترق قلبي وأكابر وأنا مـ .أحتلت فيـه
كل مانامت عيون البشر,ليلـي سـرى=رااح بي هاجوس قلبي على مايشتهيـه,
[/poem]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قصيدتي لبْسَت لها اليوم فستان=مع صندله والشال واكْسسوراته
جديد من ذوقي موديله والالوان=تصميم فكري,شاقني من حلاته
نشرت سبع أبيات منها علشان=تكسر جداار الصمت لـ .أرخى عباته
فيها بحر فوقه سفينه وربان=البوصله ماحددت له جهاته
متعطله فـ .الليل والصبح مابان=ضاقت عليه مْن الوسيعه حياته
وفيها خريطه فوقها عدة أوطان=من دونها الإرسال يعلن وفاته
وباقي القصيده,صار فـ .الجو دخان=تستنجد الطيار سترة نجاته,[/poem]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صديقتي غابت لها عدة شهور=وأنا أنتظرها كل يوم بشفاقه
غابت ولاعنها ولا علم مذكور=حتى رساله! جعله أمحق صداقه
وأن عودت لو عذرها باقة زهور=من شرهتي مالي على العذر طاقه [/poem]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياليل ياليل,أمانه ودّ مكتوبي=مـ .عاد من خدمة الارسال,عانيّه
على نسيمك خذ المضمون,بـ .أسلوبي=ياقو بااس الفرااق,وشين طاريّه
عجْز أتصالي وحَفْيَت رجل مندوبي=وعوّد على مااش,لاهذي ولاذيّه
هبوب هبي وربي,ضاق بي ثوبي=من ضيقة الصدر,مابيّنت وش فيّه[/poem]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ترى لذة الدنيا,,تجنّب أعراض الناس=ذْنوبك عن ذْنوب المخاليق,,كافيتك[/poem]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عـ .الصمت والا ودك أنك على العام=كذا كذا مانيب أنا مستفيده
بالهون لاتحكم لـ .روحك بـ .الأعدام=لازم تدقق فـ .الخطاب وُتعيده
رح والوعد ياتايه الفكر قدام=خذ لك مع الأيام دوره جديده
وتعلّمك وشلون تحقيق الأحلام=وشلون توصل للنجووم البعيده
وتعلّمك وشلون ترتيب الأرقام=وفرق العقول الصاحيه والبليده![/poem]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياهيه تحْسبْني ليارحت للكوت=بتوسّع الخاطر وهو فيه مافيه؟
الكوت لـ .أهل الكوت لولو وياقوت=جعل الولي من صادق المزن يسقيه
وأنا ترى لو خَذْتني فيه بالصوت=وربي طريق رْماح عندي يساويه
لا والله أغلى منه وأغلى من القوت=ماغير نجد يوسّع الصدر ياهيه[/poem]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ينتخي وهج المشاعر بجزلات الحروف=عل يبرد وااهج الشوق عزف حروفها
كل ماغمضت جتني هواجيسي صْفوف=ونْزعَت نومي وغنيت بين صفوفها
تستغل القلب والغلب وأحكام الظروف=كم سرت بي لـ .أظلم الليل فوق كْـفوفها[/poem]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
طير الوَله للفضـاا تايـق=يأخذ مع الجـو تحليقـه
دكتور أنا خاطري ضايـق=ماعندك عْلاج للضيقـه؟
حكم القدر صار لي عايق=والصبر فاضت صناديقـه
والبعد يصْعَب على السايق=وفْراق الاحباب مـ .أطيقـه
[/poem]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شيلة طويق مدري غربة الروح=مع صدى صوت ناصر زعزعتني
هيضتني وحدّتني على البوح=لمّت أشتات روحي وجْمعتني
والوَله والغلى والشوق مفضوح=والمقاادير صارت وقـْلعتني
والإجازه شهر وأيام وتروح=كان جت مـ .أغتنمها ودعتني[/poem]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا ياحمامه لاتنوحين تكفين=نوحك ينقّض ماسلم من جروحي
ليل السهر لا طلعة الصبح يكفين=روحي عن الشباك تكفين روحي[/poem]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الأخـلاق نعمه..لـ .عطاهـا الله المخلـوق=ويابخت من يكسب غلى الناس..بـ .أخلاقه[/poem]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياكثر مايجتاحني لاهب الصيف=ماحاشني برد النسيم وعليله

واللي خلقني مابعد جت على الكيف=رجاي فـ .الله والليالي طويله[/poem]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يشرفني حضورك وأدري أنْك بصفحتي موجود=تتابعني وتقرالي ولكن ليه متخبي؟
أنا بالمستعار أكتب قصيدي في أدب وحدود=على هاام السحابه لارقابه,من فضل ربي[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياطير ياللي في سماا واحتي حمت=ثرني وأثيرك واكسب الاجر فيني
يبين صبحي يـ .أبرق الريش مانمت=أقسم قسم ماذاقت النوم عيني
تعال أسولف لك ولو ماتكلمت=خل الحديث يْدور بينك وبيني
ودي أفضفض قبل يقتلني الصمت=قبل تموت ورود باقة حنيني
حنين مدري شوق مدري وش فـْهمْت=أطفح على موج البحر ويْغـَطيني [/poem]