ولمطلق بن ناصر ايضا ً


عاده صغيّر ويمدح له واحد الين طيّره في السما

مدحه في القصيده وراح فيها راح فيها الين قال :



هذرا على ذبح المفاريد والحيل
تقول ذا تصرف عليه الحكومه


:):)

وله ايضا ,,,


ارسل له واحد من شيبان بني هاجر يقال حمد بن حمود طويل الرمح الله يعطيه الصحه والعافيه قصيده يقول شدينا بالابل للحدود العراق وربعنا وانت ما رحت ديره .. ما حفظت البيوت لكن فيها

آيه يقول ما تعبتوا(( مدري كيف )) ورى الملحا الطليع .. في محل ٍ بان عشبه وسيله وزبده
ومدري وين راح فيها الربيع .. أده أده أده


المهم رد مطلق يقول :


ما يشد من الحسا للشمال الا الصديع
الف كيلو ينقز القيض عاده يمهده ...

حمد بن حمود طويل الرمح ..

واجهته وسألني عن اخوي علي بن عبدالله

قال وين علي ؟ .. قلت مسافر طال عمرك .. قال وين قلت في الخارج ... قال خارج؟ .. قلت ايه في اسبانيا (( اقولها وانا مستحي ابو عبدالله ماخذ راحته وانا اتوهق في الشيبان )) .. قال ايــــــــه انا احسبنه خارج ٍ مع المطاوعه اثره كذا ها سلم عليه وقله :


المطوّع يا عسى الله ما يهينه
طاح في شقر ٍ يحذفن العلايق
احسب انه صوب مكه والمدينه
لين علمني مبارك بالحقايق


البيتين هذي وحنا نسولف ما امداه يتلهمها ...

والله عندي بيت ودي اعرف من له هالبيت , واللي يعرفه يقوول من له

وهالبيت معجبين و ......!!!


تـنفعـني المره على بيـت أهل نــوف %^% لـو كان مالي عنـده أهل نـوف حـاجـه


وتسلموو

لعنبوذالوجه ياوارد عراوي././.تسيف غرّزتي بنا وأنتي جديده
تطلبين ثنين والحزم متساوي././.جعل ماتبقا حديده مع حديده


عسيتسر الغنـامي :)

مالي جدات الا اطلب الله واصلي

ــــــــ من يطلب الله ما يرده بالافلاس!



يقال انها لـ حجاب بن نحيت ,,



:)

والله اني ما الوم الذيب يوم يعوي

ـــــــــ سلموا لي عليه بكل رجمٍ عوى!



لـ عبدالله بن باتل ,,

حنا ترى مانمشي الا فالنهار /././ حيث ان موترنا خجم مافيه نور



؟؟؟؟؟ مافيه معلوم نفر صاحب الكصيده ..!

حنا الرجال مقطعين الاشارات %% رجالنا ما يعترف بالاشاره!


برضوه مدري منهي له ..
ذكرنياها بيت ابوعتيق السابق !


:)

يقـول :


ليا انشـدوك الناس فحـرص على الميم /././ مـا شفت مـاعيّنت مـا أوحيت مـدري ..!

يقولون إنها لبن قويد وأنا مدري !

[POEM="font="Traditional Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ودّنا بالطيب ؟ بس الدهر جحّاد طيب=كل ماتخلص مع الناس كنك تغشّها
يدك لامدت وفى .. لاتحرى وش تجيب=كان جاتك سالمه حب يدك وخشّها
كل ماشبيت نار المحبّه مع حبيب=قام يسحل في مشاهيبها ويرّشها
وكل ماواجهت لك فالزمن وجه (ن) غريب=مثل ماقال المثل .. دام تمشي مشّها
وذمة (ن) ماهيب تندان للحق المصيب=جعل قشاش الحطب لاسرح يقتّشها[/POEM]

سعد بن جدلان ..

الشاعر حمد بن قريان الخويطري العجمي

قصيده معروف بكثر التوجّد وذي وحده منها :

وجـودي وجـود اللـي تراكـم عليـه الديـن
حـدوه المقـرّد ليـن حـرّج علـى بيـتـه
يبي طرحـت ديونـن تعـدّت علـى الميتيـن
ولا وفّــت البيـعـه وكـمّـل بوانـيـتـه
وقالوا تشيـل أغـراض بيتـك قبـل يوميـن
تبـاكـو وراعيـنـه وكـثـرت تناهيـتـه
على اللي حياتي دونهـا مـا سـوت قرشيـن
تبـاطـا القصـيـد ويحسبـنّـي تناسيـتـه

,,
:)

ياصاحبي يمشي على العشب وأحفاه /،/،/ يامن يفصّل له من الماء نعالي ؟!


يقولون انها لبن رشيد وأنا مدري !
:)

وهاذي بعد من القصايد اللي ايتوجّد فيها حمد بن قريان العجمي أو ((بارود)):

وجودي وجـود اللـي حبيسـن ورا الشبـاك
تـذارف دموعـه كـل مـا شـاف شيبانـه
عليه الحكـم صـادر بمرسـوم مـن "ذولاك"
ترقّـب قصاصـه والوسـاطـات تعبـانـه
على واحدن لامـر صـاب الضميـر اربـاك
أسـلّـم علـيـه ويستـمـع ورع جيـرانـه

:)

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]


لا تستمـع لهـروج فتّيـح الافـواه=اللـي بتخميـش الاظافـر ظفرهـا
يشيلون ذيـك وذيـك تبقـا مخـلاه=ويعمـون عميـان البصاير بصرهـا



[/POEM]



(( مــتعب الديري ))

ولازلنا مع توجّد ((بارود)) ..:)

وايقول في ذي ..

وجودي وجود اللـي علـى أوّل مفـز صبـاه
يتيمـن وإخيـه ملاحظـن كــل ماجـوبـه
وقف عنـد لمّـة حادثـن مـا درا بأقصـاه
تفكّـر وإلــى سـيـارة إخـيـه مقلـوبـه
كشـف منّـه لحافـه وصـوّت ولاحـاكـاه
درا إنّـه توفّـا وإعتـزا ثـم مـزع ثـوبـه
وجـودي وجـوده والحشـا فيـه مـا كفّـاه
علـى واحـدن شــدّو عربـهـم وقفـوبـه

الله وكبر ..

:)

بعضات الارياء تنومس راس صاحبها/././وبعضات الأرياء تطمّن راس راعيها
وبعـض الرياجيـل لا زانت يخـرّبها/././وبعض الرياجيـل لا خربت يسويها


..

مزيـد الهاجري..!

يزول التطبّع والطبيعه ماهي تنزال /// ومن ركْب دربٍ غير دربه غدا حوسه


ناصر بن حمده المري الله الله

ناس تعـد العيوب وعيبها فيها %^% تشـوف عـيب العرب والعـيب راكبـها

الشاعر المرحوم :- فالح الفداوي

شكرا على الموضوع الرائع



[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

مايخلي حالة الرجال حاله=غير بنتٍ في مواقفها رجوله[/POEM]

لشاعر : رشيد الدهام

بعض الفــرح يا صاحبي باطنــه هم ..
وبعض الهموم أفراح لو هي حزينـــه !!

مدري منهوله ؟؟

أنا أشوف ناسٍ صلّحوا فالهوى تشويه،،،،لاعيّن وليفه مخلصٍ كل يومٍ جاه
لوإن الهوى ذاللّون محدٍ تعذّب فيه،،،،،،،، تهنا بدرب الحب حتى الطلي والشاه

ابن جدلان!