:
:

هههههههههههههههههه

محمد اخيراً .. كتبتها أنت على (( ادي ... اوعه )) .. !!
الله يضحك سنك .. قدر ماضحكتني يوم شفت القافيـه .. !!


هنا رسم محترف لـ (( محمد السواط )) :

غرّد ياصوت المحبه ..! داخـل أبعـادي
..ــــــ.. خـل الخــلايا تقسِّـمْ منك ..! مقطوعه
إليا تهادى علـيّه ..! صوتـك الشـادي
..ــــــ.. سافرت به للخفوق ..! وصرت في طوعه
واترك جروح الزمان ..! اتصيح وتنـادي
..ــــــ.. تبغى تســافر معي .. لكن ..! ممنوعه
واقول خليك حيّه ..! وسـط حســادي
..ــــــ.. أنتي من الحـب والأحبـاب ..! مقروعه



teeth:

تغيب ويدفعنـي علـى وصلك الشوق
يا اللي بعـد مـا غبت جبت الغنايـم

برفوق تجـرحني .. وأنا أوّن برفوق
علقّــتني .. بين التهـم والظلايـم

يا طيّب السيـره .. ويا راقي الـذوق
صبري على التجريح ماهـوب دايـم

دوبك على قلب ٍ من الضيق مخنـوق
زادت عليـه المعضـلات الجسـايم

لولا أنّ ربـي خالقـه وسط صندوق
يمديـه عن صدري يــذبّ الخرايم

علاقتـي بك كنّـها حالـة السـوق
مجلوبة ٍ مـا بيـن بايـع وسايـم

سهـم المواصل تحت وسهم الجفا فوق
ومؤشــرات الحــبّ عيـّت تلايـم

بيني وبين الشمس .. شرهات وحقوق
هاذي ثلاث شهـور .. والجـوّ غايم

غنيّـت لك مـن مشّة الـزور طاروق
وراحت تغنـّي بـه هبــوب النسايم


ياعيني يا دكتور ســـداح

:
:
(( نواف نايف ))
يكتب توقيع بـأحساس (( مهاوشجي )) شرس :

بعض العلاقات من عامين مدمــوره
ــــــ وليا بنـوها معي هديّتها ثانــي
لاني صريحٍ احب اوضح الصـــوره
ــــــ مانـي بعبدٍ لوجـه فـلان وفلاني
بعض المشاعر تجي بالطيب مغموره
ــــــ والبعض الآخر يكافح جرح وجداني


teeth:

:
:


(( مشعان البراق ))
يرمي توقيع (( عذب )) بسحره الخاص :

يـاكثر مـا أحبك واقدرك واغليك ..
ــــــــــــ .. وياكثر مايمـلا وجودك حيـاتي ..
وياكثر ماأحتاج الك واحتاج اناجيك ..
ــــــــــــ .. وأحتاج اعلمك بـ بقايـا شتاتي ..
اللي عطاك .. الزين ماهو مخليك ..
ـــــــــــــ .. عطاك احاسيسي وقلبي وذاتي ..



teeth:

:
:

(( محمد مشوط ))
توقيع يحمل محاوله لردع نواف نايف فعمل هذا (( المصد )) الشعري :


نواف تال الزمن ضايق من شعوره ...
ـــــــ ياكثر ما خالفه تصنيف وجناني ،،

يضحك بسنه ويدرا شلة الكوره ...
ـــــــ والنفس فيها وفيها علم يخفاني ،،

لكن رد الجهام بــ ردّ مقهوره ...
ـــــــ تبطي حيام وتهاجل ما تعداني ،،



teeth:

:
:

(( عبدالعزيز هليل ))
ومحاولة ردع اخرى لنواف نايف بـ (( المصد )) الثاني :

ياليت نواف نايف سنع اموره
ــــــــ ولاهو على اللي ورى سـده تحداني
يطبع بيوته وهمه راي جمهوره
ــــــــ وياذاك انا معك يالحرمان وش جاني
اثره بوقته مكافح عايشٍ دوره
ــــــــ لكن من صدقـه والعلـم عقـلاني



teeth:

رحمـاك يارب المخاليـق رحمـاك
يا مـن بذكـرك تطمـئن القلوبـي

يا عالـم ٍ سـرّي ونجـواي لولاك
ما أهتـز قلبـي لا تذكّــر ذنوبي

أستغفرك وأدعوك وأرجوك وأخشاك
يا اللي بيـدك العفـو للـي يتـوبي

مانيب قانـط مـن كرمك وعطاياك
وأنت الـذي بأمـرك تهون الكروبي

يا أكرم كريم أطلبـك وألـوذ بحماك
قامـت على نفسـي تـزيد الخطوبي

يزحـف عليّ الحزن .. والحزن فتاك
أعـوذ بك لا قـام ينهـش جنـوبي

أحتـاج مداتـك وحالـي ما يخفـاك
والنـاس من حـولي صدوق وكذوبي

رهنــت عمـري بيـن ذولا وذولاك
ذولا انتحيـت ابهم .. وذولا انتحوبي

أهديتهـم دميّ .. ومن عطنـي لجاك
خلونـي انـزف ما بقـا .. ما دروبي



الدكتووووووور . سداااح

مرت سنه من غيابك ماتكلمني
ـــــــــ حسبي علي البعد من وداك ما جابك
ليتك قبل ..ماتفارقني . معلمني
ـــــــــ ماكان أحب السهر كله من اسبابك
شف ضيقة الصدر من بعدك تلملمني
ـــــــــ الضيقة اللي دوافعها . من غيابك
ليه أنته للهم والضيقة مسلمني
ـــــــــ وانا مسلّم خفوق نظرة ..اهدابك
زودٍ علي ظلم وقتي ليه تظلمني
ـــــــــ وانا زمانٍ مضي .. نشواك وإعجابك
علمتك . ان شفتني مخطي معك لمني
ـــــــــ ما قلتلك .. غيب عنّي ما أبرد اعصابك


لـ سعد براك ،


...

البضايـع واقفه في سوق واقف
ما تسـام ولا تبـاع ولا تهدوا

بعـد كانت تمتلـي كل المواقف
عوّدت برحـه ولا فالناس جدوا



مناحي

أن نشدتوني ..! مع الأموال كيف مسـوّي ؟
..ـــــــــــ ... أحمد الله واشكره ..! من جرف في دحديـره



هذا أبوعيضه السواط ،

وآثار نكبة خمس وعشرين فبراير :(

..

http://up.mergab.com/uploads/f5fa208ca9.gif
يازقين الصوره اللي على حيد البنر ./. صورةٍ سبحان بين العرب خلاّقها !
بـس يالمـرقاب حاول تنوّشها تنر ./. لاتحت أوراقك الناس حتّ أوراقها

هذا لـ بو عتيدز العازمي وراعي الصوره اللي في البنر ماعرفته !!

ضاق صدر الورق من كذب الاقلام

........................في زمان ٍ عجز معه يتكيّـف

شعـر ذكرّنـي بصـنّاع الاصـنام

....................... يعبدونه وهـو رب ٍ مزيّـف

سلطان بن بتلاء

.

من يعرف الأخ قبـلان الشراري
بإسمه المشهور في شبه الجزيره

يوصل المرسول بإسلوب ٍ حضاري
بالهداوه .. لا سـلاح ولا ذخيره

ينصحه مدام وقت العتــق جاري
لا يردّ العتـق للسيـف وجفيره

ما نلومه غاضب وطــلاّب ثاري
يلتهـب في خاطره مثل السعيره

فاقـد ٍ مـن كان بعلومه يماري
فـي فلـذة كبـده احزانه كبيره

هكذا الأعمار من بايـع لشاري
دارجـه مثـل الرحاه المستديره

يلعب الشيطان فيها لعـب أتاري
قام يرقص مع سمير ومع سميره

مير من يصبر على طعن الشباري
ويترك الأولـى علشان الأخيـره

بشرّه بإذن الولي مجري الذواري
في نهارٍ كـل عبـد وله مصيره

الحديث اللي عن الشيخ البخاري
والحديث اللي رواه ابـو هريره

تثبت أن العفو عند الإقتـداري
تحفظ المسلم عن النار وتجيره

أعتق المسلم يا قبلان الشراري
وأطلب اللي ترتجيه وتستخيره


لدكتورنا الغالي سداح :)

اخـذي من الابجدي , للقـاف صنّاعه
واشجارعود , الغصون اخذي عتايقها

لو لحظة الصمت تحسـب كنها ساعة
قلـت الحسابات تخـطي في دقايقها

إليا انطوت صفحه , الأقـدار جمّاعه
و الورد حـذراك يذبـل في حدايقها

ولو طـال صد المداد و شـح بشباعه
صاح الورق للقلم و اظـهر حقايقها

من مَفجَر النبـع يرويك الندى الطاعه
ولا كـل ورده يسـاقيـها بـذايقها

ما يجحد العـهد غـير قـلوب خدّاعه
يبقى وفاء الروح لو للمـوت سايقها

في المـد والجزر ما تتغـيّر اطـباعه
و لو ماتطـاق العلوم يصير طايقها

يجوب معـك البحر باليخـت وشراعه
أمـرك ينفـذ ولو ياطـاء حرايقها

والله ما ارضى عليك تكـون شـمّاعه
لأخطاء البشر بيـن جاحدها وبايقها

وشلون ابا اصرم حصادك وانت زراّعه
واعطيك مني شـواهد مـع وثايقها
.
.
أبو منصــور ..!! (( كديميس السيحاني ))

الضيقه اللي داحمّت عوج الاضلاع
ــــــــــ ازريت اناحيهـا وعيّـت تهيـدي
لاغاب ثلث الليل والناس هجّـاع
ــــــــــ قامت تمثناني وتنهّـش وريـدي
وحامت عليّه لين خلتني انصـاع
ــــــــــ وانا احسب ان باسي منّول شديدي
واخذ مع جزال الطواريق مـذواع
ــــــــــ شيّن بدع غيري وشيّن قصيـدي


توقيع الرائع خالد فهد

وعمار ياشعر

انا مااحب اللعب (خلف الكواليـس)
ـ ـ ـ لاني من الله مااحب الضعافــه
اما اقابل صاحبي (face to face)
ـ ـ ـ وماعداها .. اعتبرها سخافــه
لاني جبل ماضرّني (مناطح التيس)
ـ ـ ـ اللي بوقت الضيق عجل انخطافه



لناصر ال صامل