المشاركة الأصلية كتبت بواسطة سداح (المشاركة 902406)

السلام عليكم ،

الاستاذ القدير والشاعر المبدع / علي بن ربح السبيعي
قرأت له قصيده هنا .. كانت من درر الشعر وفق رايي
فائقة الجوده وعالية المستوى
وتدل على نقاء هذا الرجل وحبّه للشعر ولهذا الصرح تحديدا
قصيدة الشاعر الكبير علي بن ربح على هذا الرابط

http://montada.mergab.com/showthread.php?t=39859


حركت هجوسي المتواضعه ارجو ان تسمحوا لهذه المجاراه بتسجيل الحضور رغم علمي ان مجاراة الكبار أمر صعب جدا :-


[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
في قمة المرقاب شعّ النور من شمس النهار=والشمس في كبد السماء والفلك بأمر الله يدور

يا اللي تغط النور عانه من يمين ومن يسار=مالك جدى والنور ما ينغط من ماض العصور

يشوقني بدع المثايل من طويلين العمار=وأنا معي قلب ولسان وعقل وإحساس وشعور

يا علي بن ربح السبيعي ماعلى طرقك غبار=قافك على صم الصخر منحوت والبيت أمعمور

أستاذ شعر ولك مكان ولك مقام ولك وقار=يا طيب دورك يوم غيرك ماله مع الناس دور

فارس شجيع ولا غزيت إلاّ على قحص المهار=حاولت أجاريهن وانا ماني على مثلك جسور

لكن تكرّم والكريم معان يا علي ومجار=وأقبل من أخوك الصغير العذر في بعض القصور

هزيت شوقي لين قمت أمشي على نفس المسار=سبحان رب ٍ ملهمك تفتح صناديق الصدور

أهديت لك وجهة نظر بالمختصر مثل المنار=نبرح بها كل الدروب البيض وتطير الطيور

أوافقك بالراي وأعلنها معك سرّ وجهار=شهاّد حق ولا دخلت السالفه شهاّد زور

اليوم في بث الفضا كم من محطات ٍ تدار=وأقمارها بين السماء والارض والبث أمخبور

وحنا مشاهدنا من أعلى والعلا ماهوب عار=العار لا عوّد مشاهدنا من بطون الجحور

عمار يا المرقاب لا عرّض بك الطاري عمار=إسمك لحاله يعتبر للمفخره كرت العبور

أي والله أن الجمّ راهي و المجامل داب غار=مير الوقايه خير من طيّب ولا باس وطهور

لا بدّ نعرف وش نقدّم قبل نبدا الإنتشار=من شان تسلم هيبة الموروث ما ترجع دبور

نحرص على المضمون لو مجنون مستشفى شهار=يمدّ شبره لا نعدّه بين وافين الشبور

نربط عليه السلسله ويطقّ راسه بالجدار=ونقول لليّ جاء يفكّ السلسله للخلف دور ![/poem]


وسلمتوا ،